رواية مذنبة في عيونهم ايمان وعز كاملة جميع الفصول بقلم سوليية نصار
رواية مذنبة في عيونهم ايمان وعز كاملة جميع الفصول هى رواية من تأليف المؤلفة المميزة سوليية نصار رواية مذنبة في عيونهم ايمان وعز كاملة جميع الفصول صدرت لاول مرة على فيسبوك الشهير رواية مذنبة في عيونهم ايمان وعز كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية مذنبة في عيونهم ايمان وعز كاملة جميع الفصول
رواية مذنبة في عيونهم ايمان وعز كاملة جميع الفصول
-أنت عايزني اتجوز إيمان يا بابا إيمان!!!
-مالها إيمان يا عز؟
معيوبة يا بابا.
اتعصب الحج حسن وقال :
-لم لسانك يا عز إيمان بنت عمك عيب تتكلم عليها كده.
-كلامي غلط يعني يا بابا كلنا عارفين الحقيقة أنها مش بنت.
ضربه الحج حسن بالقلم وزعق :
-وعشان عارفين الحقيقة يا عز فاحنا عارفين أنه مش بمزاجها و أنه الحيوان اغتصبها.
-وأنت واثق فيها اووي يعني… افرض…
-خلاص يا عز ولا كلمة جرالك ايه لما احنا منصدقش بنت عمك مين هيصدقها…
سكت عز وحط وشه في الارض…. قرب الحج حسن منه وقال :
-عشان خاطري يا ولدي اتجوزها…. الناس بتتكلم من ساعة الحادثة وكلام الناس مبيرحمش… والبت المسكينة قافلة علي نفسها مش قادرة حتي تطلع…. أنت لما هتتجوزها هيخرسوا خالص.
-بس يا بابا أنا من حقي أختار مراتي مش تتفرض عليا..
مسك الحج حسن أيده وقال :
-صدقني انت هتحبها يا بني… أدي إيمان فرصة.
-لا فرصة ولا غيره يا بابا…. أنا هتجوزها عشان خاطرك بس لكن بعدين ليا الحق اتجوز غيرها… اتفقنا.
هز الحج حسن رأسه وقال
: براحتك يا ابني
……….
كنت قاعدة في اوضتي بصلي كالعادة… دموعي بتنزل علي خدي…. خلصت صلاة وفجأة سمعت صوت زعيق برة…
خرجت وانا مخضوضة ولقيت مرات عمي بتزعق :
-يعني ايه يا حسن هتخلي ابني يتجوزها…. حرام عليك… ده أبني الوحيد عايز تجوزه لايمان…. بدل ما تجوزه لبنت بنوت.
-هند انتي عارفة أن إيمان.
-أيوة عارفة وزعلانة عشانها بس أبني لا يا حسن مش هيشيل شيلة غيره… دور علي اللي اغتصبها وخليه يتجوزها وابعد عن ابني.
زعق عم حسن وقال:
-وأنا خلاص قررت يا هند… عز هيتجوز إيمان…. والأمر منتهي وحسك عينك تضايقي البنت ولا تحاولي تسمي بدنها بكلامك هسود عيشتك انتي فاهمة ولا لا؟!
دخلت اوضتي تاني وانا بكتم دموعي بالعافية… هتجوز عز…. لو حد قالي قبل الحادثة إني هتجوز عز حبي الأول كنت طرت من الفرحة… بس دلوقتي مبقتش اهتم بحاجة ولا أفرح بحاجة….. اللي اغتصبني مش سرق شرفي بس ده سرق حياتي كلها…. سعادتي وشغفي وحبي للحياة مسابش إلا الدموع والحزن والعار اللي أنا حاسة بيه…. أنا بقت عبء علي اللي حواليا… أكيد عز ومرات عمي كرهوني بسبب موضوع الجواز ده… أنا هكلم عمي.
…….
-عمي ممكن اتكلم معاك.
-اتفضلي يا إيمان
تنهدت وأنا بقول:
-مش عايزة اتجوز عز
-نعم!!
-زي ما سمعت يا عمي مش هتجوز عز مش هكون أنانية وادمر حياته عشان حياتي اتدمرت… هو ملوش ذنب…
عينيا دمعت وكملت :
-من حقه يتجوز واحدة نضيفة متل….
