رواية بداية عهدنا ولكن كاملة جميع الفصول بقلم منال عباس

رواية بداية عهدنا ولكن كاملة جميع الفصول هى رواية من تأليف المؤلفة المميزة منال عباس رواية بداية عهدنا ولكن كاملة جميع الفصول صدرت لاول مرة على فيسبوك الشهير رواية بداية عهدنا ولكن كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية بداية عهدنا ولكن كاملة جميع الفصول

رواية بداية عهدنا ولكن كاملة جميع الفصول

زعق الاب _

اي الكلام اللي قاله جوزك ده ي بت..

ليلي _

كلام اي ي بابا انا مش فاهمه انت بتتكلم عن اي..

الاب _

بكت ليلي _

كدب والله 

مسكها الاب من شعرها وزعق فيها _

_قبل مقولكم حكايتي اعرفكم بنفسي انا ليلي عندي 18 سنه عمري متمنيت لحد حاجه وحشه بس مفيش حد فحياتي بيتمنالي خير..

_في يوم كنت قاعده فاوضتي بذاكر ودخلت ماما عليا وقالتلي..

الام _

قومي ي ليلي اغسلي وشك والبسي حاجه حلوه متقدملك عريس..

اتدايقت ورديت عليها 

عريس اي بس ي ماما انا لسه فالثانويه..

زعقت ماما فيا _

انتي هتطلعي ولا اروح اندهلك ابوكي يتصرف معاكي..

خۏفت وقومت بسرعه وانا بقولها _

حاضر قايمه اهو بس بلاش تقولي ل بابا..

_غيرت هدومي ولبست ديرس هادي وحطيت حجابي وطلعت سلمت عليهم..

الاب _

منورينا والله ي جماعه..

ام العريس _

بنورك ي حج صالح وبنور عروستنا اللي زي القمر..

_رفعت عيني فالوقت ده وبصيت للعريس بفضول بصراحه كان شكله مش حلو بس قولت يلا مش مهم الشكل المهم اخلاقه...

قالت ماما _

طيب متيجو ي جماعه نقعد فالبلكونه بتاعتنا ونسيب ليلي وعماد يتعرفو..

ام العريس _

معاكي حق والله ي ام ليلي يلا بينا..

_مشيو وسابونا لوحدنا لقيته قام وقعد قريب مني شويه..

وقالي _

انتي عندك كام سنه..

رديت عليه وانا مكسوفه _

عندي 18 سنه..

عماد _

كويس المهم انتي مش هينفعي تكملي تعليمك عشان البيت ولازم تساعدي امي انا اتفقت مع ابوكي ع كده..

_مردتش عليه بس ادايقت اووي انا اهم حاجه عندي اني اكمل تعليمي وادخل الجامعه..

_بعد ما مشيو ندالي بابا عشان يسألني عن رأيي..

صابر _

هاا ي ليلي اي رئيك ف عماد وامه..

اتوترت شويه بس رديت عليه _

الرأي رئيك ي بابا بس انا عايزه اكمل تعليمي..

قام وزعق فيا _

نعم يختي انا معنديش بنات تكمل لكليات وتتصرمح وبعدين عماد مرتاح ده عنده سوبر ماركت تحت بيتهم والعماره كلها بتاعته هو واهله هلاقيك حد مرتاح زي كده فين..

الام _

معاك حق ي خويا بلاش دلع ي بت ي ليلي واسمعي الكلام..

_مقدرتش ارد عليهم ودخلت اوضتي وانا ببكي واني خلاص مش هحقق حلمي ومش هدخل الكليه مع صحابي..

_بعد كام يوم كنت قاعده بذاكر عشان امتحاناتي قربت ولقيت ماما داخله وهي لابسه هدوم الخروج...

الام _

انتي لسه ملبستيش ي بت انتي..

رديت عليها وانا مش فاهمه حاجه _

البس لي احنا رايحين فين ي ماما..

الام _

يخربيت المذاكره اللي مش هناخد منها حاجه ولحست دماغك ع الفاضي ي بت مانا قولتلك عماد وامه عازمينا ع الغدا النهارده..

ليلي _

ي ماما ارجوكي انا عندي امتحان صعب كمان يومين كلميهم واجليها عشان اذاكر كويس..

زعقت فيا ماما _

وبعد متطلعي الاولي هيحصل اي مانتي كده كده مش هتكملي وهتتجوزي فمنهاش فايده المذاكره يلا قومي البسي...

_مسحت دموعي وقومت لبست وروحت مع ماما المطعم اللي عزمنا فيه عماد ومامته..

ام عماد _

مالك ي ليلي قالبه خلقتك كده لي..

قبل متكلم ردت عليها ماما _

لا ابدا ي حبيبتي هي بس مشغوله فالمذاكره اكمنها ع طول بتحب تطلع الاولي..

عماد _

كويس انك شاطره عشان تعرفي تذاكري لعيالنا..

_سكت ومردتش عليهم بس كان نفسي اقولهم ان طموحي ادخل جامعه واشتغل واذاكر لعيالي برضو مش اذاكر لعيالي بس..

_بعد شويه كانت ماما ببتكلم مع ام عماد وهو كان عمال يقلب فتليفونه بس خدت بالي ان مفيش بنت عدت الا وانه بيبصلها وبصراحه دي حاجه دايقتني انا لحد دلوقتي ملقتش فيه ميزه واحده..

_ولما جينا نروح جه معانا عماد و وصلنا بتاكسي انا وماما وانا كنت مدايقه حتي مسلمتش عليه وطلعت بيتنا ع طول..

جات ماما ورايا وزعقت فيا _

ازاي ي بت انتي متسلميش ع خطيبك قبل متطلعي وتشكريه انه وصلنا..

اتعصبت ورديت عليها 

مش انتي شكرتيه وسلمتي عليه خلاص ي ماما..

ادايقت ماما من ردي عليها وقالتلي _

ااه ي قليلة الادب بتردي عليا كده بس لما يجي ابوكي انا هخليه يتصرف معاكي..

خۏفت وعنيا دمعت وقولتلها _

انا اسفه ي ماما بس انا شوفت عماد وهو بيبص للبنات واحنا فالمطعم بطريقه مش كويسه انا مش عايزه اكمل معاه ي

ماما..

ردت عليا بكل

برود وقالتلي _

وفيها اي ده شاب اعذب لما هيتجوز هيبطل الحاجات دي بس خليكي شاطره واملي عينه..

