رواية اجمل قدر اسر وقدر كاملة جميع الفصول بقلم زهرة الربيع
رواية اجمل قدر اسر وقدر كاملة جميع الفصول هى رواية من تأليف المؤلفة المميزة زهرة الربيع رواية المطلقة والبواب كاملة جميع الفصول صدرت لاول مرة على فيسبوك الشهير رواية اجمل قدر اسر وقدر كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية اجمل قدر اسر وقدر كاملة جميع الفصول
رواية اجمل قدر اسر وقدر كاملة جميع الفصول
اهدى ازاي بقولك اتجوزتها اتجوزتها ..انا اسر الراوي ادبس كده دي معرفتش تفتح باب عربيتي يا محمد متخيل انت
محمد ضحك وقال..انا شايف انك مكبر الموضوع يا اسر… عربيتك اخر موديل وفيه ناس كتير ممكن متعرفش تفتحها ده غير انها ممكن تكون خايفه.. انت اتكلمت معاها
اسر قال بغضب..اتكلم ده ايه… انا مطقتش ابص في وشها فضلت متلقحه في الكرسي اللي ورا لحد ما وصلتها الشقه وجيت على هنا على طول
قال بهدوء .يا ابني المفروض الليله دخلتك ايه الجنان ده
اسر قال بغضب..دخلت ايه..انت هتشلني بقولك اتدبست فيها ماما فضلت تعيطلي… وتقولي بنت اختي ومرات ابوها مبهدلاها والبنت استنجدت بيا وفضلت تتحايل عليا مقدرتش ارفض…ربنا يسامحها انا مش مصدق اني اصلا بقيت متجوز
بعد ساعات في شقه جميله وانيقه كانت قاعده بنت محجبه في ال18بملامح رقيقه وناعمه نفخت بزهق وقالت..معقوله كل ده ..ياترى راح فين…يكون بيركن العربيه..وكملت بياس وقالت..يعني معقوله كل ده بيركن
بعد دقايق سمعت صوت ضحكات عاليه جريت وبصت من الاطلاله واتصدمت باسر نازل من العربيه ومعاه بنت بيضحكو سوا وبيهزرو
بقلم….زهرة الربيع
اتسعت عنيها بصدمه نزلت جري وقالت بصدمه…مين دي يا اسر
اسر بصلها باستغراب وقال بسكر….مين دي يا اسر …انتي اللي مين
بصتلو بدهشه وقالت…انا قدر ولسه هتكمل
قال بسرعه…..اااااه….افتكرت ..اكيد انتي الخدامه اللي ماما بعتاها .. يلا اجري با بت وضبيلي الاوضه
قدر كانت بتبصلو بزهول وقالت بغضب..خدامه. ..انت ازاي بتكلمني كده..مجنون ولا اهطل ومين اللي معاك دييي بكلمك
اسر بصلها بزهول وقال..انتي اللي بتكلمي مين كده يا زباله ..انتي مين اصلا
قدر قالت بغضب..انا مراتك يا سيد الرجاله معلش تلاقيك نسيت ما انت معذور هتفتكر ايه ولا ايه
البنت اللي معاه شهقت وقالت..مش معقول دي مراتك يا ايسو..مش مصدقه بلدي موووت
قدر بصتلها بزهول وقالت..يا بجاحت اهلك ..انتي ازاي صوتك طالع اصلا
اسر قال بزهق…اه اه افتكرت خلاص..روحي نامي في اوضتك ملكيش دعوه باي حاجه تحصل هنا..ومتعشيش في الدور قوي فاهمه
قال كده ولسه هيمشي مسكت ايده وقالت…استنى هنا انت بتقول ايه مشي البنت دي حالا احسنلك
اسر دفعها بغضب وقال..بقولك ايه..متطلعيش جناني عليكي..احمدي ربك يا اختي على اللي انتي فيه االي مكنتيش تحلمي بربعه اصلا..وادخلي اتلقحي جوه من سكات احسنلك فاهمه
واخد البنت وطلع بيها
قدر حطت ايدها على بقها بزهول وهيه مش مصدقه اللي حصل ابدا
بعد اقل من ساعه كان اسر نايم والبنت في حضنو متغطيه بالملايه وبيشرب سيجاره وبيضحكو سوا بس باب الاوضه خبط جامد
اسر نفخ بزهق وقال بغيظ وصوت عالي ..فيه ايه تاني عدي ليلتك قولتلك
بس اتصدم بشده لما سمع صوت والدتو بتقول..ده انا يا اسر افتح حالا ليلتك سوده انهارده
اسر انتفض من مكانو و اتسعت عنيه بصدمه
يتبع….
