رواية حياة من اجلها كاملة جميع الفصول بقلم ملك ابراهيم
رواية حياة من اجلها كاملة جميع الفصول هى رواية من تأليف المؤلفة المميزة ملك ابراهيم رواية حياة من اجلها كاملة جميع الفصول صدرت لاول مرة على فيسبوك الشهير رواية حياة من اجلها كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية حياة من اجلها كاملة جميع الفصول
رواية حياة من اجلها كاملة جميع الفصول
الجزء الاول
انا مش بطلب منك غير ان جوزك يجيلي ساعة واحدة بس في اليوم
دي كانت اول جملة تقولها وهي بترسم الطيبه علي ملامح وشها مش فاهمة هي وقتها كانت عايزة تقنعني بإيه! معقول عايزة تقنعني انها طيبه وجدعه! بس طيبه وجدعه ازاي وهي عملت المستحيل عشان تلفت نظر جوزي ويتجوزها عليا في السر ولما انا عرفت ووقفت وقولتله يا انا يا هي ويا تطلقني يا تطلقها هو طبعا قال وقتها لا انا مستحيل اطلقك انتي مراتي وام عيال ومقدرش اعيش من غيرك انا هطلقها هي
انا طبعا صدقت انه هيطلقها فعلا وقعدت في البيت وانا جوايا ڼا قايده وهو خرج من البيت وقالي انه رايح لها بيتها يتكلم معاها ويتفق معاها على الطلاق هي للأسف جارتي بس علاقتنا كانت محدوده لاني مش بسمح لجارتي او صحبتي انها تدخل بيتي وحياتي زي ما اهلي نصحوني اول ما اتجوزت وبعد ما خرج من البيت بساعة واحدة لقيت باب شقتي بيخبط ولما فتحت لقيتها هي اللي واقفه ورسمه علي وشها ملامح حزينه ودخلت تترجاني اني اسمحلها تفضل مراته وعلى ذمته وقالتلي انها مش عايزة منه غير ساعة واحدة بس في اليوم يروح يطمن عليها وتبقى قدام الناس ست متجوزه
تحكي كتير عن معاناتها بعد طلاقها من جوزها الاول اللي هي مخلفه منه ٣ اولاد وقد ايه كل الرجالة طمعنين فيها وبيحاولوا يقربوا منها وفكرين انها بقت ست سهله بعد طلاقها من جوزها
بعدها بشويه لقيت حماتي واخت جوزي جاين وكأنهم متفقين مع بعض انهم يتدخلوا في الوقت ده حماتي حاولت تقنعني ان الراجل من طبعه مش بتكفيه ست واحدة وحتى لو طلقها اكيد هيتجوز غيرها!
واخت جوزي كمان كان ليها دور مهم وهي بتحاول تقنعني ان هو مش هيقصر معايا في حاجة ولازم الست تيجي على نفسها شوية عشان سعادة جوزها
مكنتش فاهمة سعادة وراحة ايه اللي هما بيتكلموا عنها! يعني هو مش هيلاقي الراحة والسعادة غير لما يتجوز عليا واحدة تانيه! طب ما انا مش مقصره معاه في اي حاجة!
فجأة لقيت نفسي قاعدة بينهم التلاته وكل واحدة فيهم بتحاول تقنعني ان انا اللي غلطانه وجوزي من حقه يتجوز والشرع محلله ده وحرام ان انا احرم اللي ربنا حلله
طب انا فين من كل ده يا جماعة انا انا انسانه على فكرة وبحس وبتوجع ازاي عايزني اقبل الموضوع عادي كده! ازاي هستحمل انه ينام جنبي وانا عارفه انه بينام جنب واحدة تانيه غيري! ازاي هستحمل الافكار اللي هتدور في راسي والاسئلة الكتير بيني وبين نفسي هو بيحبني اكتر ولا بيحبها اكتر بيكون مبسوط معايا اكتر ولا معاها اكتر بيشوفني انا حلوة ولا هي احلى مني ازاي بيلمسها ازاي بيتعامل معاها انا ازاي هستحمل كل ده! ليه كلهم بيدوروا على سعادته هو وانا اموت من الحزن والقهرة مش مهم!
شوية هو رجع البيت وكأنهم عاملين خطه عليا وكل واحد له دور بيدخل في دوره ويقول جملته عشان يكون هو على حق واكون انا الست اللي عايزة تخرب بيتها
دخل وعينيه عليا وانا قاعدة قدامهم اعيط ومحدش حاسس بۏجعي انا قلبي مكسور وهما بيتكلموا ببرود وعايزين يقنعوني ان مش من حقي احرمه من شرع ربنا طول ما هو مكفي مصاريف بيته ومش مقصر معايا ولا مع اولاده!
