رواية نقابي لا يخفي قلبي كاملة جميع الفصول بقلم ايمان عبد الرؤوف
رواية نقابي لا يخفي قلبي كاملة جميع الفصول هى رواية من تأليف المؤلفة المميزة ايمان عبد الرؤوف رواية نقابي لا يخفي قلبي كاملة جميع الفصول صدرت لاول مرة على فيسبوك الشهير رواية نقابي لا يخفي قلبي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية نقابي لا يخفي قلبي كاملة جميع الفصول
رواية نقابي لا يخفي قلبي كاملة جميع الفصول
_ حامل في أي؟!
بصيتلها بفرحه وقلب بيدق _ فيا الحمد لله بنت.
اتنفضت وقامت وقالت بصوت جهوري _بنت تاني؟!
فرحتي قلت شويه، قلبي دقاته عليت حاوطت بطني بأيديا الاتنين ووقفت وقولتلها بكل بقوه _ايوه بنت ودي بنتي انا وفرحتي بيها متقلش عن أخواتها.
لقيتها ضحكت بكل سخريه وشماته _شوفي اللي هيحصلك النهارده من جوزك؟! هدية كل مايعرف انك حامل في بنت ياأم البنات....
_خلاص خلاص جسمي وجعني من كتر الض*رب انا حامل ارحمني حرام عليك بالله عليك خلاص بالله حرام عليك ارحمني..
مسك الحزام وضر*بني بكل غل وكنت ذي الدب*يحه مرميه على الأرض حاسه اني مي*ته مبقتش حاسه بحاجه وكل اللي سمعاه منه _عاوزها تم*وت مش عاوز بنات تاني انا عاوز ولد مش عاوز بنات..
"كمل ض*ربه ليا ومسكتش على كده لا حبسني في اوضه اسبوع من غير اكل ولا شرب، كنت كل يوم اسمع عي*اط بناتي مسك، مكه، خديجه، ميرال، على باب الاوضه قلبي بيوجعني كل لليله عليهم هو ليه مش عاوز يعرف ان البنات دول رزق من ربنا دانا اول مابشوفهم بفرح..
حطت ميرال ايديها على بطني وقالت بكل فرحه _ماما يعني انتي فيكي بنوته؟!
قولت بفرحه _اه ياحبيبتي وهنسميها رؤيا.
ردت مكه _الله ياماما اسمها حلو اووي.
فجأه لقيت مسك بنتي الكبيره قالت ببكي وصر*اخ _فرحانين على اي؟! ها فرحانين ان في بنت جديده هتيجي عشان تتض*رب وتتهان .
اخدتهم كلهم في حضني وعيطنا سوا _ ادعوا لبابا ربنا يهديه، بابا كويس وبيحبنا، بس الش"يطان مسيطر عليه عشان مبيصليش ذينا هو لما يصلي الش*يطان هيمشي وبابا هيبقى حلو ومش هيض*ربنا تاني.
" وجع قلبي لا يحتمل، عيوني مليانه دموع من العذ*اب اللي عايشين فيه كل ده عشان خلفتي بنات ، قعدنا خمس سنين منخلفش عملنا كل الطرق بس ربنا مرزقناش، وفجأه بين يوم ولليله عرفت اني حامل فرحتنا كانت لا توصف ، بعدها بتسع شهور جات مسك وياحلاوة مسك وش الخير عليا كنت شايفه فرحته في عينيه بيها، كان بياخدها في اي مكان معاه، مكنش بيرضي يوريها لحد كان بيخاف عليها من الحسد.
بعدها بسنه حملت تاني ، كانوا تؤام مكه وخديجه، فرحتنا بيهم كانت كبيره برضو كانوا كنز لينا هما التلاته بعدها بسنتين سافرنا قعدنا في البلد مع أهله كانوا دايما يقولولي ياأم البنات ايوه كنت فرحانه عشان مؤمنه ان البنات رزق وعارفه ان اللي ربنا بيحبه بيديله بنات.
اكتشفت اني حامل و عرفت انها بنت ايوه بفرح اول مابعرف انها بنت، بكون عاوزه ازغرط، دي اللي هتدخلني الجنه عاوزني مفرحش اذاي بيها..
يومها كان اتع*س يوم في حياتي بعد ماقالوله في البيت اني فيا بنت وقالوله كلام تاني معرفش اي هو وقتها انا كنت مجهزه نفسي ولابسه وعامله شموع وحلويات لقيته داخل بكل غضب عليا وشدني من شعري وقال بكل غض*ب _فيكي بنت تاااني؟!
حاولت ابتسم بو*جع _ومالها البنت بس دي رزق وفرحه من عند ربنا.
_مش عاوزها انا عاوز ولد يشيل اسمي ويبقى عزوتي.
_ ربنا مش رايد بدَه، طب ماممكن ربنا يدينا ولد بس يطلع وحش ويأ*ذينا مش شايف الشباب اليومين دول؟!
لقيته شد*ني من شعري بقوه _ اخويا معاه اربع ولاد ذي الورد وانتي مش قادره تجيبيلي حتة واد.
عي*طت بوجع وقولت بصر*اخ _ ربنا اللي بيدي مش انا."
فوقت على صوت عي*اط مسك جريت عليها لقيته ماسك الحزام بيض*ربها..
_في اي بتض*ربها لي عملتلك اي هي ؟!
ضحك بسخريه وهو بي*شد في شعرها _بتقولي صلى قال.
اخدتها منه وحضنتها _عوزالك الخير وبتحبك تقوم تضر*بها؟!
لقيته بصلها شويه حسيت ان قلبه اتهز بس فجأه لقيته اخد بعضه ونزل..
بعد مرور عشرون عاما...
_بابا ممكن تقوم عشان تاكل.
_خلي امك تجهزلي الشاي لغاية مااصحي.
اتكلمت بدموع _اي يابابا انت نسيت ان ماما ما"تت وهي بتولد رؤيا؟!
لقيته قال ذي كل يوم لمدة عشرين سنه _طب خلاص مش هاكل غير لما هي تيجي.
طلعت من الاوضه ناديت الجيش بتاعي الاربعه اخواتي مكه و خديجه وميرال ورؤيا ودخلنا عليه ووقفنا قدامه كان ماسك صورة ماما في ايده ونايم..
مسك _ها وكده مش هتصحي برضو
مكه_لا اذاي ده لاذم يصحي عشان النهارده حفلة التكريم بتاعتي يلا يابابا قوم.
لقيناه بصلنا كلنا لقيته بسرعه قام وقعد على السرير وقال _انتوا مين؟!
قولنا كلنا بصوت عالي مع بعض _بناااااتك يابابا.
لقيناه ابتسم بانكسار _كبرتو؟!
رؤيا _اي ياحج الافوره دي مااحنا كل يوم في وشك.
لقيناه بص لرؤيا وقال _انتي رؤيا صح؟
رفعت حاجبها وقال _اه.
ضحك وقال _كنتي فين وقت ماكنت بربي اخواتك.
_مكنتش لسه جيت ياكبير .
_اه مانا بقول كده برضو
خديجه _بابا النهارده حفلة تكريمي انا ومكه يلا بقا قوم.
قال بللهفه_هتتكرموا لي؟!
مكه بفرحه _عشان احنا الاتنين نجحنا واخدنا المركز الأول على كلية الطب.
لقينا بابا قال بمرح وفخر_ انتوا الاتنين المركز الأول؟! غاشين من بعض ها؟!
رؤيا _بقولهم كده والله يابابا بس مش مصدقين.
وقتها بصنالها كلنا بقرف راح بابا قال
_مقولتليش صحيح وانتي يامعفنه في سنه كام؟!
بفخر _في تالته ثانوي.
_دي اللي بقالك سنتين فيها؟!
قالت بسخط_بابا لو سمحت متجحرش شعوري.
مسك الشبشب ورماه عليها _لا متخافيش انا هجرح وشك مش شعورك.
وقتها طلعت برا ودخلت اوضتي انكمشت على نفسي ايوه بحب ابويا ربنا هداه محمل نفسه مو"ت امي وزعلان عليها وحزنه قا" تله بس عمري ماهنسي الض*رب اللي ياما اخدته انا وأمي منه وان امي ما"تت زعلانه منه بعد عذ" اب شوفناه معاه انا كان عندي 6 سنين خديجه ومكه كان عندهم خمسه ميرال كان عندها تلات سنين عي"طت _ فينك ياأمي وحشتينا .
مكه _شكلي حلو؟!
خديجه _اظبطي النقاب مش مظبوط من فوق حواجبك باينه يابنت الجبالي .
رؤيا بصراخ _ فييين البنداااانه بتاااعتي، .
ميرال _ الجوانتي بتاعي لو مظهرش هشحوركم.
مسك _ رؤيااااا الفستان والنقاب النبيتي بتوعي فيييين ؟!