↚
اتسعت عنيه بزهول ولطم على خدوده بصدمه وقال..يا انهار اسود..دي امي
البنت قالت باستغراب…مامتك..مامتك ايه اللي جابها دلوقت
اسر قام وهو بيلبس هدومه بسرعه وقال…انتي لسه هترغي استخبي بسرعه..اتخبي هنروح في داهيه
قالت بزهول…. استخبى فين يا اسر… هو فيه ايه
اسر شدها من دراعها وحطها في البلكون وقفل عليها
بقى يشيل الهدوم من على الارض بارتباك وسرعه وقال بصوت عالي …حالا يا ماما ثواني بس…اهو جاي خلاص
راح فتح بسرعه وهو مرتبك جدا ابتسم بقلق وقال …اهلا يا ماما..اا اتفضلي خير يعني حضرتك جايه دلوقتي ليه
امه بصت له بغضب شديد وقالت… جايه اشوف ميله بختي
وقعدت على السرير بصيت له بضيق وقالت… مراتك كلمتني وزعلانه جدا دي حركه تعملها يبقى ايه منظرك قدامها دلوقتي وايه منظري انا قدامها وانا السبب في الجوازه دي اصلا
اسر بلع ريقه بارتباك شديد وقال… يا ماما انتي عارفه ان انا…
قاطعته وقالت بغضب…. مفيش اي مبرر للي عملته… وبعدين لما انت مش جاهز للجواز والموضوع مخوفك للدرجه دي كنت قلت لي كنا اجلنا شويه
اسر بص لها باستغراب وقال… مخوفني
امه اتنهدت ووقفت وقربت منه وقالت… يا اسر يا ابني انا مامتك لو هتتكسف مني يبقى هتتكلم مع مين … يا حبيبي ده شئ عادي جدا بتحصل كتير …عادي انك ترتبك وتخاف شويه او تبقى مش مستعد… لكن مش لدرجه تقول لها انتي في اوضه وانا في اوضه وتقفل على نفسك بالطريقه دي…عيب في حقك انت حتى ما حاولتش
اسر كان بيسمعها بزهول وفرك جبينه بغضب بيحاول يداريه وهو بيدعي من جواه ما يكونش اللي وصل له صح وهينفجر من الغضب قال…. احاول ….احاول في ايه …هي قالت لك ايه بالظبط
اتنهدت وقالت ….البنت ما قالتش اي حاجه تعيبها لو أي واحده في مكانها مكانش هيرضيها الوضع ده…هيه جاهزه تستناك لحد ما تبقى مستعد و توترك يخف لكن مش بالطريقه اللي عملتها بيها دي تيجي تقفل على نفسك بالطريقه دي
اسر ضحك ضحكه خفيفه وقعد على السرير بغضب مكبوت وقال …ماما لاخر مره هقول لك قالت لك ايه بالظبط
امه قالت… قالت لي اللي حصل …قالت ان حضرتك جبتها هنا ومشيت ورجعت دلوقتي قلت لها ان انت مش جاهز تلمسها وانك مش هتقدر ولا هتحاول حتى ودخلت على اوضتك وقفلت الباب..ده كلام تقولو لمراتك تفكر فيك ازاي دلوقتي… وانا لثاني مره هقول لك اهو البنت مقدره توترك ومقدره ان الموضوع جه بسرعه بس ما ينفعش تتجاهلها كده عيب
غمض عنيه بغضب شديد وقال…. هي قالت لك كده
امه قالت باستغراب …اه مش هو ده اللي حصل
اسر قام وقف بغضب شديد وقال ….لا طبعا مش ده اللي حصل…. اللي حصل ان ….
بس طبعا هيقول ايه لو كان حكى لها اللي عمله هيخسر والدته هتقاطعه للابد اتنهد وقال بحرج…احم معلش يا ماما كل حاجه جت بسرعه و…انا فعلا غلطت وهراضيها اوعدك.. هراضيها على الاخر
امه ابتسمت ومفهمتش نظره التواعد اللي في عينيه وقالت بابتسامه ….طيب يا حبيبي زي ما قلت لك انت تقدر تاخد وقتك بس حتى على الاقل خليكوا في اوضه واحده مع بعض ..ده هيساعدك صدقني وهيخليك يعني اعصابك ترتاح شويه وتحاول
كان هيتجنن من اللي بيسمعوا ومن المغزى اللي بين السطور بس ما كانش قادر يتكلم ويقول اللي حصل بقى هيتجنن من قدر وحركاتها اخذ نفس عميق وقال…. حاضر هحاول يا ماما اوعدك
امه ابتسمت بسعاده وقالت طيب تمام اول ما امشي تصالحها هتوعدني
بقلم…زهرة الربيع
↚
اسر قال بغيظ شديد… هصالحها يا ماما هصالحها للصبح النهارده
امه ابتسمت وطبطبت على خده ومشيت ناحية الباب وبصيت له وقالت بحرج…اسر انت شاب وفاهم ..يعني..احم ولو لقيت الموضوع مطول ممكن نستشير دكتور او
قاطعها بغضب وقال ….مش هيطول يا ماما اوعدك مش هيطول
والدته ابتسمت وخرجت اتكلمت مع قدر شويه ورجعت على بيتها
قدر اول ما لقيته طلعها في عربيتها وراجع جريت على الاوضه وهي بتلطم على خدها بخوف وقفلت الباب عليها بسرعه
اسر جري عايز يلحقها بس قفلت الباب في وشه وما لحقش يدخل خبط على الباب بغيظ شديد وقال بغضب… افتحي يا جزمه هكسر الباب ده على دماغ اللي خلفوكي…و ضرب الباب برجله بغضب وهو بيزعق جامد وبيقول …بقول لك افتحي يا بت ورحمة ابويا ما هعتقك
قدر قالت من جوه برعب ….مش هفتح ارجع نام في اوضتك زمان حبيبه القلب مستنياك
اسر قال بغضب شديد ….والله يا قدر لو ما فتحت ل..