اتعصبت وقولتلها _

لا ملهاش دعوه هو لو محترم مش هيعمل كده انما هو مش محترم حتي انا بيبصلي بطريقه مش كويسه انا مش مرتحالو...

زعقت فيا 

يعني انتي عايزه اي ي ليلي..

رديت عليها 

مش عايزه اتجوز عماد..

_ فالوقت ده دخل بابا ومن غير ميفهم الموضوع جه وزعق فيا..

الاب _

انتي اټجننتي ي بت انتي عايزه الناس تقول عليكي مفسوخه خطوبتك وتبوري وبعدين ماله عماد كويس وجالك حد مرتاح زيه اياكي اسمع منك الكلام ده تاني غوري من وشي..

_خوفت ارد عليه ودخلت اوضتي وانا ببكي ع نفسي بجد صعبت عليا من كل اللي بيحصل ده..

_وبعد كده بقي عماد. يكلمني كل فتره فالموبيل بس كنت بقفل معاه بحجة المذاكره وخصلت امتحانات والنتيجه ظهرت وزي كل سنه طلعت الاولي ع الثانويه..

روحت لبابا وانا فرحانه وعندي امل بعد ميعرف اني طلعت الاولي يخليني اكمل تعليمي وادخل الجامعه..

ليلي _

بابا انا اسمي طلع فالتلفزيون انا الاولي ع المحافظه..

رد عليا من غير ميبصلي حتي _

طيب كويس روحي اعمليلي كوباية شاي..

حسيت ان حماسي اختفي توقعته يفرحلي بس للاسف ده محصلش..

بس برضو كان عندي امل انه يوافق وقولتله _

عارف ي بابا انا لو قدمت ع كلية الطب هتقبل فيها و..

قام وقف وزعق فيا _

اي تقدمي ع اي هو انا حمل مصاريف كلية الطب وبعدين خطيبك متفق معايا انك مش هتكملي تعليم..

بكيت وقولتله _

بس انا مش عايزه اتجوز انا عايزه اكمل تعليمي..

محستش باي حاجه غير بايد بابا اللي نزلت ع وشي وصوته وهو بيزعق فيا بصوت عالي..

الاب _

اياكي اسمع سيرة التعليم تاني واجهزي عشان فرحك الخميس الجاي..

_دخلت اوضتي ومسكت الشهاده بتاعتي وفضلت ابكي وبعدين استسلمت لقرارات اهلي..

_جه يوم الخميس اللي هو يوم فرحي وكان اليوم ده اوحش يوم فحياتي اول مدخلت معاه شقتنا كان هادي وبيكلمني بالراحه..

عماد 

انا عارف انك متوتره ومكسوفه تقدري تدخلي تغيري هدومك وانا هاجي وراكي..

رديت عليه وانا فعلا مكسوفه جدا _

حاضر..

_دخلت وغيرت الفستان ولبست الروب اللي حطهولي ماما ع السرير وبعد شويه هو دخل وقرب مني وبعد كام دقيقه قام وقف وزعق فيا..

عماد _

انتي متخلفه مبتفهميش..

انا فعلا مكنتش فاهمه حاجه وسألته وعنيا اتملت دموع _

لي بس انا عملت اي..

رد عليا بعصبيه _

انتي كمان بتسالي اوعي تكوني فاكره نفسك عروسه بجد بس يجي ابوكي بكره وانا ليا كلام تاني معاه..

_ساب الاوضه وخرج وانا مكنتش فاهمه هو عمل كده لي ده اصلا محصلتش بينا حاجه بس خلاص انا فهمت هو متعصب عشان مقدرش يقرب مني انا مش هضغط عليه وهسيبه براحته وابقي الصبح اتكلم معاه عشان ميزعلش..

_وصحيت الصبح ع صوت ماما وهي داخله عليا الاوضه..

الام _

الف مبروك ي حبيبتي عقبال مشيل عيالك..

ليلي _

الله يبارك فيكي ي ماما هو بابا جه معاكي..

الام _

ايوه وقاعد

بره مع جوزك..

خۏفت ل عماد يقوله حاجه او يجيب العيب

↚

فيا وبابا عصبي وممكن يصدقه وفعلا اللي خاېفه منه حصل دخل بابا الاوضه وهو متعصب اووي..

الام _

مالك ي صابر في اي..

بصلي ورد ع ماما بعصبيه _

الام _

عملتي اي انطقي ي بت..

ليلي _

والله مش فاهمه انتو بتتكلمو عن اي..

زعق الاب _

ليلي _

كلام اي ي بابا انا مش فاهمه انت بتتكلم عن اي..

الاب _

بكت ليلي _

كدب والله هو مقربش مني اصلا..

مسكها الاب من شعرها وزعق فيها _

بكيت وقولت لبابا _

والله بيكدب عليك هو اصلا مقربش مني..

سابني وانا استخبيت فماما وانا خاېفه جدا..

الاب _

يعني مقربش منك اومال قال كده لي..

ردت عليه ماما _

باينه ي حج الواد بيجيب خيبته

_سابنا بابا وطلع تاني وبعد شويه سمعت صوته بيزعق مع عماد فطلعنا انا وماما نشوف في اي..

الاب بعصبيه _

اياك تقول كده تاني ع بنتي انت فاهم..

اتوتر عماد _

انا غلطان يعني عشان بقولك الحقيقه..

زعق فيه بابا _

هو انت فاكرني عيل صغير انا لو بنتي زي

مانت بتقول انت واهلك كنتو خربتو الدنيا

بس متجيبش خيبتك علينا ي عريس..

_قاله بابا الكلمتين دول واخد ماما ومشيو وجه عماد..

وزعق فيا _

انتي ازاي تقولي لابوكي كده..

اتغظت ورديت عليه _

انت كنت مستني مني اقوله اي بعد مكنت عايز 

_الباب خبط وراح فتح لقي مامته ومرات اخوه اللي دخلو بسرعه..

بصتلي حماتي بقرف وقالت _

في اي ي عماد ماله ابو البت دي كان بيزعق لي..

رد عماد ع امه بعصبيه _

الهانم مرضيتش تخليني اقرب منها ولما اشتكيت لابوها غلطني انا...

اټصدمت من كدبه حتي ع مامته بيكدب وقربت مني حماتي وزعقت فيا..

ام عماد_

ي بجحتك انتي وابوكي ومالك ي ختي مش راضيه تخلي جوزك يقرب منك لي..

بكيت وقولتلها _

محصلش والله...

قالت سلفتي المره دي 

هو اي اللي محصلش هو في عريس هيتبلي ع عروسته بحاجه زي دي...

