رواية حياة الادم ادم وحياة كاملة جميع الفصول بقلم زهرة الربيع
رواية حياة الادم ادم وحياة كاملة جميع الفصول هى رواية من تأليف المؤلفة المميزة زهرة الربيع رواية حياة الادم ادم وحياة كاملة جميع الفصول صدرت لاول مرة على فيسبوك الشهير رواية حياة الادم ادم وحياة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية حياة الادم ادم وحياة كاملة جميع الفصول
رواية حياة الادم ادم وحياة كاملة جميع الفصول
عريسك مش هيجي زي العاده يا حياه المفروض تكوني اتعودتي دي سابع مره تلبسي الفستان وتقلعيه..حتي تاخدي برد كده
حياه بصتلو بغضب رهيب وقلعت الطرحه رمتها على الارض وقالت..وديتو فين يا ادم بلاش جنانك ده
ادم ابتسم بسخريه وقال..الجنان ده لعبتك يا حياه انا بتعلم منك
حياه اتنرفزت وقالت…للمره الألف بقولك مش هتجوزك لواخر واحد في الدنيا
ادم قال بنفس الهدوء الي بنرفز…وانا للمره المليون هقولك..لو مش هتكوني ليا مش هتكوني لغيري بتتعبي نفسك ليه كل يومين مع عريس و فرح ومعازيم واخر فرهده… بصي هناك كده ابوكي جاب الطاوله والشطرنج معاه وبيلعب مع اصحابو…ولا مامتك..بتخرط الخضار بتاع بكره مع صحباتها..الكل متاكد ان مفيش فرح هيتم إلا انتي..ده يبقى مشكله في الفهم عندك انا مش مسؤل عنها
بقلم…زهرة الربيع
حياه اتنرفزت اكتر وبصت لابوها الي كان بيلعب مع اصحابو وبيضحكو وقالت بزعيق…بابا…يابااااابا
ابوها اتنهد وقال لاصحابو…طيب ثواني وراجع اوعو حد يغش …ورحلها وقف قدامها وقال
.ايوه يا حياه يا بنتي عايزه حاجه… وقبل ما ترد عليه بص لادم وقال..ادوم اذيك اتأخرت انهارده يا راجل
ادم قال…معلش يا عمي كان معايا حاجه مهمه
حياه كانت بتبصلهم بزهول وقالت بصراخ…انت بتعمل ايه يا بابا ..بتعمل ايه…الحيوا،ن ده خاطف عريسي اتصرف معاه بقى
ابوها قال بضحك…يا بنتي وانتي مكبره الموضوع ليه..هيه اول مره ..بقولك ايه وانبي تسبيني اروح اخلص اللعبه احسن عمك حسان يموت في الغش
حياه كانت هتتجنن وقالت بزعيق..يبابا حسان ايه ولعبه ايه بقولك عريسي مخطوف ..و …وبصت لادم وقالت. طب ايه رأيك بقى اني هتجوز انهارده يعني هتجوز…وبصت حواليها وقالت…هتجوز المأذون..ايه رأيك بقى
الماذون بصلها بزهق وقال…خلصونا يا جماعه فيه جواز انهارده ولا زي كل مره
ادم طلع فلوس اداها للمأون وقال…مفيش يا باشا…وبقولك ايه متجيش هنا تاتي..الا لو كنت انا العريس..ساعتها هكلمك انا بنفسي