كنت بسمع كلامهم وانا مصډومة من برودهم وهو كان واقف ومنتظر انهم يقنعوني وانا
↚
استسلم للامر الواقع واسكت واعيش واربي عيالي وهي كانت قاعده قدامهم وقدرت ترسم البرائه على ملامحها وتقنعهم انها مش عايزة منه حاجة ولا طمعانه في حاجة غير انها تسعده وبس وكانت عماله تتكلم وتقدم تنازلات وهميه قدامهم وتقول انها هتسبهولي يعيش معايا ومع عياله ويروحلها كل يوم ساعه او ساعتين بس قد ايه هي ملاك وبتضحي عشانه وانا ست شريره عايزة احرم جوزي من السعادة اللي هيلاقيها معاها
نظراته ليها وهي بتتكلم كانت بتقتلني كان شايفها قد ايه انسانه عظيمه انها بتضحي عشانه ومش عايزة تخرب بيته ومامته واخته كانوا بيبصولي بلوم وشايفين اني انانيه ومش فارق معاهم دموعي وقهرتي
عليا ومنتظرين ردي بعد كلامهم والتضحيات العظيمة اللي قدمتها المدام التانيه بتاعته
طب انا المفروض اعمل ايه دلوقتي المفروض أوافق واسكت واستحمل العڈاب اللي هعيش فيه وانا عارفه ان في ست تانيه في حياة جوزي ولها الحق فيه
ولا ارفض واطلب منه الطلاق وهو يعاند معايا في المصاريف والسكن واتبهدل انا وعيالي التلاته ويتحرموا من باباهم
القرار في اللحظة دي كان صعب وقفت ابصله وانا مقهوره من جوايا وقولتله
يتبع
الجزء الثاني
القرار في اللحظة دي كان صعب وقفت ابصله وانا مقهوره من جوايا وقولتله نفسي اعرف انا قصرت معاك في ايه عشان تحطني في الموقف ده
يبصلي پصدمة ومقدرش ينطق انا بصراحة مش عارفه انا ليه سألته السؤال ده وايه الاجابة اللي كنت متوقعاها منه! سكت كتير ومش بينطق وانا عماله ابصله ومنتظره رده عليا وانا ببصله لاحظت ان شكله اتغير في عيني فجأة مبقتش شيفاها بنفس النظرة اللي كنت بشوفوه بيها قبل ما اعرف انه اتجوز عليا
وقفت المدام اللي اتجوزها عليا وقربت منه وهي بتتكلم بصوت يبان انه حزين انا عملت اللي عليا عشان خاطرك وجيت لحد بيتها واترجتها ترجع عن فكرة الطلاق وهي مصممه لو عايز تنفذ رغبتها وتطلقني طلقني!
بصلها اوي وقالها انا مش هطلقك
بصلي وقالي انا اتجوزت علي سنة الله ورسوله وانا الحمد لله راجل مقتدر واقدر افتح بدل البيت عشرة عجبك تعيشي في البيت هنا وتربي عيالك اهلا وسهلا مش عجبك يبقى لينا كلام تاني
انا ليه مستغربتش كلامه وقتها رغم قسوته يمكن كنت حاسه ان ده المتوقع منه بعد اللي عمله وفضلت اسأل نفسي وانا ببصلهم وهي واقفه جنبه حتى لو هو طلقها هل انا هقدر اعيش معاه واكمل حياتي معاه عادي هقدر انام جنبه واسمحله يلمسني بعد ما لمس واحدة تانيه الموضوع صعب عليا وحاسه اني مش هقدر اكمل معاه بعد كده طب اعمل ايه واروح فين ااه اروح لأهل هما اهلي اللي هيساعدوني ويقفوا جنبي
راسي وانا بحاول امنع دموع عيني انها تنزل قدامهم اكتر من كده كنت حاسه بالإهانة وهو وامه واخته ومراته التانيه شايفين دموعي اللي مبتقفش شايفين ضعفي وقهرتي ومش فارق معاهم رفعت راسي وقولتله انا مش هقدر اعيش معاك بعد كده
وقفت مامته واخته وقربوا منه هو ومراته والاربعه بقوا واقفين قدامي اتكلمت اخته وهي بتبصلي ببرود يعني بعد كلامنا ده كله معاكي وتقولي مش هقدر اعيش معاك!!
اتكلمت مامته هي كمان والله هي حره بقى الست العاقله هي اللي تحافظ على بيتها عشان خاطر عيالها
طبعا جه دور الملاك البريئه اللي اتجوزها هي كمان وقالت انا كده عملت اللي عليا وجيت لحد بيتها واترجتها عشان تحافظ علي بيتها وجوزها وهي اللي مش عايزة!
بصيت لها اوي وانا مستغربه
↚
بجحتها لقيته اتكلم معاها وهو بيطبطب على ضهرها انتي كده عملتي اللي عليكي وزيادة وهي حرة بقى تعمل اللي هي عايزاه
لمسته ليها قدام عيني كهربت جسمي كله وخلتني اتأكد اني مش هقدر اكمل معاه خلاص والموضوع بتاعنا ده لازم ينتهي بالطلاق
اخته ومامته استعدوا عشان يمشو بعد ما عملوا اللي عليهم من وجهة نظرهم وهو كمان استعد انه ياخد المدام التانيه بتاعته ويمشي معاها وقبل ما يمشي رفع ايديه وحذرني قدامهم انا عايز اقولك علي حاجة بس قدامهم اهو قبل ما امشي لو في دماغك طلاق انا مش هطلق ولو عايزه ترفعي قضية طلاق ارفعي انتي حره بس لو عملتي كده مش هتطولي مني اي حاجة لا لكي ولا لعيالك وابقي اسألي النفقة بتكون كام قبل ما تتهوري وحد يضحك عليكي ويقولولك انك تقدري تعيشي بالنفقه
مصډومة من كلامه انا حقيقي فكرت في الطلاق بس مفكرتش اني اروح محكمه وارفع قضية واخد نفقه وكل الكلام اللي هو قاله ده! هو اللي فتح عيني على موضوع المحكمة والنفقه!! انا ازاي مكنتش واخده بالي من كل ده!