ولسه هيكمل خرجت البنت اللي كانت معاه من الاوضه بعد ما لبست قالت… اسر في ايه والدتك مشيت
اسر قال بغضب…. امشي اطلعي بره
البنت بصت له بزهول وقالت…. في ايه يا اسر انا عملت ايه
اسر قال بغضب وزعيق …بقول لك اطلعي برررررره
البنت مشيت بسرعه وخوف
واسر رفع القميص بتاعه لنص دراعه وبعد عن الباب وجري دفعه بكتفه جامد بس في الوقت ده كانت قدر فتحت الباب ومقدرش يسيطر على نفسه واندفع ووقع على الارض جوه الاوضه واتخبط في الكرسي
قدر فتحت بقها بزهول من اللي حصل وجريت عليه وقالت.. يا لهوي…انت ازاي ادلقت كده…. على مهلك قوم معايا
لسه بتوقفو و هو بيقول بألم… اااااه الله يخرب بيتك مش قادر امشي على رجلي
قدر كانت بتسنده بخوف عليه بس انتفضت لما مسكها من هدومها بغضب وقال زعيق…. ايه اللي عملتيه ده يا حيوانه
قدر بلعت ريقها بخوف وقالت… اهدى بس صلي على النبي هفهمك
اسر هزها بغضب شديد وقال …تفهميني ايه يا واطيه تفهميني اللي فهمتيه لامي… بقى انا قلت لك مش هقدر المسك ومش هحاول حتى
قدر دفعته ومشيت وهي بتضحك بدلال وقالت…. والله ده اللي فهمته مش شرط تقوله ..النهارده دخلتنا كان المفروض تعتذر لي من نفسك انك مش هتقدر تعمل حاجه بدل ما تتحجج وتروح تجيب لك واحده من الشارع علشان تثبتلي انك اسد وكده ما كانش في داعي كنت تقدر تعتذر وانا عادي ما تفرقش معايا
كان بيسمعها بصدمه حقيقيه وقرب منها بطريقه تخوف وقال…بقى انا عملت كده عشان اتهرب منك… انا خايف اقرب لك مش كده
بلعت ريقها بخوف وهيه بترجع لورا وقالت…يعني مش بالظبط انا…
قرب عليها اكتر وبص لعيونها جامد وقال…. على العموم انا عرفت غلطتي وجاهز اديلك كل حقوقك…. يمكن تهدي لما تبقى وصلتي للي عايزاه
قدر بصتلو بحزن وقالت …اللي انا عايزاه مش هتعرف تديهوني يا ابن خالتي …انت بالذات مستحيل تقدر على اللي انا عايزاه
اسر شدها عليه وقال… هحاول مش انتي قولتي حتى محاولش دلوقتي هاوريكي محاولاتي …..وقبل ما تتكلم قربلها بقوه وهي بتحاول تبعد من بين ايديه ومش قادره
بس بعد عنهالما حس بدموعها بصلها وقال ….مالك بتعيطي ليه دلوقت مش ده اللي كنتي عايزاه
قدر بصت له بدموع وحسره وقالت…. اللي انا عايزاه انت بتعمل عكسه… انا عايزه كرامتي اللي دوست عليها بالجزمه لما جبتني ورميتني هنا ورحت تتسرمح….ورجعتلي بواحده من الشارع وانت قاصد تثبت لي ان عندك استعداد تفضل مع واحده زيها احسن ما تكون معايا… عايزه كرامتي اللي بقت في الارض وانا شايفه نظراتها الحقيره وهي بتبص لي بشماته وانها احسن مني
ومسحت دموعها بقوه وقالت …. لكن انا قلت لك يا ابن خالتي قولتلك اللي انا عايزاه صعب عليك قوي… اتفضل كمل واعمل اللي انت عايزه و دوس عليا للمره الثالثه قربلي غصب عني زي ما كل حاجه في حياتي كانت غصب عني
اسر بلع ريقه بتاثر شديد من كلامها ودموعها
اتنهد وبعد عنها وولع سجاره وهو مديها ظهره وقال …انا ما عملتش كده علشان اوجعك او زي ما قولتي اني قاصد اثبت ان البنت اللي من الشارع احسن منك ابدا …انا عملت كده بطبيعتي شربت شويه ونسيت موضوعك اصلا ولما جيت هنا محبتش امشيها علشان … واتنهد وكمل وقال….مش هكذب عليكي وانت عارفه كويس ان انا مش عجباني الجوازه دي واتجوزتك علشان ماما ومحايلتها عليا كنت عايز
اوصل لك ان مش هيبقى في بنا اي حاجه..وكل واحد يعيش حياته زي ما هو عايز مش اكتر من كده
قدر قربت منه وقالت بدموع… يعني ايه كل واحد يعيش براحته…. كل واحد ده اللي هو انا وانت …يعني عادي انت تكون هنا مع واحده صاحبتك..و مراتك مع واحد غيرك بره
اسر التفت لها بصدمه وووو
↚
يعني ايه كل واحد يعيش براحته.. …يعني عادي انت تكون هنا مع واحده صاحبتك..و مراتك مع واحد غيرك بره
اسر التفت لها بصدمه من جملتها وقال بغضب… لا طبعا انا مقلتش كده…تروحي مع واحد غيري ازاي…ده انا اكسر رقبتك
قدر ضحكت بسخريه و بقت تفك الطرحه بتاعتها وقالت …طب كويس في كام كلمه بتطلع من بقك بتدل انك راجل
قرب منها جذبها من ذراعها بغضب وقال …كلامك ده هو اللي بيخليني اتجنن عليكي لمي نفسك انا راجل وارجل من عيلتك كلها ..ارجل من ابوكي نفسه اللي خلفك ورماكي كده وهو عارف اني مش قابل بيكي
قدر نزلت دموعها وحست بنار بتحرق قلبها من كلامه هزت راسها بالموافقه وقالت…. هو ابويا وليه عندي الطاعه ومش هقدر اقول عليه حاجه …بس انت فعلا تشبهه يا اسر …تشبه جدا هو كمان معندوش مشكله يدوس على اي حد علشان مصلحته
قالت كده واخذت هدوم من الدولاب وراحت الحمام ودموعها على خدها
