رواية اغواء ناعم كاملة جميع الفصول بقلم سوليية نصار

رواية اغواء ناعم كاملة جميع الفصول هى رواية من تأليف المؤلفة المميزة سوليية نصار رواية اغواء ناعم كاملة جميع الفصول صدرت لاول مرة على فيسبوك الشهير رواية اغواء ناعم كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية اغواء ناعم كاملة جميع الفصول

رواية اغواء ناعم كاملة جميع الفصول

-اياد أنا بحبك!

قالتها مايا وهي بتبكي فبعدت عنها وانا بقول:

-اعقلي يا مايا انا راجل متجوز من بنت خالتك اللي مفروض  تعتبريها اختك ...اطلعي برة عيادتي فورا أنا مش عايز مشا*كل ...

قربت مني وحاولت تمسك أيدي بس انا بعدت بسرعة فعيطت وقالت:

-بس انت مبتحبهاش ...انت عمرك ما حبيت روان متك*دبش علي نفسك ...روان كانت بديل ليا انت عمرك ما حبيتها ...انت ...

رفعت راسي وقاطعتها وقولت:

-حاسبي علي كلامك ...روان مش بديل ...روان هي مراتي اللي اختارتها ..مراتي اللي وقفت معايا في  أسوأ أحوالي ...هي بقت جمبي في الوقت اللي انتي وابوكي اتخليتوا عني وفسختوا الخطوبة واتجوزتي اللي اغني مني ...كنت في أسو"أ أحوالي وبدل كل تقفي جمبي فسختي الخطوبة واها*نتيني وقولتي اني مش راجل كفاية ومش هصرف عليكي ...نسيتي يا مايا ...ها قوليلي راجعة ليه ...بعد ما اتطلقتي جاية دلوقتي للمغفل اللي حبك ...بس خلاص يا مايا احب اقولك اني بطلت أحبك انا حتي مبكر*هكيش لان حتي كر*هي كتير عليكي ...فياريت تطلعي برا عيادتي بالذوق بدل ما اطر*دك وامسح بكرامتك الأرض ...

حسيتها اتوترت واتلجلجت بس قالت قبل ما تمشي :

-مش هستسلم يا إياد وهفضل وراك لحد ما ترجعلي...لاني انا وانت بنحب بعض وروان ملهاش مكان في حياتنا ..

شاورت بإيدي لبرا وقولت:

-انتي اللي ملكيش مكان في حياتنا يا مايا لو سمحتي اطلعي برة وكفاية مش عايزة اق*ل منك اكتر من كده ...

طلعت من العيادة فهزيت راسي وانا متيقن أن مايا مش هتهدا الا لما تعمل ف*تنة بيني وبين روان ....

....

روحت البيت وانا تعبان  ولقيت روان مروقة بيتنا كالعادة ونومت بنتي الصغيرة ومستنياني بإبتسامة حلوة خلت التعب ينزاح من عليا وجددت نشاطي ...قربت منها ويوستها علي جبينها وقولت:

-انا همو*ت من الجوع ...

-بعد الش*ر عليك يا عمري روح خد شاور وانا عملتلك مكرونة بالبشاميل وفراخ ...كنت عاملهم علي اساس نتغدي مع بعض بس انت اتأخرت ..

بصيت لها بصدمة وقولت:

-متقوليش انك متغدتيش ..

-انت عارف اني مبكلش من غيرك .

سكت وانا ببصلها وبفكر أن احسن حاجة عملتها مايا أنها مشيت من حياتي عشان ربنا عوضني بملاك زي روان ...بوست رأسها تاني وقولت:

-هاخد شاور وناكل سوا ....

......

-خد دي من أيدي ،.

قالتها روان وهي بتحط حتة فرخة في بوقي وكملت:

-انت بتتعب واكلك خف ...أنا عارفة اني الفترة اللي فاتت قصرت شوية واهم*لتك بسبب لجين بس  اوعدك مش هعمل كده تاني ...