رد هو ع مرات اخوه _

قوليلها ي مروه اكيد في حاجه خاېفه منها عشان كده رفضاني..

زعقت فيه امه _

اسمع ي واد ي عماد ده حقك وتاخده وقت متحب ولو اعترضت ناديلي وانا اربيها ليك من اول وجديد..

_مشيت حماتي وسلفتي وانا دخلت اوضتي وفضلت ابكي وانا مش عارفه اعمل اي لو روحت لاهلي الناس هتغالطني انا وهيصدقو كلامهم فاستحملت وسكت..

_جه الليل كنت نايمه وبعدين دخل عماد وقفل النور وقرب مني وبعد شويه قام وزعق فيا..

عماد _

العيب فيكي انتي انتي مش ست زي باقي الستات..

حاولت اخليه يهدي ورديت عليه _

طيب ممكن تهدي ومتستعجلش لسه قدامنا وقت كبير..

زعق فيا _

انتي كمان هتقوليلي اعمل اي ومعملش اي انا راجل ڠصب عنك العيب فيكي..

اتعصبت ورديت عليه _

لا انا مفيش عيوب ع فكره ومش بقول ان فيك عيوب انت كمان بس بلاش تمكس فيا كده..

_خلصت كلامي ولقيته قرب مني وعنيه بتطق شرار ومد ايده عليا جامد لدرجة اني حسيت ان هيغمي عليا وسابني وطلع قعد بره وانا فضلت ابكي من الالم اللي حسيت بيه فجسمي ووشي..

_عدت اول ايام جوازي مع عماد وكان كل يوم يجي يزعق فيا ويتلكك ع اتفه الاسباب عشان يمد ايده ..

_صحيت الصبح وانا قايمه بالعافيه من التعب اللي فجسمي لقيته فوشي طالع من المطبخ فاټخضيت منه..

عماد _

في اي شوفتي عفريت..

رديت عليه وانا خاېفه منه _

لا والله مقصدش انت بس طلعت فوشي فجأه..

عماد _

طيب اتنيلي انزلي عند امي تحت عايزاكي..

ليلي _

خير هي عيزاني فاي..

زعق فيا _

انتي هترغي معايا متنزلي تشوفيها اي القرف ده..

_دخلت اوضتي وغيرت هدومي لهدوم شكلها حلو مانا برضو لسه عروسه جديده وحطيت حجابي ونزلت تحت عند حماتي..

_فتحتلي الباب سلفتي ودخلت حتي من غير متقولي ولا كلمه..

دخلت وقعدت جنب حماتي وقولتلها _

ازيك ي حماتي عامله اي..

ردت عليا بعصبيه _

زي الزفت يختي من يوم مشوفتك..

عنيا دمعت وسألتها _

لي كده. بس انا عملت اي..

_قبل مترد عليا لقيت عماد داخل ومعاه بابا وماما وست شكلها غريب...

سالتهم وانا خاېفه _

هو في اي بالظبط..

ردت عليا حماتي _

اتعصبت وقولتلهم _

من غير متجبيها تشوف عندك ابنك اهو اساليه..

زعق فيا عماد _

انا تعبت منك انتي بتقولي اني مقربتش منك ام سيد اني دخلت عليكي وعرفت حقيقتك وانتي بتداري ع عملتك بانك بتقولي مقربتش منك..

_اتصدمت من كلامه ودموعي نزلت وبصيت لبابا وماما لقيتهم ساكتين ومحدش فيهم دافع عني حتي بكلمه..

وقفت وقولتلهم ودموعي مغرقه وشي _

وانا موافقه عشان مفيش حاجه اخاڤ منها..

_وبعدين دخلت مع ام السيد اللي فعلا كشفت عليا وخرجت بسرعه وانا ظبطت هدومي وروحت وراها بس اټصدمت لما لقيتها قالتلهم..

ام السيد _

_فتتوقعو اي اللي هيحصل ل ليلي

اټصدمت من كلامها وقولت بعصبيه _

انتي كدابه والله العظيم كدابه انا محدش قرب مني اصلا..

بصلي هو بخبث وقال _

اتفضلي انتي ي ام سيد معلش تعبناكي..

_مشيت ام سيد وانا كنت مڼهاره ازاي ده حصل بس..

زعق عماد فبابا _

ها ي استاذ صابر مش سامعلك صوت انا مرضتش اعمل فضايح وجيبت الست ام سيد فالسر عشان بنتك للاسف مراتي بس حبيت اثبتلك اني راجل وبنتك كدابه..

اتوقعت ان بابا

يكذبه بس خذلني لما قاله _

اهي عندك اعمل فيها

اللي انت عايزه..

الام بدموع _

لا ي صابر انا بنتي مش كدابه..

زعق بابا فيها _

عليا الطلاق بالتلاته لو ما مشيتي معايا لانتي متحرمه عليا يلا قدامي ع البيت..

_مشيو بابا وماما وانا كنت واقفه ببكي ومش عارفه اعمل اي..

بصيتله بكره فعلا قلبي كرهه وقولتله _

انت اكيد متفق معاها عشان تطلع نفسك راجل بس انت متسواش فسوق الرجاله حاجه..

جات حماتي وشدتني من شعري وزعقت فيا _

ليكي عين تتكلمي انا ولدي سيد الرجاله روحي يلا ع المطبخ روقيه وحضري الغدا واطلعي نضفي شقة سلفتك..

ليلي بدموع _

انا مش خدامه عندكم عشان اعمل كده..

زقتني جامد وقالت _

ده اخرك ي قليلة الربايه ده انتي تحمدي ربنا ان ابني مخليكي ع ذمته ومطلقكيش..

_دخلت المطبخ وانا ببكي ومفيش فايدي حاجه غير اني اسمع كلامهم..

قربت مروه سلفتي من عماد وقالتله بصوت واطي _

هاا اي رئيك فالخطه..

عماد _

متخورش المايه كده محدش هيقدر يقول عليا نص كلمه وهي هتعيش هنا بالجزمهبس انتي اي مصلحتك انك تساعديني....

مروه _

مصلحتي انك تخلي مراتك تخدمني انا وبناتي..

عماد _

بس كده انتي تؤمري..

_عدي اكتر من ست شهور وانا مش بعمل حاجه فحياتي غير اني بخدم اهل جوزي حتي شقة اخوه بروقها واغسل الهدوم واعمل الاكل ولو اتكلمت عماد بيطلع عصبيته عليا بمد ايده...

وفيوم كنت واقفه فالمطبخ ودخلت عليا حماتي..

