رواية اخوة في السراء والضراء كاملة جميع الفصول بقلم مجهولة
رواية اخوة في السراء والضراء كاملة جميع الفصول هى رواية من تأليف المؤلفة المميزة مجهولة رواية اخوة في السراء والضراء كاملة جميع الفصول صدرت لاول مرة على فيسبوك الشهير رواية اخوة في السراء والضراء كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية اخوة في السراء والضراء كاملة جميع الفصول
رواية اخوة في السراء والضراء كاملة جميع الفصول
وقبل ما نبدأ حكايتنا انا اسمي نهي وكنت عايشة مع بابا وماما واخويا الكبير معتز والسنة دي اخر سنه ليا في كلية اداب وكان بابا وماما بيحبوني اوي وانا دلوعتهم وكمان معتز اخويا كان بيحبني جدا
معتز اخويا خرج من التعليم بعد ثانوي ومرضيش يكمل تعليم وفتح سوبر ماركت كبير وكمان فتح كافي صغير شوية بس بيكسب كويس اوي
المهم انا كنت بحب كمال اللي كان زميلي في الجامعة بس اتخرج من سنتين وجهز
شقته وجاي بعد امتحاناتي عشان يخطبني
ولما جات ايام الامتحانات معتز اخويا صمم
يوصلني الجامعه ويرجعني البيت وكان بيقولي
معتز
مينفعش البت بتاعتي تمشي وحدها بغير عليكي ياقمر
نهي
ربنا يستر لما تتجوز هتغير علي مراتك اوي وهطلع عينها
معتز
لو زيك كدا مش هخلي حد يشوفها وبعدين مفيش منك ياقمر
اما انا زعلت لاني كنت عايزة اقابل كمال
وكل يوم يبقي امتحان يوصلني معتز ويعزمني علي الغدا برا وكان حنين اوي معايا وفي يوم خرجت من غير معتز مايعرف عشان اعرف اقابل كمال
ورحت قابلت كمال في كافيه علي النيل
كمال
ايه يا نهي كل دا معقول ما تقابلنيش كل المدة دي
نهي
معلهش والله ڠصب عني معتز مضيقة عليا اوي في الخروج دا انا خرجت من وراه ومش هاقدر اطول اكتر من كدا
كمال
لا والله بعد المدة دي كلها وعايزة تمشي
بسرعة كدا دا انتي وحشتيني والله
نهي
امم طيب وبعدين انا برضوا مش هاقدر اتاخر
كمال
من حقه معتز اخوكي يقفل علي القمر ده
انا لو معايا اخت حلوة زيك هعمل زي معتز واكتر
نهي
المهم انت كنت عاوز ايه
كمال
وحشتني عينكي وكنت عايز اقولك اني النهاردة الساعة 4العصر هاروح لابوكي عشان اطلب ايدك منه
اتكسفت اوي لما قلي كدا وقولتله
نهي
طيب خلاص انا ماشية
كمال
اي التقل دا ما تقولي ايه رأيك
نهي
لما يجي بابا يسالني هقوله وسبت كمال وروحت البيت لقيت معتز الشړ بيطلع من عينيه وقالي
معتز
كنت فين يانهي
نهي
روحت قابلت واحدة صحبتي
معتز
مين صحبتك اللي انت خرجتي من الصبح عشانها
نهي
واحدة انت متعرفهاش
معتز
قابلتيها فين
نهي
الله هو تحقيق في ايه يا معتز وبعدين انت قولت لبابا قبل ماخرج
معتز
يعني خلاص انا مش مهم في حياتك
نهي
هو انا مراتك عشان تبقي انت الوحيد الامر الناهي انا بابا الوحيد اللي ليه حكم عليا
زعل معتز مني اوي وخرج من غير مايرد عليا وماما قالتلي
الام
ليه كدا يا نهي دا معتز اخوكي بيحبك اوي وبيخاف عليكي
نهي
انا مش قصدي بس هو بيضيق عليا اوي
ماما
خلاص لما يرجع من شغله صالحيه
واستنيته باليل وماكلتش مع ماما وبابا
عشان اتعشي معاه ولما رجع لاقني صاحية
ومكلمنيش وراح دخل اوطته ودخلت وراه