المأذون لسه هيمشي اتفاجئو بدخول شاب جميل وانيق وقال…بس المرادي غير كل مره يا ادم…المرادي العريس موجود
حياه بصتلو بفرحه وقالت…مروان..الحمد لله يارب
هنا ادم اتصدم بشده وقال..انت..انت ازاي هنا..و
مروان بصلو بسخريه وقال…انا مراوان الحوفي يعني مش زي العيال السيس الي بتطرقهم قبل كده يا ادم…اتفضل من هنا الفرح هيتم …وللاسف انت مش معزوم ولا مرحب بيك
حياه كانت مبسوطه قوي ولسه هتتقدم على مروان ادم حط السلاح على دماغها وقال…ده على جثتي وجثتها معايا …حياه مش هتتجوز غيري
الكل انزهل وخافو بجد وابوها قال بتوتر..ادم…ادم يا ابني اهدي بلاش جنان بعدين السلاح يطول
ادم قال بغضب .يطول يقصر بقى يا عمي مبقتش تفرق…ابعدو عن طريقي يلا ابعدو
الكل بعدولو الطريق وهو اخد حياه بالعافيه وكانت خايفه وقالت…ادم اهدى يا ادم
ادم قال بغضب..اسكتي انتي انتي بذات تسكتي تمام
مروان قال بحزر…تمام ماشي بس اهدي وهنتفاهم نزل السلاح
ادم ابتسم بسخريه وضرب رصاصه في مكان الأسلاك المسأوله عن كل الأضائه وفي ثواني المكان بقى ضلمه جدا وهو اخد حياه على عربيتو وطلع بيها
بقلم..زهرة الربيع
حياه كانت بتقاومو وبتقول بصراخ… ادم سبني سبني بقى وبقت تحاول تفتح باب العربيه
ادم اتنرفز جدا وشدها عليه وقال…حياه شوفتي قبل كده نجوم الضهر
حياه بصتلو باستغراب وقالت..انت بتقول ايه
ادم ابتسم وضربها بالدماغ وقال…ان شاء الله يعجبوكي… وطلع بالعربيه بسرعه البرق
بعد ساعه حياه فتحت عيونها بتعب لقت نفسها في مكان غريب كان عباره عن كوخ صغير في حته مقطوعه ومفيش حواليها لا بيوت ولا ناس قالت بخوف..ادم..ادم انت فين
ادم جيه وكان معاه حطب بقى يولع الدفايه وقال بضيق..اول ما تخافي تقولي ادم..واول ما تزعلي تقولي يا ادم..واول ما تحتاجي اي حاجه تقولي يا ادم..وبصلها بدموع وقال..انما تحبي ادم..لا…مينفعش…الطلب الوحيد الي ادم طلبو منك ..اتحرم عليه
حياه اتنهدت وقالت..يا ادم انا قولتلك قبل كده انت زي اخو..
ادم ضرب ايده في الطاوله الي قدامو وقال بغضب..انا مش اخوكي..مش اخوكي ياحياه ..انا وانتي عمرنا ماكنا اخوات
حياه خافت منو ولسه هتتكلم اتصدمت لما قال…بس انا عارف ازاي هخليكي تصدقي اننا مش اخوات…وقلع القميص بتاعو بغضب وقرب منها وشدها عليه وقال…انهارده هخليكي متنفعيش لحد تاني غيري يا حياه ووو
يتبع…..