مسكت ايديها وقولت:

-متقوليش كده انا اللي مقصر معاكي والله فسامحيني عموما  بس استني اسبوعين كده عشان اخلص الشغل اللي ورايا وبعدين هنطلع مصيف سوا ...

ابتسمت بسعادة وكانت ابتسامتها احلي حاجة انهي بيها يومي ...مرضتش اقولها عن حوار مايا عشان مقلقهاش اكتر ...قررت أنا اتصرف في الحوار ده 

........

تاني يوم ...

كانت خالتي ام مايا اتصلت بيا وطلبتني ضروري عشان اكشف علي حفيدها ابن مايا ...رغم اني كا*ره بس قررت اروح ...

بعد ما كشفت علي الولد وكانت مايا جمبي بتحاول تقرب مني بدلع بس انا تجاهلتها تماما ...خلصت بسرعة وطلعت ...طلعت خالتي ورايا وقالت؛

-يا بني دي فرصتك .

بصيت لها بصدمة وقولت:

-فرصة أية يا خالتي ؟!

مسكت ايدي وقالت:

-فرصة ليك تفاتح جوز خالتك وتتجوز مايا يا بني هو هيرضي بيك المرادي ...

بعدت أيدي وقولت بهدوء:

-انا متجوز يا خالتي ومبسوط مع مراتي ...مش عايز بديل عنها .. ومايا ربنا هيكرمها بإذن الله 

وبعدين سيبتها ومشيت ...

قربت مايا من امها فقالت:

-انسي الموضوع يا مايا اياد مش هيرجع. ..

ابتسمت مايا بخبث وقالت:

-هيرجع يا امي  ..بس هندخل من ناحية روان وهي كمان اللي هتطلب الطلاق منه !

↚

-هتعملي ايه ؟!

قالتها ام مايا فابتسمت مايا وقالت:

-هخليها تشك أن بيننا علاقة ...

حطت امها ايدها علي بوقها وقالت:

-يا بت بطلي جنا*ن ...

بصتلها مايا وقالت وعيونها بتلمع بش*ر:.

-ماما اياد بفلوسه ملكي مش هخلي واحدة زي دي تاخده مني ..

وبعدين مشيت من قدام مامتها ....

.....

كنت بشتغل في العيادة وانا مشتت خايف العالم اللي بنيته مع روان يته*د بسبب جنا*ن مايا ...أنا بحب روان وهي خير زوجة ليا ...هي ولجين كل حياتي ومش عايز مايا ته*د اللي عملته زي ما ك*سرتني وه*دتني زمان لما سابتني...أنا في وقتها حسيت اني انتهيت.. ...أنا دفعت كل  فلوسي في مشروع عملته عشان احسن من أحوالي المادية  وكنت لسه دكتور صغير  وخاطب مايا وكنت طاير بيها ...بس لما خس*رت فلوسي والمشروع ف*شل  واف*لست بان وش مايا واهلها الحقيقي بعدها بالضبط ف*سخوا الخطوبة  انه*ارت وقتها. حسيت اني لوحدي ...حاولت اتكلم مع مايا كتير لكن هي اه*انتني وبعدها بشهر اتجوزت واحد ظروفه مرتاحة عايش طول حياته في الكويت وراحت معاه ...أنا وقتها ات*دمرت ...كر*هت كل حاجة ...كنت حاسس الدنيا زي خرم الإبرة ...فضلت ايام وانا بعا*ني  بعدها  ومحدش  كان معايا بعد ربنا غير امي وروان...روان اللي دايما كنت اشوفها اختي الصغيرة كانت هي بكلماتها اللطيفة قدرت تزيح عني كتير  وخلت عندي امل اني اقف علي رجلي تاني ..لحد ما امي طلبت مني اتجوز روان ...عارضت كتير وقتها ورفضت بإصرار بس هي قدرت تقنعني بيها ...واتجوزت روان وعلي عكس توقعي حسيت معاها بسعادة محستش بيها قبل كده ده غير أنها كانت وش السعد عليا وبفضلها بعد ربنا نجحت اثبت نفسي كدكتور اطفال ...كانت بتتسرب جوايا ...جوا روحي ود*مي لحد ما حبيتها بجنون ...صحيح انا عمري ما قولتها الكلام ده بس حبي ليها غير اي حد ...حب نادر هادي ويديك سلام ...روان هي اللي خلتني احب الحياة مرة تانية...