وقولتله
نهي
انا اسفة والله العظيم مش قصدي ازعلك
معتز
مفيش حد بيزعل من الناس اللي جوا قلبه
وغالين عليه
نهي
طيب مدام بتحبني اوي كدا انا هتكلم معاك بصراحة
معتز
قولي مفبش احسن من الصراحه
نهي
انا مش عارفه انتي ليه بتضيق علي في الخروج وتريبا في كل حاجة
معتز
عشان انتي اغلي حاجة عندي وبخاف عليكي من اللي بيسمعه بيحصل مع البنات
نهي
يعني انت مابتثقش فيا
معتز
لو ما فيش ثقة مافيش خروج اصلا
وبعدين بصلي نظرة غريبه وقالي
معتز
في عريس جالك النهاردة وكلم بابا
انا ابتسمت وقالي اسمه محمد
وشي اتغير فلحظة وقلتله
نهي
انا مش عايزة اتجوز دلوقتي
معتز
طيب لو اسمه كمال يمشي الحال
استغربت اوي من طريقة كلامه وقولتله
نهي
انت قصدك ايه
معتز
احنا قولنا نتكلم بصراحه كمال جه خطبك النهاردة والراجل بصراحة
↚
لما سالته يعرفك ولا لا قلي انه يعرفك وبيحبك بس الكلام ده كله من بعد ماخرجنا من عند بابا
نهي پخوف
انا والله العظيم معملتش حاجة غلط
معتز
انا عارف اختي كويس والله انا مش زعلان منك بالعكس انك اخترت شخص كويس وجه البيت من بابه زي مابيقولوا
نهي بابتسامة
يعني انت مش زعلان بجد
معتز
لا مش زعلان بالعكس فرحان لان النهاردة طول اليوم وانا بسال علي كمال في شغله
وفي منطقته والحمد لله طلع شخصية محترمة واخلاقه كويسه
نهي
والله بجد انا اخترت صح هو انسان محترم
جدا والله
معتز
وانا قولت لبابا علي اللي عرفته عنه واكتر حاجة عجباني فيه انه صادق ومبيحبش الكدب واول ما كلمني اتكلم معايا بمنتعي الصراحة
نهي
يعني انت موافق علي كمال
معتز
طبعا ربنا يسعدك ويفرح قلبك ويتمم علي خير
نهي
وبابا رأيه ايه
معتز
بابا بعد ما سمع عنه الكلام الحلو وعن اخلاقه وافق عالطول وتقريبا هيرن عليه بكره عشان يجي هو وحد من اهله عشان نتفق وكدا
نهي
انت احلي اخ في الدنيا كلها ربنا يخليك ليا وميحرمنيش منك ابدا
معتز
طيب بعد الكلام الحلو دا ناويا تعشيني ولا
وتعشينا انا ومعتز وبجد حسيت انه بيحبن وبيخاف عليا وانه احن اخ في الدنيا وفعلا بابا كلم كمال واتفقوا انه يجي هو وابوه عشان نتفق عالخطوبة والجهاز والفرح وكدا.
وتاني يوم جه كمال وابوه واخوه واخته الكبيرة معاه عشان امه متوفيه من سنتين
ولما قدمت الحاجة الساقعة كلهم قالو
اني جميلة ويازين ما اخترت ياكمال وكلام المناسبات وراح معتز قعدني جنبه وحط ايده علي كتفي وقال لكمال
معتز
انت هتاخد اغلي حاجة عندنا في حياتنا كلها
وهما بيتفقوا حسيت ان مبحاولش يعقد الامور بالعكس مكانش متشدد في الطلبات والشروط وكدا حتي لو كان بابا بيحط شروط شديدة كان معتز بيهدي الامور ويحاول يوفق الدنيا وبعد ماخلصوا كلامهم واتفقوا علي ان الفرح بعد شهر وخصوصا ان كمال كان جاهز واحنا تقريبا جاهزين وكمال قال لمعتز
كمال
شكلي انا اللي كسبت في الجوازة دي اخ وصديق
معتز
احنا خلاص بقينا اهل انت هتبقي جوز اختي واخويا قبل نسيبي وبعدين انا معنديش اخوات صبيان وربنا كرمني بيك
