روايات حصرية
0

رواية قلب مغترب بيننا كاملة جميع الفصول بقلم زينب مجدي

ahmed
اخر تحديث :

رواية قلب مغترب بيننا كاملة جميع الفصول بقلم زينب مجدي

رواية قلب مغترب بيننا كاملة جميع الفصول هى رواية من تأليف المؤلفة المميزة زينب مجدي رواية قلب مغترب بيننا كاملة جميع الفصول صدرت لاول مرة على فيسبوك الشهير رواية قلب مغترب بيننا كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية قلب مغترب بيننا كاملة جميع الفصول
رواية قلب مغترب بيننا بقلم زينب مجدي

رواية قلب مغترب بيننا كاملة جميع الفصول

 إحنا معندناش بنات تطلق
هي بدموع....يا بابا عايز يتجوز عليا.....
وكمان هيجبها تعيش معايا في البيت....يا بابا كرامتي بالله عليك
والدها بجمود.... أنا قولتلك على إللي فيها...معنديش بنات تطلق.... عايزه تفضحيني في العيله ؟.خدي عيالك وارجعي بيتك....ومفيش ست بتاكل ست زيها... ارضي بنصيبك وعيشي.... أنا عندي 3بنات غيرك عايز اجوزهم مش حمل إنك تيجي إنتي كمان ويبقي أربعه
هي بدموع....لو كانت أمي عايشه كانت استحالة ترضي إني اتطرد من بيت أبويا....لو مش هلاقي بيت أبويا لما أحتاجه هلاقيه أمتي
إنت ترضي لبنتك إنها يجيلها ضره وكمان تعيش معاها في نفس البيت....ترضي ليا إني اتقهر بالطريقة دي
أنا مقصرتش معاه في حاجه...ومعاه عيال كل الناس بتحلف بأدبهم... ايه ناقصه علشان يتجوز عليا
والدها....يا جنات يابنتي أنا قولتلك على إللي فيها... أنا يصعب عليا إني أشوفك زعلانه...بس إنتي شايفه ظروفي يوم شغال وعشره قاعد....والصحه كمان بقت مش مساعده على شغل خالص....وعندك اختك الكبيرة مخطوبه والاتنين التانيين بيتعلمو أعمل إيه يا بنتي.... أرضي بنصيبك وعيشي
جنات....يا بابا طيب كلمه حتي وزعقله وعرفه إني ورايا حد يوقفله
والدها....من غير ما تقولي كلمته وزعقت... بس هو حلفلي إنه هيعدل ما بينكم... وإنه لازم يتمم الجوازه دي لظروف مش هينفع يقول عليها.... نصيبك كده يا بنتي ارضي بيه
خرجت جنات من منزل والدها هي وأولادها وهي تبكي وتشعر بالألم الشديد دموعها لم تتوقف عن البكاء تشعر أن العالم كله اتفق عليها وخذلها... وصلت إلى المنزل وجدت زوجها في انتظارها
عندما رآها هكذا شعر بالقلق الشديد عليها وحاول أن يكلمها ويخفف عنها لكنها لم ترد عليه ودخلت إلي غرفتها مباشرة
احد ابنائه....بابا أنا جعان
والده..... حاضر يا حبيبي تعالى اجهزلكم حاجه تكلوها
بنته...يا بابا هي ماما بتعيط ليه.. أنا بكلمها مش بترد عليا
والدها بتأثر....معلهش يا جني فتره وتعدي
..................    .........  ......................
في مكان آخر قالت فتاه وهي مزهوله
إنتو إزاي عايزين تجوزوني واحد متجوز ومعاه أولاد....ليه ترموني الراميه دي
أخوها الكبير بهدوء.... اقعدي نتكلم براحه يا أسماء
إنتي دلوقتي عندك 32سنه والدكتور قالك إنك قدامك سنتين بس وتشيلي الرحم
وأنا والله بعمل كده علشان مصلحتك عايزك تتجوزي وتعملي أسره وتخلفي حتة عيل يونسك
أسماء.....ومفيش يعني غير راجل متجوز...دا في واحده ممكن بيتها يتخرب بسببي.... إنت شايفني خرابة بيوت
أخوها الآخر....بصي يا اسماء إنتي مش صغيره ولو في واحد مش متجوز اتقدملك كنا وافقنا..... إيه إللي يجبرنا إنك تتجوزي واحد متجوز يعني...غير إنك يعني آسف في الكلمه عنستي
نزلت الكلمات كأنها سكاكين قطعت قلب اسماء
نظر الأخ الكبير بحده إلي أخاه وقال
حاسب على كلامك شويه يا مسعد واحترم نفسك....هي قاعده في بيت أبوها منوراه ومفتوح بحسها بعد وفاتهم
ولو مكانش موضوع الخلفه ده...كان استحالة أوافق
ونظر إلى أخته وقال
بصي يا أسماء إنتي محدش يقدر يجبرك على حاجه خدي وقتك في التفكير...ومهما كان قرارك أنا هوافق عليه
وعايز أقولك إني سألت عليه كتير جداً وكل الناس شكرت فيه.... وبعدين دا صاحب مسعد اخوكي وعارفينه من زمان
أسماء.....ممكن بيت واحده تاني يتخرب علشان أنا انانيه وعايزه مصلحتي.... أنا ست زيها واستحالة أوافق على كده
أخوها.....بصي لو عرفنا إن مراته مش موافقه أو ممكن يحصل انفصال بينهم... أنا أول واحد هوقف الجوازه
اسماء بحسم..  أنا مش موافقه يا سعيد
أنا غيرت إسم الرواية وخليته احببت زوجة زوجي
... بعدما تحدثت أسماء مع أخواتها دخلت غرفتها وظلت تبكي وتدعو الله أن يصلح حالها دخلت عليها زوجه أخوها
اسماء.... اتفضلي يا سهيله
سهيله..  مش هعطلك عن حاجه
اسماء.... لأ مفيش عطله ولا حاجه أدخلي
سهيله..... سعيد قالي إنك مش موافقه على العريس مش موافقه ليه
اسماء....دا متجوز يا سهيله وعنده أولاد أنا ليه اخرب بيته
سهيله...هتخربي بيته إزاي....هو إنتي إللي قولتيله تعالي اتجوزني....مش هو إللي جاي بمزاجه... وبعدين لو كان مرتاح مع مراته مكانش اتجوز عليها....اكيد هي مش مهتمه بيه
اسماء.....لو سعيد جه دلوقتي وقالك إنه هيتجوز عليكي هتعملي إيه
بهتت سهيله وقالت بتلعثم... إيه يتجوز عليا ....