ابتسمت وانا برجع من شرودي وبفكر ليه لحد دلوقتي مقولش مشاعري ليها ...زي ما هي ادتني كتير من روحها ليها حق تعرف المشاعر القوية اللي في قلبي ليها ...ليها حق تعرف انها دلوقتي ولجين اهم حب في حياتي ....خلصت شغلي في العيادة بسرعة وروحت لمحل الورود ...وقفت وانا ببص الورود بسعادة وانا بفتكر انها بتعشق الورد الابيض ...ودايما أنا كنت اقولها أنها جميلة زيه وقلبها نقي وابيض زيه ..ابتسمت وانا بشتري  ورد كتير ليها وبعدين ركبت عربيتي وانطلقت بيها ....

.....

فتحت الباب بسعادة ودخلت بس اتجمدت لما لاقيت مايا قاعدة علي الانترية ...مبتسمة ابتسامة خب*يثة اووي وقاعدة علي الكرسي التاني روان وهي حاطة عينيها علي الأرض وبتفرك ايديها بتوتر ...

ضحكت مايا وقالت:

-اتاخرت عليا شوية يا اياد ...كده برضه تعزمني في بيتك علي العشا ومتكونش انت موجود ...أنا كنت خايفة  من مراتك لاحسن تكون متضايقة  من وجودي عشان انت كنت بتحبني زمان ...بس اللي اكتشفته انك مقولتلهاش أننا اتقابلنا امبارح في عيادتك ولا وقولتلها انك جيت تكشف علي ابني الصبح وعزمتني اتعشي عندك ...غلط كده روان لا سمح الله ممكن تشك أن فيه حاجة بيننا !

↚

-انتي كدا*بة أنا معزمتكيش اصلا !

قولتها بهج*وم وبعدين بصيت لروان بأمل أنها تصدقني وتثق فيا  ...كنت خايف لتنجح مايا في تد*مير سعادتي معاها ...ابتسمتلي روان وبعدين بصت لمايا وقالت:

-مين قالك أنه مقاليش عن رجوعك من الكويت ...أنا مش فاكرة اني قولتلك كده انا اتصدمت بس من العزومة عشان هو منبهش عليا أنه عازمك بس الحمدلله العزومة طلعت من نسج خيالك ...مش عيب يا مايا تيجي بيت محدش عزمك فيه ...كرامتك مبتو*جعكيش ...لما جوزي قالي امبارح أنه شافك في العيادة تجاهلت الموضوع لان مش مهم نتكلم فيه لاني بثق في اياد جدا وعارفة أنه انسان نضيف مبيحبش الع*ك...

كنت فخور بيها ...كان نفسي اروح احضنها وابوس رأسها علي الكلام اللي بتقوله ده ..

مايا وشها بهت وقالت وهي بتقوم من علي الانتريه بغضب :

-ع*ك؟!أنا ع*ك ؟!!انتي بتك*دبي علي نفسك ولا عليا يا روان ...كلنا عارفين ان اياد عمره ما حبك ...اياد بيحبني أنا وبس وهنرجع ونبقي سوا ونطر*دك من هنا و ...

روحت مسكت مايا من ايديها وبغضب ضر*بتها بالقلم ...صرخت روان بفز*ع وبعدتني عنها وهي بتقول:

-لا يا اياد ...انت مش كده !

بصيت لوش روان البرئ وبعدين بعدتها بلطف وقولت لمايا المصدومة:

-روان تبقي مراتي ومش مراتي وبس دي حب حياتي ..