رؤيا بمرح وخوف _في الغسيل.
مسك بصراخ _رؤياااااااا.
مسك_مبارك ياخديحه مبارك يامكه
رؤيا _مبروك ياست خديجه انتي ومكه بس ابقوا قولولي سر الذكاء ده جايبينه منين اصل الذكاء عندي بعافيه شويه..
ميرال بحضن لأخواتها _مبرووك يااخوااتي هيييه اخوااااتي اخوااااتي ..
وكل هذا كان تحت أنظار ابوهم اللي كان فخور بهم وفي يده صورة لزوجته الحبيبه الذي كان يحبها وكم هو حزين لمفارقتها ، جاء صوت ليوقظه من تفكيره بزوجته.
شخص_ عمي؟!
_؟؟
↚
شخص _عمي؟!
_انت مين؟!
بابتسامه _انا فهد ابن اخوك .
بابتسامة وجع _كبرت يافهد وبقيت راجل انت اكبر اخواتك صح؟!
بابتسامه بشوشه_اه ياعمي
كنت واقفه من بعيد مراقبه بابا وشايفه بابا واقف مع شاب طويل بشرته سمرا عينيه لونها عسلي و اول مااتكلم بابا حاول يبتسم وبعدين بص علينا وقتها نظرته كانت مابين الزعل والفرح معرفتش احدد بس بعدين بصلي وابتسم روحتله ع طول حساه محتاج ايد يشد عليها، ده ابويا وعرفاه روحت ووقفت جمب ابويا ومسكت ايده.
_السلام عليكم.
رد بابا والشاب _وعليكم السلام.
الاب _عارفه يامسك مين ده، ده فهد ابن عمك حسام.
فهد بللهفه _عامله اي يامسك؟! وحشتيني اقصد وحشتينا.
لقاني ساكته ، للهفته قلت، صوته وطي دلاله على انكساره وقال _انتي نسيتيني ولا اي؟
كنت واقفه وباصه عليه بفرحه يمكن مبسوطه اني منتقبه عشان ميشوفش فرحتي بيه نزلت راسي علطول لما حسيت انه بص على عيوني ويمكن قرأ فرحتي فيها واللهفه اللي في عنيا تجاهه، عشان عمري ماهنسي ولا نسيت فهد، الشخص اللي كان بيدافع عني لما كنا في بيت العيله، الشخص اللي كان بيحاوطني وبيخاف عليا اكتر من ابويا، الشخص اللي شالني وجابلي شوكلاته وشيبسي وحاجات حلوه وقت ماكان لازم ابويا اللي يجبلي، دموعي نزلت وانا بفتكر، ايوه ده الشخص اللي حضني وقت ماكنت محتاجه حضن ابويا...
اتكلمت بهدوء وابتسامه _ يمكن كنت لسه صغيره بس فكراك يافهد.
لقيته اتكلم بكل فرحه وابتسامه عريضه على وشه _بجد فكراني؟!
كان قلبي دقاته عاليه، وفي اضطرابات في قلبي كده، لا مش عاجبني حالي مش عاجبني خالص..
وقتها قربوا اخواتي مني وقربت رؤيا على ودني واتكلمت _مين ابو عيون عسلي ده.
جزيت على سناني واتكلمت بصوت واطي _غضي بصرك ياللي مشوفتيش ساعه ربايه.
ميلت تاني وقالت بضحك _تربيتك ياست مسك.
معرفتش اكتم ابتسامتي على كلامها ، كان وقتها بابا بيقولهم انه ابن عمنا بس سكتت لما بابا كان موجهله سؤال ووقتها مردش عليه وقتها بس رفعت عيوني ناحيته لقيته باصصلي انا ، اتوترت حسيت اني سخنت فجأه وقلبي اتنفض مره واحده..
بابا بصوت عالي _يافهد.
بتوتر _اي اي ياعمي..
_اي اللي جابك هنا في الجامعه.
_ كنت جاي مع واحد صاحبي اخوه بيتكرم هنا، وانتوا اي اللي جايبكم.
لقيت بابا قال بكل فخر ونظرته علينا _عشان خديجه ومكه بناتي بيتكرموا وهما المركز الأول..
_مبارك ليكم والله.
_الله يبارك فيك.
_وانتي يامسك دخلتي اي؟!
اتكلمت بهدوء وقوه _ دخلت حقوق..
قال باستغراب_بس لي دي صعبه ولا مجموعك كان قليل؟!
_لا بالعكس مجموعي كان جايب طب بس انا حبيت حقوق وكان نفسي ابقا محاميه عشان اجيب حق الناس وبالذات حق المرأه اللي بتتضرب وبتتهان في ظل المجتمع الذكوري ده.
نظرتي انا وفهد جات على بابا بدون قصد، وقتها بابا اتنهد وسابنا ومشي.
وقتها اخدت نفس وكان اول واحد اتكلم فهد _لسه منستيش؟!
رفعت نظري ليه _ معرفتش انسى.
بصلي بنظرة غريبه عليا وقال بابتسامه _ كبرتي يامسك وبقيتي قويه وغريبه عليا مش مسك الصغيره اللي كانت بتجري في حضني تستخبي.
بصيت لأخواتي بنظرة يلا نمشي ورديت عليه _ الحياه بتكبر، وبتقوي، و بتبقا حضن لينا مبتخليناش محتاجين أحضان حد ، فرصه سعيده يافهد
سيبناه ومشينا سمعته وهو بيقول بصوت عالي فيه للهفه _اتمنى تتكرر..
↚
كنت ماشيه و بقول في بالي _وانا كمان اتمنى تتكرر.
" وكانت تلك بداية حب مسك "
____________________________________
رؤيا _ سلام يامسك متأخره على الددرررس.
مسك _ طب ياختي خلي بالك من نفسك.
رؤيا _اوكيييه يا ست الكل..
كنت نازله مستعجله الدرس ميعاده تسعه وانا نازله من البيت تسعه ونص بجد اللهم بارك عليا بجد اتحسد!!
_اي الجمال والحلاوه والاحترام ده ع الصبح ؟!
بصيت ورايا لقيت واحد نوتي عمال بيعاكس هو انا ممكن اروح اضربه صح؟! ولا هبوظله وشه القمر ده؟!
_ طب انا معجب بيكي ياانسه ع فكره؟!
_ علي فكره لما بشوفك قلبي بيدق.
فجأه سمعت واحد اتكلم قال _ماهو لازم يدق ياروح امك بس متخافش انا هخليه ميدقش حتى للدبانه..
ونزل فيه ضرب كنت واقفه بعيد وابتسامتي من الودن دي للودن دي افتكرت الدرس وكنت ماشيه فجأه لقيت الشاب اللي دافع عني وقف قدامي.
_علي فكره ابعد بقاا عشان متأخره علي الدرس.
لقيته رفع حاجبه واتكلم بسخريه _لا والبت شاطره اووي وبتقفل في المواد، امال لو مكنتيش عايده السنه مرتين يابت؟!
اتكلمت ببجاحه _انت مييين انت؟
لقيته قرب مني شويه وقال _ابن عمك مالك ياست رؤيا..
_؟!
↚
وعند مكه وخديجه اللذي تم قفل باب دورة المياه عليهم بالخطأ في الجامعه والكثير من الطلاب بالخارج يحاولون فتح الباب ولكن بلا فائده.
خديجه ببكاء ونفس متقطع _ هنعمل اي يا مكه الباب مقفول علينا.
مكه بتوتر _مش عارفه بس اهدي بالله تهدي ياخديجه وحاولي تاخدي نفسك ارفعي النقاب شويه .
كانت مكه خائفه على اختها كثيرا لأن خديجه تعاني من فوبيا الأماكن المغلقه ويمكن ان تفقد الوعي في اي وقت من شدة الخوف .
مكه بخوف _ ياناس حد يلحقنا خديجه تعبانه اوي.
وقتها جاء صوت عالي جعل قلب مكه يدق وقال بقوه _حاسبوا كده وابعدوا عن الباب خلونا نحاول نفتحه .
قال له الشاب الذي معه _ يلا نكسره.
وفي اقل من ثانيه انكسر الباب وفي نفس اللحظه وقعت خديجه وفقدت الوعي..
مكه بصراخ وبكاء ونسيت إنها طبيبه _ اختي حد يلحق اختي دكتوره عاوزه دكتوره الحقونا.
وقتها دخل الشاب اللذي اسمه عدي وهو الذي جعل قلب مكه يدق وقال بغضب لمكه _ نزلي النقاب بسرعه وشك باين .
من شدة خوف مكه على اختها نسيت انها كانت ترفع نقابها انزلته سريعا وكان عدي ماذال واقفا ينظر لها بغضب ، جاء الشاب الذي كان معه والذي اسمه معاذ وقال لمكه _ خدي المايه دي وكبي على وشها خليها تفوق.