↚
مضطره اصارحك انا من شهر اكتشفت اني حامل…اكيد ميرضكيش اتفضح يا حياه…. وبقت تبكي جامد
حياه قعدت بصدمه شديه وقالت..حامل…انتي حامل…من ادم
البنت قالت وسط دموعها..ايوه …وخايفه اقوله لانو بيحبك ومتعلق بيكي وقبل كده شرط عليا كتير اني اعمل حسابي واخد احتياطاتي بس حصلت غلطه والله يا حياه
حياه مسحت دموععها وحاولت تقوى وقالت..انتي عايزه مني انا ايه دلوقتى
البنت قالت..كل الي عيزاه انك تبعدي عنو تفهميه انك مش عيزاه وقتها بس اقدر اصارحو بحملي…ارجوكي يا حياه
هنا فاقت من الذكري الأليمه دي على صوت ادم بيقول..كل مده مخلصتيش انا هتجمد من البرد يا حياه عيب عليكي كده
حياه مسحت دموعها بسرعه وقالت…ايوه…ايوه ثانيه بس
ولبست بسرعه وقالت..ادخل يا ادم
ادم دخل وقال… كل ده و
بس اتجمد مكانو لما شافها بشكل يخطف القلب كانت لابسه القميص بتاعو واصلها لفوق الركبه واسع عليها وشعرها مفرود وشكلها يجنن بلع ريقه وهو بيبصلها من فوق لتحت باعجاب شديد وقال…احم…هو ده…ده نفس القميص الي انا كنت لابسو
حياه بصت لنفسها وقالت..اه ليه
ادم قرب عليها وقال…اصلي مستغرب امال ليه لما كنت لابسو كان ناقص يهزأني
حياه ضحكت وقالت…ده اقل واجب معاك
ادم قال..لا بجد انا كأني اول مره اشوفه…عليكي حاجه تانيه خالص… انا لو مكانو مقبلش بيا تاني… وقرب من ودنها وهمسلها وقال….يا بختو
حياه ابتسمت بكسوف وارتبكت جدا وقالت..انا..انا هنام …تصبح على خير وشدت فرش وغطا الكوخ كانت فيه شويه حاجات بدائيه اغطيه وشعله صغيره وحمام عليه ستاره مكان بدائي جدا قالت…غريب قوي المكان ده
ادم بقى يجهز لنفسو مكان علشان ينام وقال…اه.ده مكان عزلتي الوحيد لما بتخنق باجي هنا
حياه قالت بضيق…لوحدك…ولا بيكون معاك حد
ادم استغرب السؤال وقال..لا طبعا لوحدي انتي اول حد يعرف بيه
حياه مكانتش مصدقاه قالت..اممم…طيب…صدقتك…تصبح على خير
ادم استغربها قوي بس قال… وانتي من اهلو …ونام هو كمان لانو كان تعبان جدا
في صباح يوم جديد حياه قامت وكان ادم لسه نايم بقت تتسحب وطلعت من الكوخ وبقت تجري عايزه تهرب وترجع لاهلها بقت تجري وكانت بالقميص بتاع ادم وجريت مسافه طويله
ادم قام من النوم بيبص عليها جمبو ملقهاش اتخض وقام بسرعه وبقى ينادي عليها وبص في الحمام بس مكانتش موجوده شد شعرو لورا برعب وتوتر وقال..يا انهار اسود…يارب ما تكون بعدت وطلع جري يدور عليها وبقى بنادي باسمها وهو مرعوب لأن المكان مقطوع وخطر
حياه كانت بتجري لحد ما تعبت بقت تاخد نفسها بالعافيه ولسه هتكمل شافت شباب قاعدين بيضحكو سوا جريت عليهم وقالت بتعب..لو سمحت حضرتك الطريق الرأيسي منين
الشباب بصولها بزهول من لبسها الي فوق الركبه وجمالها الساحر واحد منهم وقف وقال…هيه الحته دي مسكونه يلا ولا دي انسيه ولا انا تقلت في الشرب ولا ايه
بقلم…زهرة الربيع
حياه بصت لنفسها لما شافتو بيبصلها وهياكلها بنظراتو افتكرت لبسها وقالت بخوف…احم…انا…انا حضرتك يعني كنت…كنت معديه و..وكنت مخطوفه و
حياه بقت تقول اي كلام ومش عارفه تقول ايه مرعوبه وهما بيتقدمو عليها وهيه بترجع لورا برعب وبتقول..لا..لا عيب حضرتك محدش يقرب.انا.. انا بلعب كراتيه و..وانا..يا ادم…ادم…اااااااااااااددم
ادم كان بيدور عليها زي المجنون واول ما سمع صوتها جري في اتجاه الصوت