اسر اتنهد وقعد على السرير هو بيفتكر نظراتها وكلامها مشى ايده على رقبته بضيق وقال…. انا عملت ايه يعني ما هيه اللي قليله الادب… انا ما غلطتش هيه عارفه اني مش طايقها من الاول ايه المشكله دلوقتي…. ااااااااوف بقى …طب انا متضايق ليه بس
بعد شويه خرجت وكانت لابسه لبس رقيق جدا وكانت آيه في الجمال
اسر اتنهد وقال في نفسه يخرب بيت جمال اهلك ايه كل الانوثه دي
حاول يتجاهلها و دخل يستحمى هو كمان وهو بيحاول ما يبصلهاش ابدا
قدر مشطت شعرها ونامت على طرف السرير بحزن
بعد شويه خرج من الحمام واستغرب لما لقاها نامت بهدوء شديد كده على طرف السرير مدد هو كمان على الطرف التاني وقال ..احم قربي شويه كده ممكن تقعي السرير واسع اصلا
قدر قالت من غير ما تبص له ..انا واخده بالي كويس ومش طفله علشان اقع….خليك في حالك
بص بعيد عنها بغيظ وهو بيسحب عليه الغطاء وقال….انا الحق عليا …خيرا تعمل شرا تلقى…. مستفزه…وبقى يحاول ينام
قدر كمان بقت تحاول لحد ما نامت بصعوبه
بس في نص الليل صحبت على صوت خبطه شديده
قامت بزهول وبقت تبص حواليها ملقيتش اسر جنبها قالت بخوف…. اسر انت فين
بس اتفاجئت لما سمعته بيقول بالم…. اااااااه يا ظهري
بصت جنب السرير باستغراب لقيته واقع على الارض وهو ملفوف في الغطاء قالت بدهشه….انت..انت ايه اللي نزلك على الارض
قال بغيظ شديد… بعمل يوجا
قدراتسعت عنيها بزهول و قالت… اوعى تقول لي وقعت من على السرير
فرك رقبته بحرج وقال …وقعت ايه انتي هبله…انا بس ضهري قافش شويه قلت افرده على الارض… بيقولوا نومة الارض مفيده و…
بس قاطعته لما ضحكت بشده وقالت ….بجد هموووووت انت
علشان كده بتقول لي لتقعي… هو انت بتقع من على السرير …ده حتى الاطفال مش بتعملها
اسر قال بغضب… قلت لك موقعتش انا نزلت لوحدي
قدر ضحكت جامد وقالت…. اه واخده بالي طب هات ايدك قوم…ومدت ايدها ليه
اسر بص لها شويه وتلاقت عيونهم وكان بيبص لعيونها جامد
بس بعد عيونه بسرعه ووقف لوحده وقال… انا بعرف اقف لوحدي على فكره موقعتش من على البرج يعني
قدر ضحكت تاني وقالت…. طب قرب نام في نص السرير وحط مخده من الناحيه اللي هناك
اسر بص لها بغيظ وقال…انتي بتنيمي ابن اختك…. قلت لك انا ما وقعتش مبتفهميش.
قدر ضحكت تاني وقالت…. انا زمان لما كنت صغيره كنت دايما انزل زيك كده امدد على الارض عشان مريحه…مره ماما لقتني تحت السرير
اسر ضربها بالمخده بغيظ وقال…. اتخمدي يا بت…مش عايز اسمع صوتك
قدر بقت تصحك من قلبها عليه لحد ما راحت في النوم
اسر ابتسم وهو بيبص لملامحها وبيفكر في ضحكتها الجميله بس بهتت ملامحه وحزن لما افتكر كلامها ودموعها واللي عملوا معاها ..اتنهد وشدها ليه وبقى ماسك فيها بقوه لحد ما انام
في صباح يوم جديد قامت من النوم لقت نفسها بين اديه ابتسمت وهي بتتامل ملامحه باعجاب وافتكرت وقت ما وقع بالليل ضحكت بخفه وقامت راحت تستحمى
بعد شويه خرجت ولبست بيجامه رقيقه ونزلت تحت بقت تحضر الفطار لانها كانت جعانه جدا والخدم اجازه
اسر بص يمين وشمال ملقيهاش جنبه استغرب جدا خصوصا لما خبط على الحمام وملقيهاش دخل اخذ شاور ونزل يشوفها واتفاجأ لما لقاها قاعده بتفطر برواق قرب عليها وقال… يا حلاوتك… بقى انا عمال ادور عليكي وانتي عامله فطار وقهوه ومروقه على الاخر ولا كان فيه واحد معاكي في الشقه ولا كاني موجود في الدنيا اصلا
قدر قالت بضيق…. اعمل ايه يعني هصحيك من عشان تفطر مامتك قالت تسيبيه لما يصحى براحته …وكملت قاصده تغيظه وقالت…قالتلي اسر حبيب مامته بحب يصحى على راحته ..وضحكت
↚
اسر قعد بغيظ على الكرسي وقال…. مش كل حاجه ماما تقولهالك تصدقيها …هي بتخاف عليا زياده وانا مش بحب ازعلها عشان كده مش بتناقش معاها
قدر ضحكت وقالت…انت قفشت ليه طبيعي جدا والدتك تخاف عليك واصلا خالتي حنينه مع الدنيا كلها مش هتبقى حنينه مع ابنها… انا بس قولت اسيبك على راحتك يعني والفطار موجود امتى بتحب تاكل هجيب لك طبق
اسر ابتسم وشد الكرسي ناحيتها وقعد جنبها بالظبط وبقى يبص لعيونها جامد وقال…. بس انا عايز افطر معاكي في نفس الطبق
قدر اتسعت عنيها بدهشه خصوصا لما مسك ايدها اللي ماسكه بيها الشوكه واكل بيها وهيه في ايدها كأنها بتاكلوا
وبقى يمضغ الأكل بهدوء شديد وهو بيبص لشفا يفها بطريقه وقحه
بقلم….زهرة الربيع
قدر بلعت ريقها بارتباك شديد وبقت تبعد عيونها عنه
بس اسر قرب اكتر وقال بهمس..طعم شفايفك لسه معايا من امبارح… فيكي حاجه جذباني قوي…و مش قادر احدد هيه ايه
وبقى يبص لها باعجاب
قدر اتنهدت بضيق وقالت…ده بس الممنوع مرغوب
اسر ضحك جامد وقال… وفين الممنوع ده …انتي اكتر حاجه متاحه حاليا وشدها بقوه عليه بحركه سريعه
ولسه هتتكلم حطلها اكل في بقها وقال بسرعه ….انتي حقي دلوقتي …واي حاجه تيجي على مزاجي اقدر اعملها