اسماء....شوفتي اتصدمتي إزاي وده مجرد تخيل ما بالك بقي لو حقيقة
سهيله.بتنهيده....بصي أنا هقولك على المفيد إنتي عديتي التلاتين سنه وأنا وأنا عندي تلاتين كان معايا ٣عيال
يعني إنتي مش صغيره ويا عالم لو اتجوزتي هتخلفي ولا لأ
وطبعاً ملاحظه إن كل اصحابك بيخففو علاقتهم بيكي علشان كل واحدة خايفه على جوزها منك
وكمان إنتي قاعده في الدور إللي تحت دا كله لوحدك واخواتك عايزين يبيعو البيت وكل واحد يكون ليه بيت لوحده ...بس مستنين إنك تتجوزي علشان يعرفوا يبيعوه
وزي ما إنتي شايفه محدش دق على بابك غير ده....يبقي
توافقي وتحمدي ربنا إنه جالك قبل ما تشيلي الرحم.  يمكن تلحقي تخلفي حتة عيل....ومتفكريش في مراته فكري في نفسك وبس... وبعدين الراجل مش هيعمل حاجه عيب ولا حرام...دا هيتجوز على سنة الله ورسوله
أنا قولت اقولك الكلمتين دول يمكن يعقلوكي بدل ما إنتي مش عارفه مصلحتك كده... أنا ماشيه
تركتها سهيله وهي غارقه في دموعها...كانت كلماتها كأنها سهام أصابت قلبها
................   .....................    ...........
في منزل جنات
كانت جنات ما زالت داخل غرفتها تبكي...دخل عليها زوجها
احمد.... إنتي لسه بتعيطي يا جنات حرام عليك نفسك وعيالك
نظرت له جنات بعتاب وقالت....ليه
احمد.....ليه إيه
جنات....ليه تتجوز عليا.... أنا قصرت معاك في إيه....ناقصك إيه قولي
احمد...... والله إنتي مقصرتيش معايا في حاجة....بس أنا عايز اتجوز تاني
جنات.....واللي إنت هتتجوزها فيها إيه زيادة عني.... هتعمل ايه أنا مش بعمله
احمد.....يا جنات... أنا مش عايز أتكلم.... إنتي كل اهتمامك بالبيت والعيال والأكل والشرب
جنات.بإنفعال......هما العيال إللي أنا بهتم بيهم دول مش عيالك
ولا واحده من الشارع هتيجي تخدمهم
والأكل والشرب إللي بهتم بيهم مش بعملهم لسعادتك إنت وعيالك....ولا بلاش أعمل أنا وتجيب أكل من بره
وبيتك هتكون مبسوط لما تدخل ويكون مش نضيف...ولا هتقول ست مهمله... ورغم ذلك بهتم بيك
عامله زي الطور إللي رابطيته طول النهار أشتغل في البيت واذاكر للعيال...وبالليل استني سيادتك لما تيجي من على القهوه براحتك... علشان متقولش إني مش مهتمه بيك
وفي الآخر يكون جزاتي إنك تتجوز عليا....ولما تكون مش لاقي سبب تقول بيه إنك عايز تتجوز ليه اقلب المزايا بتاعتي عيوب علشان ترضي نفسك...وتحسس نفسك انك مش غلطان....رجاله انانيه مش بتفكر غير في نفسها..  ومش مهم بيتها يتخرب...ومش مهم عيالها...المهم تكونو مبسوطين إنتو وبس
احمد...... أنا مش هرد عليكي دلوقتي علشان حالتك دي
بس لو مش عجبك الوضع تقدري تمشي ولو عايزه ننفصل ننفصل... وأنا هتجوز يعني هتجوز
ألقي هذه الكلمات على جنات وتركها تبكي بحسرة وألم فهي لا تستطيع أن تترك المنزل....فوالدها سوف يأتي بها مرة أخري....
أتت إليها أختها في ذلك الوقت ورأت إنهيار أختها والحاله آلتي وصلت إليها
.................    ..............    ..................
في منزل أسماء....
فكرت سهيله مع نفسها ورأت أن تضع أسماء أمام الأمر الواقع فسعيد ومسعد يحافظون علي كلمتهم ولا يمكن أن يرجعو بها ابدا فذهبت سهيله إلي سعيد وقالت له
مبروك أسماء وافقت على العريس
سعيد بفرحه....بجد... أنا هنزل أتكلم معاها
سهيله.....رن على احمد الأول وفرحه وبعدين هي بتصلي في اوضتها
سعيد.....مش هرن عليه غير لما أتكلم معاها واتأكد من موافقتها الأول
سهيله..... يعني أنا هكدب يعني
سعيد...... أنا قولتلك إنك بتكدبي....بس لازم اتأكد منها الأول سلام بقي علشان خارج ولما أرجع هبقي اكلمها
فكرت سهيله مع نفسها ورأت أن تذهب إلى مسعد الذي فرح بشدة وقال
بجد أنا هنزل اباركلها
سهيله.....اكلم احمد الأول وفرحه وبعدين أتكلم معاها براحتك
مسعد.....عندك حق أنا هكلمه
رن مسعد على احمد وأخبره بموافقة أخته وقال أحمد أنه سيأتي غداً حتي يتم الاتفاق علي كل شيء
ابتسمت سهيله بنصر وقالت لمسعد.... أسماء نايمه دلوقتي يبقي باركلها لما تصحي... وذهبت إلى شقتها وهي مبتسمة سعيده...تحلم باليوم الذي سيكون لها منزل بمفردها لا يشاركها به أحد...لا أخت ولا أخو زوجها.... وخرج مسعد من المنزل
كانت أسماء تمسك المصحف وتقرأ منه فسمعت طرقات على الباب
فتحت أسماء وقالت.... أهلا وسهلا مين حضرتك
...... أنا ايه أخت جنات
.. أسماء........جنات مين
إيه......جنات إللي إنتي خربتي بيتها وعايزه تخطفي جوزها
 جنات إللي خربتي بيتها وعايزه تخطفي جوزها..