-اسكتي يا إيمان ايه اللي بتقوليه علي نفسك ده!!! انتي اتجننتي….. انتي نضيفة فاهمة… وأحسن واحدة في الدنيا واللي حصل ده مش بمزاجك فهمتي…. الحيوان ده هو اللي دمر حياتك هو اللي مفروض يتعاقب مش انتي!… أنا بس الاقيه واوعدك إني همسحه من علي وش الدنيا يا إيمان.
بكيت فقرب عمي وحضني وهو بيقول:
-يا عبيطة هو الواد عز هيلاقي أحسن منك فين بس انتي الوحيدة اللي تقدري تعلميه الأدب… فاكرة لما فتحتي رأسه وهو صغير.
ضحكت وانا بمسح دموعي فكمل :
-هيحبك يا إيمان… ابني وانا عارفه عشان مش هيلاقي الأحسن منك بس اصبري يا بنتي… متيأسيش واعرفي أنك كويسة وإن الحيوان ده هو اللي مفروض يبكي ويتعاقب مش انتي.
-حاضر يا عمي.
-حضرلك كل الخير يا حبيبتي… يالا آلاء مستنياكي برة عشان تشتروا حاجات الفرح… عايزين نعمل الفرح قبل ما تروح كليتها.
-ماشي يا عمي.
………
كنت ماشية أنا والاء وأنا حاطة عيني في الأرض كأني عاملة جناية… مسكت آلاء أيدي وقالت:
-مالك يا إيمان فيه ايه؟!
دمعت وقولت :
-أنا دمرتلكم حياتكم…. ودلوقتي هدمر حياة عز.
-طب بطلي هبل يا بت…. ده عز حظه من السما أن هيتجوز واحدة قمر زيك… وأنا محظوظة أن هيكون ليا مرات أخ زيك.
-بس مرات عمي.
-مرات عمك بتحبك وانتي عارفة ويومين كده وهي بنفسها هتيجي تزغرطلك.
ابتسمت وشدتني وقالت:
-يالا بقا يا عروسة مفيش وقت.
……..
مرت الأسابيع وجهزنا كل حاجات الفرح وفرشنا البيت… كل ده وعمي والاء معايا وبساندوني ضد أي حد يتكلم عليا بس عز ومرات عمي بعدوا أكتر عني.
…….
بعد ما خلص الفرح
-اتفضلي ادخلي.
قالها عز بزهق. (بقلم سولييه نصار )
دخلت وانا مكسوفة… قفل الباب جامد وقرب مني وزعق :
-اسمعي يا بت انتي أنا اتجوزتك عشان خاطر أبويا وبس لولاه مكنتش هبص في وشك حتي..
-عارفة.
-كويس اسمعي بقا شروطي… انتي هنا ضيفة مؤقتة هتقعدي معززة مكرمة بس ملكيش دعوة بيا…. يعني يا حلوة أنا مش معترف بيكي كزوجة ومستحيل المسك.
-حقك طبعا.
قلتها وأنا مكسورة
-تاني حاجة جوازنا مؤقت يعني ست أشهر كده ونتطلق عقبال بس ما أجهز المطلوب عشان تسافري من هنا وتبدأي حياتك من جديد
-أخيرا بقا اتفاقنا ده ميطلعش برة والا وديني هسود عيشتك واخلي بقية أيامك سودة
-حاضر… أي شروط تانية عشان حابه أنام
بصلي بحيرة وقال:
-لا مفيش
-تمام تصبح علي الخير أنا هنام في أوضة الأطفال.
أخدت بيجامة من أوضة النوم ودخلت أوضة الأطفال وقفلت عليا الباب… غيرت الفستان ونومت علي السرير وأنا بمسح دموعي وبقول بيني وبين نفسي :
-كنتي فاكرة ايه يا إيمان هيلمسك… هو مستحيل ينسي أن غيره لمسك حتي لو كان اغتصاب… زمان قرفان منك.
دفنت وشي في المخدة وبدأت أبكي.
……
تاني يوم.
طلعت من الأوضة وأنا لابسه لبس طويل ولقيت واحدة قدامي شكلها حلو
-انتي مين؟
قولتها بصدمة
لسه هترد جه عز ومسك ايديها وقال:
-دي ندي يا إيمان خطيبتي و اللي هتبقي مراتي إن شاء الله!!!