قدر حاولت تقوم بس كان ماسكها بقوه وقالت بغيظ… سيبني يا اسر… انا مش حق حد واللي بتفكر فيه ده مستحيل
ولسه هتبعد قربها ليه بقوه وحنان شديد
قدر اتجمدت بين ايديه وبعد عنها وقال…. احنا اتجوزنا خلاص بقيتي قدري وبقيت قدرك
قدر بصت لعيونه وقالت ….لا يا اسر احنا مش عايشين مع بعض على اننا قدر بعض ولا هنكمل سوا..انت بنفسك قولت انك عملت كده علشان والدتك…يعني انا مليش وجود في حياتك
اسر ابتسم وبص لعيونها وقال…. حتى لو في 10 غيرك في حياتي …مش هستغنى عنك…هخسر ايه يعني
قدر بصت له بغيظ شديد ولسه هتتكلم…اتفاجأو بصوت حد بيقول بزعيق شديد… قدررررررر …اخرجي يا قدر هقتلك يا خاينه…. هقتلك انتي وابوكي الواطي
اسر بصلها باستغراب وقبل ما يسال مسكت فيه بقوه وهيه وبترتعش بطريقه ازهلته وقالت برعب…. ما تفتحش الباب اوعى تسيبني ليه والنبي
اسر بص لها باستغراب وقال… اهدى يا قدر انتي هبله يا بت اسيبك ليه ازاي بس…انتي مراتي هو انا كسبتك في كيس شبسي…اهدي وفهميني مين ده
قدر قالت برعب …ده ابن جوز امي اوعى تطلعله.. ارجوك ما تطلعش
بس الشاب قال بغضب وزعيق…. لو اتجوزتي د،،كر خليه يطلعلي اطلعلي لو كنت راجل من ضهر راجل ….اطلع يا ابن الحرااااااام
↚
_ لو اتجوزتي د،،كر خليه يطلعلي اطلعلي لو كنت راجل من ضهر راجل ….اطلع يا ابن الحرااااااام
و مسك حجر خبطه في الشباك كسر القزاز
اسر وقف بغضب شديد ولسه هيمشي مسكت في ايده بسرعه وقالت بدموع ورعب….لا لا والنبي اتصل بالبوليس خليه يجي ياخدو متطلعش ارجوك
اسر استغرب قوي خوفها بس قربها ليه بحنان وقال… انتي مش لوحدك يا قدر انا جنبك انا معاكي اهدي محدش يقدر يلمسك ..يلا انتي ادخلي جوه المطبخ مش عايزه يلمحك
قدر جريت على المطبخ بقلق
واسر راح فتح الباب وقال بغضب….فيه ايه يلا…ايه الي بتهببه ده هتدفع حق القزاز اللي كسرته ده ولا جاي تعمل راجل على الفاضي
الشاب قرب منه ومسكه من هدومه بغضب وقال… قدر فين اتكلم مخبيها فييييين
اسر نفض ايديه بغضب وقال باستفزاز….نايمه دخلتنا امبارح وكنا سهرانين
بصلو بغضب شديد وقال … انا هاخدها معايا دلوقتي ولو محصلش هخليها خراب على الكل. وانت احسن لك ما تدخلش في الموضوع عشان ما تتاخدش في الرجلين
اسر ضحك بسخريه وقال….. طب يلا يا بابا يلا بابا …لسه ما فطرتش وتعبان روح عند ماما هنبقى باذن الله نشوف الموضوع ده
قال بغضب شديد…قدر حقي انا ..انا دافع مهرها ومش هسيبها لغيري فهمت
اسر اتقدم عليه بغضب شديد وقال…. لو المشكله في المهر انا هدفعلك قده مش خوف منك لا عشان ما يبقاش لك عين تتكلم وتقول حقي… يلا غور من هنا بدل ما اجيب لك البوليس يشدوك وانت اكيد هيبقى عليك حكم ولا اتنين
الشاب حس بخوف لما جاب سيرة البوليس بصلو بغضب وقال ..ماشي انا همشي دلوقتي بس فهم الحلوه انها مش هتفلت من ايدي وعملتها دي مش هعديها مش انا اللي اتختم على قفايا وهوريكم كلكم ….قال كده ومشي
واسر قال باستفزاز وصوت عالي…طب كويس ان الختم كان على القفا …لو في ختم في مكان تاني قول متتكسفش احنا ستر وغطا على بعض
قال كده واول نا اتاكد انو مشي
دخل على البيت وقفل الباب بغضب..و اول ما شافها واقفه مرعوبه على المطبخ شدها من ذراعها وقال بعصبيه…. ايه اللي كان بينكم علشان يجي ويتهجم على البيت بالطريقه دي ايه العلاقه اللي بتجمعكم عشان قلبه يبقى جايبه للدرجه دي انطقي
قدر قعدت على الكرسي وبقت تبكي جامد بخوف وجسمها لسه بيرتعش
اسر اتنهد لما شاف حالتها قعد جنبها وقال….قدر ممكن تحكيلي ..تقدري تعتمدي عليا….انا صحيح معملتش حاجه تخليكي تثقي فيا بس انا بجد حابب اساعدك انت دلوقتي بقيتي مسؤوله مني …ومسك ايدها بحنيه وقال ….خليكي واثقه انا عمري ما هفرط فيكي ولا اخلي حد يمسك
قدر بصتلو بدموع وقالت …ده رشدي
ابن مرات ابويا… لما ماما ماتت بابا راح اتجوز ام رشدي دي وطبعا لانه ابنها كان على طول يذورها…و..و بقى يضايقني كل ما يجي…وهيه كمان بقت تضايقني علشان اوافق عليه..بس كان كل ما يجي عندنا كان قلبي يتقبض و افضل محبوسه في الاوضه لوحدي لانو كان بتصرف تصرفات مش مقبوله ابدا وكان مصر جدا يتجوزني ..رفضت بدل المره 10 و ابويا كان كل ما ارفض يقولي خلاص مش هتتجوزيه… بس يقعد مع مراته تقنعوا انه انسب حد ليا لحد ما اخد منهم المهر وحدد ميعاد للخطوبه اول ما عمل كده هربت من البيت جيت لخالتي اترجتها تروح تتكلم معاهم وتنقذني منهم وتخليني اجي اعيش معاها ان شاء الله حتى خدامه ..هيه طمنتني انها هتساعدني بس اتفاجئت بيها جت طلبتني ليك ..انا الصراحه فرحت جدا اي حد احسن من الشمام رد السجون ده..بس لو كنت اعرف اني هضايقك للدرجه دي وانك مجبور عليا كده ما كنتش وافقت حتى لو كنت هعيش في الشارع …ونزلت دموعها بوجع