اسماء بصدمه.. اخرب بيتها... أنا رفضت احمد علي فكرة
ايه...    أنا عارفة إنك بتقولي كده علشان تمشيني....بس أحب أقولك حسبي الله ونعم الوكيل فيكي
علي حرقة قلب أختي ودموعها إللي مش بتنشف من على خدها.... روحي شوفيلك واحد مش متجوز يدبس فيكي
مش تروحي تلفي على واحد متجوز وعنده عيال
اسماء بدموع... أنا مسمحلكيش إنك تغلطي فيا احترمي نفسك
ايه........احترمي نفسك إنتي الأول وابعدي عن جوز أختي وخلي عندك شويه كرامه....بس إللي زيك هيعرف الكرامه إزاي ....وتركتها وذهبت
...............    ..................     ..............
في منزل والدة احمد
احمد بفرحه.... أسماء وافقت يا ماما وأنا اتفقت مع أخوها إننا هنروح نتقدم بكره رسمي
والدته.....ليه يا إبني كده... إنت روحت اتقدمتلها برضه
احمد.....يا ماما دي معاها فلوس كتير اوي هترفعني لفوق
وكمان لما يبيعو البيت هيجيب ملايين
وكله في الآخر هيصب علي إبنك
والدته..  ومراتك وعيالك يا إبني
احمد....هيعيشو معانا في العز إللي هنعيشه
والدته.... بلاش يا إبني مراتك متستاهلش منك إنك تجبلها ضره.. وكمان تقعد معاها في نفس شقتها
احمد بتأثر....والله يا أمي هي صعبان عليا حالها والحالة إللي هي فيها...بس ده كله لمصلحة عيالها في الآخر...
وبعدين اسماء لما تلاقي نفسها قاعده مع ضرتها في نفس الشقه...هتجيب شقه خاصه بيها... وخليها تكتبها بإسمي وكمان تجيبلي عربيه غير المهكعه إللي عندي دي وهنطلع بقي على وش الدنيا
والدته..... أنا مش مصدقه إن انت احمد إللي بيتكلم
جنات دي إنت كنت هتموت علشان تتجوزها تيجي بكل سهوله كده عايز تتجوز عليها علشان الفلوس
احمد....ما أنا اتجوزت إللي بحبها الحمد لله.... أدور بقي على إللي ترفعني لفوق بفلوسها
والدته..... بلاش يا احمد دي مراتك ممكن تروح فيها
احمد.....كل شيء في أوله صعب...بس مع الوقت هتتعود
المهم تجهزي نفسك بكره علشان تروحي معايا نتقدم
........... .     .................   ................
في منزل أسماء
كانت تبكي فكل الناس تسيئ الظن بها... رغم أنها لم توافق على احمد.
أكتشف حقيقة سهيله وما تكنه في قلبها لها ....طرق عليها سعيد الباب وفتحت له
سعيد بفرحه..... ألف مبروك يا أسماء....مالك كده إنتي معيطه
اسماء..... لأ مش بعيط ولا حاجه... بس مبروك على إيه
سعيد.....مش إنتي وافقتي على أحمد...سهيله قالتلي إنك موافقه
اسماء بصدمه.... لأ طبعاً موافقتش... أنا قولتلك إني مش موافقه يا سعيد
سعيد....طيب قولتي لسهيله ليه إنك موافقه
اسماء بدأت دموعها في النزول.... أنا مقولتش لحد خالص إني موافقه
سعيد.....اهدي طيب متعيطيش.. كويس إني مرنتش على احمد
دخل مسعد في ذلك الوقت وقال
ألف مبروك يا أسماء أنا كلمت أحمد وبلغته بموافقتك وجاي هو وأهله بكره علشان نتفق على كل حاجه
اسماء...... موافقه إيه.... أنا مش موافقه...واستحاله اتجوز واحد متجوز
مسعد..... إنتي هتستعبطي إنتي مش قولتي لسهيله إنك موافقه.... وأنا كلمت الراجل.. وهيجيب أهله وجاي بكره
إنتي عايزه تطلعيني عيل قدام الناس
اسماء.....هي فين سهيله.... أنا مقولتش لحد إني موافقه هي إزاي تتكلم كده على لساني
مسعد....قولتي مقولتيش الراجل جاي بكره.... أنا استحالة أرجع في كلمتي
اسماء......يعني هتجوزني غصب عني
مسعد..... أيوه هتتجوزي غصب عنك
سعيد.....في إيه.... أهدي إنت وهي....هتجوزها غصب عنها إزاي يا مسعد.... إتصل على صحبك وقوله إنها مش موافقه
مسعد.... أنا مش عيل صغير علشان أرجع في كلمتي
اسماء.... أنا مقولتلكش إني موافقه أصلا
مسعد.... بس قولتي لسهيله....وسهيله قالتلي
اسماء....  نادي لسهيله واسألها أنا مقولتش لحد إني موافقه
في ذلك الوقت دخلت سهيله وقالت بتلعثم
إنتي قولتيلي امبارح إنك موافقه لما كنا قاعدين بنتكلم مع بعض
اسماء..... لأ أنا مقولتش إني موافقه خالص
سهيله...... خلاص يمكن أنا فهمت غلط
مسعد...... أنا دلوقتي في الناس إللي أنا اديتها كلمه وجايين بكره
سعيد.....رن عليه وعرفه إن حصل سوء تفاهم.... وإنتي يا سهيله مش عارفه تتأكدي الأول قبل ما تقولي
مسعد..... أنا مش هرن على حد والناس هتيجي بكره...وهنقرأ الفاتحه ونتفق
سعيد.....في إيه يا مسعد... إنت هتجبرها ولا ايه وأنا موجود
سهيله بهدوء.....اهدو يا جماعة وصلو على النبي وتعالو نتكلم فوق بهدوء علشان العيال دخلو نامو على سرير عمتهم وكده هيصحو من الصوت وكمان علشان أسماء تنام وتستريح
اسماء..... آه يعني عايزاني مطلعتش معاكم... ماشي...بس لازم تعرفو إني مش موافقه...وانتو بتتكلمو فوق بهدوء حطو في دماغكم إني استحالة أوافق
..............      ...................    ............
في منزل جنات....
كانت مازالت داخل غرفتها لم تأكل شئ دخل عليها احمد وقال
كفايه بقي يا جنات حزن علشان خاطر عيالك حتي...