وفعلا كانت احلي سهرة في حياتي وقد ايه معتز كان معايا انا وكمال نعم الاخ والصديق وحددنا ميعاد الخطوبة بعد اسبوع و كانت ياسمين صاحبتي اول مرة تيجي عندي وهيا طالعة العمارة عندنا خبطت في معتز اخويا وقالتله
ياسمين
ماتفتخ انت مش شايف قدامك
معتز
والله انا شايف قدامي كويس قولي لنفسك وانتي ماشية بقفاكي
ياسمين
اتلم واتكلم كويس بدل مازاعلك
ضحك معتز وقالها
تزعلي مين يا بت تحبي امسكك اديكي علقة دلوقتي
ياسمين بغيظ
طيب اعملها كدا وانا هوديك ورا عين الشمس يالا ياسكر وريني هاتضرب ازاي
معتز مسك ايدها وقالها
امشي يابت من هنا شكلك مچنونة
ياسمين
والله لخلي معتز يضربك ويدك علي دماغك
معتز باستغراب
معتز مين
ياسمين
معتز محمد اللي ساكن هنا
معتز
وانتي تقربيله ايه
ياسمين سكتت شويه وقالتله
يبقي خطيبي
معتز
والله طيب يا حلوة انا قاعد هنا قدام العمارة خلي خطيبك ينزلي
ياسمين طلعت عندي وهيا زعلانة اوي
ولما سالتها مالك حكتلي عالحصل وقالتلي
لازم الواد دا يتربي وانا اتصلت بمعتز عشان يجي يشوفها ويعرف مين اللي دايقها وجي معتز ولما خرجنا من الاوطة بتاعتي
وشافت معتز قالت
ياسمين
هو دا اللي عايز يتربي من اول وجديد دا انت هتشوف ايام زي الفل
نهي
هو دا اللي ضايقك دا معتز اخويا
ومعتز كان بيضحك اوي ومش قادر يمسك نفسه من الضحك وقالها
معتز
تحبي اضربهولك ولا المسامح كريم
ولاحظت ان ياسمين اتكسفت وقالتله
ياسمين بزعل
انا اسفة
ودخلنا الاوطة بتاعتي وقولتلها
ماتزعلش من معتز هو طيب بس كلامه ناشف شوية وعصبي بس هو حنين وغلبان وحسيت انها
↚
معجبة بيه وبشخصيته
وخصوصا ان كنت بكلمها عنه وعن اللي عمله معايا انا وكمال وازاي وقف جنبنا في موضوع جوازنا.
معتز
مبروك يا احلي اخت
ولما جي يخرج طلعت وراه ياسمين وقالتله
ياسمين
استني يا معتز عقبالك
معتز
هو في واحده بتقول لخطبيها عقبالك
ضحكت ياسمين وقالت
عقبالك معايا
معتز
هو انتي عبيطه ولا مچنونة يا بت
بصتله ياسمين في عنيه وقالت
لا هو حرام لم حد يحب واحد ويكون متاكد ان الواحد دا هيقدر يصونه ويحافظ عليه ويحبه
معتز
لا غلط ولا حرام والله انا بهزر معاكي
ياسمين
لو في حياتك حد تاني انا ممكن ابعد خالص ومش هتشوفني تاني أبدا
معتز
هو انتي كمان غاوية دراما اسمعي يا بت الناس انا مكملتش تعليمي بس عندي نظرة في الانسان اللي انا بشوفه وبتعامل معاه ونهي كانت بتتكلم عنك كتير يعني انا اعرفك من قبل ماشوفك وشكلي قلبي اللي عمره مافكر في حد بدا يفكر وينشغل بواحد مچنونة
ياسمين بفرح
والله بتحبني وانا بحبك
ودخلت تاني في الحنة ومع صحابنا بس في الليلة كانت بداية رحلة عڈاب لمعتز عشان
صاحبه بيتاعطي ممنوعات اسمه عمار خلاه
يبدا في السكه دي معاه وقاله انها مناسبة حلوة واهي شوية تفاريح وبدا معتز يتعاطي وفي يوم الفرح بتاعي فضل معتز نايم لبعد الظهر وماما قرايبنا كانوا بيجهزوا في حاجات الفرح وكانت معايا ياسمين وبنجهز حاجتنا عشان نروح الكوافير وكانت بتسال علي معتز وقالتلي علي اللي حصل امبارح وفرحت اوي ودخلت عشان اصحية واسلم عليه قبل ما اخرج وكمان ياسمين كانت عايزة تشوفه ولقيته ماسك راسه من الصداع وعنيه حمرا اوي قولتله