بقلم…زهرة الربيع
اسر كان بيسمعها باهتمام واتجمعت الدموع في عينيه بحزن لانه قسي عليها جدا وهي كانت مضطره على الوضع ده …وهو حتى ما وافقش يسمع امه ومفيهمش غير ان البنت مرات ابوها بتضايقها
ضمها ليع بقوه وحنيه و مشي ايده على شعرها وقال بهمس….. كفايه عياط مش عايز اشوف دموعك تاني انا جنبك يا قدر انا معاكي مبقتيش لوحدك ابدا
قدر بصت لعيونه اول ما قال كده وقالت باسف وحزن
…انا اسفه انت ما لكش ذنب انت…
اسر حط ايده على شفايفها وقال…اششش…انا اللي المفروض اعتذر مش انتي…. ليه بتتكلمي كانك عقاب … انتي الف واحد يتمنى قربك انا عيوني ما شافتش في جمالك ابدا يا قدر انتي انسانه جميله جوه وبره…. عارفه امبارح بعد ما وقعت من على السرير وشوفت ضحكتك الجميله حسيت زي ما يكون حد طبطب على قلبي… ونمت وانتي بين ايديا كنت مرتاح قوي حسيت بدفا محسيتوش قبل كده…احنا مش هنخسر حاجه يا قدر احنا اتجوزنا على سنه الله ورسوله ونقدر نكمل سوا او على الاقل نحاول….وضحك وقال…واخده بالك نحاول
قدر ضحكت وسط دموعها وقالت…. بس انت اكيد هيجي يوم وتندم يا اسر
اسر ضحك وقال بمشاكسه .. ليه هتعملي فيا ايه لدرجه تخليني اندم
قدر ضحكت بخفه وقالت….. ده انا طيبه خالص
اسر ابتسم وقال…وانتي هتقولي لي حتى باماره اللي قولتيه لماما كده تطلعيني قدامها سوسن…وحتى مش عارف احاول…ده انا في الموضوع ده خبره…لو تحبي تاخدي فكره
قدر ضحكه جامد وقالت..هو انت مش هنتسى الموضوع ده ولسه هتمشي قرب وشدها عليه بقوه بقت بين ايديه وقال ….حاجه واحده بس تنسيني الاختبار
قدر قالت باستغراب ..اختبار
↚
اسر هز راسه وقال..اه اختبار للمحاوله عشان اقول لماما اني نجحت
قدر ابتسمت بخجل ودفعته وقالت…. بعينك الامتحان خلص خلاص
وجريت على فوق هي مبسوطه جدا جدا
اسر ابتسم وهو بيبص لطيفها باعجاب شديد و حط ايده على قلبه وقال….. الامتحان دلوقتي بدا يا قدر
عدت الايام بينهم بسعاده اسر كان بيعمل كل اللي يقدر عليه علشان يحسس قدر بالامان معاه و انها اجمل نصيب ليه في الدنيا ومش مجبر عليها …. وبيحاول يتخطى الفكره دي معاها
وهي بدورها كانت بتساعده على كده وبتسهر دايما معاه ويخرجوا سوا كانت مبسوطه جدا بكل الوقت اللي بتقضيه معاه
في يوم كانت قدر مستنياه يرجع من الشغل زي العاده..بس كانت بتستعد بشكل مميز وقررت تثبتلو له قد ايه بقت مرتاحه معاه وفعلا حست بكل كلمه قالهالها
جهزت عشا رومانسي جدا وولعت الشموع وكانت واقفه بتبص للمكان بتوتر وفرحه وبتستعد علشان تتكلم معاه
بعد شويه وصل وفتح الباب ودخل وكان متحمس يشوفها زي العاده قال… قدر بت يا قدر
و طلع فتح الباب واتفاجئ بمنظر الاوضه كانت متزينه بالورود وشموع على طاولة وعشا جميل جدا بص للمكان باعجاب وقال وهو بيقلع الكرفته بتاعته بحماس…شكلها الليله امان وهننجح في الامتحان ولا ايه
ولسه هينادي عليها تاني اتصدم لما لقاها طالعه من الحمام بلبس نوم اول مره يشوفها بيه و اتقدمت عليه بكسوف شديد وقالت…. ايه رايك في الاوضه
اسر قرب عليها وهو بيبص لها بزهول واعجاب شديد وقال …تولع الاوضه …اوضه ايه بس قولي ايه رايك في الصاروخ ايه رايك في القنبله
قدر ضحكت وقالت… انت داخل حرب ولا ايه
اسر قرب عليها وقال …لا داخلين…بالجمع يا قمري
وشالها ولسه هيمشي بيها ناحيه السرير قالت بسرعه ….لا لا لا لا هنتعشى الاول يعني انا تعبت في كل ده علشان نسيبه ولا ايه
اسر نزلها واتنهد وقال… يا بنت الحلال اسمعي مني ساعه الحظ ما تتعوضش …الاكل بيستنى
قدر ضحكت ومسكت ايده وقعدت معاه على الطاوله وقالت… ميستناش انا جعانه اوي وبعدين لسه الليل طويل
ابتسم وقعد معاها وقال ….ماشي…بس ايه الرضا ده كله انهارده يعني
قدر قالت بابتسامه ..ابدا حبيت اعمل حاجه علشانك
اسر اتنهد وبص لها بسعاده شديده وقال …حاجه واحده بس انت عامله العمايل انهارده
قدر ابتسمت وقالت…. عجبتك …عجبك الديكور
اسر ضغط على شفته بوقاحه وقال..هو حلو بس انا عجبتني قطعه واحده بس فيه… وبصلها لها من فوق لتحت وقال…قطعه دمرتني الصراحه
قدر ضحكت وقالت…طيب بطل غلبه وكل
وقول لي ايه رايك في الاكل
اسر بص للاكل كان عباره عن اكل بحري جميل
غمز وقال… لا وبتفهمي كمان..تحبي اقولك فوايد الاكل ده
قدر نزلت عنيها بكسوف وقالت…لا مش عايزه و كل وانت ساكت بقى
اسر ضحك وبقى ياكل بسعاده وهي قالت بتوتر ..اسر انا حبيت اعمل كده النهارده علشان اقول لك اني… لاني عايزه..احم عايزه اشكرك علشان..