وكلي حاجه إنتي كده هتموتي من قلة الأكل
نظرت له جنات بلوم ولم ترد عليه
احمد.....أنا مش هستحمل نظراتك دي ليا
جنات.....مش قادر تستحمل نظراتي.. إنما قادر تكوي قلبي عادي... قادر تحطمني عادي.... قادر تهد البيت إللي كنا بنبنيه طوبه طوبه سوا
احمد.... أنا تعبت من كتر ما بابني طوبه طوبه.... عايز البيت يتبني بقي مره واحده... عايز استريح بقي من الهم والمصاريف والشقي...عايز أعيش مرتاح واريحك إنتي والعيال معايا
جنات.....وده كله هيحصل لما تتجوز عليا
احمد.....يا جنات افهمي أسماء دي معاها فلوس كتير اوي هتريحنا من الشقي...وعيالك هيدخلو مدارس خاصة
وهنلعب بالفلوس
جنات.....يعني هتتجوزها علشان الفلوس.....تعرف انك عمال تقل أوي من نظري. أوي
عماله اكتشف أنا قد إيه كنت مخدوعه فيك
بس لأ.....مش أنا إللي أقبل إني أعيش من فلوس ضرتي
أنا هنزل أشتغل واصرف على عيالي...وصدقني أول لما اعرف أسند نفسي...مش هعيش على ذمتك ثانيه واحده
..  .........     .....................    ..............   
في شقة سعيد
سهيله بهدوء...... اهدي يا سعيد وخلينا نتفاهم بهدوء
سعيد.....عايزاني أشوفه بيجبر أختي على الجواز واسكت
سهيله......يا سعيد اختك مش صغيره...دي قدامها فتره صغيره جدا وتشيل الرحم
يعني أنت بعدم موافقتك دي بتأذيها
مسعد..... إنت لما تجوزها غصب عنها يبقي إنت كده بتساعدها تكون أسره وتعيش سعيده وهي معاها طفل
وهي المشكلة إنها خايفه من الجواز. والحل إننا نحطها قدام الأمر الواقع
سهيله..... فعلاً أختك خايفه.... الصبح قالتلي إنها موافقه.ودلوقتي بتقول إنها مش موافقه... يبقي لازم إنت تاخدلها القرار بإعتبارك أخوها الكبير..  وتعمل إللي فيه مصلحتها
مسعد...... إنت عارف لو ضامنين إنها يجيلها واحد مسبقش ليه الجواز كنا موافقناش بس....مفيش غير ده
وهي فرصتها في الخلفه بتقل..  وكمان مش عارفه مصلحة نفسها
سهيله...... أسماء لوقعدت لحد ما شالت الرحم هتندم أشد الندم إنها رفضت.....
ومفيش حد اصلا هيرضي يتجوز واحده شايله الرحم يعني هي هتفضل طول حياتها من غير جواز..ومن غير اطفال
وساعتها هتلوم عليك انت علشان إنت أخوها الكبير والمفروض إنك تدلها على مصلحتها
وهتقولك أنا كنت صغيره ومش عارفه اعمل ايه...كان المفروض إنك توافق حتي لو أنا مش موافقه
مسعد.....وصدقني أول ما تشيل طفلها على ايدها هتشكرك إنك أجبرت عليها تتجوز
قبل ما تتحرم من الخلفه خالص
سعيد..... سيبوني طيب أفكر في كلامكم ده
سهيله......مفيش تفكير في المصلحه ده مستقبل أختك إللي إنت بتعتبرها أمك التانيه.....ترضي إنها تعيش طول حياتها وحيده من زوج أو طفل يفرح قلبها
سعيد..  خلاص أنا موافق ويعلم ربنا إني عايز مصلحتها
سهيله بخبث..... خلاص نخلي مسعد يرن على احمد علشان يجيب معاه المأذون ويكتب الكتاب على طول
كل ما نقرب الجواز في مصلحة أختك إننا نوفر ليها الوقت ونسرع لها موضوع الخلفه
مسعد..... والله فكره حلوه أنا هقوم أكلم احمد واقوله
 استيقظت أسماء من النوم وجدت في البيت حركة غير عادية
واتت عمتها وخالتها وبناتها
سلمت عليهم أسماء باستغراب وقالت منورين يا جماعه
خالتها....بنورك يا عروسه ألف مبروك
اسماء بإستغراب..... مبروك وعروسه.... عروسة مين
عمتها.... إنتي إللي عروسه ألف مبروك يا حبيبتي
اسماء.... عروسه إيه...ونظرت إلى سهيله وقالت
في إيه يا سهيله أنا مش فاهمه حاجه
سهيله بارتباك.... إنتي إللي عروسه مش مسعد قالك امبارح إن احمد وعيلته جايين انهارده
اسماء.... أنا قولت إني مش موافقه....جاي إزاي....فين سعيد
سهيله..   سعيد في الشغل
اسماء...... ماشي أنا هرن عليه
عمتها.....تعالي يا أسماء عايزاكي في كلمتين أنا وخالتك جوه
وانتوا يا بنات كملو تنضيف مع سهيله
دخلت أسماء معهم الغرفه وهي تعرف جيداً ما سيقولون لها
عمتها... هو إنتي متعرفيش إن كتب كتابك انهارده
اسماء بفزع..... ايه كتب كتاب مين.   إنتي بتقولي ايه
خالتها.... مالك يا بنتي اتخضيتي كده في عروسه تبقي عامله كده يوم فرحتها..  إنتي انهارده هتتكتبي على إسم راجل هيصونك...ويرحمك من كلام الناس ونظراتهم ليكي
عمتها.... إنتي مش شايفه ولاد خالتك كلهم متجوزين وهما عندهم ،١٨سنه .... وإنتي يا حبيبتي عديتي التلاتين
مستنيه إيه تاني
اسماء.... إنتو بتقولو إيه
عمتها....بنقول الكلام إللي لازم تعرفيه بنقولك الحقيقة احسن ما تسمعيها من حد تاني
خالتها.   يا بنتي الواحد قلبه بيتقطع عليك كل ما يشوفك كده.. لا أب ولا أم ولا زوج ولا عيل اتجوزي وافرحي واعملي أسره
عمتها....كل واحد من أخواتك هيعمل عيله وهيعيش لوحده
وإنتي هتلاقي نفسك سنك كبر وعايشه وحيده.... وصدقيني هتندمي...هتندمي لما متلاقيش حد يديكي شويه مايه
ولو عيشتي مع حد من أخواتك هتفضلي حاسه إنك عاله عليهم وكل واحدة بتحب إنها يكون ليها خصوصيتها في بيتها...ومفيش واحده هتستحمل إنك تعيشي معاها
اسماء ببكاء شديد....الكلام ده كله أنا عارفاه....ونفسي يكون عندي بيت وعيله زي كل البنات بس متقدمليش حد مناسب أعمل إيه.....ليه اتجوز واحد متجوز...ليه احطم ست زيي
عمتها.....يا حبيبتي فكري في نفسك وفي وضعك.....