يتبع…..
↚
بصيت لندي المتوترة وابتسمت وأنا بقول :
-ألف مبروك ربنا إن شاء الله يتمملكم بخير…. متقلقيش جوازنا أنا وعز مؤقت أكيد قالك علي ظروفي؟!
هزت رأسها وشوفت عز وهو مصدوم من رد فعلي… تجاهلته وابتسمت ليها وقولت :
-أنا هعمل فطار دلوقتي وهعمل حسابك
-لا مفيش داعي أنا همشي دلوقتي.
-لا لا تمشي ايه لو سمحتي ارتاحي أنا هحضر الفطار بسرعة..
ومن غير ما استني ردها دخلت المطبخ.
…..
وقفت في المطبخ وأنا بحاول أحضر الفطار لولا وضعي كنت ضحكت علي تعبير عز بسبب رد فعلي… أن واحد يجيب لمراته يوم الصباحية ضرة دي كارثة لأي ست بس أنا غير… واحدة حياتها انتهت…. مشاعرها ماتت مبقاش عندها ألا الحزن مظنش أنها هتغير علي جوزها ولا تهتم وبعدين عز من حقه يتجوز اللي عاوزها… أنا بس هحاول ضابط أموري عشان أسافر وانسي وأحاول ابدا حياة جديدة…
……..
-اللي عملته ده يا عز يعني ضحكت عليا وخدعتني عشان اجيبلك ملف للشغل وتعرفني علي أساس إني خطيبتك… أنت مجنون يا بني… حرام عليك تكسر مراتك.
-اكسرها ايه انتي مش شايفة رد فعلها ايه… دي ولا اكني جوزها.
بصتله ندي بحزن وقالت:
-طبعا مش هتهتم يا عز لأنها عارفة أنك مش قابلها حرام عليك يا عز دي تعرضت للإغتصاب… عارف يعني ايه اغتصاب يعني دي عامله زي الميتة بالحيا… بتتحرك وبس… مفيش في قلبها إلا الحزن واليأس…. شايفة أنها ملهاش حق تحب ولا تتجوز لانها بتكون قرفانة من نفسها بسبب كلام الناس اللي بيخليها هي المجرمة بدل الضحية.
بص عز في الأرض… أخدت ندي شنطتها وقالت :
-أقف جمب مراتك يا عز… خليها تعدي الفترة دي… الواحدة فينا لو حد بصلها بصة مريبة مبتقدرش تنام ما بالك واحدة انتهكوكها بالشكل ده… فكر في كلامي يا عز.
بعدين أخدت شنطتها ومشيت.
قعد عز علي الكرسي وهو بيفكر… هو مكانش حابب يأذيها… بس حقيقة أنه انجبر عليها صعبة…بس هي ايه ذنبها هي كمان اتجبرت عليه….. مسح دموعه بسرعة لما خرجت…
-الله اومال فين ندي أنا حضرت الفطار.
حطيت الأكل علي السفرة لما بصلي عز وقالي: -مشيت
معلقتش وقولت بصوت واطي :
-تمام ده الفطار لو حابب تفطر.
-مش شايفة أن رد فعلك غريب.
-مش فاهمة
-يعني أنا جيبت واحدة في ليلة صباحيتنا وقولت أنها خطيبتي وهتجوزها بدل ما تتعصبي اتصرفتي ببرود.
بصيت للارض وقولت:
-ليه اتعصب ده حقك… أنا وانت عارفين أن الجواز ده مش حقيقي… وعندك حق أنا واحدة منتهية أنت تستاهل الأحسن مني.
مسك أيدي جامد وزعق :
-لو كنتي مهتمة بيا كنتي علي الأقل غيرتي من ندي لكن انتي لوح تلج… معندكيش مشاعر عندك حق أنا من حقي اتجوز إنسانة مش روبوت. زقيته وزعقت :
-انتوا عايزين مني ايه… أنا عملت اللي انتوا عايزينه… أنت فاكر إني متجوزاك برضايا… فاكر إني ظلماك برضايا… لا يا عز بس والله كلام الناس مبيرحمش أنا الضحية يا عز…. واحد حيوان اغتصبني وسابني جثة بدل ما تساعدوني بتزودوا همي ليه.