ام عماد _

انتي ي بت انتي خدي الفلوس دي وانزلي هاتي الخضار من تحت..

ليلي 

بس انا لسه مخلصتش تنضيف المطبخ..

زعقت فيا _

بطلي كلام كتير واللي اقولك عليه تقولي حاضر بلاش مياعه..

_نزلت دموعي واخدت منها الفلوس وروحت غيرت هدومي ونزلت عشان اجيب الطلبات ولقتني من غير محس بروح لبيت اهلي...

فتحتلي ماما الباب..

الام_

ليلي تعالي ي حبيبتي ادخلي وحشتيني اووي..

اترميت وفضلت ابكي _

انا تعبت اووي ي ماما انتي الوحيده اللي مصدقاني..

الام _

حسبي الله ونعم الوكيل فيهم معلش ي بنتي مفيش فايدي حاجه اعملها..

دخل بابا فالوقت ده ولما شافني ادايق...

الاب _

اي

اللي جابك انا مش طايق اشوفك..

بكيت وقولتله _

انا مظلومه والله هو اكيد

↚

متفق مع الست دي...

سكت بابا بس كان مدايق..

ليلي _

انا مستعده اروح معاك لدكتور دلوقتي وتتأكد بنفسك منه ان محدش لحد دلوقتي قربلي..

الاب_

موافق تعالي نروح للدكتوره انا وانتي وامك بس المره دي لو طلع كلام جوزك صح انتي لا هتبقي بنتي ولا اعرفك..

ليلي _

موافقه يلا بينا...

_بعد. شويه عند. الدكتوره اللي كشفت عليا..

الدكتوره _

خير ي حج ان شاء الله اطمن..

الاب _

طمنيني ي دكتوره اللهي يسترك..

الدكتوره _

_دموعي نزلت بفرحه وحمدت ربنا انه نصرني قدام اهلي وشوفت فرحة ابويا وامي بالخبر ده..

الاب _

الف حمد وشكر ليك ياارب..

_طلعنا من عند الدكتوره..

فقولت لبابا _

ها ي بابا انا هرجع معاكم البيت مش هروح عندهم تاني...

الاب 

مش هينفع الناس تقول علينا اي..

ليلي _

ي بابا انا تعبت اووي هناك بخدم. تلات بيوت بيت حماتي وبيتي وبيت اخو عماد وكل ده من غير ذنب..

الاب 

معلش اتحملي فتره كمان وبعد. كده اطلقي بس دلوقتي الناس تقول مكملتش كام شهر واطلقت والله واعلم اهل جوزك ممكن يقول اي عليكي وقتها..

_نزلت دموعي وسيبتهم ورجعت بيت جوزي تاني دخلت البيت وانا ماسكه شنط الخضار لقيت عماد قاعد جنب امه..

قام وزعق فيا _

انتي كنتي فين كل ده..

ليلي 

حماتي قالتلي انزل اجيب الخضار وعديت ع ماما سلمت عليها..

ام عماد _

وانتي تروحي لي من غير متقولي..

وقف عماد وزعق فيا _

مقولتيش لي انك رايحه هناك وروحتي لي اصلا..

ليلي _

مانا لما بقولك اني رايحه انت مش بترضي وماما كانت وحشاني..

عماد 

اول واخر مره تروحي اي مكان من غير متقوليلي..

رديت عليه بهدوء 

حاضر ي عماد..

زعقت ام عماد فيا _

غوري ادخلي كملي شغلك فالمطبخ يلاا وابقي خدي الهدوم دي تغسليها بالليل والصبح تجبيها مكويه..

ليلي 

حاضر ي حماتي..

_خلصت غسيل الهدوم بتاعت حماتي واخدت الهدوم عشان انشرها فالبلكونه بس لقيت واحد واقف فالبلكونه اللي قصادي فدخلت بسرعه وقولت انشرهم لما الراجل ده يمشي..

جه عماد وزعق فيا _

انتي ازاي تقفي فالبلكونه والراجل ده قصادك..

ليلي _

انا لما شوفته دخلت بسرعه ولما هيمشي هنشر الغسيل..

عماد بعصبيه _

بطلي كدب قولي اي اللي بينك

وبينه..

دمعت عينيا وقولتله _

حرام عليك والله العظيم انا معرفوش اصلا..

زعق فيا _

من الاخر مش هتنشري الغسيل غير بعد

نص الليل تكون الناس نامت..

ليلي _

ازاي بس انا عايزه انام عشان بصحي بدري اشوف شغل البيت..

زعق فيا بصوت عالي _

انتي تقولي حاضر وبس فاهمه ولا لا..

ليلي _

حاضر ي عماد اللي تشوفه..

_عدت فتره كبيره تاني وكنت بسمع كلام عماد وبحاول ارضيه وهو بدا يتغير شويه معايا وحماتي برضو..

وفيوم خلصت اللي ورايا فشقة حماتي وكنت طالعه شقة اخو جوزي انضفها..

حماتي _

استني انتي رايحه فين..

ليلي 

طالعه شقة مروه انضفها ليها واعملها الاكل..

ردت عليا حناتي _

لا انزلي شقتك وحضري الغدا لجوزك ومروه بعد كده تنضف شقتها بنفسها...

اتعصبت مروه وقالت _

كلام اي ده ي ماما مهي من لما جات بتنضف هي وراها حاجه تعملها مهي فاضيه..

زعقت حماتي فيها _

البيت ده بيتي ي مروه وانا اللي اقول مين يعمل اي ومين ميعملش وبدل يختي مانتي طول اليوم قاعده عند. التلفزيون وماسكه الموبيل قومي نضفي شقتك واهتمي ببيتك..

اتغاظت مره وقالت وهي ماشيه _

ماشي ي حماتي اللي تشوفيه..

_بصراحه انا كنت فرحانه باللي حصل وان الحمل هيخف عليا شويه..

زعقت حماتي فيا 

انتي لسه واقفه عندك ي بت متنزلي تشوفي اللي وراكي..

رديت عليها وانا ماشيه _

حاضر ي حماتي بعد. اذنك...

_نزلت شقتي ورتبتها وحضرت الاكل لعماد وغيرت هدومي وسرحت شعري وفضلت مستنياه لحد مجه..

عماد _

خير يعني الدنيا رايقه النهارده..

ليلي _

حماتي خلت مروه تنضف شقتها وقالتلي انزل اشوف حالي انا هنا...

ادايق عماد _

اممم طيب بس بلاش تعملي مشاكل مع مروه..

ليلي _

انا مليش دعوه ده قرار حماتي..