خرجوا من الشقه وانا وقفت افكر في كلامه يعني موضوع الطلاق مطلعش سهل زي ما كنت متخيله مش مجرد كلمه هتنهي علاقتي انا وهو وبس دا هيبقى في محكمة ومحامين ونفقه وموضوع كبير اوي
انا مش قده
ولادي ال كانوا في اوضتهم قاعدين مع بعض وسامعين كل الكلام اللي اتقال بينا برا ابني الكبير عنده 10 سنين وبنتي عندها 8 وابني الصغير عنده 4 سنين
الكبير خرج من اوضتهم بعد ما باباه خرج هو واللي معاه قرب مني وانا قاعده اعيط ومش عارفه اعمل ايه قعد جنبي وهو كمان عمال يعيط عشاني وطبطب عليا وهو بيبصلي ومش عارف يقولي ايه دموع ابني وجعت قلبي اكتر ولقيت نفسي برمي نفسي في حضنه الصغير وعماله اعيط جامد وپقهرة صوت عياطي ارتفع مع ۏجع قلبي وضعفي في الموقف ده بنتي واخوها الصغير خرجوا من اوضتهم هما كمان ووقفوا يبصوا عليا وانا ببكي في حضڼ اخوهم وبدؤ يبكو هما كمان پخوف قربوا مني وبنتي فضلت تمسد بإيديها علي شعري وهي پتبكي پخوف وابني الصغير عمال يشد فيا ويقولي يا ماما انا خاېف متعيطيش كده قلبي كان فيه ۏجع جامد اوي وحاسه اني ھموت من كتر الۏجع اللي حاسه بيه
عيالي ال في حضڼي وانا ببكي عيالي ملهمش ذنب في كل اللي بيحصل ده مكنش قدامي حل غير اني اروح عند اهلي واعرفهم اللي حصل وهما يقولولي اعمل ايه
قومت غيرت لبسي وعيالي كمان وخدتهم وروحت بيت اهلي دخلت وقعدت وانا بحاول اظهر قدامهم طبيعيه عشان مش عايزة ابكي تاني قدام حد قولت لعيالي يروحوا يلعبوا مع ولاد اخويا عشان ميسمعوش الكلام اللي انا هقوله بنتي وابني الصغير راحوا يلعبوا لكن ابني الكبير فضل ماسك فيا ويقولي انا مش هسيبك يا ماما
لما قالي الجمله دي انا لقيت نفسي ببكي جامد ومقدرتش احافظ علي قوتي قدام اهلي
وماما واخويا قلقوا لما شافوني بالمنظر ده واخويا قام بسرعه من مكانه وخدني في حضنه وسألني ايه اللي حصل حكيتلهم كل اللي حصل من اول ما عرفت ان جوزي اتجوز عليا لحد ما جالي البيت هو ومراته ومامته واخته وحاولوا يقنعوني ان ده حقه وشرع ربنا قولتلهم كمان علي كلامه ليا ورفضه للطلاق بسهوله
اخويا اتنرفز وفضل يزعق وقال انه
↚
هيروح يتخانق معاه وبابا كمان اتعصب وقال انه هيطلقني منه ڠصب عنه وهاخد كل حقوقي كاملة
ماما كانت ساكته ومقالتش اي حاجة كانت بس پتبكي وعماله تبصلي بحسره علي اللي حصلي
كلمه بابا قالها وهو متنرفز خلتني ابصله پصدمة هيطلقك ڠصب عنه وهتاخدي كل حقوقك وترميله عياله يربيهم بمعرفته مع اللي اتجوزها
ابني بصلي پصدمة وهو بيبكي وبيسمع الكلام من جده پخوف وانا بصيت ل بابا وقولتله انا مستحيل اسيب عيالي عيالي دول انا اللي تعبت فيهم مش هو! عيالي مش هيتربوا غير في حضڼي انا
عليا بابا بنرفزة ولما تطلقي منه وانتي معاكي عيالك دول مين هيرضى يتجوزك ب ٣ عيال
رديت پصدمة جواز ايه! انا لو اطلقت منه مستحيل اتجوز تاني!
اتكلم مرة تانيه بعصبيه مستحيل تتجوزي تاني ليه هو انتي فاكره انك لو اطلقتي منه هتفضلي قاعده كده!
رديت بستغراب اه هفضل قاعده اربي عيالي
اتكلم اخويا وهو بيقرب مني بهدوء مفيش حاجة اسمها تقعدي مطلقة ومن غير راجل تربي عيالك وانتي لسه في عز شبابك كده الناس مش هيسبوكي في حالك
رديت بقوة والناس مالهم ومالي!