وهي ربنا يتولاها برحمته
خالتها..... اتجوزي يا أسماء وهاتي عيل واطلقي بعدها بس يكون معاكي طفل...ويبقي اتجوزتي وشوفتي الجواز
بدأ يتردد كلمات ايه في دماغ اسماء
جنات إللي خربتي بيتها وعايزه تخطفي جوزها
وقفت مره واحده وقالت
أنا استحالة أوافق
................     .............      ............
في منزل جنات
كانت تبكي بإنهيار وهي تحدث صديقتها على الهاتف
جنات...هيكتب كتابه انهارده يا زينب هيتجوز عليا... أنا هموت
زينب.... أنا خمس دقايق وأكون عندك أهدي أنا جايه حالا
بعد وقت قليل جدا حضرت زينب وارتمت جنات داخل أحضانها وقالت
هيتجوز عليا يا زينب.. بعد كل إللي عملته علشان يعيش مبسوط...رايح يتجوز عليا علشان الفلوس
زينب..... اهدي يا حبيبتي كفايه عياط علشان خاطر نفسك
جنات.... قلبي واجعني أوي مكنتش اتخيل إن في وجع كده في الدنيا
زينب....  ببكاء على صديقتها يارب يصبر قلبك يا رب
يارب يربط على قلبك
جنات...  هو ليه اتجوز يا زينب أنا مقصرتش معاه أنا كنت مدياله كل وقتي..كل حياتي...ليه يدمرني كده
زينب....ما عاش ولا كان إللي يدمرك يا حبيبتي... أقولك عيطي....طلعي كل إللي جواكي في العياط
جنات..  إللي جوايا لو فضلت اعيط طول عمري مش هيخلص
هو ليه ربنا يخلي الراجل يتجوز تاني ليه ربنا يرضى إن الست تتوجع بالطريقة دي
زينب..... استغفر الله العظيم.... استغفر الله العظيم
متقوليش كده يا جنات.... كل حاجه ربنا شرعها لينا فيها خير لينا حتي لو إحنا مش فاهمين الحكمه منها
ومينفعش ربنا يأمر بحاجة واحنا نجادل ونقول ليه
إحنا المسلمين نقول سمعنا واطعنا... ونحاول نعرف الحكمه
علشان نتأكد إن إللي شرعه أكيد هو الصح
دا ربنا بيقول....ماكان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم
إحنا مفيش قدامنا اختيار غير أننا نرضي باللي ربنا أمر بيه
جنات... يعني ربنا فرض علينا التعدد
زينب...  لأ ربنا مفرضوش.... ربنا حلله.... يعني إنت عايز تتجوز تاني ماشي مش عايز براحتك
يعني الصلاة فرض الزكاه فرض... يعني حاجه لازم إنك تعملها
إنما الزواج حلال مش فرض
جنات.....بس أنا تعبانه اوي...قلبي واجعني أوي
زينب..... والله يا حبيبتي هتؤجري على كل ده.... وإن شاء الله تعبك ده ووجع قلبك يرفعك درجات في الجنه
جنات....طيب ليه الراجل قلبه مش بيتوجع كده..ليه ربنا مفرضش عليه حاجه تتعبته زينا
زينب.....اولا نستغفر ربنا علشان مينفعش نقول لربنا ليه
ثانيا ربنا فرص علي الراجل حاجات صعبة زي مثلا القتال
يعني في الغزوات والحرب فرض علي الراجل إنه يقاتل
مينفعش يقول لأ..ربنا بيقول
كتب عليكم القتال وهو كره لكم
ده فرض عليه يعني بمزاجه غصب عنه لازم يقاتل علشان ده فرض عليه... رغم إن ربنا بيقول وهو كره لكم
حاجه اكيد كرهينها...مفيش واحد هيكون حابب يموت يعني
بس ربنا فرض علينا حاجات بتبقي صعبه علي النفس البشرية
بس لازم تكون موجوده.... علشان مصلحه المجتمع ككل... أهم من مصلحة فرد واحد
اينعم بتكون حاجات توجع قلوبنا...ونحس إنها هتقضي علينا
بس بنؤجر علي كل ده...وبناخد حسنات كتير اوي اوي هتنفعنا في وقت هنكون في أمس الحاجة فيه لحسنه
جنات.....بس أنا تعبانه تعبانه اوي يا زينب وحاسه إني متهانه
زينب..... قومي يا حبيبتي اتوضي وصلي واشكي كل إللي في قلبك لربنا....هو بس إللي قادر يخفف عنك ويصبر قلبك
..........................              .........................
في منزل أسماء
مسعد....... اسماء احمد جه بره سعيد جايب المأذون.و جاي في الطريق
إنتي لسه ملبستيش
اسماء..... أنا قولتلك إني مش موافقه وأنا خارجه للي قاعد بره ده اقوله إني مش موافقه
خرجت اسماء لأحمد بإنفعال وقالت
أنا مش موافقه عليك قوم خد أهلك واطلع بره
وقف أهل أحمد بزهول وقام مسعد بضرب أسماء على وجهها وادخلها داخل غرفتها
والدة أحمد.....هو في إيه يا احمد
احمد..... أنا مش فاهم حاجه.لما يخرج مسعد واسأله
خرج مسعد لهم وهو محرج وقال..... أنا آسف يا جماعه على إللي حصل ممكن كلمه يا أحمد
خرج احمد مع مسعد وقال...هو في إيه يا مسعد مش إنت قولتلي إنها موافقه
مسعد..... بعد ما كلمنا المأذون وكل حاجه خافت من الجواز
احمد......والعمل دلوقتي
مسعد...... إحنا هنكتب الكتاب دلوقتي... وإنت حاول تعودها عليك بعد كده... علشان الخوف إللي عندها ده
احمد..... خلاص ماشي
حضر سعيد ومعه المأذون وبدأو في إجراءات كتب الكتاب
وكانت أسماء بالداخل تبكي على حالها وحولها أهلها يحاولون تهدأتها
انتهي المأذون من كتب الكتاب وبقي فقط امضة أسماء أخذ سعيد  الدفتر ودخل لها وقال
والله دموعك دي علي عيني.. أنا عايز مصلحتك ونفسي تتجوزي وتفرحي زي كل البنات
اسماء..... أنا مش عايزه اتجوزه
سعيد..   علشان خاطري يا أسماء أمضى هتصغري أخواتك الرجاله قدام....