نهي
في ايه يا معتز مالك
معتز
عندي صداع رهيب راسي هتقسم نصين
نهي
معلش حبيب اسلم عليك قبل مااروح الكوافير وكمان في ناس عايزة تشوفك برا
معتز
ياسمين
نهي
ايوة ياسيدي هيا
معتز
خلاص خلي اي حد يعملي كوباية شاي مع هاتي حاجة للصداع وانا هاخرج اسلم عليها
وخرجت من الاوطة وقولت لياسمين انه جاي ورايا وهي صممت انها اللي تعمله الشاي ودخلت المطبخ تعمل شاي وانا روحت عالاوطة اكمل باقي الحاجة بتاعتي
وبعد شوية خبط معتز وقال
خلاص جهزت الحاجة الكوافير
نهي
ايوة خلصت
معتز
اومال فين ياسمين
ياسمين
وراك يا سعادة الباشا احلي ياسمين منك
اتفضل الشاي وحاجة للصداع
معتز
والله العظيم مچنونة ويالا عشان كمال مستنيكم تحت عشان يوصلكم وانا هنزل معاكم ولما نزلنا معتز خلاني ىكبت جنب كمال وخلي ياسمين تركب من ورا وقولت
لنفسي
دلوقتي اتاكد انك بتحب ياسمين وبتغير عليها ومع الاسف بعد ما مشينا راح معتز عند عمار وقاله
راسي مصدعة اوي مع اني اخد حاجة للصداع وماجبتش نتيجة
عمار
اطمن عندي حاجة تضيع الصداع
وفعلا عطاه حاجة غريبة وخف الصداع وبدا يضيع معتز من غير ما اي حد يحس بيه ويلحقه وباليل في الفرح كان معتز عينه علي ياسمين ولما تضحك يلصلها عشان تسكت ولو وقفت في مكان فيه شباب يمسكها من ايدها ويخليها تقعد جنب
الستات وبعد ما خلصنا الفرح وطلعنا علي شقتنا انا وكمال
معتز اخد ياسمين يوصلها هي ومامتها اللي حضرت الفرح وسافرت تاني يوم انا وكمال اسكندريه نقضي اسبوعين هناك ولما رجعت وجات ماما تزورني قالتلي حاجات مش قادرة اصدق انها حصلت مع معتز. قالتلي
الام
بعد ماخلص الفرح كان مبسوط اووي وقال انه اطمن عليكي وانه عايز يخطب ياسمين وانه يبدا يدور علشان شقة من بكرة قبل اي حد ما ياخد ياسمين منه وبعد كدا بكام يوم بقي عصبي اوي وعالطول نايم ومابينزلش الشغل غير اخر النهار ياخد ساعة في السوبر ماركت وساعة في الكافيه ويمشي وابوكي مايعرفش بيروح
فين ويرجع وش الصبح ومش قادر يوقف علي رجليه وينام
↚
لتاني يوم وليه اكتر من عشر ايام علي كدا ولما ابوكي كلمه زعق اول مره في حياته يعلي صوته علي ابوكي وقال ان محدش ليه دخل في حياته هو حر ماحدش بيديه جنيه عشان يحاسبه وكانه مش معتز
ودا واحد تاني مانعرفهوش وقولت لماما
نهي
ماتقلقش انا هتكلم معاه فعلا قولت كمال جوزي علي اللي بيحصل مع معتز وخصوصا بعد ماكنت برن عليه عشان اشوفه وبيردش عليا وكمال وعدني انه هيقعد معاه ويشوف ايه اللي حصل معاه ورنيت علي ياسمين قالتلها
نهي
ازاي ما تقوليليش علي حالة معتز يا ياسمين..
ياسمين
الاول كان بيكلمني في اليوم اكتر من مرتين واتفق معايا انه هيدور علي شقة عشان يجي يخطبني وبعد كدا هي الي بترن عليه ومرة يرد وعشرة لا
قفلت معاها وقولت لنفسي
كل دا حصل في الاسبوعين اللي سافرتهم ايه اللي جرا لمعتز وغيره بالطرية ومعقول دا اخويا.
وراح كمال عند معتز في السوبرماركت وملقيهوش وراحله في الكافيه وبرضو مفيش هناك ولما سال يلاقيه فين قال
اللي بيشتغلوا في الكافيه انه بيروح عند عمار ولما سال كمال عن عمار...