حاولت مكه ووضعت مياه على وجه خديجه فاستيقظت خديجه وقامت من مكانها واسندتها مكه وخرجوا من دورة المياه فاقترب معاذ و وعدي منهم ليطمئنوا عليهم.
معاذ لخديجه _الف سلامه عليكي انتي كويسه دلوقتي؟!
رفعت خديجه وجهها له نظر لها عيناها بلون الأخضر بموجات عسليه تجبرك على الوقوع لها ونظرت هي له كانت عيناه متلهفه بندقية اللون أنزلت رأسها سريعا وقال _ الحمد لله بقيت كويسه شكرا اوي على اللي عملتوه.
وعند عدي اللذي كان ماذال ينظر لمكه بغضب ومكه تنظر له بخوف من نظراته وتقول في بالها " هو ماله ده عاوز يقتلني كده لي"
مكه بمحبه _شكرا جدا على اللي عملتوه والله.
وامسكت يد خديجه وكانت على وشك الذهاب او الهروب من عينان عدي القاتله اوقفها عدي اللذي اقترب منها وقال بغضب _ عارفه لو شوفتك تاني رافعه النقاب مش هيحصلك خير ياست مكه.
كانت تقول في بالها من أين عرف اسمها هل هي مشهوره لهذه الدرجه ولكن نظره الغضب اللتي في عيناه جعلتها تضغط على يد خديجه تفر هاربه منه .
وقتها وقف معاذ وعدي ينظرون في هروبهم فقال معاذ لعدي بعد ما وجده شارد وقال له _ ده شكل الغمازه غمزت ولا اي.
تنهد عدي وقال بألم _ هي لسه هتغمز؟! دي غمزت من زمان اووي واخوك واقع .
" فهل ستقع له مكه ام ماذا"
______________________________________________
وعند المجنونان رؤيا ومالك..
رؤيا ببجاحه _ يعني اي ابن عمي يلا؟!
مالك برفع حاجب _ يعني ابويا اخو ابوكي.
رؤيا بسخريه _ والله؟!
مالك بسماجه _اه والله.
مالك _ احم احم نبدأ من الاول انا مالك ياستي ها اسمي مالك وانتي؟!
رؤيا بعصبيه _مانت لسه قايل اسمي وعارفني وعارف ابويا بتسألني لييييي؟!
مالك بعصبيه _ انتي مالك مش طيقاني كده لي؟!
رؤيا بهدوء _ممكن اروح الدرس؟!
مالك بسخريه _روحي يااختي بس يكش تنجحي السنه دي يام ملاحق ياللي عايده سنتين.
↚
نظرت له رؤيا بغيظ ووعيد ورحلت الي درسها وذهب هو الاخر ورائها خوفاً عليها من ان يحصل لها مثل ما حصل لها منذ قليل..
_____________________________________
نذهب حيث المكان الواسع الذي به يحكم القاضي بالعدل او اوقات ظلم للبعض.
حيث مسك تترافع.
مسك _ هذه المرأه ضُ"ربت، أُهينت، قام زوجها بمعاملتها معاملة قاسيه، استعبدها، تزوج عليها، وقام بإجبارها بخدمة زوجته الأخرى والنهايه يريد أن يطلقها بلا تعويض، ولماذا؟! اكل هذا لأنها لم تجلب له الولد " نزلت دموع مسك على وجهها عندما تذكرت والدتها" هل هذا هو جزائها ياسيادة القاضي؟!
مسحت مسك دموعها وقالت بقوه _اطالب سيادة القاضي ان تعطيها حقها وان يطلقها وان يسجن زوجها بسبب الض"رب الجسدي الذي قام به بموكلتي وهذه تقارير الطب الشرعي التي تؤكد علامات الض"رب التي على جسم موكلتي.
القاضي _ وبعد المداوله وسماع الاراء ورؤية تقرير الطب الشرعي حكمت المحكمة حضوريا على المتهم احمد محمد إسماعيل الزوج بالسجن ثلاث سنوات و حكمنا نحن بإعطاء زوجته كافة حقوقها من القايمه والشقه من حقها هي وبناتها وكافة الحقوق الأخرى رُفعت الجلسه.
كانت هناك مسك تنظر بانتصار والفرحه تغمرها أتت إليها المرأه ببكاء وقالت _مش عارفه اقولك اي ربنا يديكي يابنتي ويفرح اهلك بيكي.
ضمتها مسك وقالت _ ربنا يخليكي يارب.
المرأه _ اول ما هيبقى معايا فلوس علي طول هديكي حقك والله يابنتي.
ابتسمت مسك وقالت _بتقوليلي بنتك وعاوزاني اخد منك فلوس عيب ياطنط المهم اني جبتلك حقك ودي هديتي.
كان هناك من يقف وينظر إليها يفخر ، سعيد بها وسعيد بمسك الجديده.
اخذ يقترب منها وقتها كانت هي تمشي باتجاهه بثقه بها بعض من الرقه وبعض من القوه في نظرتها..
فهد _ مسك.
دق قلب مسك بفرحه حاولت اخفاء ابتسامتها قدر الإمكان ونظرت له .
فهد بفخر _ فخور بيكي يا مسك.
مسك _ شكلك واقف من بدري.
فهد بابتسامه _ تعالي اروحك.
مسك بسماجه وهي ذاهبه _بعرف اروح لوحدي يافهد انا بقيت كبيره ومع ذلك شكرا اوي .
فهد بصوت عالي _ متخافيش هتشوفيني تاني هطلعلك في كل حته.
مسك بابتسامه في داخلها _ شكلي مش هخلص منك يافهد.
______________________________________________
وعند ميرال كانت تجلس امام لوحه من لوحاتها فهي في كلية فنون جميله فقالت فجأه بصراخ وفرحه..
_اخيرا خلصت الرسمه دي بجد هموت من الفرحه.
فدخل شاب يجري سريعا وفي يده زجاجة بيبسي واذا بالحظ وقعت الذجاجه وما بداخلها على لوحة ميرال .
ميرال بردح وصوت عالي _ نهااااارك اسوووود ومهبب بسواااد.
↚
في بيت الحاج أحمد والد البنات كان ممسك بصورة تجمعه هو وزوجته نسمع بكائه وقتها بصوت عالي وهو يقول..
_ سبتيني ليييي كنت خلاص هرجع كويس، سبتيني لييي بس انا كنت بحبك وكنت عاوز ولد عشان يسندنا لما نكبر ، كنت عاوزلك راجل يبقا سندك لو متت مكنتش اعرف انك اللي هتموتي وتسيبيني مش عارف اعيش من غيرك والله مش عارف..
وقتها خرجت زوجته ووقفت في الجهه المقابله له وجلست وامسكت يده بلطف شديد وقالت باابتسامتها التي افتقدها _ انا مسبتكش ياحبيبي انا سبتلك خمسه يعوضوك عني " ضحكت" خمسه يسدوا عين الشمس ، خمسه هيسندوك وقت تعبك ، خمسه بيحبوك رغم اللي عملته فيهم زمان ، الخمسه هيجيبولك خمس رجاله ولو كل واحده جابت فيهم ولد وبنت هيبقا عندك خمس رجاله كمان وخمس بنات كمان يالهوي على الفرحه يعني هيبقا عندك عشر رجاله وعشر بنات طب بذمتك في احلى من كده؟! عيله كبيره، و ونس.
طبطبت على ايده وقالت _ حبهم، خليك جمبهم، احضنهم، اسندهم وقت مايقعوا واحضنهم احضنهم ياأحمد..
امسك يدها وقبلها وقال _ بحبهم والله بحبهم اووي.
وقتها اختفت وظل احمد ينظر مكان اختفائها و يفكر في ما قالته زوجته الحبيبه...
____________________________________
وعند ميرال..
الشاب _ في اي ياأنسه والله مااخدت بالي.
ميرال بشر _ مخدتش بالك صح؟!
الشاب _ اه وهو انا يعني عاوز اعمل كده لي.
ميرال بشر اكبر _ هتشوف دلوقتي.
ميرال بصراخ _ الحقووناااااي الحقووناااااي عاوز يضربني يالهووووي انا عملتلك حاجه حرام عليك دانا بنت منكسره الجناح حرام عليك.
الشاب بتوتر _ياانسه ياانسه مينفعش اللي بيحصل ده!!
ميرال بخبث _ انت لسه شفت حاجه؟!
ومع علو صوتها تجمع الكثير من البنات والشباب منهم الفضولي ومنهم الغير المبالي.
عميد الكليه _ اي اللي بيحصل هنا في اي.
ميرال بمسكنه _ حضرتك الشاب ده كب البيبسي على المشروع بتاعي اللي بقالي شهرين بعمل فيه ولما زعقتله الاستاز عاوز يضربني أكمني طيبه ولا بهش ولا بنش .