بكيت وكملت:
-هو انت فاكر إني عندي رفاهية إني أحب واغير وافرح… صدقني يا عز لا الحب من نصيبي ولا الفرح من نصيبي… يا أخي ربنا ياخدني عشان كلكم ترتاحوا مني…
انهارت علي الأرض وأنا ببكي وعقلي بيفتكر كل حاجة حصلت في اليوم ده… ازاي حياتي كلها انتهت في لحظة.
دمع عز وقعد جمبي وحضني.
حاولت ابعده لكن مسكني جامد وقال :
↚
-أنا آسف… أنا آسف أنا كنت ندل معاكي… من هنا ورايح مش هسمح لحد يزعلك ولا حتي أنا.
حضنته بالمقابل وقعدت أبكي… بكيت بطريقة مبكيتهاش قبل كده وعز محاولش يوقفني حتي.
مرت الأيام وعز بقا يعاملني كويس واعترفلي أن ندي مجرد صديقة وهو حب يشوفني وأنا غيرانة عليه… عز كتير لمحلي أنه حابب يكمل حياته معايا بس أنا كنت بصده…. مهما حبيته مش لازم أكون أنانية واخليه يعيش مع واحدة زيي.
وجه اليوم اللي قلب كل حاجة في حياتي.
جات آلاء وقالت أن في واحد جاي يتقدملها وحابين أن أنا وعز نكون معاها…. رحت من الصبح عشان اساعد حماتي بس اتصدمت ببرودها اللي أنا عارفة سببه…. فقررت اكلمها
-مرات عمي انتي لسه زعلانة مني
-أيوة يا إيمان أنا زعلانة ومقهورة علي ابني الوحيد.
حطيت وشي في الأرض فقالت بشفقة :
-أنا والله زعلانة عليكي بسبب اللي حصلك وده مش ذنبك بس كمان أبني ملوش ذنب… من حق ابني أن يتجوز…
-فهمتك يا مرات عمي متقلقيش هي مسألة وقت هضبط أموري عشان أسافر وهطلق أنا وعز.
بعدين سيبتها ومشيت وانا مش بلومها… بس برضه قلبي وجعني.
……
-منورين والله يا جماعة
قالها عم حسن وهو مبتسم… ابتسم جمال أبو العريس
-ده نورك يا أبو عز…. اومال فين عروستنا.
-جاية دلوقتي.
كنت ماشية ورا آلاء اللي شايلة صينية القهوة وهي حاطة وشها في الأرض… فجأة اتجمد مكاني وبسرعة هربت ودخلت اوضتي…. قعدت علي السرير وأنا بترعش…. دموعي كانت بتنزل لوحدها… دخل عز وقال:
-إيمان مالك!
مردتش عليه.
قرب مني وحاول يلمسني… زقيته وانا بصرخ وبترعش
-إيمان فيه ايه أنا زعلتك
-ه… ه… هو ق.. قاعد… برة يا عز.
بكيت وصرخت :
-قاعد برة
-مين ده؟!
-اللي اغتصبني يبقي اللي هيتجوز أختك!
يتبع…..
↚
-ايه انتي متأكدة يا إيمان.
هزيت راسي وأنا ببكي وبقول:
-طبعا متأكدة مستحيل أنسي الإنسان اللي دمر حياتي ي عز… أنا فاكرة كل لحظة من اليوم ده.. صوته…. ريحته… ضحكته.. رغم أن الدنيا. كانت ضلمة بس ملامحه اطبعت في مخي… لما شوفته فورا عرفته… هو ده يا عز اللي دمر حياتي.
سمعت حد بيشهق…. بصيت ولقيت آلاء بتبصلي وبتبكي… قربت آلاء وقالت:(بقلم سولييه نصار )
-ده حقيقي…. متأكدة يا إيمان
هزيت رأسي وأنا ببكي لقيت آلاء طلعت تليفونها.
-انتي هتعملي ايه.
قالها عز بحيره… بصتله آلاء وقالت:
-ليا ضابط معرفة هيساعدنا.
-هتعملي ايه يا آلاء
بصتلي آلاء وقالت :
-اللي عمل فيكي كده لازم يتعاقب.