سالته بهدوء _

اجهزلك الغدا..

رد عليا وهو داخل عشان يغير هدومه _

ايوه بسرعه..

_روحت وجهزت الاكل وهو طلع وقعد. ياكل..

قولتله _

لحد متخلص الاكل هكون عملت الشاي...

رد. عليا بهدوء _

اقعدي اتغدي معايا الاول..

استغربت انه قالي كده وقعدت اكلت معاه وبعدين عملتله شاي ولما خلصت دخلت اوضتي ونمت وانا مرتاحه شويه ان عماد بطل يتخانق معايا هو وحماتي..

_تاني يوم كنت واقفه فالمطبخ بعمل الاكل لحماتي وموبيلي رن برقم غريب..

رديت _

الو..

جاالي صوت حد غريب _

عامله اي وحشتيني...

قلقت وسالته _

مين معايا..

رد صاحب الرقم _

مش ده رقم هبه..

ليلي _

لا حضرتك النمره غلط..

الراجل _

طيب انا اسف ع الازعاج..

_قفلت الموبيل وحطيته جنبي ع الترابيزه وكملت طبيخ بس دخلت مره وهي بتزعق بصوت عالي..

مروه _

اخص عليكي ي ليلي بقي انتي يطلع منك كل ده..

مكنتش فاهمه بتتكلم عن اي وسألتها _

في اي ي مروه هو حد داسلك ع طرف..

مروه بخبث _

بقي تكلمي رجال ع عماد جوزك اللي مفيش منه اتنين وعيزاني اسكت..

_جه عماد وحماتي وهما بيبصولي بعصبيه..

رديت علي مروه وانا خاېفه بصدقوها_

انتي اټجننتي اي اللي بتقوليه ده انا مستحيل اعمل كده..

مروه _

اومال مين اللي كنتي بتكلميه دلوقتي...

ليلي _

رقم غريب وقفلت معاه ع طول والله..

زعق عماد فيا _

وانتي تردي لي ع ارقام غريبه اصلا...

رديت عليه وانا خاېفه _

والله كنت فاكره وحده من صحابي اللي كانو معايا فالمدرسه..

مروره _

وحياة بناتي انا قولت اللي سمعته وهي بتقوله بحبك مليش غيرك..

بكيت وقولت _

والله كدابه انا مقولتش كده خالص..

عماد بعصبيه _

تعالي ورايا ي ليلي تحت بعد اذنك ي ماما..

حماتي _

اذنك معاك يبني ربنا يعينك ع ما ابتلاك..

راحت مروه الحمام وطلعت موبيلها وقالت _

ايوه بقولك اي نفذ الخطه التانيه وهبعتلك فلوسك دفعه واحده..

وبعدين قفلت معاه وقالت پحقد _

انا هعرف ازاي ارجعك تخدميني تاني ي ليلي

_دخلت شقتي ورا عماد اللي كان متعصب جدا..

زعق فيا _

هو انا مش مالي عينك صح عشان كده بتعرفي غيري..

رديت عليه وانا ببكي _

والله العظيم محصل انا رن عليا رقم غريب رديت ولما عرفته حد غريب قفلت ع طول..

_كان لسه هيرد عليا بس جات رساله ع موبيلي فسحب التلفون مني ولقي نفس الرقم باعتلي لما جوزك ينام او يطلع كلميني..

عماد. بعصبيه _

اي الرساله دي بتخوننيني ي ليلي..

خۏفت منه وقولت _

والله كدب انا معرفش مين ده اصلا..

جه يقرب مني عشان يمد ايده عليا بس انا اخدت موبيلي من ايده وجريت بسرعه من قدامه وروحت بيت اهلي وحكيتلهم اللي حصل..

الام _

ياادي الفضايح كان مستخبيلنا فين ده بس ياربي..

الاب _

خلاص كده كده كانت هتتطلق وهي

بقالها سنه متجوزه فنطلقها ونخلص..

الام _

والناس تقول علينا اي هو عماد وامه هيسكتو دول هيحكو اللي حصل للناس كلها وهيذودو عليه كمان

..

الاب _

اعمل اي دلوقتي خلاص اللي حصل حصل..

_عدي كام يوم وانا قاعده عند بيت اهلي وجه عماد وامه عشان يرجعوني..

ام عماد _

ياما بتحصل فالبيوت مشاكل بلاش نخرب ع العيال ي استاذ صابر وخلي ليلي ترجع معانا..

رد عليها بابا _

خلاص ي ام عماد بعد اللي اتقال واللي حصل انا بنتي مش هرجعها عندكم تاني..

اتعصب عماد _

ازاي بس ي عمي بنتك اللي غلطانه..

رد عليه بابا _

كدب بنتي مغلطتش اي هتتبلي عليها تاني زي معملت لما جيبت ام سيد واتفقت معاها تقللو من سمعت بنتي قدامي..

اتوتر

عماد _

محصلش الكلام ده كدب..

وقف بابا وقاله بكل ثقه _

ماشي تعالي انا هصدقك

↚

وهاخد بنتي دلوقتي لاي دكتور نسا ونشوف بنتي اللي قعدت عندك سنه 

ام عماد_

طيب نتكلم بالراحه ي استاذ صابر..

زعق فيهم صابر_

ولا كلمه كمان وابنك يطلق بنتي ويديها حقها المؤخر كله..

اتغاظ عماد _

تاخد المؤخر بامارة اي هو اي اللي انا كلته وشربت عليه مايه عشان ادفع فلوس عليه..

ردت عليه ماما المره دي _

اعتبره تمن مخدمتك انت وامك ومرات اخوك وتمن القرف اللي شافته عندكم..

اتعصب عماد وقال _

عايزني اطلق بنتك موافق اطلقها فستين داهيه بس من غير مدفع ولا قرش واهي عندك زي مهي..

صابر _

ماشي بس انا مش هطلق بنتي غير فالمحكمه

اتعصب عماد جدا ووقفت امه وقالت _

خلاص يبني اديهم اللي عايزينه هو اللي عندنا شويه نعتبرهم صدقه لله..

_كنت واقفه بسمع الكلام كله وانا مبسوطه عشان خلاص الکابوس اللي كنت عيشاه مع عماد واهله هينتهي...

_وبعد كام يوم فعلا اتطلقت منه وكنت اسعد. بني ادمه فالدنيا وكمان قررت اكمل تعليمي وروحت قولت لماما..

الام _

لا طبعا تعليم اي اللي تكمليه بعد متجوزتي واتطلقتي..