نظرت ميرال للشاب وقالت بصوت لا يسمعه احد غيره _ ياغيران اكيد غيران من رسمتي صح ..
قابلها هو بنظرة استهزاء
العميد بغضب للشاب _ اسمك اي ياأستاز.
الشاب _ اسمي حمزه.
العميد بغضب وصوت عالي _ ينفع ياحمزه اللي عملته ده مع الانسه؟! ترضاه يحصل لأختك؟! انت مفصول من الجامعه لمدة أسبوعين تأديب ليك.
حمزة بنظره لميرال وفيها جزء من السخريه _ حضرتك اصلا انا مش في الجامعه هنا ، ثانيا انا دخلت بدون قصد ، ثالثا بقا مكنتش هضربها عشان مبمدش ايدي على نسوان ، رابعا بقاا " نظر نظرك قرف لميرال وقال" هو فين المشروع ده شوية الشخابيط دول ؟!
العميد _ وأيه اللي دخلك في الجامعه هنا طالما انت مش فيها.
حمزه بهدوء _كنت جاي لواحد صاحبي هو دكتور هنا.
_ طب اتفضل حضرتك.
ميرال بصراخ وحزن _ طب والمشروع؟!
حمزه بابتسامه ونظره بها شفقه _ انا اسف.
ميرال بصراخ طفله _هصرفها منين دددي ها وياتري هترجعلي مشروعي ؟!
نظر لها حمزه بضحك وذهب وتركها تستشيط غضب منه.
" أهذا هو حبها ام لا؟!"
↚
في المنزل حيث الصوت العالي كأن هناك فرح في منزل البنات ولكن هذا ليس فرح إنها رؤيا تغسل المواعين.
رؤيا بصوت عالي _ حبيبتي افتحي شباكك انا جيت انا واقف تحت البيت مش هعمل.
مسك بصراخ وحذاء تحدفه على رؤيا _ حبيبتك اي ياللي منك لله والله لو ما وقفتي الذفت ده ما هيحصلك طيب..
رؤيا بسماجه _ جرا اي ياست مسك مبعرفش اغسل المواعين غير كده والله لو مش عاجبك تعالي اغسليهم انتي.
مسك برفعة حاجب _ المواعين هتغسليها ، ومن غير اغاني وحسك عينك اسمع حاجه تاني لا إلا وقتها هتصرف معاكي كويس ماشي ياللي عايده سنتين؟!
بعد ذهاب مسك قالت رؤيا ببرطمه _ وهو انا يعني اللي عاوزه أسقط ماهو نظام التابلت هو اللي زفت يعني فضلنا سنتين ننجح من غير مانذاكر وفي الاخر عاوزنا نزاكر ولما زاكرنا سقطنا !!
نعم إنه نظام التابلت الدي دمر احلام بنات وشباب كتيرون ودمر أيضا احلام الاهالي في أبنائهم..
رؤيا _ ياااه اخيرا الواحد خلص المواعين يااااه يااااه.
خديجه _ ماخلاص ياختي مكنوش طبقين دول.
رؤيا على وشك البكاء والصراخ _ طبقين؟! طبقين اي ياللي منك لله حرام عليكي دانا ايدي اتشلت في الغسيل حرام عليكي خلعت راسي ودعيت عليكي يابعيده..
وقتها دخلت ميرال بهمجيه _جعااااانه جعااااانه ياخلق جعااااانه مفيش طفح ناكله.
رفعت مكه اعينها من الكتاب الذي كانت تقرأه _ ادخلي صحي ابوكي لغاية ما نحضر الاكل.
ميرال بصراخ _ وهو كمان لسه هتعملوا اكل؟!
مسك برفعة حاجب _ هي قالتلك اي؟!
ميرال بتوتر _ اصحى بابا.
مسك بتحذير _ يبقا تعملي اي؟!
ميرال بخوف _ اصحى بابا.
____________________________
و في مكان ما حيث يجتمع رجل كبير في السن ولكن يبدو عليه الشر و يجلس مقابل له خمسة رجال قال الرجل للخمس أبناء.
الرجل _ انتوا كده ظهروتوا كلكم للبنات صح؟!
رد شاب منهم وقال _ اه يا بابا كلهم شافونا.
الرجل بشر _ يبقا كده يبدأ اللعب معاهم..
" ومن هنا نقول ان تلك بداية روايتنا "
↚
وفي بداية يوم جديد حيث الاب جالس على السفره ينتظر بناته الخمس للإفطار نجد باب غرفة انفتح لتخرج منه مجنونتنا رؤيا بشعرها البهلواني لينتفض قلب أباها من الخضه من شكلها ولكنه يكتم صوته ، وينفتح باب مسك بهدوئها ونظراتها اللتي لا تنم على خير لأباها ليقول الاب في سره " اهي مرات ابويا" ، ويفتح باب غرفة اخر ونرى الاثنان خديجه ومكه معا بنظراتهم البريئه لينظر الاب لهم بحنان افتقدوه كثيرا ، وينفتح الباب الخامس بهمجيه غريبه وتظهر منه مخلوقه غريبه على بشرتها الوان كثيره و طريقة شعرها الغريبه اللتي تظهرها كالمخلوق الفضائي لينظروا لها بخوف لتقترب منها رؤيا لينظروا لوجه بعض هما الاثنان عن قرب ليصرخوا معا خوفا من شكلهم !! وبعد هدوئهم ومعرفتم انهم رؤيا وميرال الاخوات...
لينظروا خمستهم باستغراب لأبوهم فليس من عادته ان يستيقظ باكرا ويحضر لهم إفطار ايضااا!!!
تتكلم رؤيا وهي بفم ملئ بالأكل _ اااي يابابا اي الكرم ده كله بس !؟ صاحي بدري وعاملنا فطار كمان!!
لتنظر له نظره شك وتقول بتوتر _ حاطط سم؟!
لينظر أباها لها بقرف _ ولو قولتلك اه هتبطلي اكل؟!
رؤيا وهي تأكل لتقول _ لا مش هبطل برضو!!
لينظروا جميعهم بقرف لها لتتكلم اولهم مسك وتقول وهي تأكل بهدوء _ اي يا بابا عاوز تقول اي؟
لينظر لها الاب بكيف عرفت انه يريد قول شئ؟!
ليتكلم الاب بهدوء وتوتر _ النهارده هنروح بيت العيله عمكم وجدتكم والعيله هناك عاوزين يشوفوكم .
ليقف الخمسه من أماكنهم بسرعه مهرولين الي غرفهم ويقولوا..
مسك _ يالهوي عليا قضيه مهمه النهارده.
خديجه لمكه _ انتي ناسيه محاضرة النهارده اجري نلحق.
مكه _ يالهوي كنت ناسيه.
ميرال _ اخراااابي مشروعي لاذم اخلصه من الاول ياختاااي.
رؤيا _ الدررررس علياااا دررررس كنت ناسيه ..
لينظر لهم الاب بهدوء ويقول بصوت عالي _ روحوا مصالحكم ذي ما عاوزين بس هنروح النهارده يعني الساعه 8 بلليل الاقيكم لابسين وجاهزين.
بعد ذهاب الكل ماعدا رؤيا اللتي مازالت تأكل نظر الاب لها وقال بهدوء وهو يعطيها مالا_ خدي ياختي فلوس الدرس ولا قصدي فلوس ساندوتش السوري الشاورما اللي هتجيبيه كنت سامعك بتقولي لصاحبتك امبارح بدل ما ندخل الدرس نجيب ساندوتش شاورما سوري.
ليقلب شفتاه قائلا بغيظ _ بقا يامعفنه مضيعه فلوسك على الاكل ياام بطن حمرا!! وانا اقول البت بتتخن وتسقط كده لي!!
لتقول رؤيا بمرح _ ماهو اللي بيدوه في الدرس مبيجيش في الامتحان وبناخد فوق دماغنا ويجيبوا الامتحان من برا الكتب يبقا اخد دروس لي وانا ممكن ادلع كرشي.
الاب بابتسامه وهو يأخذ منها المال الذي أعطاه لها _ جدعه دلعي كرشك بس بعيد عني.
رؤيا بصراخ وهي تجري وراؤه لتأخذ منه المال _ أبااااباااا هات اللفللللوث عااااوزه اجيب اكل ااااقصد اروح الدرررس!!! ..
لم يعيرها الاب اي اهتمام وذهب الي غرفته وأغلق الباب في وجهها بقوه..
رؤيا بمرح وهي ذاهبه الي غرفتها _ كويس ان لسه معايا فلوس الدرس بتاعة المره اللي فاتت وإلا ذماني كنت اتسوحت!!
نعم فتلك رؤيا التي تمثل نصف بنات العالم تأخذ مال الدرس ليأكلوا به تحت منهج " دلع كرشك" وهذا النوع من البنات فاشل وبكرش كنت كذلك يوم من الايام 😊😂.