اسماء...  مش همضي يا سعيد
سعيد بحزن..... يرضيك اخوكي يبان عيل قدام الناس
أمضي ونتفاهم بعدين علشان خاطري يا أسماء
أمسكت أسماء القلم ومضت وهي تبكي بحرقه
واتي لها بالختم وبصت...وتم كتب الكتاب
وانطلقت الزغاريد معبره عن فرحتهم
نزل احمد بعائلته ومعهم سعيد ومسعد
ركب عائلة احمد وعادو إلي منزلهم وقال سعيد لأحمد أنه يريد أن يتحدث معه
احمد....ماشي بس تعالي نروح أي كافيه علشان أنا مش عايز أطلع فوق تاني
سعيد....هجيب العربيه واجيلك
اتي سعيد بالسيارة وركب معه أحمد
وظل سعيد طول الطريق حزين لأنه أجبر أخته على الزواج
وأثناء انهماكه في التفكير....صرخ احمد....حاسب حااااااسب
وانقلبت بهم السياره أثناء محاولة سعيد أن يتفادى السياره القادمه عليهم
كانت المستشفى ممتلئه بصراخ سهيله... فمنذ أن علمت بالحادث وهي تصرخ
خرج الطبيب واخبرهم أن الحاله حرجة جداً وأن سعيد فاق
لكن احمد ما زال في غرفة العمليات
طلب سعيد أن يري أخته أسماء.. وسمح لها الطبيب بخمس دقائق فقط
دخلت اسماء وهي تبكي بكاء مرير
نظر لها سعيد وهو يتكلم كلام متقطع بسبب شدة الألم وقال
سامحيني يا أسماء يشهد ربنا إني كنت خايف عليكي وعايز مصلحتك
اسماء....متتكلمش يا حبيبي الكلام غلط عليك
سعيد.... سامحيني يا أسماء قبل ما أموت
اسماء.... بعد الشر عليك...مسمحاك..مسمحاك دنيا وآخره
سعيد.....الحمد لله.... أشهد أن لا إله إلا الله واشهد أن محمداً رسول الله.... أشهد أن لا إله إلا الله واشهد أن محمداً رسول الله
وبدأ الجهاز يصفر ويعلن توقف القلب
صرخت أسماء وخرجت بسرعه تنادي الطبيب
اتي الطبيب مسرعاً ومعه الممرضات وبعد الكشف عليه خرج عليهم ليقول بأسف
البقاء لله الحاله إللي جوه توفت
ظلت سهيله تصرخ بجنون إلي أن وقعت في الأرض مغشي عليها
بدأ مسعد في إجراءات خروج سعيد من المشفي وإجراءات الدفن
وظلت أسماء بجانب سهيله تنتظر أن تفيق وهي تبكي بمرارة
فهي تفقد كل من تحب ولكنها تعلم أنه ابتلاء من الله فظلت تردد... إنا لله وانا اليه راجعون
....... .............        ..............  .........
عند جنات
كانت جالسه تبكي مع صديقتها لكنها ما إن علمت بالحادث حتي ذهبت مسرعه إلي المشفي وتركت أبنائها مع صديقتها
كانت تقف في المشفى تبكي على زوجها وعشرة عمرها
وتتذكر كل الذكريات الجميلة بينهم....وحاولت أن تنسي أمر زواجه حاليا....حتي تطمئن عليه
فتحت غرفة العمليات وخرج منها أحمد علي السرير
وتكاد ملامحه لا تري...والشاش ملفوف علي رأسه وقدمه مكسوره
ما إن رأته والدته صرخت بشدة على حال ابنها
وحاولت أن تدخل ورائه ولكن منعها الطبيب وجلست هي وجنات يبكو أمام غرفة العناية
................    ................     ...............
أنتهي مسعد من كل الإجراءات واخذو سعيد حتي يتم دفن الجثة
وفاقت سهيله وأخذتها أسماء إلي المنزل
سهيله.بوجع شديد وصراخ.....آه آه يا قلبي...ليه يا سعيد ليه تسيبني هانت عليك سهيله
دا إنت حب عمري يا سعيد.....دا إنت حب الطفوله..وحب الشباب...وحبيب العشره
هعيش إزاي من غيرك يا سعيد
متسبنيش يا سعيد
هتسيب عيالك لمين يا سعيد.... طيب هتسبني أنا لمين
مش أنا حب عمرك.....هتسيب حب عمرك لمين يا سعيد
واكملت بصراخ.....آ.آ.آ ه. ..آ آ آ آ آ آ آ آ ه
أسماء..ببكاء....متصوتيش يا سهيله متعذبهوش ادعيله هو دلوقتي محتاج الدعاء
سهيله.....مات يا أسماء....مات احن راجل في الدنيا
خلاص مش هنلاقي حنية تاني في الدنيا
أنا وإنتي اتيتمنا تاني يا أسماء
والدة سهيله.... اهدي يا بنتي علشان خاطر عيالك
سهيله.....عيالي...عيالي خلاص اتيتمو يا أمي....عيالي بقي ملهمش أب.... سعيد سابنا خلاص ومشي
اسماء..... لاحول ولا قوة إلا بالله...لا حول ولا قوه الا بالله
صبرنا على فراقه يارب
...............    .................     .................
في المستشفى...