اتكلمت امي الناس مبيسبوش حد في حاله يا بنتي وخصوصا الست اللي من غير راجل
ل ابني وهو عمال يعيط ويترجاني بعينيه اني معملش كده واسيبهم وانا مستحيل اسيب عيالي وابعدهم عن حضڼي انا لو سبتهم مع مرات ابوهم مش عارفه هتعمل فيهم ايه وتتعامل معاهم ازاي وانا مقدرش اعيش من غيرهم هما أغلى حاجة في حياتي وروحي متعلقه فيهم
يتبع
الجزء الثالث
بصيت ل ابني وهو عمال يعيط ويترجاني بعينيه اني معملش كده واسيبهم وانا مستحيل اسيب عيالي وابعدهم عن حضڼي انا لو سبتهم مع مرات ابوهم مش عارفه هتعمل فيهم ايه وتتعامل معاهم ازاي وانا مقدرش اعيش من غيرهم هما أغلى حاجة في حياتي وروحي متعلقه فيهم
فاكره ان حزني وۏجعي هيخفوا شويه لما اجي لاهلي ويقولولي على الحل! بس اهلي صعبوها عليا اكتر بابا قرب مني وقعد جنبي وحط ايديه علي كتفي واتكلم بهدوء
وقالي اسمعيني يا بنتي انا لو عليا اشيلك في عيني لاخر يوم في عمري بس انا مش هعيشلك العمر كله انا عايز لما اموت اكون مطمن عليكي وانتي في حماية راجل وانتي لو اطلقتي دلوقتي مش هتلاقي راجل يتجوزك وانتي معاكي ٣ عيال
رديت عليه وانا ببكي وانا مش عايزة اتجوز انا عايزة اعيش لعيالي بس
اتكلم بابا مرة تانيه الناس مش هيسبوكي في حالك انا عارف كويس نظرة اي راجل للست المطلقة بتكون ازاي
اخويا بعصبيه يا بابا اختي مراته وام عياله وهي اللي وقفت جنبه واستحملته لحد ما وصل للي هو وصله دلوقتي!! يعني لو هيطلق يبقى الست التانيه مش اختي!
رديت علي اخويا وانا ببكي حتى لو طلقها انا خلاص قلبي اتقفل من نحيته ومش هقدر اكون معاه زي الاول مش هقدر اكمل معاه واسمحله يلمسني بعد ما لمس ست تانيه غيري
بابا واخويا اتبادلوا النظرات وكأنهم بيقولوا لبعض يبقى كده مفيش حل غير انه يطلقها وتسيب له عياله يربيهم بمعرفته
ابني كان ماسك فيا وبيبكي وخاېف اسيبه هو واخواته اتكلم بابا وهو بيقوم من جنبي خلاص يبقى مفيش حل غير انه يطلقك وترميله عياله وتاخدي كل حقوقك منه ونخلص من الموضوع ده
مسكت في ايد ابني وقولت باصرار انا مستحيل اسيب عيالي لحد يربيهم غيري
اتنرفز بابا وقال بعصبيه يعني انتي عايزة ايه دلوقتي انا لما جوزتك ليه خدك
↚
من بيتي لوحدك لكن مترجعيش وانتي معاكي ٣ عيال واحنا نشيل مسؤوليتهم عياله هو يربيهم بمعرفته وانتي ترجعيلي بطولك زي ما خدك مني
هزيت راسي برفض وانا ماسكه في ايد ابني وبضمه لحضني انا مش هسيب عيالي يا بابا مهما حصل
اتكلم بابا بعصبيه يبقى ترجعي بيتك وتعيشي فيه وترضي بلي هو عمله وتربي عيالك زي ما انتي عايزة
القرار كان صعب وانا بالضعف ده يعني انا دلوقتي لو قررت الطلاق مش هلاقي مكان اعيش فيه مع عيالي اربيهم فيه وبابا مش عايزهم في بيته! وانا مش هستحمل ان حد يعاملهم وحش او يحسوا انهم اغراب في بيت حد! طب اعمل ايه انا مش هستحمل ارجع البيت تاني واكمل حياتي معاه بعد اللي هو عمله
قرب مني وقال نامي هنا النهارده انتي والعيال وفكري بهدوء كده وشوفي انتي عايزة ايه واحنا هنعملك اللي انتي عايزاه
بصيت ل اخويا وانا ببكي پقهرة وحزن اخد ايدي وطلعني علي شقته فوق ونزل هو تاني عشان يتكلم مع بابا ويفكروا في حل
قعدت في شقة اخويا ومرات اخويا خدت ابني الكبير عشان ياكل مع اخواته وولادها ودخلت هي قعدت معايا لوحدنا وبعد ما حكيت لها اللي حصل وكلام بابا اللي قاله تحت هي ردت عليا باقتراح وقالت انا من رأيي انك متطلقيش منه لانك بتقولي انك عايزة تربي عيالك ومبتفكريش في الجواز تاني يبقى تقعدي في بيتك تربي عيالك وانتي علي ذمته وهو ملزوم يدفع مصاريف بيته وعياله وسبيه بقى يروح للي هو اتجوزها دي ولقى الراحة والسعادة معاها مش هي كانت عايزاه ساعة واحدة بس لا انتي بقى سيبهولها علي طول والساعة الواحدة دي يجي يشوف عياله ويدفع مصاريف البيت ويرجعلها هي تاني وعيشي انتي في شقتك مرتاحة مع عيالك واهو هترتاحي من همه مسؤوليته وخليها هي تشيل بقى
في كلامها وانا بسمعها بتركيز هو انا اقدر اعمل كده فعلا بصيت لها وقولت يعني انا ممكن اعيش في شقتي اربي عيالي وهو يجي ساعة واحدة في اليوم يشوفهم ويدفع مصاريف البيت ويمشي عادي كده!