والربع من البنات يأخذوه ليدخروا اموالا لسيد كخه ثم يأخذ سيد كخه تلك الأموال ويترك تلك الفتاه ليصرف الأموال على الكخه بتاعته وذلك النوع من البنات يمشون مع شباب تحت مسمى الارتباط وانا اري ان هذا النوع من البنات اغبياااء !!!
والربع الاخر او الاقلاء الذين يأخذون أموال الدروس ويذهبون الي الدروس ويدخلوا الي الدروس ويستمعون الي الدرس ولكن لايفهمون ويقولون في ادمغتهم " لما اروح البيت هحل عليها واكيد هفهمها".
______________________________________________
نذهب حيث مسك جالسه تتابع قضيه ورأت شئ غير متوقع في قضيه أمامها واسم غير متوقع وقامت بالاتصال حالا بشخص وقالت بتوتر _ هو بخصوص القضيه بتاعة حضرتك هو الكلام ده صح؟!
رد عليها الشخص _ ايوه صح يامسك انا اضطريت اجبلك انتي القضيه عشان عارف انك مبتحبيش الغلط وهتعرفي تتصرفي.
ردت مسك بتوتر _ يعني قصدك؟!
وقتها قاطعها الرجل سريعا بنبره غريبه وقال _ ايوه يا مسك عمك وعياله تجار مخدرات كبار في السوق ..
مسك _ يالهوي!!!...
____________________________________
نذهب حيث مول كبير ونسمع صوت شجار ليس بغريب علينا نعم انه صوت ميرال صاحبة المشاكل..
ميرال بصراخ _ يعني اي اوريك وشي؟!
↚
الحارس _ لاذم ياانسه ده من دواعي السلامه وبعدين مين يعرف تطلعي من الجماعه وتكوني عاوزه تفجرينا .
ميرال _ سلامة اي ومفجراك اي ياجدع انت والله ما مورياك وشي بس ها.
الحارس بعند _ خلاص خليكي قاعده عندك مش هتدخلي..
ميرال بعند اكبر _ يعني مش هتدخلني؟!
الحارس بعند اكببر_لا مش هدخلك..
لنسمع صوتها يهز الجدران وهي وتصرخ _ الحققققوووني الحققققوووني بيييتتححححرش بيااااا الحقوووووا بيتحرش بيااااا ..
ليتجمع الكثير من الناس من الشعب ونحن الشعب المصري الفضولي اللذي لا يمر مشكله أمامه إلا وتدخل بهاا..
_ في اي ياأنسه.
ميرال _ الحق الحق بيقولي شيلي النقاب عاوز اشوف جمالك الحق هو انا يعني عشان منتقبه اتهاااان!!؟
لتتكلم بنت من أصدقاء ميرال وتقول _ايوه فعلا عاوز يشوف وشها ولما رفضت مرضيش يدخلها.
ليهجموا عليه الكثير من الناس ليأدبوه وتدخل ميرال الي المول هي واصدقائها بسلام كأنها لم تفتعل مشكله الان، بينما كان هناك من يقف بعيدا يراقبها ويقول في باله " يابنت الأيه هي اذاي عملت كده اي الجبروت اللي فيها ده؟!"
"نعم فتلك ميرال اللتي تأخذ حقها بلا أي تعب او مجهود فقط صرختين َتمت المهمه"
___________________________________
لنلقي نظره حول رؤيا اللتي كانت جالسه في الدرس وتحاول فهم كلمتين من المدرس لتفهم شئ لتنغزها فجأه ذميلتها التي بجانبها وتقول لها..
_ ياترى هنجيب اي اكل النهارده؟
_ طب نجيب شاورما، ولا بانيه، ولا اي فكري معايا!؟
ميرال _ مش عارفه فكري انتي خليني افهم كلمتين وخلي تفكير الاكل عليكي
_ عارفه في واحد جديد بتاع بيتزا فتح جديد وبيبعها بخمسين جنيه،
ولا اقولك خساره خمسين جنيه، في واحد جديد بتاع حواوشي بلدي الاتنين بخمسه جنيه بس اي قمررر..
_اه شكله حلو ده خلينا نروحله..
" لنترك رؤيا وذميلتها ليأكلوا حواوشي الكلاب وننتظرهم في المستشفى.."
_________________________________________
وعند مكه في المحاضره كانت منتظره مجئ الدكتور بينما تلعب خديجه بالهاتف الخاص بها ومكه جالسه تتابع بفضول وهي تأكل الشيبسي مشاجره كلاميه بين زميلتين، حيث زميلتها اخدت منها حبيبها والأخرى تشاجرها لهذا السبب وكانت مكه تقول في سرها " بنات تافهه ملقيوش اللي يربيهم".
وفجأه تُرمي ورقه على مكه بتنظر مكه يمينا ويسارا لترى من رماها ولكن لا تجد اي شخص ينظر إليها لتفتح الورقه بفضول اكبر لتجد مكتوب " بحبك"
لتتورد وجنتاها وتبتسم ابتسامه صغيره وتقول بسرها بعدما رأت من رماها " كلام الرجاله ده نعدل بيه مزاجنا لكن منصدقهوش " وترمي الورقه بكل قوه على ذلك الشخص وتتابع المشاجره مره اخرى وهي تأكل الشيبسي
بينما هناك من ينظر إليها بصدمه..
____________________________________________
لنذهب الي حيث الاب يخرج من الغرفه ليجد خمستهم منتظرينه بكامل اناقتهم وملابسهم الجميله وخمارهم ونقابهم الذي يذيدهم جمالا لينظر لهم الاب بفخر وفرحه..
الاب _ يلا بينا .
البنات بصوت واحد _ يلا!!
ليذهبوا الي وجهتهم بيت العائله.
بينما مسك تفكر في الاخبار التي عرفتها اليوم عن عمها وأولاده وتفكر هل فهد معهم !!
وبينما رؤيا تفكر في النجاح وتريد ان تنجح هذه السنه بأية طريقه كانت.
وخديجه ومكه يفكرون في التفوق في تلك السنه لأنهم يريدون ان يكونوا اكبر أطباء جراحه.
وميرال التي تفكر كيف تنهي المشروع مره اخرى بعدما خربه ذلك الحمار ..
ليصلوا الي بيت العائله وينزلوا ويدخلوا الي البيت خمستهم واخرهم ابوهم ليستقبلهم عمهم وأولاده الخمسه وجدتهم..
العم _ اهلا اهلا يابنات اخويا عاملين اي.
ليشاور العم الي أبناءه ويقول _ دول ولاد عمكم الخمسه فهد، حمزه، مالك، معاذ، عدي.
وكانت اول من تكلمت ميرال وهي تقول بصراخ _ انت تبقا ابن عمي؟!
وقتها تحركت مسك ووقفت أمام اخوتها الاربعه كحصن منيع بعدما رأت نظرات عمها وأولاد عمها الخبيثه تجاههم وقالت بداخلها _ لنبدأ اللعب اذن ..
↚
العم بنظرات ماكره لبنات اخوه _ اذيكم ياحبايبي عرفوني عليكم اصلي معرفكمش اوي عشان كلكم بنات يعني ولابسين شبه بعض يعني منتقبات وكده !!
نظرت مسك لأبوها بقوه لتراه يتنهد و ينظر في إتجاه اخر كأنه يكره ان يذكره احد ان عنده بنات فقط!!
لتنظر لأخوتها نظره فهموها جيداا وبعدها لتنظر مسك لهم بقوه وبإبتسامة فخر وتقول _ انا مسك الكبيره يا... عمي!! دخلت حقوق والحمد لله وكله بفضل ربنا فتحت مكتب وبقيت اكبر محاميه وتقدر تسأل عن مسك احمد الشرقاوي متهيألي كانوا كاتبين عني مقاله من يومين.
ليتوتر العم من طريقة كلامها ولكنه يتذكر شئ سريع ليقول بسرعه خبيثه -اه فعلا قريت عنك مش انتي بتاعة الشحاتين!!
لينفجر في الضحك هو وأولاده الخمسه بطريقة سخيفه..
لتضحك رؤيا معهم هي وميرال لترفع مسك حاجبها لهم ولكنهم يذهبون ليقفون بجانب عمهم لتقول رؤيا بصوت عالي و بضحك _ تعرف ياعمو مسك لسه جايبه لواحد في قضية مخدرات خمسه وعشرين سنه سجن وكمان اي مع الأعمال الشاقه.... وكله ببلاااش أصلها مش محتاجه فلوس من حد هي بتعمل كل ده لله !!