اتصدمت روان لأن دي اول مرة يقول إن بيحبها بالصراحة دي ...هي عارفة أنه بيحبها لكنه عمره ما قالهالها وده زعلها اووي ...كملت كلامي بعص*بية :

-انا بحمد ربنا في كل ركعة أنه خلصني منك عشان اتجوز روان ...روان هي اللي صلحت فيا العقد اللي سببتيها ليا...وقفت جمبي لحد ما وقفت علي رجلي ....حبي ليها شئ نادر وجميل شي*طانة زيك مش هتفهمه ...انتي مش هتفهمي ايه الحب الحقيقي لانك بتحبي الفلوس وبس ...عمرك ما هتفهمي الحب اللي أنا فهمته مع روان ...عشان كده يا مايا اطلعي برة حياتنا ...أنا عشان احافظ علي عيلتي ممكن أذ*يكي ...واياكي اشوف وشك في بيتي تاني والا اقسم بالله هند*مك علي اليوم اللي فكرتي تلعبي معايا فيه ...انتي فاهمة ولا لا ...

دموع مايا نزلت وقامت وجريت برة البيت ...اتنهدت وانا بمسك ايد روان وقعدتها علي الانتريه وانا بقول:

-انا اسف يا روان ...عارف اني غلطت لما خبيت أنها رجعت من الكويت بس خوفت أن العلاقة بيننا تت*وتر و...

قاطعتني وهي بتحط ايديها علي خدي وقالت ودموعها بتنزل:

-انت بتحبني !!بجد بتحبني ...

بوست أيدها وقولت:

-ايوة بحبك ...وعمري ما حبيت حد قدك ...اول مرة اعرف ان الحب نعمة لما اتجوزتك وعرفتك كويس ...عرفت أن كنت معمي عن الجوهرة الحقيقية .....انتي اجمل جوهرة في حياتي يا روان ...

ابتسمتلي روان بحب فحضنتنها وانا متيقن أن مهما حصل بيننا من مشا*كل هنقدر نحلها بالشكل ده ...

.....

↚

مرت الايام وروان بقت اسعد بكتير ...اكتشفت انها بتحب كلمة بحبك يا روان عشان كده فضلت اقولها دايما ...بقيت اقولها بدل صباح الخير ...وبدل مساء الخير...بقولها اول ما اتصل بيها وبقولها بدل كلمة شكرا كنت مبسوط وانا شايفها بتنور قدامي ...

أما مايا  فهي فق*دت الامل فيا  وقررت تشوفلها فريسة تانية فاتجوزت جوز صاحبة امها واللي هو ضعف عمرها عشان الفلوس ...علي قد ما زعلت علي الست المسكينة اللي مايا حر*قت دمها علي قد ما ارتحت أنها بعدت عني ....

......

بعد سنة ....

كنا في فرح ابن خالتي صفية اخو مايا مع روان ولجين لما شوفت مايا من بعيد واقفة وشاردة وباين عليها انها كبرت عشر سنين مش سنة بس ...وده بسبب اللي حصلها علي ايد جوزها بعد ما شغلها خد*امة لمراته وكان بيض*ربها وطلع عقده عليها لدرجة أنه خلاها تج*هض وكانت هتم*وت  وبالعافية أطلقت منه ومن وقتها وهي ساكتة وواخدة جمب مبتعملش حاجة غير أنها بتهتم بإبنها ...وعلي رغم اللي عملته فينا أنا وروان الا انها كانت صعبانة علينا ...هزيت راسي وانا بفضي أفكاري لأن مايا ليها رب يتولاها وانا ورايا مسؤولية ...مسؤولية اني افرح روان ...

-تيجي ترقصي معايا يا روني ؟!

وشها احمر وقالت:

-لجين ...

مسكت لجين وادتها لماما وبعدين شدتها وبقينا نرقص ...

كنت ببص في عيونها البنية بحب وانا بقول :

-ايه رايك نسافر تاني ونعمل شهر عسل ...

ضحكت وقالت:

-يا بني اتهد شوية ...وبعدين شهر عسل ايه يا دكتور يا عجوز انت ده انت شعرك بيض ..

قالتها وهي بتلمس شوية الشعر البيض  فضحكنا سوا وقالت:

-انا بحبك اووي يا اياد♥️

-وانا كمان بحبك ...بحبك اكتر من اي حاجة في حياتي 

تعديل المقال