ردت عليا بثقة هيكون في اتفاق الاول بينكم على كده هو دلوقتي راجل اتجوز وقال بشرع ربنا تمام بس انتي ست ومن حقك ترفضي تعيشي مع راجل متجوز واحدة تانيه وفي الحالة دي ربنا حلل الطلاق وهو مش عايز يطلق يبقى تعيشي في بيتك وانتي علي ذمته بس هو مش من حقه يلمسك او يطلب منك اي حقوق ويروح للي اتجوزها عليكي ولقى راحته معاها وياخد منها كل حقوقه
في كلامها وانا متلخبطه ومش عارفه هو ممكن يوافق علي كده ولا ايه اللي هيحصل كملت كلامها وقالت انتي لازم
تظهري قوية قدامه شويه وتمسحي دموعك دي الراجل بطبعه بېخاف من الست القوية وانتي لازم تبقي قويه على الاقل عشان خاطر عيالك
رديت وانا تايهه متلخبطه يعني اعمل ايه انا مبقتش عارفه افكر
ردت عليا بقوة اعملي زي ما بقولك كده بكره الصبح قولي ل بابا واخوكي انك موافقة تعيشي على ذمته لانك مش هتقدري تعيشي من غير عيالك وفهميهم انك هتبقى على ذمته بس لكن مش مراته والساعه اللي مراته التانيه طلبت انه يروحلها فيها لاء تخليه عندها على طول وهو يجي عندك ساعة واحدة بس يشوف عياله ويدفعلهم مصاريف البيت ويرجعلها تاني واهو يبقى قدام الناس اسمه جوزك وراجل داخل طالع عليكي انتي وعيالك وخليها هي تشيله
↚
بقى بطلباته ومسؤوليته وانتي فوقي لنفسك ولعيالك واهتمي بنفسك وبصحتك واخرجي مع عيالك وعيشي حياتك انتي وعيالك ومتفكريش فيه خالص واعتبريه هم واتزاح عنك
بقيت اشوف كلامها قدامي وبدأت احس اني هكون احسن لو عملت كده خرجت وسبتني ارتاح شويه بس كلامها كان بيتردد وبشوفه قدامي ان فعلا هكون احسن لو عملت كده هعيش في بيتي مع ولادي واهتم بيهم وبدراستهم واهتم بنفسي وصحتي وهو يجي كل يوم ساعة يشوف عياله ويدفع المصاريف ويمشي انا حتى في الساعة دي هقعد في اوضتي واقفل عليا عشان هو ميشوفنيش او انا اشوفه عايزة اخرجه من دماغي واعتبره فعلا هم واتزاح عني وافوق لنفسي بقى يمكن اقتراحها ده مكنش الاحسن ليا ولو كملت عليه هبقى انا الخسرانه في الاخر حياتي ووقت ضيعته وانا على ذمته وهو ميستهلش اني اكون مراته بس اقتراحها ده هو الانسب ليا حاليا ومش لازم اخد قرار متهور في لحظة ڠضب ويجي على حساب ولادي انا محتاجة وقت كتير عشان اقدر اخد قرار الانفصال النهائي من غير ما اخسر ولادي او المشاكل اللي بيني وبين باباهم تأثر عليهم
صاحيه طول الليل لحد الصبح وانا بفكر كنت ببص لولادي وهما نايمين ومش بفكر غير فيهم هما ملهمش ذنب في كل ده
نزلت شقة بابا عشان اقولهم قراري وتقريبا مكنش حد في البيت نام طول الليل قعدت معاهم وقولتلهم قراري اني موافقة افضل على ذمته وهعيش في شقتي انا وولادي وهو يعيش مع الست اللي اتجوزها ويجي البيت عندي ساعة واحدة بس في اليوم يشوف ولاده ويدفع مصاريف البيت او لو عايز يدفع مصاريف البيت بالشهر تمام ويحدد ساعة يجي يشوف فيها ولاده برحته ويمشي وملوش علاقه بيا ولا له عندي اي حقوق كل اللي بينا الولاد وبس
الرابع و الاخير
اهلي استغربوا كلامي بس فكروا اني بقول كده من ڠضبي واكيد لما هرجع شقتي وشويه شويه هتعود علي الوضع وارجع اكمل حياتي معاه عادي
هو نفسه فكر نفس تفكيرهم لما بابا كلمه وطلبه يجي عندنا في البيت عشان يتكلم معاه بابا واخويا قعدوا معاه لوحدهم وبعد لوم وعتاب من اهلي له وكلامه هو عن شرع ربنا وانه يقدر يفتح بيتين ويعدل بينا وكل الكلام ده بابا قاله علي كلامي وان دي شروطي عشان اوافق اكمل وانا على ذمته عشان خاطر الولاد طبعا هو فكر ان شروطي دي مجرد كلام في لحظة ڠضب واني اكيد هستسلم للامر الواقع واكمل حياتي معاه بشكل طبيعي بعد ما اتعود علي الوضع الجديد
اتفقوا معاه انه يعيش في بيته التاني ومش هيجي البيت عندي غير ساعة واحدة بس يشوف ولاده فيها ويدفع مصاريف البيت وملوش علاقه بيا وملوش عندي اي حقوق وافق وافق علي شروطي وقال انه هينفذها والمهم عنده راحتي وراحة ولاده وكل الكلام ده