اسر قاطعها وقال… تاني اشكرك دي …انا مش قلت لك مش عايز اسمعها تاني….يعني انا ارجع على البيت الاقيه مترتبه ومتعطر والاكل جاهز وقمر مستنيني ليا لوحدي وعايزه تشكريني…هو مين يشكر مين… هحتاج ايه من الدنيا اكتر من كده انا عمري ما حسيت بالراحه غير دلوقتي
ابتسمت بسعاده من كلامه الرقيق وبقوا ياكلوا وهم بيضحكوا ويبتسموا وبيتكلموا سوا
اول ما اخلص اكل جري غسل ايديه بسرعه زي الطفل
قدر ضحكت بكسوف لما لقيته خارج من الحمام وقال ….سجلي الساعه دي في نوته على جنب عشان هيبقى موعد انطلاق الحرب وهنحتفل بالنصر
قدر ضحكت وقالت ..خلاص كل سنه نعمل احتفال زي ده
اسر شدها عليه وقال .. او كل يوم..على ايه نستنى السنه… و لسه هتتكلم سبقها وقال قدام شفايفها….. انا معجب قوي ويمكن عديت مراحل الاعجاب يمكن حبيت يمكن اتجننت فيه الف شعور جوايا… نفسي احس انك ليا…و انا اللي فهمته انك بقيتي جاهزه صح…. ولا انا فهمت الهدوم غلط
قدر ضحكت وضربتو في صدره بخفه وقالت.. لا فهمت الهدوم صح… وانا كمان حاسه زيك كده ..حاسه انك بقيت كل دنيتي يا اسر ..بقيت مبسوطه اوي بوجودك جمبي..و لو انك سافل وملكش امان بس ربنا يستر
اسر بصلها بزهول وووو
↚
بقيت مبسوطه اوي بوجودك جمبي..و لو انك سافل وملكش امان بس ربنا يستر
اسر بصلها بزهول وقال….. ايه يا بنت الدبش اللي بتحدفيه ده افرضي دبشه منهم جت في عيني
قدر ضحكت واسر شدها بقوه وقال…. انا جايز اكون ما ليش امان فعلا بس انت بقيتي اماني وكل الاماني يا قدر وقرب منها جامد وغابوا مع بعض في لحظات جميله جمعتهم سوا
بعد وقت كانت نايمه جمبهوقالت… اسر نفسي اسالك سؤال
اسر ابتسم بارتياح وهو بيمشي ايده على شعرها وقال… اسالي 10 …20 انا معاكي الصبح
قدر ابتسمت وقالت …في فرق ولا العادي
اسر ضحك فورا لما فهم قصدها وقال… فرق في ايه بالظبط
قدر ضربته في صدره بخفه وقالت …طالما ضحكت تبقى فهمت متصيعش عليا
اسر ابتسم وقال…. ماشي بصراحه ما اكدبش عليك يعني عادي
قدر بصتلو بغيظ واسر ضحك وشدها ليه وقال…عايزاني اكدب عليكي يعني
قدر قالت بغيظ..اا خليك صريح يا ناصح جالك الايمان دلوقتي ..ويقولي انا اللي برمي دبش وهو بيحدف نيازك
اسر ضحك جامد وبص لعيونها وقال بهمس…. وحياه عيونك ما في واحده لمستها اثرت فيا زيك ولا عمري حسيت اللي حسيته معاكي دلوقتي… وقرب منها وقال …. بس يعني لو ناخد جوله ثانيه اتاكد واشرح لك الوضع
قدر ضحكت وجريت على الحمام وقالت ….ولا تانيه ولا تالته مش عايزه اعرف حاجه
اسر جري وراها وقال… يا بنت استني طب خديني معاكي بدل ما ناخد حمام على مرتين فاتورة الميه غاليه
بس قفلت الباب وما ردتش عليه وهو اتنهد وقال ….طب هتدفعي انت الفاتوره بقى
قدر ضحكت و هي جوه الحمام
بعد شويه خلصت حمامها وخرجت و هي لابسه بيجامه بيتي جميله بس مقفوله وطويله
اسر اتنهد وكان عايز يضحك وقال…حلوه طريقه الكلام بالهدوم دي جديده
قدر قالت….برافو عليك…البيجامه دي بتقولك ايه بقى
اسر ضحك وقال….بتقولي كفايه عليك كده
قدر ضحكت وقالت… ايه ده شطور اوي
قرب منها اوي وشدها عليه و وقال….. بس انتي وبجامتك ما تعرفونيش…انا ما توقفنيش حاجه حتى لو لبستي الدولاب كلو
على العموم هاخد شاور وارجعلك نتفاهم …. ومشي على الحمام
بعد شويه خرج وهو بينشف شعره ولابس تيشرت وعليه قلب احمر مكان قلبه وقال بسعاده… ها بقى وانتي تفهمي ايه من التيشرت ده و
بس اتصدم بشده وكان هيقع من طوله لما لقى رشدي في الاوضه وماسك مسدس حاطو على دماغ قدر اللي كانت بترتعش من الرعب