.فاق احمد وتعدي مرحلة الخطر.وانتقل إلي غرفة عادية
ودخلت له والدته وزوجته
والدته.... الحمد لله على سلامتك يا حبيبي... الحمد لله إن ربنا طمنا عليك
ظلت جنات تنظر إليه ولكنها لم تتحدث ما زالت موجوعه منه
وما إن طمئنها الطبيب على زوجها خرجت من الغرفه وذهبت إلى أبنائها
احمد....هي جنات خرجت ومجتش ليه يا أمي
والدته....مراتك موجوعه منك إنت لسه متجوز عليها امبارح
احمد.... يعني تسيبني وأنا كده وتمشي
والدته.....دي من امبارح وهي هتموت من العياط عليك
وممشتش غير لما اطمنت عليك تلاقيها راحت تطمن على عيالك
احمد... ماشي يا أمي
ذهبت جنات واطمئنت على أولادها وعادت إلى احمد مرة ثانية وأخذت معها تاكسي حتي تعود بأحمد إلي المنزل
دخلت على احمد وقالت انها أتت بالتاكسي ويجب أن يذهبو الآن فقد حصلو علي إذن خروج... ودفعت الحساب
كانت حالة احمد الصحية صعبة جداً...حمله الممرضين حتي اخرجوه خارج المشفي
وعندما وصلو إلي المنزل حمله الجيران إلي شقته
.................    .................    .................
وتمر الأيام ...حتي مر شهر وبدأ أحمد يتماثل للشفاء....وجنات بجانبه تساعده في كل شيئ
و سهيله كادت تموت من حزنها الشديد على سعيد
وأسماء تشعر أنها اعتادت على الوجع... ولكنها يومياً تخرج لسعيد ووالدتها ووالدها صدقه ولا تنساهم ابدا من دعائها
حتي دخل عليها مسعد يوماً وقال
أسماء إنتي لازم تروحي بيت جوزك
أسماء..... إيه....أروح بيت جوزي ولسه أخويا ميت عايزني اتجوز ...واخويا مش بقاله غير شهر ميت
مسعد..... إنتي هتروحي كده بشنطه هدومك من غير هيصه ولا حاجه... إحنا في بيتنا ميت ومش هينفع نعمل فرح.  هروح اوديكي بكره بعد المغرب..  أنا كلمت أحمد وظبطت معاه كل حاجه
اسماء بصدمه..... إنت بتقول إيه.....قول إنك بتهزر
مسعد......جوزك تعبان جداً ولازم تقفي جمبه في الوقت ده
اسماء ببكاء... إنت ليه بتعمل معايا كده يا مسعد مش أنا أختك...ليه تذلني كده
مسعد..... أسماء أنا بعت البيت ده بالتوكيل إللي معايا
ونصيب سعيد جبت بيه شقة لمراته وعياله
ونصيبك ضفته لحسابك
اسماء.... أنا تعبت...تعبت ليه تعمل كده
مسعد......جهزي شنطة هدومك وبكره إن شاء الله هتروحي بيت جوزك
نامت أسماء في ذلك اليوم وهي تبكي بمرارة على حالها..وتتمني من الله ألا تستيقظ ثانية
وفي الصباح قامت بتجهيز شنطتها...وهي لا تفكر في أي شئ غير أنها تذهب من هذا البيت بدون رجعه ...ستنسي أن لها أخ فقد باعها من أجل نفسه وتحقيق أهدافه
واتي المساء سريعاً واتي مسعد واصطحب معه أسماء وذهبو إلي منزل أحمد
كانت أسماء تبكي بشده وتتمني أن يقبض الله روحها قبل أن تصل إلى هناك....ولكن هذه الأمنية لم تتحقق ووصلو سريعاً إلي منزله
وقف مسعد ورن الجرس وبجانبه أسماء صوت بكائها يعلو
فتحت جنات وقالت... أيوه
مسعد..... أنا مسعد ودي أسماء مرات أحمد وجايه لجوزها
شلت الصدمة لسان جنات ووقفت كأنها طعنت بسكين حاد في قلبها... عندما علمت أن الواقفه أمامها زوجة زوجها
والدة احمد من الداخل.... اتفضلو يا جماعه...اتفضلي يا أسماء يا بنتي نورتو
لم ترفع أسماء عينها عن جنات الواقفه مصدومه ودموعها تنزل على خدها بصمت
دخل مسعد وأسماء إلي أحمد
كانت رجل أحمد ما زالت في الجبس ووجهه به الكثير من الكدمات
مسعد.... ألف سلامة عليك يا أبو حميد..دا إنت شكلك لسه تعبان خالص
والدته.... الحمد لله هو كان فين وبقي فين...دا اتكتبله عمر جديد
احمد..... الحمد لله على كل حال... شكراً علي سؤالك وشكراً يا اسماء إنك جيتي تطمني عليا
والدته.... أنا هقوم اجهزلكم حاجه تشربوها
مسعد..... روحي مع حماتك يا أسماء واتعرفي علي البيت
والدة احمد....تعالي معايا يا حبيبتي
خرجت أسماء مع والدة احمد ونظر مسعد إلي احمد وقال
أنا جبتلك أسماء علشان تبقى جمبك وإنت تعبان..دا واجبها وده حقك عليها
احمد بصدمه....طيب كنت كلمني قبل ما تيجي علشان على الأقل امهد الطريق لمراتي... وبعدين أنا لسه تعبان مش كنت تستني لما أخف واجي أنا اخدها من بيتك
مسعد....مش هكدب عليك أنا بعت البيت واللي اشتروه عايزني اخليه في أسرع وقت وادوني مهله اسبوع فقولت بيت جوزها أولي بيها
احمد.....مكانش ينفع تقعد معاك ولا مع مرات سعيد لحد ما أقوم بالسلامه
مسعد....لو خليتها معانا كانت هتعند وتطلب الطلاق وسعيد إللي كان بيعرف يأثر عليها مات....فقولت الحق اجبها قبل ما تفوق وتبدأ تفكر
.....................    .................    .............