كمال
عمار مين ده انا اول مره اسمع عنه
الولد اللي شغال في الكافي
ده صاحب الاسطي معتز هتلاقيه في شقته بس يعني اا..
كمال
في ايه يا ابني اتكلم علي طول..
الولد
بصراحه الاسطي معتز كان في حاله ديما والسچاره ما بيمسكهاش لحد ما لم علي الولد ده وبقي ياخد حاجات ممنوعه زيه وحاله اتشقلب..
_اظايق كمال ورجع البيت وقالي علي اللي حصل وكان مدايق جدا ولما سألته علي اللي حصل قالي..
كمال
معتز ماشي في حاجة غلط وحرام بيضيع نفسه وعمره
نهي
انت بتقول ايه فهمني
كمال
لاسف معتز ماشي في طريق اللي بيروح مابيرجعش
نهي
ماتوجعش قلبي علي اخويا وقولي ماله ايه اللي حصله
كمال
بصي اخوكي بتعاطي ممنوعات ولاسف شكله دخل في مرحلة حرجة وصعبة جدا
انا في الوقت دا ماحسيتش بنفسي وكنت هاقع عالارض وقولت
نهي
معقول معتز العاقل الراجل اللي بني نفسه بنفسه وماحدش يقدر يضحك عليه يوقع الواقعة دي
كمال
اسمعي يانهي كلنا كدا اذا كنا بنحب معتز لازم نمسك نفسنا ونحاول نساعده ونخرجه من اللي هو فيه والا هيضيع بجد كل يوم بنتاخر علي مساعدته يعني بيصعب علينا
نهي
انا من بكره الصبح هاروح عند بيت ابويا
معتز
حمد الله علي السلامه وصلتوا امتي من اسكندرية
نهي
من يومين هو انت ماشفتش كمال دا جالك امبارح
معتز
لا ما تقابلناش المهم انتي عاملة ايه
نهي
المهم دلوقتي انت ايه اللي حصلك هو انت بتتاعطي حاجة
معتز بعصبية
وانتي مالك
نهي
انتي كل حاجة ليا يا اخويا مش احنا صحاب
ومتفقين عالصراحة قولي في ايه معاك ووصلت ازاي للمرحلة دي في فترة قصيرة
وقالي من اول مابدا يتعاطي وازاي اللي بيدخل في الدوامة دي صعب يطلع منها
نهي بدموع
لازم تتعالج منها وترجع معتز ويشوفه حياته ويرجع لياسمين قبل ماضيع من ايده
معتز
ياسمين دلوقتي صعب انه يتجوزها هيظلمها معاه وخصوصا انه بيحبها اوي ومش عايز يعيشها في عڈاب معاه قولتله
نهي
ياسمين بتحبك اوي ومستحيل تفكر في حد غيرك از تكون لحد غيرك
معتز
هتنسي ونشوف..
وبمرور الوقت وانا كنت اتصلت بياسمين وطلبت منها تيجي تقابلني في بيت اهلي وفعلا جات وانا بتكلم مع معتز واول ما سمع صوتها قالي
ايه اللي جابها انتو عاملين اتفاق انا مش عايزها تشوفني كدا ولا عايز اشوفها ودخلت ياسمين علينا لانها كانت ھتموت وتعرف ايه اللي حصله وبمجرد ماشفته فهمت كل حاجة من غير اي وكلامم
وقالتله
ياسمين
وحشتني يا معتز
معتز
انتي جاية ليه
ياسمين
عشان اشوفك والله
معتز
انا هاخرجك هاروح مشوار
ياسمين
صحيح في واحد رخم عليا اوي وانا طالعة هنا واول ماجاية عندك قالي
↚
اقولك انه مستنيك تحت البيت
معتز بغيظ
رخم عليك ازاي
ياسمين
بلاش تتضيع نفسك وتضيع كل حاجة منك
ودخل بابا الشقة وبصوت عالي
بابا
معتز ايه اللي انت عملته دا
معتز
عملت ايه
بابا
انت ضيعت كل الفلوس اللي معاك ورهنت السوبر ماركت
معتز
دي فلوسي انا حر اعمل اللي عاوزه
بابا
لا مش حر ومفيش خروج تاني من البيت
لحد ماتخف من اللي انت فيه
معتز
هاخرج ومحدش هايقدر يمنعني
وقفت ياسمين قدامه وقالته
لا مش هترج وتقابل الناس اللي بتضيعك