مسك عز أيدي وقال :
-آلاء كلامها صح ودي فرصتنا عشان ناخد حقك…. انتي مش عايزة الحيوان اللي عمل فيكي كده يتعاقب.
عينيا دمعت وقولت:
-ده حلم حياتي أنه يتعاقب عشان ارتاح…. بس الأول نقول لعمي ومرات عمي….. الأمور مش بتتاخد كده
اتكلم عز وقال :
-إيمان عندها حق…. انتي الأول كلمي الضابط ونشوف الإجراءات اللازمة وبعدين اطلعي اقعدي معاهم عادي
…..
بعد شوية… جات آلاء وقالتلنا أن لازم نحرر محضر بس الموضوع مش مضمون عشان الجريمة عدا عليها وقت…
بصيت لعز بخوف وعينيا دمعت :مفيش فايدة.
-لا يا إيمان اوعي تضعفي اتمسكي بالأمل مهما كان ضعيف…. وأنا معاكي ومش هسيبك وعد.
مسكت آلاء أيدي وقالت:.
-ولا أنا هسيبك يا إيمان…. كمال لازم يتعاقب والحمد لله ربنا كشفه قبل ما اتورط معاه
-أنا خايفة… خايفة بعد ما اتمسك بالأمل اتحطم… أنا مش حمل خيبة أمل تاني.
بصتلي آلاء وقالت:أنت واثقة في ربنا صح؟
هزيت رأسي فابتسمت وقالت:
-خلاص اعرفي أنه هيجبلك حقك… احنا في ضهرك متقلقيش.
……
بعد ما مشيوا والاء قالت لأهلها…
-والله لأقتله.
مسك عمي السكينة وكان هيطلع بس أنا جريت عليه ومسكت ايده وأنا بقول :
-ابوس ايديك يا عمي لا…. متوسخش ايديك…. أنا هبلغ عنه… وهيتسجن بس ابوس ايديك متوديش نفسك في داهية مش هسامح نفسي لو عملت كده.
هدي عمي فمسكت السكينة من ايده وقعده عز وهو بيتكلم معاه وبيقوله اللي هيحصل بالضبط…..
…………
تاني يوم كنت خلصت لبس وطلعت عشان أروح اعمل محضر… وشوفت مرات عمي قدامي.. حطيت وشي. في الأرض فمسكت مرات عمي ايدي وقالت :
-سامحيني يا إيمان علي اللي عملته معاكي.
ابتسمت وقولت:
-أي واحدة مكانك هتعمل كده…. ده ابنك الوحيد… وأنا….
-وانتي بنتي كمان… بنتي اللي أنا مستحقهاش…. عاملتك معاملة زفت ونسيت أن الدنيا دوارة… بنتي لولاكي كانت هتقع في ايد واحد مغتصب ومجرم… بس انتي مرة تانية بتثبتي أنك احسن مني…
شدت علي أيدي جامد وهي بتمسح دموعي وقالت:
-أوعي تسامحي يا إيمان… أوعي تتنازلي عن حقك… المجرم ده لازم يتعاقب واحنا وراكي… أنت صح وهو اللي غلط اعرفي ده اوعي تستسلمي يا إيمان… انتي وراكي احنا وانا وعمك وعز والاء مش هنسيبك وهنكسب الحرب دي!
……..
روحت مركز الشرطة…. الضابط سألني شوية أسئلة…. كنت متوترة وخايفة وأنا بجاوب… دموعي بتنزل لوحدها كل ما أفتكر الليلة دي ولومت نفسي كتير إني اضطريت امشي من الشارع ده … حكيت ليه كل حاجة بالتفصيل… واديتله الدليل الوحيد اللي معايا ولاعة مميزة وقعت منه بعد ما خلص معايا…. اخدتها وأنا عندي أمل إني هلاقيه في يوم واحبسه… كان الضابط بيسمعني بهدوء… اخد الولاعة واتحفظ عليها… وعرضني علي طبيب شرعي.
……..
↚
بعد أسبوعين.