ليصمت العم هو وأولاده لينظروا لبعضهم لتنفجر ميرال في الضحك وتقول ساخره وهي تلعب بأصابع كف يدها _ اصل المشكله يابت يارؤيا ان الراجل قال اي جاي يقولها طلعيني براءه طب وانت ملقتش غير مسك يااهبل؟! اصل انت متعرفش مسك ياعمو قادره، قويه، مبتسبش حقها، و مبتحبش الغلط واللي بيجي على سكتها؟؟
ليقول الخمسه بنات معا _ أمه داعيه عليه!؟
لينفجروا في الضحك معاا هما الخمسه وهم يروا نظراتهم التي كلها غيظ منهم، ليقوموا خديجه ومكه ويقولوا معا.
خديجه _ انا خديجه
مكه _ وانا مكه احنا الاتنين توأم و في كلية طب بشري وفي اخر سنه وان شاء الله هنطلع دكاترة جراحة.
العم _ ماشاء الله عليكم.
ليشاور للأثنان ميرال ورؤيا _ وانتوا بقاا مين؟!
ميرال بلامبالاه _ ميرال وفي كلية فنون.
رؤيا بلكاعه وهي تنظر لأباها _ هو لي محسسني انه هيطلعلنا بطايق.
الاب بابتسامه وهو ينظر لأخوه _ دي رؤيا اخر العنقود في تالته ثانوي.
العم بخبث _ بس شكلها اكبر من كده.
لتقول رؤيا بقوه _ عشان كنت ساقطه سنتين.
العم بضحك وخبث _ ادي خلفة البنات بنت وساقطه كمان؟!
لتحمر عين مسك من تحت النقاب وكانت ستجيب عليه ولكن ضغطط رؤيا على يدها لتمنعها من الرد لترد هي ولكن تفاجئوا من الذي رد عليه وبقوه..
الاب بقوه ونظرة فخر _ تعرف ياحسام البنت دلوقتي طلعت اجمل من الولد بكتيير ده لو انت بتتكلم عن حوار البنات والولاد انا اللي هحكيلك تعرف رغم اللي عملته ذمان في امهم وفيهم بس والله محدش فيهم في يوم سابني .
ذهب ووقف بجانب مسك ووضع يده على رأسها وقبلها قبلة على جبينها وقال _ الكبيره مسك اللي شافت مني عذاب متتخيلهوش تعرف مسك دي عمرها مازعلتني ولا عصتلي كلمه بالعكس خلتني فخور بيها، بتحضرلي الفطار كل صبح وتيجي بلليل تشوفني متغطي ولا لأ ده الرسول صلى الله عليه وسلم قال خيركم من بكر ببنت وانا اللهم بارك معايا خمس بنات في وش العدو.
ورؤيا اللي بتعيب عليها انها سقطت وكده المشكله مش فيها المشكله في الوزير اللي بيلعب بيهم، المشكله في نظام الثانويه، الغلط من الوزاره مش من بنتي انا بنتي مفيهاش غلطة اللهم بارك عليها حبيبتي.
عندي خديجه ومكه هيطلعوا جراحين قد الدنيا وعندي ميرال رسامه و فنانه اللهم بارك جميله ذي امها وحقيقي انا فخور بيهم جداا
انا بناتي قادرين يرفعوا راسي في أي مكان اروحوا " لينظر الاب لبناته نظره حب وحنيه ويقول" دول هما اللي عايش عشانهم والله ومخلين للبيت بهجه وفرحه ..
وقتها كانت دموع مسك تجري على وجهها من كلام ابيها وهناك من كانت ابتسامتهم عريضه على وجههم من كلام ابيهم عليهم ليتقدموا الخمسه من ابوهم ليقبلوه ويحضنوه بهجوم ليضحك الاب بحنان عليهم.
الاب _ ماتعرفنا صحيح على أولادك بيعملوا اي في حياتهم وشغالين اي؟
العم بتوتر _ اه صحيح قولوا يا رجاله ...
كان سيرد فهد ولكن فاجأتهم مسك بأجابتها _ الاخوه الخمسه فاتحين محل شيبسي وكراتيه تحت البيت هو صحيح يابابا مش احنا لينا في المحل ده عشان بتاع جدي ؟!
ليضحك الاب ورؤيا بشماته ولكن يكتموها سريعاا..
↚
الاب _ اه بس بعدين الكلام ده يامسك لما نقسم الورث.
مسك _ ماشي يابابا وبابتسامه شامته _ فهد كلية تربيه طالع منها بمقبول بالعافيه، مالك كلية خدمه اجتماعيه وساقط فيها ولسه بيعيد سنه رابعه ، معاذ وعدي كلية طب خاص وبرضو بيعدوا بالعافيه يعني هما اصلا داخلينها فشخرة وكتر فلوس ، حمزه بقاا
كانت ستكمل مسك ولكن ليهب حمزه من مكانه وهو ينظر لميرال ويقول_ زراعه.
لتضحك مسك وتقول _ مكملهاش عشان سقط خمس مرات في أولى وكل مره يدفع فلوس ويدخل لغاية ما طردوه .
كانت كل من رؤيا وميرال يضحكون بشماته عاليه.
لتقول رؤيا _ بقولك اي يامالك؟!
لينتبه لها مالك وينتبهوا جميعهم لها!
لتقول بسخريه وشماته _عندكم شيبسي بالجبنه المتبله.
ليضحك الاب ضحكه عاليه وتكتم مسك ضحكتها سريعا هي وخديجه ومكه ولكن ميرال سقطت على الأرض من كثرة الضحك..
لينظر مالك لرؤيا نظرة قرف ولكنه كان منحرج كثيرا منها..
حمزة لميرال _ضحكتك اوي كده !؟
ميرال _اووي اووي ياحسن.
ليتكلم فهد _ وانتي عرفتي كل ده عننا اذاي يامسك؟
لتلعب مسك بأصابعها وتقول بنبرة قويه بعدما نظرت إليهم جميعا وقالت _ متعودتش اروح عند حد من غير مااعرف عنه كل حاجه فهمتوني؟!
كل حااااجه!!
وقتها نظرت مسك لهم نظره شملتهم جميعا ورأت نظراتهم لبعضهم يكسوها التوتر والكره واخيرا.... الحقد...
وكان هناك من يموتون غيظا من الذي يحصل أمامهم ويفكرون بداخلهم هل انقلب السحر على الساحر ام ماذا ولكنهم لم يدروا مع من يلعبون..
_______________________________________
في مكتب مسك يأتي لها اتصال من رقم غريب لترد عليه في الحال.
مسك _السلام عليكم.
شخص _ كل اللى عاوز اقوله انك تخلي بالك من نَفسك الفتره اللي جايه وخلي بالك من اخواتك عشان شكله هيحصل انفجار وهينفحر في وشكم كلكم..
ويقفل الخط في وجهها لتضحك مسك بسخريه وتمسك كل متعلقاتها وتنزل من المكتب وهي في طريقها تتصل بشخص وتقول _ أجمعوا كلكم.
وبعد فترة تصل مسك لمكان غريب وتدخل فيه كان عبارة عن شوارع داخليه لتصل لهدفها أمام مكتبة كتب وتدخل إليها وبعدها تضغط على زر لجدار ملئ بالكتب لينفتح كالباب ونرى انه ممر سري وتدخل فيه لنهايته وبعدها تفتح باب بكلمة سر وينفتح الباب لتسمع صوت بالداخل يقول بضحكه.
_ وأهي جات العميلة السريه التاسعه.
ليدخل ورائها شاب جذاب بمعنى الكلمة ويقول بمرح _ والعاشر يارؤيا اي كنتي هتنسيني ولا اي؟!
رؤيا بخبث _ انساك اذاي ياكبير دانت حبيبي.
لتنظر لها مسك بغضب.
رؤيا بخوف _ معرفهوش يابيه معرفهوش.
لتقف مسك أمام سبورة وترسم دائرة حول صورة لشخص ما وتقول بشر _ لنبدأ اللعب من جديد...
ليتكلموا التسعة الجالسين أمامها ويقولون _ شكلها هتبقى مجزره بطعم الدم..
↚
نظرت مسك لهم بقرف ولم تعيرهم اي انتباه لتمشي ببطئ وتجلس بجانب رؤيا وتقول _ مانا مش هسكت وهخليها دم فعلا عليهم.
ليتكلم فهد سريعا _ مااحنا بنساعدك اهه يامسك!!
لتنظر له مسك بقوه وبنبره قويه ولكن بها بعض الضعف _ والله محدش قال لابوك وامك يساعدوا في ق"تل.... امي.
فهد بانهزام أمام نبرتها _ يامسك!؟
لتنظر مسك الناحيه الأخري بغيظ
لتتكلم رؤيا بدموع حاولت كتمانها بعدما تذكرت موت امها _ خلاص يا مسك ما هما برضو اللي قالولنا ان ماما ماتت مقتو" له واحنا مكناش نعرف.
لتنظر لها مسك بسخريه .