حياه جات تجري مسكها واحد منهم وضحك وقال…ليه يا حوا…ما قدامك تلاته ادم مش مالين عينك ولا ايه
تلاته ادم..ليه هيه جمعيه …كانت دي جملة ادم الي وصل في وقتو حياه اول ما شافتو جريت عليه استخبت فيه وقالت بفرحه…اهو جالكم الي هيحرمكم من بدلكم .. مش انتو تلاته واجهوه بقي
ادم همسلها وقال…بدل ايه وكلسونات ايه …متتنفخيش قوي دول تلاته
حياه قالت بثقه …ملكش دعوه انت بس
↚
ادم قال ..مليش دعوه ازاي..هتضربي مكاني مثلا
وهنا هجمو عليه وكل واحد معاه حاجه بيهاجمو بيها ولسه هيقربو اكتر ادم طلع السلاح بتاعو ووجهو عليهم وقال..خليكم مكانكم احس…
بس مكملش جملتو وكانو جريو بسرعه البرق اختفو من قدامو وهما مرعوبين
ادم بص لطيفهم بدهشه وقال…بالسهوله دي ولا ايه…ده انا حتى مش معايا رصاص
حياه ضربتو في كتفو وقالت …بوظت المشهد الأكشن يا اخي مش كنت تضربهم وتكسرهم وتنقذني وتشلني بدراع واحد
ادم بصلها بغيظ وقال…ومش عايزاني اطلعك دخان من وداني بالمره..انتي بتستظرفي كمان مشيتي ليه كنتي هتشليني ..انتي عارفه انا كنت عامل ازاي دا انا حتى مش عارف ازاي رجليا شالتني كنت زي المجنون
حياه خافت من عصبيتو ابتسمت بتوتر وقالت…انا..انا كنت بتمشى بس اكيد مكنتش هبعد و
بس ادم قاطعها وقال بغضب…متهزريش يا حياه افرص فضلت نايم افرص مقدرتش الحقك..انتي بتستهبلي تمشي في وقت زي ده في مكان زي ده…وبالبس ده خلاص اتجننتي
حياه اتنرفزت منو ومن زعيقو قالت بغضب..ايوه اتجننت .وملكش دعوه بجناني قولتلك مليون مره مش عيزاك افهم يا اخي وسبني اروح..اقولك انا مش ههرب منك تاني … انا هروح قدام عنيك
قالت كده وبقت تمشي بسرعه ادم جري وراها ومسك دراعها وقال بغضب…متخلنيش اتجنن عليكي يا حياه..حرام عليكي بقى انا عملتلك ايه..ايه الي جد علشان تعامليني كده ليه ..ليه يا حياه اتكلمي ردي عليا
حياه كانت خلاص مش قادره تخبي اكتر وقالت بغضب واندفاع..عايز تعرف ليه…علشان ببساطه مش عايزه اتجوز واحد زيك بتاع ستات بيضحك عليا بكلمتين وهو مقضيها في سفرياتو مع بنات تانيين. عرفت ليه يا ادم باشا
ادم رغم انو اتفاجأ بكلامها لاكن ابتسم براحه كان متاكد ان فيه حاجه قلبتها عليه بس حاول يفهم اكتر منها قال..انتي بتقولي ايه
حياه قالت ببكا وحزن شديد ..بقول الحقيقه..بقول انك خدعتني كنت تسبني خايفه ما افتح الشباك لحد يلمحني في غيابك وانت مقضيها في الاوتيلات…بس ربنا اراد يكشف حقيقتك قبل ما اتجوزك…مبروك يا سيادة الرائد يتربي في عزك
قالت كده ولسه هتمشي ادم وقفها وقال باستغراب…انتي بتقولي ايه يا عبيطه انتي ..عيدي الجمله الاخيره كده
حياه قالت بسخريه.. ايه..متقوليش ان فات ٥ شهور ولسه معرفتش ان سهى الي كنت معاها في دبي حامل…المفروض دلوقتي تكونو عرفتو هيجلكم ولد ولا بنت بس امانه لو جاتلك بنت..تسميها حياه…على اسم اختك
ادم بصلها بزهول وقال…سهى مين الي ودبي اي انتي بتخرفي تقولي ايه مش فاهم منك حاجه
حياه قالت بغضب..انا كنت متاكده انك هتنكر ..تمام انا هفهمك حالا… وفتحت تليفونها وبقت تقلب فيه
ادم قال…يخرب بيتك هو تليفونك معاكي انتي هبله زمانهم عرفو احنا فين و
بس قطع جملتو لما حطت التليفون في وشو وشاف نفسو مع بنت في اوضه اوتيل بوضع مش تمام ادم بص للصورة البنت بزهول
يتبع…..