ظهر تقرير الطبيب الشرعي اللي أثبت أن فعلا أن تم اغتصابي وأن الولاعة بتاعة كمال… حبسوا كمال اللي محاولش يقاوم حتي وأعترف بكل حاجة…. وعرض عليا تعويض عشان أتنازل بس أنا رفضت…. ساعة ما شوفته مقبوض عليه حسيت أن الفرحة مش سايعاني وأنا شايفة اللي دمر حياتي ساحبينه بالطريقة دي…. وهفرح أكتر لما ياخد عقابه كامل… مرت ايام محاكمته وطلبوني كذا مرة عشان يستجوبوني… وفي الفترة دي كان الكل جمبي…. عيلتي وحتي جيراني… الناس اللي كنت بشوف في عيونهم نظرة الاحتقار دلوقتي بشوف الفخر بسمعهم وهما بيمدحوني إني ما اتنازلتش عن حقي… وده اداني قوة أكتر وقفت بثقة وأنا بحكي اللي حصلي وبطلب بأبسط حقوقي أن اللي عمل كده يتعاقب
…..
جه يوم نطق الحكم.. كنا كلنا متوترين رغم أن موقفنا في القضية قوي… كنت ماسكة ايد عز ودموعي بتنزل لوحدها… الخوف مالي قلبي والقاضي بينطق حكمه
القاضي:بالإطلاع علي الأدلة واعترافات المتهم حكمت المحكمة حضوريا علي المتهم كمال جمال حسين وعلي حسب المادة 267 من القانون بالسجن المشدد 15 عام… رفعت الجلسة.
زعق كمال وقعد يضرب علي القفص ومرات عمي قعدت تزغرط… كان كله فرحان… أنا انهارت علي الكرسي وأنا ببكي وبضحك… معقول أخدت حقي…. اللي دمرني هيتعاقب… قرب عز وقومني وحضني جامد وقال:
-كسبنا الحرب يا حبيبتي.
…….
يوم المحكمة كان نقطة الفاصل في حياتي هي اللي ادتني أمل جديد… بقيت لما أبص علي المرايا محسش بالقرف…. عارفة أظن أن مش يوم المحكمة هو السبب بس… فيه أسباب كتيرة… عيلتي كانت أكبر داعم ليا محسسونيش إني أنا الأثمة اللي غلطت في حق نفسي… هما اتعاملوا معايا بصفتي الضحية اللي مفروض يجيبوا حقها… بس اللي مزعلني أن فيه ناس كتير بتعتبر بناتهم هما الشياطين والمغتصب ملاك… دوول لازم نصححلهم مفاهيمهم.
ابتسمت الدكتورة النفسية وقالتلي :
-عشان كده حابة تفتحي مركز لدعم الستات اللي اتعرضوا لأي نوع من الاعتداء سواء اغتصاب أو تحرش.
هزيت رأسي بحماس وضبطت طرحتي شوية ورديت :
-لازم كل الستات دي تعرف أن المشكلة مش فيها المشكلة في بعض الحيوانات اللي في صورة رجال اللي بيحملونا نتيجة أخطائهم…. العلة في اللي فاكر أن مدام لبس البنت مش عاجبني عادي اتحرش بيها أو اعتدي عليها حتي…. العلة في المجتمع اللي أهان المرأة اللي ربنا كرمها… لازم نصلح العلل دي عشان تختفي جرايم العنف ضد الست.
مسكت الدكتورة أيدي وقالت:
-بتمنالك التوفيق في حلمك الجديد وأنا معاكي خطوة بخطوة. ابتسمت ليها وانا بشكرها وبطلع
…..
خرجت من العيادة وابتسمت لما شوفت عز قربت منه فابتسم وقال:
-ايه اخبار الجلسة بتاعتك
-ممتازة اووي شكرا لأنك اقترحت عليا أجي هنا… روحتلها شهرين بس وحسيت نفسي مرتاحة.
-طيب بمناسبة أن الجلسة كانت ممتازة أنا عازمك علي حاجة انتي بتحبيها.
-متقولش عصير قصب.
-هو عصير قصب.
-طب يالا بسرعة ده أنا أكاد من فرط الجمال أذوب أنا بعشق عصير القصب.
-طيب مبتعشقيش المسكين اللي هيعزمك علي عصير قصب؟!
ضحكتله وغمزت:
-وبعشق اللي هيعزمني علي عصير قصب علي فكرة.
دخلني العربية وقال:
-وأنا بعشق اللي هعزمها علي عصير قصب علي فكرة ❤
تمت