مالك بعدما نظر لرؤيا ليري دموع في عينيها لينقبض قلبه خوفا عليها ويقول بسخط _ ماهو قتلها برضو.
لتتكلم رؤيا _ ق" تل مين؟!
عدي _ قتل امي اللي كانت بتساعده في كل جرايمه واول ما حصل ما بينهم مشكله راح خلص عليها علي طول.
ليسكتوا جميعا عن الكلام وكل منهم ينظر للآخر فهذا الرجل قام بكثير من الشر والجرائم.
لتقف ميرال وتقول بارتجاف _ ه هر روح ا شرب ع عطشت.
وكان حمزه من ينظر إليها بترقب.
لتذهب للغرفه المجاوره لهم وتنفتح في البكاء وتخرج صوره لأمها وتقول ببكاء _ هنجبلك حقك ياحبيبتي ، خلفتي خمسه هيجييولك حقك من اللي قت"لوكي " تسكت مده من الذمن وتنفتح في البكاء مره اخرى وتقول بتقطيع" وحشتيني ياماما وحشني اني اقولك ماما.
ليدخل حمزه الي الغرفه التي بها ميرال ويعطيها منديل لتمسح دموعها ويقول لها _ خليكي قويه علشانها لو بتحبيها.
لتنظر له من تحت نقابها وتقول _ ابوك حرمنا من احلى حاجه كانت في حياتنا..
لينظر لها بابتسامه _ ابويا هيتسحاسب على كل حاجه.
لتغمض عيناها وتقول _ وانت كمان هتتحاسب.
لينظر لها بردح _ لييييي
لتقول بغيظ وصرااخ _ عشااانن بوظتلي مشروووعي ياللي منك لله!!
لينظر لها شرزا ويأخذ منديله من يدها بحركه مفاجئه ويقول لها وهو يتجه للخارج _ خساره فيكي منديلي.
لتنظر له ميرال بسخط ولكن تشق وجهها ابتسامه عريضه وتقول _ ولسه!!
_____________________________________
نذهب حيث متجمعين جميعهم لتقول مسك _ هنبدأ من الشريف وهنسيب حسام للأخر..
ليقول معاذ _ اشمعني يعني تسيبي بابا في الاخر مع انه هو طرف صغير اوي في اللعبه وكان ممكن تبدأي بيه..
لتنظر له مسك بخبث وتقول _ عشان ده انتقامي منه هيكون عسيير.
ليبتلع فهد ريقه هو وكل من في الغرفه لتتكلم مكه بعد سكوت تام _ طب يامسك اي الخطه.
لتنظر لهم مسك وكانت ستقول شئ لولا رنين هاتف قاطعها لتنظر وتجده هاتفها وكان ابوها المتصل لتفتح الخط وتفتح مكبر الصوت.
الاب بقلق _ اي يامسك فينك وفين اخواتك.
لتتلعثم مسك وتقول _ احنا احنا في مطعم بناكل يابابا.
الاب _ طب قولي للبت رؤيا متاكلش كتير عشان تخنت.
رؤيا بغيظ_ سمعاك ياحج احمد بس لما اجيلك يااخويا لما اجيلك.
الاب بقرف _ يارب تكوني مبسوطه وانتي بتاكلي بفلوس الدروس يافاشله.
رؤيا بأحراج بعدما رأتهم يكتمون ضحكتهم _ اقفلي يامسك على الراجل اللي بيفضحني في كل حته ده مش ابويا ابداا ده.
الاب بقرف وتأكيد _ ومين قال اني ابوكي اصلا انا لقيتك مرميه في باسكت ذباله يابت فاهمه ذباله.
لتقوم هارعه وتمسك الهاتف في يدها وتقول بصراخ _ انا كنت عارفه ها أنا كنت عارفه انك مش ابويا ياريت بقاا تقولي ابويا القمممممر فين؟!
الاب بسخط _غوري يابت جبتيلي صداع ده كتر خير اللي هيتجوزك والله.
ليقفل الاب في وجهها وتظل رؤيا متصنمه وبعدها تقول _ والله ما عطياله كيس الشيبسي اللي بالجبنه المتبله اللي شيلاه تحت كرسي الانتريه.
ليتصل الاب مره اخرى لترد عليه وتفتح مكبر الصوت وتقول رؤيا بغيظ _ عايز اي.
ليقول الاب بضحك _ كنت عاوز اقولك بس اني كلت الشيبسي اللي تحت كرسي الانتريه .
ويقفل مره اخرى وينفجر كل من في الغرفه ضحكًا على رؤيا لتستشيط هي غضبا وتظل تدبدب في الأرض بطفوله.
ليقول مالك ضحكا _ خلاص يارؤيا هبقا اجبلك شيبسي ولا تزعلي.
↚
لتقول رؤيا بسخط _ اه من المحل بتاعكم بتاع الشيبسي والكراتيه.
ليقول مالك ببرود _ اه وعندنا للبان ومصاصات كمان.
لتقول رؤيا بفرحة غريبه _ وحياة امك؟!
لينظر لها بتفاجئ لتقول هي بهبل _ ماتتجوزني!!
لينظر كل من بالغرفه بتفاجئ غريب إلا مسك لأنها تعرف تفكيرها الغريب!!
لتكمل رؤيا بخيال غريب وهي تنظر إلى السماء _ اه تتجوزني عشان افضل قاعده في المحل وكل ما اجوع اكل من المحل من غير مااشتري حاجه ياااااه على الحلاوه ياولاد.
ليقع فك مالك من غبائها وتبتسم مسك ببلاهه وينظرون اخوتها لها ماعدا ميرال تقول بابتسامه عريضه على وجهها _ هنقاسم مع بعض يارؤيا انا اختك برضو!؟
لتقول رؤيا _ عيب عليكي فكراكي انتي اختي برضو ومتهونيش عليا!؟
لينظروا لهم كل من بالغرفه باستغراب شديد أيعقل انهم هربوا من مستشفى المجانين حديثاااا...
_____________
لتكمل مسك خطتها وتقول وتشاور على مكه لتبدا بالكلام .
مكه _ انا عرفت انه حاطط شخص مهم في المستشفى اللي احنا بنتدرب فيها وحاطط حراسات كتيره اووي عليها وصعب نتخطاها.
خديجه _ وانا عرفت انه بيجي كل جمعه يقعد جوه مع الشخص طول اليوم ومبيطلعش غير بلليل الساعه واحده.
مسك بحده _ يبقى لاذم يقع.
لترمي لهم مخدر"ات علي الارض أمامهم _ وأهي الخطه.
لتقول رؤيا بجديه وهي واقفه _ وقت مايقبضوا على الشريف يكونوا دخلوا مسك ومكه أوضة الشخص اللي في المستشفى عشان نعرف مين ده.
ليكمل مالك _ وطبعا لاذم يكون في شخص يعرف الحراس انه اتقبض عليه.
لتقول مسك بابتسامه _ عشان كده انا اختارتك انت يامالك اللي هتعمل كده.
حمزه _ طيب كده اتفقنا.
وقتها قالت رؤيا بتوتر _ بس يامسك في حاجه مهمه.
لتنظر لها مسك _ في اي؟!
_ انك تقلعي النقاب انتي ومكه وانتوا داخلين الاوضه .
ليهب كل من عدي وفهد ليقولوا _ نععععممم!
لتنظر مسك ومكه لهم نظره غريبه لتقول مسك بهدوء بعيدا عن خفقان قلبها من نظرات فهد _ هنلبس كمامات ..
ليقول فهد بعصبيه _ طب ما وشك هيكون ظاهر برضو وممكن يقولولك شيلي الكمامه كمان..
لتنظر له مسك بمبابلاه.
لتقول رؤيا _ مش هيقدروا يافهد انا قولت يدخلوا بوشهم عشان لو كانوا بالنقاب هيشكوا فيهم هما بيشكوا في اي حد هناك بنقاب " لتقول بتفكير"
ذي ما يكون هو مانعهم من اي حد منتقب يروح جمب الاوضه.
لتقول مسك بتفكير _ أو احنا تحديدا .
لينظروا جميعا لبعض نظرات تفكير واهتمام ليقول مالك _ شكلها هتو"لع..
__________________________
نذهب حيث شقه فاخره يجلس فيها الشريف امام لوحة لصورة امرأه جميله بل هي فائقة الجمال بخمارها اللذي يذيدها حلاوة وهو يقول بصوت كريه.
_ وحشتيني اوي ياريتك كنتي قبلتي تتجوزيني مكنش ده حصل
ليقول بصراخ مجنون _ شايفه انا بقيت ااااي بقييت غني ومحدش يقدر يرفع عينه عليااا.
ليرفع صوته اكثر _ احمد جوزك ده نكره قدامي دلوقتي حبتييه وكرهتيييني ليييييييي.