رجعت معاه شقتي انا وولاد وانا بحاول اظهر قوتي مش قادرة اوصف انا قد ايه كنت مقهورة وحاسه بالذل هو ليه الست مطلوب منها ان هي بس اللي تضحي وتيجي علي كرامتها انا اه مفيش حد اجبرني بس مشاعر الأمومة وحبي لولادي وخۏفي عليهم هو اللي اجبرني بعد اللي عمله انا مكنتش طايقه اشوفه قدامي ولا حتى اسمع صوته
اول لما دخلنا الشقه هو دخل معانا مقدرتش امنعه يدخل عشان الولاد ميلحظوش حاجة حاول يهزر ويضحك مع
الولاد وكأن مفيش حاجة حصلت ابني الكبير دخل اوضته
↚
من غير ما يتكلم معاه لانه كان فاهم اللي بيحصل لكن الولاد الصغيرين مكنوش فاهمين حاجة غير ان في مشكله حصلت بيني وبين باباهم وخلاص رجعنا البيت وباباهم رجع معانا
انا دخلت اوضتي وقفلت على نفسي ومنتظرة انه يمشي ويروح للتانيه وينفذ الاتفاق بصيت علي الاوضة ومكنتش عايزة اسيب اي حاجة له فيها وقفت قدام الدولاب وخرجت كل اللبس بتاعه حتى المناشف اللي كان بيستعملها والبرفانات بتاعه وفرشة الشعر وكل حاجة له حطتها على السرير عشان احطهمله في شنطة وياخدهم معاه البيت التاني حطيت كل حاجته في شنطة كبيرة وحطيتها علي الارض وفضلت قاعده في الاوضه مستنيه انه يمشي بعد حوالي ساعة لقيت باب الاوضه بيتفتح وانا كنت قافله من جوه خبط بهدوء علي الباب وانا قربت من الباب اسأله عايز ايه اتكلم وقالي انه عايز يتكلم معايا شويه فتحت الباب وقولتله عايز تتكلم في ايه! المفروض اننا اتفقنا علي كل حاجة قبل ما ارجع معاك هنا
لاحظ ان الكلام مش هينفع معايا وانا في الحالة دي اتكلم وقالي انا كنت بس عايز اقولك ان مش هينفع اعيش في البيت التاني واسيبك انتي والعيال لوحدكم وكمان انا لبسي وحاجتي كلها هنا
رديت عليه پغضب وانا بشاور علي شنطة السفر الكبيرة اللي جواها كل حاجته حاجتك كلها بقت في الشنطة دي تقدر تاخدها معاك البيت التاني ومتقلقش عليا انا وولادك من يوم ما اتولدوا وانا اللي شايله مسؤوليتهم لوحدي!
بص علي الشنطة پصدمة وقالي انتي بتتكلمي بجد! يعني انتي فاكرة ان اللي انتي قولتيه في بيت اهلك ده هيحصل بجد يعني اجي بيتي اشوف عيالي ساعة وامشي زي الغريب والكلام الفارغ ده!
بقوة طبعا هيحصل لو فاكر انك ممكن تلمسني بعد ما لمست ست تانيه تبقى بتحلم انا اصلا بقيت بقرف منك
اټصدم من كلامي وقال بتقرفي مني!!
رديت بقوة بلاش نتكلم في الموضوع ده اكتر من كده وامشي احسن عشان الولاد ميسمعوش كلامنا كفايه عليهم اللي سمعوه لحد كده
اتعصب من كلامي وقال ماشي انا همشي بس هدومي وحاجتي هتفضل في بيتي وهاجي هنا في الوقت اللي يعجبني
هزيت راسي وانا ساكته ومش برد عليه خرج من البيت ومع قفلت باب الشقه انا خلاص مبقتش قادرة استحمل اكتر من كده دخلت اوضتي وانهرت من كتر التعب والقهر والۏجع اللي جوايا
يومين وهو مظهرش ولا حتى جه يشوف الاولاد زي ما اتفقنا مش عارفه ليه انا كنت مضايقه انه مجاش مش هقول اني كنت عايزاه يجي عشان اشوفه بالعكس انا كنت عايزاه يجي عشان نفسي احسره عليا مش عايزه احس انه مرتاح في حياته الجديده معاها وانا وولادي حياتنا وقفت علي كده
ابني الكبير كان طول الوقت ساكت وبيبصلي بحزن كان فاهم ان خلاص بيتنا مبقاش زي الاول والاولاد الصغيرين كانوا دايما يسألوا بابا فين وانا مش عارفه ارد عليهم غير اني اقولهم ان بابا عنده شغل كتير ومش عارف يرجع البيت
اخر الاسبوع كانت الفلوس اللي معايا خلصت ومحتاجين مصاريف للبيت ومصاريف للاولاد وهو لسه مظهرش ولا فكر يجي يشوف الاولاد قعدت مع ابني الكبير وطلبت منه يتصل علي باباه ويطلب منه فلوس مصاريف البيت اتصل عليه وكلمه وقاله اننا محتاجين فلوس لمصاريف البيت طلب من ابني انه يروحله البيت التاني عند مراته وياخد منه الفلوس ابني كان رافض انه يروح هناك ويشوف باباه مع الست اللي خدته
↚
مننا بس انا فهمته اننا محتاجين للفلوس ضروري وانا مش هقدر اروح اخدها منه!