ليلي _

بالعكس ي ماما انا لما اطلع وادخل واقدم ع الجامعه هنثبت للناس ان الكلام اللي قالته ام عماد ومرات ابنها ملوش قيمه وانا اهو بطلع وبدخل وهتعلم..

اقتنعت ماما وقالتلي _

طيب ي ليلي هكلم ابوكي ولو وافق روحي...

ليلي _

لا مسميهاش هقوله اسمها هقنعه ي ليلي وهيوافق..

ضحكت ماما وردت عليا _

ااه منك ومن الزن بتاعك هقنعه ي ليلي اطمني...

_وفعلا اقنعت ماما بابا وسمحلي ادخل الجامعه بس مش كلية الطب دخلت كلية التجاره والنهارده اول يوم ليا فيها..

_جيبت هدوم جديده وجهزت واخدت شنطتي وطلعت من بيتنا ومن فرحتي كنت نازله السلم بسرعه فخبطت فواحد كان طالع..

ليلي _

انا اسفه مكنش قصدي..

بصلي من فوق لتحت ورد عليا _

لا ولا يهمك انتي ساكنه هنا ي قمر..

اتعصبت من طريقته وسيبته ومشيت روحت الجامعه وجعت اخر اليوم وكنت فرحانه جدا..

ماما_

تعالي ي ليلي عندي ليكي خبر بمليون جنيه..

رديت عليها بحماس _

خير ي ماما ان شاء الله..

الام _

جايلك عريس انما اي ميتعوضش..

_اول مسمعت اللي قالته خۏفت ان اللي حصلي مع عماد واهله هيتكرر تاني واني هسيب الكليه اللي ملحقتش افرح بيها..

_وبكدا خلصت حلقتنا والحلقه الجايه هنعرف مين العريس اللي اتقدم ل ليلي ده و ليلي هتوافق عليه ولا لا..

الام _

جايلك حتت عريس ي ليلي ميتعوضش..

ليلي _

بس انا مش عايزه اتجوز تاني ي ماما..

زعقت ماما فيا _

يعني اي مش عايزه تتجوزي تاني هتقعدي جنبي يعني..

بكيت وقولتلها _

ي ماما حرام عليكي انا مبقاليش اربع شهور مطلقه جواز اي بس اللي عايزاني افكر فيه..

الام _

مهو لو العريس ده مشي مش هيجيلك احسن منه..

ليلي _

يطلع مين ده ي ماما اللي مفرحك اووي كده..

الام _

هشام ابن الست وفاء اللي ساكنه فوق مننا غني ومرتاح وعنده شركة ادويه وشكله حلو وظروفه زيك مطلق ومعندوش عيال...

اتعصبت وقولتلها _

هشام ي ماما انا ايوه معرفوش بس اللي بسمعه عنه لا يتقال ولا يتحكي ده واحد صايع وبتاع بنات...

ردت عليا ماما بهدوء _

ده بس عشان عايش لوحده وامه مش راضيه تسيب البيت هنا انما لما هيتجوز هيبطل الكلام ده..

بكيت وقولتلها _

تاني ي ماما نفس الكلام اللي قولتيه ع عماد بتقوليه ع هشام انتي نسيتي انه لما اتجوز مكملش شهر ومراته اطلقت لما شافته بېخونها..

زعقت ماما فيا _

يووه

بقي انتي ع طول كده ساده نفسي بقولك اي الواد بيقول شافك وعجبتيه وراح كلم ابوكي وابوكي موافق وبلاش عند مع ابوكي هو

متدايق منك بسبب الكليه اصلا..

_ادايقت ودخلت اوضتي وفضلت ابكي..

_تاني يوم مروحتش الكليه وكنت قاعده فاوضتي دخلت ماما وقالتلي..

الام _

ليلي تعالي سلمي ع الست وفاء بره عايزه تشوفك..

ادايقت ورديت عليها 

انا مش عايزه اقابل حد..

الام _

يبنتي الست جايه لحد عندنا ميصحش كده ي ليلي..

_قومت وطلعت مع ماما ولقيت الست وفاء جارتنا قاعده فالصاله..

ليلي _

ازيك ي طنط وفاء..

ابتسمت وردت عليا _

الحمد لله ي حبيبتي انتي عامله اي واخبارك اي..

رديت عليها بهدوء_

انا كويسه الحمد لله..

وقاء _

فرحتلك جدا لما عرفت انك. ډخلتي الجامعه برافو عليكي..

ليلي _

شكرا جدا ليكي..

قامت ماما وقالت _

هقوم انا اعملكم حاجه تشربوها واسيبكم تتكلمو شويه مع بعض..

وبعدين بصتلي وقالت _

وانتي ي ليلي متزعليش الست وفاء واسمعي كلامها..

_دخلت ماما المطبخ وانا كنت قاعده مدايقه وساكته..

وفاء _

هشام ابني شافك امبارح ع السلم وهو جاي يطمن عليا وسأل عم حسن البواب وقاله عليكي..

سكت وبصيت للارض وكملت هي كلامها _

انا ي بنتي مش جايه اقولك وافقي لاني عارفه الكلام اللي بيتقال ع ابني كويس بس عشمي فربنا وفيكي خير ان حاله يتصلح ع ايدك..

ليلي _

ع ايدي انا ازاي..

وفاء _

لما هشام جه قالي انه عايز يتجوزك قلبي اطمن انه اختار بنت حلال زيك هشام ااه طايش شويه بس مش وحش ي بنتي هو محتاج حد يوجهه للصح..

مدريتش بنفسي غير وانا بسألها _

انا اسفه بس لي حضرتك منصحتيهوش وغيرتيه..

وفاء _

ده انا لساني نشف من الكلام معاه واخرت ما فيها سيبته ورجعت قعدت لوحدي هنا بس قلبي بيقولي انه هيتغير معاكي..

اتنهدت ورديت عليها _

الموضوع مش كده انا بس لسه طالعه من موضوع جواز عقدني فالدنيا ومش جاهزه افكر حتي في جواز تاني..

وفاء _

انا كل اللي طلباه منك ي ليلي انك تيجي مع مامتك بكره وتقابلي هشام وتتكلمو ولو مرتحتيش محدش هيغصبك ع حاجه والكلام ده هيكون بيني وبينك بس..

_قدام طيبتها وكلامها مقدرتش ارفض وقولتلها حاضر وتاني يوم روحت قابلت هشام فكافي وكانت ماما وطنط وفاء قعدين بعيد عننا شويه وانا قاعده قدامه وڠصب عني كنت مكسوفه جدا..