لازم تعرف ان اكتر پتخاف وموجوعة عليك هما اهلك واللي بيحبوك
معتز ماهتمش بكلامها وزقها بطريقة غبيه اوي من قدامه وخرج مستحيل اتغير معتز وبقي واح. تاني فعلا وبقينا كلنا عايشين بحسرة معتز وبعد حوالي شهر خبط علي شقتي واول مافتحت لقيت شكله غريب اوي وعينيه حمرا وحواليها ومش قادر يوقف ساعده عشان يدخل وبمجرد ما دخل قلع القميص بتاعه و طلع من جيبه
حقنه غريبة وقال
معتز
اديني حقنه المسكن عشان تعبان اوي ودي بتريحني
نهي
دي مش مسكن وعمري مااعمل فيك حاجة زي كدا انت بضيع نفسك وصحتك وعايزيني اساعدك في حاجه تغضب ربنا ربنا بيحاسب الانسان لما يقصر ويظلم نفسه قبل اي حساب
قام زي المچنون وبيزعيق وعصبية اول مرة
اشوفها ومسكني من ايدي وقالي
معتز
لازم تساعدني اديني عشان ارتاح
نهي
مستحيل اضرك
وزقني جامد فوقعت عالارض وحسيت الم جامد في بطني وصىرخت من شدة الالم واول ماشافني قالي
معتز
مالك ايه اللي حصلك
وانا كنت بتقطع من الۏجع راح رن علي ماما عشان تيجي واول ماوصلت جابت الدكتور عرفنا انه بسبب الوقعة كنت حامل ونزل واول ما عرف
معتز كدا خرح ومحدش عرف راح فين
واحنا عالحال دا لينا اكتر من شهرين بابا بيدور عليه وكمال وحتي ياسمين مخلتش مكان الا وسالت عليه وبعد فترة بابا عرف ان ساكن دلوقتي مع عمار في شقة ومضيع كل فلوسه علي الممنوعات وبابا وكمال كانوا رايحين يجيبوه وياسمين طلبت منهم انها تروح معاهم بس بابا قالها
الاب
مينفعش يا بنتي تيجي مكان زي دا
ياسمين
انا مش هدخل معاكم هناك انا هاستني بالعربية من بره لحد متجيبوه ارجوك يا عمي خدني معاك
كلنا كنا عارفين ان ياسمين بتحبه كلنا اتمسكنا بياسمين لما شوفنا ازاي خاېفة علي معتز وبدور عليه عشان يرجع تاني البيت وماما كانت بتدعي انها تكون من نصيبه وفعلا راحوا بعربية ياسمين وهاك دخل بابا شقة عمار ولقيوا معتز نايم بابا يفوقه وكان بيفوق بصعوبة وقاله بابا
الاب
مش هاسيبك هنا هاخدك ڠصب عنك
كمال
يالا ياعمي اسنده معايا
معتز
انا لو جيت هبوظلكم حياتكم
انا مينفعش اكون مع اي حد فيكم سيبوني هنا
بابا
مستحيل اسيبك اكتر من كدا حتي لو عملت دا حقك اني الحقك من اللي لنت فيه واساعدك عشان تخرج منه
كمال
مش بتقول اني اخوك هو في اخ يستغني عن اخوه يالا بينا من المكان دا
بابا
وبعدين في حد مستنيك تحت مينفعش نتاخر عليها
معتز باستغراب
مين
كمال
دي طلعت مچنونة بيك ياعم ليل ونهار بيدور عليك
لي لاسف عمار قال
قبل مايخرج من هنا يدفع اللي عليه
بابا
هوانت عايز منه ايه تاني اخد صحته وكل اللي معاه
عمار
انا مابكلش من الكلام دا ياحج كل حاجة
هنا بحساب قبل مايخرج من هنا يدفع اللي عليه
قام كمال وقف وقاله
عليه كام
عمار
عشرين الف
وراح ببوكس جامد علي عمار وقاله
اول الف جنيه عايز تاني
وكان عمار مش قادر يقف من الارض
وبابا وكمال سندوا معتز ونزلوا لقي معتز قدامه ياسمين وبمجرد ماشافته عينيها دمعت وفتحت باب العربية وقالتله
ياسمين
اخيرا شوفتك
الام
نورت بيتك ياحبيبي يا نور عيني ياابني غمة وهاتروح لحالها ان شاءلله