شهر تقريبا وكل ما نحتاج فلوس ابني يكلم باباه وهو يطلب منه انه يروح ياخد منه الفلوس استغربت انه طول الشهر ده مفكرش يجي يشوف الولاد حالتي النفسيه بقت صعبه من كتر التفكير فيه كنت فاكره اني هقدر ارتاح واعيش مع الوضع الجديد لقيت نفسي بتعب نفسيا وانا وولادي لوحدنا وهو عايش حياته مع مراته التانيه كان لازم اخد قرار واغير حياتي وحياة اولادي واشغل نفسي بحاجات كتير بعيد عنه
يوم وانا بوصل ولادي المدرسه زي كل يوم
وانا في طريق الرجوع لقيت صالة رياضيه چيم للسيدات قدامي وقفت شويه وانا بفكر وقررت اني ابدأ تغير حياتي من هنا دخلت الجيم واشتركت فيه وتاني يوم وانا نازلة من البيت مع الاولاد كنت مستعده اني هروح الجيم في طريقي وانا راجعه روحت فعلا وحسيت ان نفسيتي بقت احسن لما بدأت العب رياضه واهتم بصحتي اتعرفت على ناس جديدة في الجيم في فترة قصيره جدا وبقى يومي مشغول الصبح بمدرسة الولاد والجيم وباقي اليوم بقضيه مع الاولاد واذاكرلهم وطبعا كنت بأدي فرض الصلاة في اوقاتها ومحافظه علي صلاة الفجر وقيام الليل وبصوم علي قد ما اقدر عشان ربنا يقويني ويصبرني
بدأ يتأخر في دفع مصاريف البيت وكل ما ابني يكلمه يقوله ربنا يسهل كنت حاسه انه بيعمل كده متعمد عشان يضغط عليا واكلمه انا واطلب منه يجي عشان نتكلم بس انا مقدرتش اعمل كده بعدها بكام يوم كان عيد ميلاد بنتي وانا قررت اعملها تورته صغيره في البيت ونحتفل بيها انا واخواتها عملت التورته وصورتها ونزلتها علي البيدج بتاع الجيم عشان يحتفلوا معايا الغريب ان كتير دخلوا سألوني انتي جايبه التورته دي منين شكلها حلو اوي قولتلهم ان انا اللي عملها في البيت جالي طلبات كتير عليها وبسعر حلو اوي تقريبا ضعف سعر الخامات اللي استخدمتها فيها لقيت نفسي بعملها وابيعها والناس فرحانين بيها اوي فكرت ان لو عملت ده مشروع عندي في البيت علي قدي كده اكيد هقدر اوفر الفلوس اللي انا محتاجاها انا وولادي انا بصراحة مش عارفه الموضوع ده حصل ازاي لان مكنش في دماغي نهائي اني اشتغل او افتح مشروع وانا معنديش اي خبره بس ربنا لما بيكرم حد ويفتح له ابواب الرزق مش هنقدر نعرف ده حصل ازاي مشروعي الصغير البسيط ده خدني لعالم تاني قدر يشغلني عن التفكير فيه وده كان من رحمة ورضا ربنا عليا هو كان فاكر انه بيضغط عليا لما يمتنع عن دفع مصاريف بيته وولاده بس مكنش يعرف ان رزقي انا وولادي عند ربنا مش عنده وربنا وحده اللي بيرزقنا مش هو ربنا كان بيوسع عليا اكتر كل ما هو يمتنع ويحرم ولاده من رزقهم وكان مستغرب اني مبتكلمش ولا بشتكي انه بيأخر عليا مصاريف البيت
سنه واحدة وبعد كرم ربنا عليا لاني صبرت وكنت بتقي ربنا فيه مشروعي الصغير كبر هو صحيح مش كبر اوي بس كفايه ان اسمي بقى معروف في كل مكان وبيجيلي طلبات كتير افراح واعياد ميلاد وكان لازم اخد مكان اشتغل فيه غير البيت لاني كنت محتاجة مساعدين يشتغلوا معايا عشان نكفي الاوردرات اللي بتطلب مني
حياتي حقيقي اتغيرت لما اشتغلت واهتميت بصحتي وولادي الحمدلله نفسيتهم بقت احسن وبدؤ يتعودوا علي نظام حياتنا الجديد كنت في
↚
نهاية كل أسبوع اخدهم واخرجهم ومبقتش اشغل تفكير هو بعت مصاريف البيت ولا اتأخر زي العاده لان ربنا كان بيكرمني الحمدلله وبيبعتلي رزقي ورزق ولادي
مكنتش اعرف ان طول الفترة اللي فاتت دي ربنا قطع رزقي ورزق ولادي من عنده سبحان الله هو استخسر رزقنا وكان بيضغط عليا وبيهددني انه هيمنع الرزق ده عننا بس ارادت ربنا سبحان وتعالي انه يبعتلي رزقي ورزق ولادي عن طريق شغلي اللي مكنتش عمري افكر او احلم اني اعمله وفي نفس الوقت يمنع الرزق ده عنه وشغله يقف تماما