اتكلم هو وقال _

انتي مش فاكراني.

رديت عليه بهدوء _

انا ديما بسمع عنك بس عمري مشوفتك...

ضحك وقال _

ههههه ازاي بس احنا اتقبلنا ع سلم العماره بتاعتكم من كام يوم..

زعقت فيه من غير مقصد _

افتكرت انت اللي عكستني ي قليل الادب..

قالي بسرعه _

اهدي ي مجنونه انتي الناس هتتفرج علينا...

اتنهدت وقولتله _

بص عشان منضيعش وقت بعض انا مش بفكر فالجواز انا هكمل الجامعه بتاعتي..

هشام بهدوء _

مانا هخليكي تكملي تعليمك دي حاجه تشرفني ان مراتي تبقي متعلمه...

اتوترت وانا مش عارفه اجيبهاله منين اني مش موافقه ع الجواز بسبب اني خاېفه من اخلاقه اللي مش كويسه..

هشام _

ممكن تقولي كل اللي عايزاه من غير متتوتري..

ليلي _

بصراحه كده انا مش موافقه بيك اللي بسمعه عنك يخليني ارفضك بدل المره عشره..

رد هشام بكل هدوء _

حقك جدا تقولي كده بس ع فكره انا مستحيل اخون مراتي...

ضحكت بسخريه وقولتله _

لا والله اومال مراتك الاولي اطلقت منك لي مش عشان خنتها..

ادايق وقالي _

مخنتهاش هي اتبلت عليا عشان تطلق وتاخد المؤخر الكبير اللي كنت كاتبهولها 

_حسيت بالحزن فكلامه هو مختلفش عني انا كمان مريت بنفس ظروفه باختلاف المواقف..

كمل هشام كلامه _

وقتها قولت كده كده الناس شيفاني وحش فاكمل بقي وابقي وحش بالمره بس انا عمري مكنت مرتاح ي ليلي باللي بعمله ده..

ليلي _

انت لي عايز

تتحجزني طيب..

هشام _

عشان لما شوفتك ارتحت وبصراحه عايز ابقي اب وحسيت انك اكتر وحده مناسبه تبقي

↚

ام لولادي...

اتنهدت وقولتله _

بص ي استاذ هشام سواء وافقت عليك او لا انا عايزه اقولك ان مش شرط تبقي زي ما الناس قالت عليك خلي اللي بينك وبين ربنا كويس وقتها ربنا هيحبب فيك كل الناس ومش هيضيع حقك..

لقيته ابتسملي وقال _

ورحمة ابويا لاتجوزك ي ليلي يعني هتجوزك..

_وشي حمر واتكسفت

جدا وقومت بسرعه اخدت ماما ومشينا ولما افتكرت كلامه ارتحت ومخوفتش وطلع عكس مكنت فاكره انه هيبقي شخص همجي ومش محترم..

_تاني يوم بابا جه خبط.

علي باب اوضتي ودخل..

ليلي _

خير ي بابا عايز حاجه. اعملهالك..

صابر

لا ي ليلي انا بس كنت عايز اخد. رئيك في موضوع هشام..

اتوترت شويه ورديت عليه _

مش عارفه ي بابا هو لما اتكلمت معاه ارتحت بس كلام الناس عنه...

صابر _

يا بنتي كلام الناس مش الحقيقه مانتي اتقال عليكي حاجات متتقالش وفي ناس صدقت وناس لا بس انتي مش وحشه...

ليلي _

معاك حق ي بابا..

صابر_

طيب ارد ع الراجل بأي..

بصيت للارض وقولتله وانا مكسوفه 

اللي تشوفه حضرتك..

فرح بابا وقالي _

طيب كويس هو قال لو انتي وافقتي هيبقي الفرح الاسبوع الجاي وهو جاهز من كل حاجه..

خۏفت وسالته _

طيب لي الاستعجال ده ي بابا ما براحتنا هي الدنيا هتطير..

ادايق بابا ورد عليا 

ولزمتها اي التاجيل لا انتي اول جوازه ليكي ولا هو كمان...

_سابني وطلع وانا قلقت من اللي هيحصل كمان اسبوع..

_وعدي كام يوم وكان فاضل يوم واحد ع فرحي وانا كنت خاېفه ومتوتره جدا لدرجة اني فكرت اهرب لاني لو قولت لبابا مش عايزه اتجوز مش هيسمع كلامي..

_تليفوني رن برقم غريب فمردتش وبعد شويه رن تاني فمسكت الموبيل ورديت..

ليلي _

الو..

جه صوت هشام اللي قال _

عامله اي ي ليلي..

اتوترت اووي وسالته _

هشام اي ده انت جيبت رقمي منين..

رد عليا بهدوء _

من ماما كلمتها واخدته منها..

ليلي _

خير في حاجه طيب..

هشام _

لا متقلقيش انا بس خلصت شغل بدري وروحت قولت اكلمك اطمن عليكي..

ليلي _

ماشي شكرا..

سكت شويه وبعدين قال بهدوء _

متخفيش ي ليلي انا عمري ما هعملك حاجه وحشه ولا هفرض عليكي حاجه ولا هخونك وربنا يقدرني واقدر اسعدك واعوضك عن اللي عدي كله ي اطيب بنت شوفتها فحياتي..

_اتكسفت جدا وعيوني اتملو دموع انا فعلا كنت خاېفه ازاي حس بيا وكلمني وقدر بكلامه يطمني كده..

هشام 

ليلي انتي معايا..

رديت عليه وانا لسه مكسوفه _

ايوه معاك..

ضحك وقالي _

طيب صحصحي كده انا فكرتك نمتي هههه..

ليلي بتوتر_

انا هقفل عشان هنام..

رد هشام بخبث _

طيب تصبحي ع خير ونتقابل بكره وانتي مراتي وفي بيتي..

_اتكسفت اكتر وقفلت فوشه وروحت نمت وانا مطمنه ومبسوطه من كلامه معايا..

_تاني يوم لبست فستان فرح كان شكله عادي ولبست الحجاب بتاعي وجه هشام ومامته البيت وكتبنا الكتاب..

وفاء _

الف مبروك ي ولاد ربنا يسعدكم ويجمل ايامكم يارب..

رديت عليها بهدوء _

الله يبارك فيكي ي طنط ويخليكي لينا..

_وفجاه دخلت مروه مرات اخو عماد وكانت بتبصلي وهي معيطه وزعلانه..

قامت ماما زعقت فيها _

انتي اي اللي جابك هنا ي ست انتي..