اسر بلع ريقه بخوف شديد وقال…. انت بتعمل ايه يا حيوان انت سيبها
رشدي قال بغضب شديد… ما تدخلش…لو مش عايز تخسرها وتخسر حياتك ما تتدخلش وانتي يلا امشي معايا يللاااااا
قدر بقت تبص لاسر بخوف شديد وهي بترترعش
اسر بصلها وقال وهو خايفف عليها….ما تخافيش يا قلبي ما تخافيش يا قدر انا جنبك.. مش انتي بتثقي فيا يا حبيبتي
قدر هزت راسها بالموافقه بس جسمها كله بيرتعش كل ما بتشوف رشدي بيتملك منها رعب شديد
رشدي زق دماغها بالمسدس وقال بغضب…بقول لك امشي معايا
قدر فضلت واقفه بخوف شديد بس يا رشدي شدها من شعرها بغضب وقال قلت… يلاااااااااا
ونزل بيها بسرعه واسر بيجري وراها وبيقول خلينا نتفاهم هديلك اللي انت عايزها بس سيبها اطلب المبلغ اللي انت عايزه
رشدي ضرب رصاصه عند رجله وقال بغضب خليك عندك بقول لك
قدر صرخت بخوف وقالت بسرعه…. هاجي معاك
.. هاجي معاك بس والنبي ما تاذيه والنبي
رشدي شدها من شعرها ومشي بيها وهيه بتبص لاسر بدموع وهو نزلت دمعه من عينه هو شايفها بتختفي عن انظاره معاه وبيبعد بيها ما قدرش يتخيل ابدا انها تروح معاه افتكر وقت ما كانت بين اديه وبتقول له انها بتثق فيه وهو طمنها ووعدها يكون جمبها
طلع جري من البيت وهو مصر انو ينقذها منه حتى لو هيروح فيها
جري بسرعه على رشدي اللي رفع سلاحه هيضرب عليه بس اسر هجم عليه ودفع قدر بعيد وقعها على الارض
ومسك ايد رشدي اللي ماسك السلاح بيها
رشدي ارتبك وبقى يقاومو مكانش متخيل انه يهجم عليه وهو في ايده السلاح بالشكل ده
كان بيحاول ياخد السلاح منو بس خرجت رصاصه من المسدس
قدر كانت واقعه على الارض و صرخت باسم اسر وهي بتلطم على خدودها بجنون وجريت عليه بسرعه… بس وقعت على الارض ورجليها ما بقتش شايلاها من شده الصدمه
↚
بس قدرت تاخد نفسها ببعض الراحه لما لقت رشدي وقع على الارض سايح في دمه واسر بيبص لاديه اللي اتملت دم بزهول من اللي حصل
اسر اتنهد بارتياح انه قدر يخلصها من بين ايديه جري عليها وكانت واقعه على الارض بتبكي بقوه
اسر ضمها جامد وبقت تبكي بين ايديه وقالت….مات مات خلاص
اسر اتنهد بدموع وقال ….ما اعرفش المهم انك بخير يا قلبي المهم انك معايا
قدر ضمتو بكل قوتها وقالت ..الحمد لله الحمد لله يا رب
بعد وقت كان المكان اتملى برجال البوليس والاسعاف اللي شالوا رشدي و كان لسه مماتش بس مصاب وفاقد الوعي
الشرطه اخذت اقوال اسر وقدر طبعا لانها كانت حاله دفاع عن النفس والعرض..ولان رشدي هجم على بيتهم ..كمان السلاح اللي اتصاب منو رشدي بتاعه
الضابط طلب من اسر يبقى يجي يمضي على المحضر ومشيو والاسعاف كمان مشيت
قدر جريت على اسر وضمته بقوه وبقت تبكي بين ايديه وقالت ببكا….كنت ..كنت هتروح فيها بسببي.. بسببي
اسر بقى يضمها وقال…. انا مش بفكر كده….كل اللي بفكر فيه انك بقيتي معايا خلاص يا قلبي… لما خدك ومشي وافتكرتك روحتي مني كنت هموت فيها….حتى لو كنت مت كان اهون من انه ياخد قلبي مني
قدر قالت بسرعه…. بعيد الشر عن قلبك…ومفكرتش انا اعيش ازاي لو حصلت لك حاجه
اسر ابتسم وبص لعيونها وقال ….انا قولتلك قبل كده اني مش عارف اميز احساسي ليكي…. قلت لك اني حاسس بحاجه اكبر من الاعجاب بس دلوقتي متاكد منها..انا بحبك يا قدر …بعشقك يا قدري
قدرابتسمت بدموع وقالت …انا كمان والله بحبك قوي قوي يا اسر …بجد اسرت قلبي من اول يوم
اسر ابتسم بسعاده ومسك ايدها بقوه وقال…. محدش هياخدك مني ….انتي مراتي وحببتي …انتي قدري وانا قدرك انتي ليا لوحدي يا اجمل قدر😘❤