↚
لما حطت التليفون في وشو وشاف نفسو مع بنت في اوضه اوتيل بوضع مش تمام ادم بص للصورة البنت بزهول ..وحياه قالت..اظن دلوقتي تسبني في حالي انا ندمانه على كل دقيقه كنت بصدقك فيها
حياه قالت كده ولسه هتمشي ادم وقفها لما قال…ااااه يا حياه…انا كنت هموت واعرف الي غيرك عليا…معقوله كل الوقت الي قضيناه وكل المشاعر الحلوه الي بنا متخلكيش تفكري تصارحيني او تسمعيني مره واحده حتى
حياه قالت واصارحك بايه..بخيانتك ليا ولعبك بمشاعري
ادم قال بسرعه..كدب..والله كدب..انا معرفش البنت دي قالتلك ايه والفديو ده كمان كدب ..انا عمري ما فكرت اني اخونك في يوم ولا حتى في خيالي يا حياه
حياه قالت بدموع…انا مش مصدقاك يا ادم…انا من ساعة ماشوفت الفيديو وانا مش عارفه انام …مش قادره اتخيلك مع غيري … مش قادره حتى افتكر الي شوفتو
ادم قال بغضب..فيديو ايه وهباب ايه بقولك دي كدابه و ….ادم لسه هيكمل اتفاجئو بمروان جاي هو ووالد حياه ووالدتها
حياه اول ماشافتهم جريت على امها وبقت تبكي امها بصت لحالتها وقالت..عاجلك كده يا توفيق شايف حالة البنت شايف عمايل ابن اخوك الي اصريت منبلغش عنو يلا يا بنتي يلا
حياه طلعت مع امها ومروان بص لادم بغضب وقال..لولا عمي توفيق كنت زمانك مسحول من قفاك…متفتكرش ان مركذك كان هيوقفني او يخوفني…يلا يا عمي يلا بينا ده ميستاهلش يبقى معانا في اي مكان
توفيق اتنهد بحزن ومشي معاهم وادم كانت عيونه على حياه الي بصتلو بدموع ومشيت معاهم
عدت الايام وكانو بيجهزو لفرح حياه بس المرادي كان جواز بجد لان ادم من وقت ما حياه مشيت مع اهلها ومصدقتهوش وهو محاولش يكلمها تاني ولا ظهر في حياتهم اصلا
حياه لبست فستان الفرح وكانت زي القمر بس كانت حزينه جدا وبتتمنى تشوف ادم لو من بعيد… نزلت وقعدت جمب مروان الي كان مبسوط جدا والمأذون لسه هيكتب الكتاب دخلت سهى وقالت..استنو الجوازه دي لازم تتلغي
حياه استغربتها اوي وسهى قالت… انا حامل منك يا مروان انت ازاي تسبني وتتجوز
بقلم…زهوره صديقتكم القمورة🥰
مروان اتصدم ومبقاش عارف يتكلم قال ..انتي بتقولي ايه انتي اتجننتي
سهى قالت انا مش بكدب انا حامل بابنك
مروان بص لحياه وقال..كدب والله كدب انا عمري ما لمستها
سهى طلعت تليفونها وقالت…امال مين ده الي كان معايا في دبي
مروان قال …انا مروحتش دبي انا
بس… حياه قاطعتو وقالت…استنى انت يا مروان..وبصت لسهى وقالت…انتي مش قولتي انك حامل من ادم ونفس الفيديو ده وريتهولي على ان ادم الي فيه
سهى ابتسمت وقالت..هو ده الي كنت عايزه اوصلهولك..ادم ملوش دعوه يا حياه مروان دفعلي علشان اعمل عليكي الفيلم ده كان عايزك تسيبي ادم…والفيديو متفبرك ده الفيديو الحقيقي..