ليقول ببكاء ضعيف _ دانا حبيتك.
. ثم يقول بضحك سخيف _ هقتل"هم كلهم هقتل" هم.
ثم يمرر يده على الصوره ويقول بحقد _ ياتري بقاا بناتك الخمسه بيخططوا لأيه.
__________________________
نسمع صوت مسك تتكلم على الهاتف وتقول لمكه _ تمت المهمه.
مكه _ اتقبض عليه.؟!
مسك _ اه يلا بينا بقاا.
وضعوا كمامات على وجوههم وذهبوا لمكان الغرفه ولم يجدوا ولا أي حارس ولكن وجدوا حارس يقف ويعطيهم ظهره لتذهب مسك لتضربه تفقده الوعي ولكن تجده ينظر لها بحده لتقول بصراخ _ مالك!!
مالك بصراخ _ عاوزه تموتيني ياغبيه.
مسك بسخط _ طب غور من هنا خلينا ندخل نشوف مين اللي جوه.
لتدخل مسك ومكه الغرفه ويدخل معهم مالك ايضاا ليروا شخص نائم ويضع عليه جهاز التنفس لتذهب مسك للداخل ليظهر وجه الشخص لتنظر مسك بصدمه كبيره وتقول بتوهان وتقطع _ ماما!!
↚
نذهب حيث المحكمه وهنا تقول مسك بصوت عالي جعل قلب الشريف وحسام يدق!!
مسك بنبرة قويه ومن داخلها تبكي _ جعلها عشرون عاما سجينه، يتم أطفالها وهي مازالت حيه، جعل اطفالها يشعرون بالنقص لمدة عشرون عاما أي عدل هذا سيادة القاضي.
وهنا قامت رؤيا وفي عيونها دموع _ ياسيادة القاضي انا عمري ما شوفت ماما ، انا كبرت وقالولي ماما ماتت وهي بتولدني ، انا عيشت طول حياتي يتيمه الام انا عاوزه حقي عاوزه حق عشرين سنه حزن.
وقتها قامت ميرال وقالت ببكاء _ انا واحده كنت لسه برضع لما امي ماتت او لما اظهرولنا انها ماتت عيشت يتيمه حاسه بالنقص دموعي على المخده كل يوم، بتحصلي مشاكل ومقدرش اقول لحد هقول لمين؟! فين امي؟! وبعدين عرفنا ان عمنا اللي ساعد في قتلها يعني امنا كمان اتقتلت وفي الاخر امنا عايشه؟! احنا عاوزين حقنا ، وحق امي، وحق كل دمعه نزلت من عيني لمدة عشرين سنه..
نسمع صوت بكاء خديجه وهي تقول _ تعرف؟! قبل كده وقفتنا واحده في الشارع واحنا مروحين من المدرسه كانت عاوزه تخطفنا وقالتلنا تعالوا اوديكم لماما ياحبايبي.
انفتحت خديجه في البكاء فكملت مكه _ الست اللي كانت عاوزه تخطفنا قالتلنا تعالوا اوديكم لامكم روحت انا بصيتلها بفرحه وقولتلها بسرعه ماما عند ربنا هتاخدينا عندها اذاي بالله ياطنط هي وحشتنا اوي ونفسنا نروحلها " قالت بصراخ افزع الجميييع" عاااااررفيييين عمملت اااييي؟!
_ الست حضنتنا وعيطت وقالتلنا انا اسفه ياحبايبي وجابتلنا حلويات وروحتنا البيت .
مسحت مسك دموعها وقالت بنحيب وقوه وهي تشاور على امها وأخواتها البنات _ الخمس بنات عيال الست دي اتعذبوا في حياتهم ياسيااادة القاضي احنا عاوزين حقهم .
قام الاب" احمد" بجانب الام وهو ممسك بيد زوجته بقوه خوفا من فقدها وهو يقول بضعف _ كنت بعاملها معاملة وحشه الغلط مني بس السبب منهم " قال وهو يشاور على اخوه" كان هو ومراته يقولولي كلام وحش عنها وكانوا يكرهوني في عيالي وفي خلفة البنات ولما جيت عشان ابقا كويس معاها ومع بناتي خدوها مني فضلت عشرين سنه دموعي عي خدي زعل على مراتي ، ياسادة القاضي انا عاوز حق مراتي وحق بناتي وحقي لمدة عشرين سنه..
نسمع صوت الشريف يقول بجنون _ بحبها وهفضل طول حياتي احبها أنتوا خدتوها متى لا لا هاخدها تااني هههه هاخدها تاني مش هسبهالكم دي حبيبتي اه دي حبيبتي انا حبيبتي حبيبتي..
مسك _ قتلوا، يتموا عيال، تاجروا في المخدرات، خطفوا امي لمدة عشرين سنه....... احنا عاوزين العداله.
ويصدح صدى صوت القاضي وهو يقول حُكمه _ وبعد الاطلاع على الاوراق وعلى شهادة الشهود حكمت المحكمة حضوريا علي المتهم حسام الدين مهاب بتحويل أوراقه الي فضيلة المفتي، والمتهم الشريف اسماعيل بترحيل أوراقه الي فضيلة المفتي.
نرى الاخوه الخمس وهم يضمون امهم بحب التي كبر عمرها ولكنها مازالت جميله ويقف ابوهم بفخر منهم ونظر لهم نظرة تحمل حب واشتياق كبير لزوجته الحبيبه..
وهناك يقف الأحبه الخمس نعم حزينون على اباهم ولكنهم يعرفون انه اخذ عقابه الحقيقي ينظرون لأحبتهم بحب شديد .
________________________________
وفي منزل الحاج أحمد نجده جالس أمام زوجته وهو ممسك بيدها بحب شديد ولا يريد تركها وهو يقول _ انا اسف سامحيني مكنتش عارف اعيش من غيرك والله.
لتضمه هي بحب شديد وتقول بابسامتها الجميله _ وحشتني اوي..
نسمع صوت موسيقى رومانسيه اتيه ومن رؤيا _ تيرااااارااااااا.
لتضحك الام وهي تنظر إليها بحب _ تعالي يا مغلبانا.
ليقول الاب بمرح _ اهي جات الساقطه سنتين.
بتهجم عليهم رؤيا بضحك _ عارفه ياماما الراجل ده كاتب على اوضتي بالبونت العريض " الساااااقطه"..
لتضحك الام، لتدخل عليهم ميرال وهي ممسكه بوعاء كبير ملئ بفشار وهي تملئ فمها بالكثير من الفشار وتقول _ بس ياساقطه.
رؤيا بسخط _ يا ماماااااا.
ليهجموا مكه وخديجه وهم ممسكين بملابس في ايديهم ويتشاجرون على ملابسهم الشبيهة ببعض.
لتحاول الام مصالحتهم.
وتدخل مسك وهي تتشاجر مع رؤيا لأنها اخدت نقابها منها .
ليقف الاب ممسك بيد زوجته ويذهب بعيدا عنهم ليتفاجؤ بصوت الخمس بنات يصرخون _ ببااااااببااااا ماااااماااااااا...
ليدق الباب بسرعه ليذهب الاب سريعا لفتح الباب ليدخل الخمس شباب وهم يقولوون بصراخ ..
_جوزنااااا بناااتك ياا عمي!!!
ليصرخ الاب _ الخمسه؟!
_ ااااه.
ليضحك الاب وينظر لبناته الخمس ليراهم خجلون وينظرون لبعضهم بفرحه خجوله ليقول _ وانا مش هلاقي أغلى منكم بس نشوف رأيهم ..
لتقول رؤيا بصوت عالي.
_ هيجبلي شيبسي بالجبنه المتبللله؟!
ليقول مالك سريعا _ هجيب والله.
لتضحك رؤيا وتقول بخبث _ يبقا نفكر يابنات.
وبعد سنتين يتوجوا البنات الخمس للشباب الخمس بفرحة ويصبحوا حوريات في يوم فرحهم وتنجح رؤيا في الثانويه وتدخل كلية تجاره وتمر الايام والسنين.. ونذهب حيث يوم عيد ميلاد يوسف ابن رؤيا عمره السابع وهو جالس والجميع متجمع ليقول يوسف لأمه.
_ ماما هو انتي حبيتي بابا اذاي.
لتقول رؤيا بسخط _ ضحك عليا بكيس شيبسي بالجبنه المتبله من ابو خمسه جنيه والله يابني ..
ليضحك الجميع وتعم الفرحه المكان وينظر مالك لرؤيا بحب شديد وتنظر مسك لزوجها فهد وتقول بهمس _ وللمنتقبات احبه ❤️
ليضحك فهد ويضمها بحب ويقول بعدما نظر لهم جميعا وكل منهم يضم زوجته ليقول لها بنفس الهمس _ وللمنتقبات عاشقون ❤️..
دق قلب عاشق فلا مفر