ردت عليها مروه بحزن _

جايه ابارك ل ليلي واتأسفلها..

رد عليها بابا 

احنا مش عايزين منك حاجه اتكلي ع الله..

جات ووقفت قدامي وقالت ودموعها ع وشها 

حقك عليا انا اللي ظلمتك مع عماد وانا اللي خليت واحد يبعتلك الرساله وعماد يشك فيكي..

زعقت فيها ماما _

انتي جايه تقولي كده بعد مخلتو الناس تمسك سيرة بنتي بالباطل..

ردت مروه وهي پتبكي _

دوقت من نفس الكاس واحد اهله معرفوش يربوه صور بنتي صور مش كويسه ونسرها ع النت وجوزني طلقني وقالي انا السبب معرفتش اربيها وحرمني اني اشوفهم تاني ده اكيد ذنب اللي عملته ف ليلي ابوس ايدكم سامحوني..

برغم كل اللي عملته فيا بس صعبت عليا ووقفت وقولتلها _

خلاص ي مروه اللي بيسامح ربنا وانا حقي مسامحه فيه..

_بصتلي بندم ومشيت وقرب مني هشام وقالي..

هشام 

ربنا يخليكي ليا ي احلي اجدع بنت فالدنيا...

اتكسفت وبصيت للارض ورديت عليه _

شكرا..

اتغاظ وقالي 

اي شكرا دي مفيش وانت كمان ع العموم يستي العفو لحد منروح بيتنا ونشوف حل للموضوع ده..

_وروحنا بيتنا انا وهشام وكان احلي يوم في حياتي حسيت فعلا اني اول مره اتجوز.. 

_الصبح صحيت وملقتش هشام جنبي فقومت طلعت بره اوضة النوم عشان اشوفه فين لقيته بيجهز الفطار ع السفره..

سالته وانا مستغربه _

انت بتعمل اي ي هشام..

رد عليا بهدوء _

بجهز الفطار ي حبيبتي وكنت داخل اصحيكي..

ليلي _

لي طيب كنت صحيتني انا هجهزلك مكنتش تتعب نفسك..

هشام _

عادي ي ليلي محصلش حاجه واللي يقدر فينا ع حاجه يعملها..

اوترت وقولتله _

طيب انا كنت عايزه اسالك

ع حاجه..

هشام بهدوء _

عارف انتي عايزه تسالي عن اي..

قرب مني وكمل كلامه _

عايزه تسالني انا مستغربتش وانتي كان ليكي سنه متجوزه..

بصيت للارض بتوتر ورديت عليه _

ايوه

كنت هسالك عن كده..

هشام _

انا عارف من الاول عمي صابر حكالي..

ليلي _

طيب لي مقولتليش انك تعرف..

رد هشام بهدوء _

عشان احنا مكناش بنتكلم كتير وخۏفت اتكلم معاكي فحاجه زي كده تتكسفي او اسببلك احراج فقولت كده كده هنتجوز وابقي افهم كل حاجه ولو مش عايزه تحكي براحتك انا مش فارق معايا اصلا غير انك تبقي معايا..

اتملت عيوني دموع وقولتله _

انت طيب اووي ي هشام ومحترم جدا بس فعلا الناس ظالمه اللي خلاهم يقولو ع واحد زي عماد انه محترم وكويس وهو اصلا مش كده وانت يقولو فيك كلام محصلش ويشوه سمعتك يبقو فعلا ظالمين..

رد عليا بهدوء _

الناس مش بتصدق غير اللي بتسمعه وبس ي ليلي المهم تعالي نفطر يلا عشان نروح نسلم ع اهلك وع ماما وبعد كده نطلع ع المطار عشان نروح شهر العسل..

ليلي _

لا شهر عسل اي انت نسيت اني فالجامعه وفسنه اولي ومينفعش اسيب مذاكرتي..

هشام _

ع فكره هو اسبوع واحد وهنرجع واوعدك مش هعطلك عن المذاكره بعد. كده خالص..

رديت عليه وانا مبسوطه من كلامه _

ماشي يلا نفطر طيب..

_بعد كام شهر كنت حامل فالشهر السادس ونزلنا انا وهشام عشان نجيب هدوم للبيبي..

هشام _

ادخلي انتي المحل ده اتفرجي ع الحاجات اللي جوه لحد مروح اصلي العشا واجيبلك عصير تشربيه..

ليلي _

ي حبيبي انا مش محتاجه عصير صلي وتعالي وانا هستناك جوه..

هشام _

ع فكره انا مش هجيب عصير ليكي انا هجيبه لابني حبيبي يلا ادخلي..

_دخلت جوه المحل اتفرج ع الحاجات اللي فيه واشتريت كام حاجه عجبوني وبعد شويه خرجت استني هشام بره ولقيت عماد طليقي فوشي..

عماد بغبظ _

اي ده انتي حامل كمانبقي حياتي انا تبوظ وانتي تتجوزي وتخلفي كمان..

سيبته وكنت هدخل المحل بس وقفت لما قال..

عماد _

ويتارا اللي فبطنك ده ابن جوزك ولا ابن حد تاني وهتلبسيه ليه..

رديت عليه بعصبيه _

جه هشام فالوقت ده ووقف جنبي وزعق فعماد..

هشام _

انت مين ي جدع انت..

رد عليه عماد بغيظ _

انا طليق مراتك وكنت بسالها هو اللي فبطنها ده ابنك ولا ابن حد تاني..

وقف هشام قدامي ورد عليه بهدوء _

مبقاش غيرك انت ي نص راجل تتكلم ع مراتي كده..

اتغاظ عماد وكان لسه هيرد بس زعق

فيه هشام _

اول واخر مره ي ولد انت تكلم مراتي او تبصلها اقسم بالله اډفنك مكانك..

وبعدين مسك

ايدي وقالي بهدوء _

تعالي ي حبيبتي وريني جيبتي اي ل تقي بنتنا..

_بصيتله وانا فخوره بيه ومبسوطه اووي انه دافع عني وان ربنا عوضني عن اللي شوفته براجل بجد بيدافع عني وعن كرامتي ومسكت ايده جامد ومشينا..

_وبكدا خلصت حكايتنا ولازم منصدقش كلام الناس ونحكم ع حد من اللي بسمعه عنه ده المثل بيقول تعرف فلان قال اااه قاله عاشرته قاله لا قاله يبقي متعرفوش فبلاش تجيب سيرة حد بحاجه وحشه الله واعلم الشخص ده بيعاني ازاي من الكلام ده وبلاش ي اخواني الظن السوء..

تعديل المقال