نهي
نورت ياغالي ربنا يحفظك يارب ويخرجك من اللي انت فيه علي
↚
خير
معتز
انا مش عارف اقول
بابا قطع كلامه وقاله
محدش طلب منك تقول حاجة احنا مش عايزين حاجه غير انك تكون راجل بجد عايز معتز يحارب اللي هو فيه ويرجع زي ماكان زمان
معتز
انا هدخل انام دلوقتي
ياسمين
ماتخليك قاعد معانا شوية
وكلنا فضلنا نضحك حتي معتز ضحك من كلامها
كمال
لا نسيبوه يرتاح شوية قبل مايجي الدكتور
معتز
دكتور
كمال
ايوة عشان نتعالج ونخرج اللي في جسمك ياخويا
ماما
عشان خاطري لو غالية عندك اسمع الكلام
ياسمين
والنبي يامعتز وافق عالدكتور عشان تيحي تخطبني بقي هو انا هخلل
ضحك معتز اوي وقال
مدام الواحد عنده اهل زيكم لازم يخف ويتعالج
بس الموضوع كبير وماكنش سهل واول ماجه الدكتور قال
الدكتور
المشوار صعب جدا جدا وانه مش من السهل وممكن يتعالج في البيت بس معتز صمم يتعالج في البيت والدكتور كتبله علي نسبة علاج كبيرة..
وفعلا مع الوقت بدأ معتز يتحسن اتكلمت معاه وقولتله
نهي
ان شاء الله هتخف وهترجع زي الاول واحسن
معتز
انا اسف بس والله العظيم ماكنتش اقصد اللي حصل في اليوم دا
نهي
مليش نصيب فيه ونقول الحمدلله على كل شيء وانا مش زعلانة منك ابدا ولا حتي كمال
معتز
كمال طلع جدع والله انا مش متخيل انه يقف جنبي بالطريقة دي
نهي
كل اللي احنا بنعمله دا انت اللي عملته الاول وقدمت الحلو كله يا احن اخ في الدنيا كلها
معتز
تعرفي ان كنت بشوف نفسي فيك
نهي
ازاي يامعتز
معتز
لما كملتي تعليمك وحبيت وختارتي شريك العمر كله حاجة جميلة عملتيها والله بحس اني انا اللي بعملهاوببقي فخور بيكي اوي
نهي
ربنا يخليك ليا وميحرمنيش منك ابدا
وشد حيلك عشان نفرح بيك انت وياسمين على خير
معتز
صحبتك طلعت جدعة اوي
نهي
دي بتحبك بجد ولعمك هي قالت لامها علي كل حاجة
معتز اتخط وقال
قالتلها علي ايه
نهي
ماتخفش هي قالت انك بتحبها وعايز تتجوزها وانها هي كمان بتحبك ولعلمك
هي مابتخيش حاجة علي امها
وجات ياسمين واحنا بنتكلم وكانت بتيجي يوم ويوم عشان تطمن عليه ودا كمان كانت بتجهزله اكل وتديه العلاجي
ياسمين
صباح الفل عالناس الحلوة
معتز
اتاخرت ليه ليكي يومين ما شفتكش
نهي
طيب اروح اعمل خاجة نشربها
ياسمين
اختك بتفهم وخرجت
معتز
وحشتيني
ياسمين
مش اكتر مني دا انا بستني اليوم اللي اشوفك فيه
معتز
انتي ازاي كنتي واثقة اني ممكن ارجع من الطريق اللي كنت فيها
ياسمين
عشان بحبك
معتز
والله عشان انتي بتحبيني
ياسمين
ايوة اللي بيحب حد عمره ما يتخلي كنت هافضل وراك لحد ماترجع من الطريق واللي بيحب بجد مايتخلاش عن اللي بيحبه ويساعده حتي من غير ما يطلب
معتز
انا ربنا بيحبني انه ليا اهل زي اللي بره دول
مستعدين يقفوا قدام الدنيا كلها عشاني واكتر حاجة حلوة بقيت في حياتي ان ربنا كرمني بيك بحبك يا احلي ياسمين
وفضل معتز عالحال دا شهور واحنا معاه
وبعد ما خف بابا وقف جنبه وساعدة في الشقة وراح خطب ياسمين وبدا فعلا حياه جديده وانا مع السنين خلفت ولد. وبنت..
وبكدا خلصت حكايتنا النهارده