شغلت الفديو وكان لمروان قاعد معاها وقال..كل الي انا عايزه منك انك تقنعيها انك حامل منو تمام علشان تصدق انو بيخونها وترضي تتجوزني فهمتي
حياه بصت لمروان بزهول وقالت..انت بجد عمل كده
مروان قال بتوتر..يا حياه اناعملت كده علشان بحبك انا
حياه قالت بدموع..انت ند،ل وو،اطي انت خلتني شكيت في ادم بس انا الي كنت غبيه اني صدقتك وصدقت الكدابه دي وبصت لسهى بغضب وقالت..وحضرتك بقى اتكلمتي دلوقتي ليه اوعي تقوليلي جايه تريحي ضميرك
↚
لا جايه تريح جبها…الجمله دي قالها ادم الي فاجأ الكل بدخوله وقال…لان انا دفعتلها علشان تيجي وتكشفو ..شوفي يا حياه انا من وقت ما ورتيتي الفيديو وانا مقلقتش خالص..بالعكس انا قولت اتحلت
وبص لمروان وقال باستهزاء…سنيه سلكه ..الموزه السالكه بقت سهى بقدره قادر طب جيب وجه جديد يا ميرو انت مش عارف اني مكافحة اداب ولا ايه
حياه رغم كل ده لاكن كانت مبسوطه قوي طايره من على الارض ببراىة ادم….وادم بصلها وقال..شوفي بقى يا ستي الموزه دي قصدي سنيه يعني بتمشي بالفلوس زي العربيه لما تمشي بالبنزين..فيديو +حمل مزيف ب ١٥٠٠ حطيت انا عليهم ١٠٠٠ كمان بقت حامل من مروان لو حطيتي عليهم انتي ١٠٠٠ كمان هتبقى حامل من عمي توفيق ده مبدئها.. ست مجتهده
سنيه ضحكت وقالت..خدامينك يا باشا حاجه كمان
ادم قال..لا اخلعي انتي وخفي اللعب شويه
حياه قالت يعني هيه مش حامل اصلا
سنيه ضحكت و قالت..حامل ايه بس يا هانم انا شايله الرحم اصلا
قالت الجمله دي ومشيت وادم ضحك وقال..فيه واحده تكون حامل في ٥ شهور ووسطها كده ايه هتحملة على فلاشه
حياه بصتلو بحرج وقالت..انا..انا اسفه..ولو انها ملهاش لزمه ابدا
ادم ابتسم و قال..معامي حق الصراحه…بس انا مسامح…وعادي تغلطي واسامحك مليون مره وطول العمر بس مش هسامحك تبعدي عني تاني..ولا دقيقه يا حياه
حياه بصتلو وابتسمت بدموع وقالت…انا اسفه…والله انا بحبك اوي …وحسيت روحي اتردت لما دخلت …رغم كل ده لاكن كنت مستنياك..كنت متاكده انك مش هتسبني لغيرك مهما حصل
ادم قال بمشاكسه… انا قولت اجي احضر فرحك زي العاده..بس المرادي اتشيكت زي ما انتي شايفه كده قلت يمكن اكون انا العريس ايه هنكتب ولا تقلعي الفستان زي كل مره
حياه ضحكت وقالت..لا طبعا نكتب..هنكتب واشيلك في قلبي ومش هشك فيك ابدا لو شفتك مع غيري بعيوني
ادم ابتسم وقال..ده عرض حلو وانا هقدملك قلب محبش ولا عرف يدق غير على اديكي يا قلب ادم وعمر ادم..يا حياة الأدم❤❤❤
❤ ………..تمت بحمد الله…………❤