هو دلوقتي شغله وقف ومراته التانيه زهقت وكل يوم خناق هما الاتنين مع بعض بسبب الفلوس ومصاريف بيتها اللي هو مبقاش قادر يكفيها وسط غلاء الأسعار الحالية وهي مبقتش طايقه تعيش معاه على الوضع ده وطلبت منه الطلاق
واخته طبعا عرفوا بمشروعي اللي انا فتحته في محل صغير قريب من البيت كل الناس كانوا مستغربين انا ازاي قدرت افتح مشروع زي ده وكمان بقى ليا اسم معروف وماشاء الله طول اليوم بيطلع من عندي اوردرات للمنازل والافراح واعياد الميلاد انا نفسي كنت بستغرب كرم ربنا عليا وكنت دايما اشكر ربنا في دعائي وفي كل صلاة حقيقي الارزاق بيد الله واحده ومفيش بشړ بيرزق بشړ زيه اللهم لك
الحمد والشكر كما ينبغي لجلال وجهك وعظيم سلطانك
في يوم وانا قاعده مع ولادي في الشقة بالليل لقيت حماتي واخت جوزي جاين يشوفونا وطبعا الزيارة كان ليها هدف كانوا مستغربين شكلي اللي اتغير وبقى احلى وحالتي النفسيه اللي بقت احسن كتير بعد ما اهتميت بصحتي وربنا كرمني وارتحت من هم ابنهم وطلباته وخناقاته علي اقل شئ
حكتلي علي المشاكل اللي بينه وبين مراته التانيه وانا حقيقي مكنتش مهتمه خالص لان كان بقالي فترة بفكر في الطلاق منه لاني حاليا مش محتاجة حتى يكون اسمي مرتبط باسمه انا دلوقتي بقيت قوية كفايه اني اقدر اواجه الحياة والناس لوحدي وكمان ايماني وثقتي بالله بقوا أقوى كتير بعد ما اتأكدت بنفسي ان ربنا كرمه كبير ومش بيرضى بالظلم ومش بيوقف رزق حد علي حد
مامته قالتلي انه هيطلق مراته التانيه وعايز يرجع لبيته هنا وسط ولاده وطلبت مني اسامح وانسى كل اللي حصل ونبدأ صفحة جديدة عشان خاطر الولاد ميتحرموش من ابوهم ! للأسف ده كان رأي اهلي هما كمان لان كل اللي يهمهم ان بنتهم تكون عايشه مستقره مع جوزها وولادها ومش مهم اي حاجة تانيه وطبعا كلمة بابا المعتادة انا عايز اموت وانا مطمن عليكي انك في حماية راجل
انا دلوقتي بقيت متأكده ان الراجل مش هو الحماية بالعكس الراجل هو الخۏف وعدم الشعور بالأمان راجل في حياتي يعني هفضل طول الوقت خاېفه انه يسبني او يتجوز عليا او يمنع عني مصاريف البيت ويرميني في الشارع راجل يعني هفضل طول الوقت شايله هم وخوف جوايا
استغربت انهم في كل الحالات بيطلبوا ان انا اللي اتنازل واضحي عشان خاطر الاولاد!! يعني لما كان هو الاقوي وانا الاضعف كلهم كانوا معاه وطلبوا مني استحمل واضحي عشان خاطر الاولاد والنهاردة بقيت انا الاقوى وهو الاضعف ولسه برضه بيطلبوا مني استحمل واضحي عشان خاطر الاولاد
طب خلونا نطلع الاولاد من الموضوع كله لان الولاد عاشوا اكتر من سنه وباباهم عايش في بيته التاني بعيد عنهم والحمدلله قدرت اكون الاب والام في نفس الوقت ونجحت في ده
دلوقتي اللي يخليني اسامح وارجع
اعيش معاه تاني هتقولوا يمكن لسه بتحبيه واللي يحب بيسامح هقول انا اه كنت بحبه بس دلوقتي خلاص مبقتش احبه ولا اكره! موجود زي مش موجود مش هستحمل ان يجمعنا بيت واحد تاني وارجع اشيل مسؤوليته واشغل نفسي بهمه ومشاكله انا مرتاحة كده وحقيقي مبقاش يشغلني اي حاجة تخصه
مش هقول انا محتارة في قراري لاني تقريبا واخده القرار يمكن بس محتاجة اعرف رأيكم من وجهة نظركم ولو حد مر بالظروف اللي مريت بيها يمكن يفيدني
وحاجة اخيرة عايزة اقولها رزقنا مش واقف علي حد والست مش ضعيفه ومش محتاجه لراجل يكون حماية وسند زي ما بيحاولوا يقنعونا لو في امر واقع ھيأذيكي نفسيا لازم ترفضيه ولو معندكيش القدرة والقوة انك ترفضيه استحملي فترة مؤقته وقربي من ربنا علي قد ما تقدري في صلاة وصوم وقيام الليل والاذكار والدعاء في كل وقت وفي كل صلاة صدقيني بعد فترة قليلة جدا حياتك هتتغير وربنا هيقويكي ويفتحلك ابواب رزق مكنتيش تعرفي عنها حاجة