في المطبخ
والدة احمد.....مالي يا بنتي بتعيطي ليه
اسماء...  مفيش حاجه
والدة احمد...  كل واحدة بتسيب بيت ابوها وتروح بيت جوزها بتبقي مخضوضه وخايفه.. بس بعد كده بتتعود ومبتعرفش تسيب بيتها أبدا
تعالي بقي ندخل ليهم الشاي
دخلو على مسعد وأحمد وقالت والدة احمد... اتفضلو الشاي
مسعد.. لأ شاي إيه أنا يدوب ألحق مشواري.. ونظر إلى احمد وقال
خلي بالك من أسماء يا احمد.... وإنتي يا أسماء خلي بالك من جوزك واسمعي كلامه .... سلام عليكم
خرج مسعد وترك وراءه احمد يشعر بالصدمه بسبب هذه المفاجأة التي لم يفكر بها..  وخوفه علي شعور جنات
وأسماء تبكي بقهر...وهي تشعر بالذل
وأسماء داخل غرفة أطفالها تبكي بمراره
قامت جنات بصعوبة حتي تجمع ملابسها وتترك المنزل له
امسكت الشنطه ودخلت عليهم الغرفه وبدأت في جمع ملابسها
احمد.... إنتي بتعملي إيه يا جنات
لم ترد عليه جنات
والدة احمد.....يا بنتي استهدي بالله إنتي بتعملي إيه
جنات... بفضي البيت للعرسان علشان ياخدو راحتهم
اسماء بدموع.... لو سمحتي متسبيش بيتك بسببي أنا....
جنات..... إنتي مالكيش كلام معايا ماشي.. اشبعي بيه يا أختي
احمد...بمحاوله لإستماله جنات..  .جنات استهدي بالله ومتسبيش البيت... هينفع تسبيني وأنا تعبان كده
جنات بصريخ.....بطل انانيه بقي...بطل تفكر في نفسك وبس
خلي عندك دم وحس إن في ناس تانيه غيرك على الأرض
بيحسو زيك وعندهم مشاعر زيك..  وبدأ صوت جنات ينخفض ووقعت على الأرض
جرت عليها أسماء ووالدة احمد يحاولون افاقتها وقام احمد بخضه يحاول أن يضع العطر على أنفها لكنها لم تفيق
وأولادها يقفون في زاوية في الغرفه يبكون على والدتهم
عندما لم يستطيعوا افاقتها قالت اسماء.. إحنا لازم نوديها المستشفى
حملوها وذهبو بها إلي المشفي كان احمد يجلس بجانب أولاده لكن تمكن القلق منه على زوجته وحبيبته فأمسك بعجازه وذهب إلى المشفي
وصل إليهم وقال... إيه الدكتور قال إيه
والدته.... إيه إللي جابك يا ابني وإنت تعبان
احمد....المهم الدكتور قال إيه
والدته.....لسه محدش خرج يطمنها
خرج إليهم الطبيب فجرو نحوه
احمد.بقلق.....خير يا دكتور طمني
الدكتور.بأسف ....السكر عالي جدا......ودخلت في غيبوبه
 سكر
احمد بصدمه.....سكر.....هي معندهاش سكر يا دكتور
الدكتور..... لأ عندها ومرتفع جدا كمان
يتبع........
بقلمي زينب مجدي فهمي
أسفه يا جماعه إن الفصل صغير
بس أنا كتبت الفصل واتمسح .. وبصراحه ادايقت أوي لأني كنت كاتبه فيه حاجات كتير...فكتبت ده صغير وخلاص
علشان متأخرش عليكم في تنزيلها
 احمد بصدمه.....جنات راقده جوه بين الحيا والموت بسببي يا أمي....جنات جالها سكر بسببي.... وكمان دخلت في غيبوبة برده بسببي... وبدأت عينيه تدمع وقال
أنا السبب.. أنا السبب ياريتني ما اتجوزت ياريتني مفكرت في كده
والدته....يا إبني استهدي بالله إن شاء الله هتبقي كويسه بس إنت ادعلها
كانت أسماء تقف بجوارهم تبكي على حالها وعلى حال جنات
فالدنيا لم ترحمهم
بدأ الكثير من الوقت خرج عليهم الطبيب واخبرهم أن جنات فاقت
دخل احمد عليها وعينيه حمراء من كثرة البكاء وقبل رأسها ويدها وقال
أنا آسف يا حبيبتي سامحيني... والله هحاول أصلح الغلط إللي عملته هعمل كل إللي يرضيكي
كانت جنات بدأت تبكي
احمد..... بالله عليك متعيطيش علشان متتعبيش تاني
كانت أسماء في الخارج تقف هي ووالدة أحمد
ووالدة أحمد....تعالي ندخل نطمن عليها
اسماء.... بلاش أنا علشان متتعبش لما تشوفني
ادخلوا إنتي اطمني عليها وأنا هستناكي هنا
دخلت والدة احمد واطمئنت عليها واخبرهم الطبيب أنها سوف تبيت في المشفى اليوم
بعد الاطمئنان عليها عادو إلي المنزل واتو بالاطفال من عند الجيران
جني....فين ماما أنا عايزة ماما
احتضنتها اسماء وقالت
ماما بتقولك كلي كويس إنتي واخوكي وخدو شاور ونامو وهي هتيجي الصبح وهتجبلك هديه حلوه أوي
جني.... أنا جعانه
اسماء....من عنيا هعملك أحلي عشا في الدنيا...ونظرت إلى الولد وقالت وإنت يا حبيبي مش بتتكلم ليه
نظر إليها الطفل وقال أنا عايز ماما إنتو ودتوها فين إنتو شيلتوها وودتوها فين
احمد....يا حبيبي ماما تعبانه شويه وهي في المستشفى وهتيجي الصبح
الطفل.... بدأ في البكاء.... إنتو سيبتو ماما لوحدها.... أنا عايز اروح لماما
أخذته والدة احمد في أحضانها وقالت
ماما يا حبيبي بتسلم عليك وبتقولك هي كويسه وكمان هتيجي بكره وبتقولك كل كويس ونام علشان ما تزعلش منك
الطفل..... أنا عايز اشوف ماما يا تيته...هي مش بتحب تقعد لوحدها...ليه سيبتوها لوحدها
احمد...يا حبيبي هي مش لوحدها هي معاها دكاترة وممرضين وعيانين كمان...ومينفعش حد مننا يبات معاها علشان المستشفى مانعه ده
اسماء.... بعد اذنكم ممكن أدخل المطبخ اجهزلهم عشا
والدة احمد..... طبعاً يا بنتي دا بقي بيتك أدخلي مكان ما تحبي من غير ما تستأذني
دخلت أسماء المطبخ وبدأت في تجهيز الطعام واعدته للاولاد بحب شديد...فكان الطعم جميل
اكلو جميعاً وأخذت أسماء الاولاد إلي الحمام كل طفل أخد شاور وذهبو كل واحد إلي سريره
جني....ماما كانت بتاخدنا في حضنها وتحكيلنا حدوته
اسماء....من عنيا هحكيلكم احلى حدوته
ونامت اسماء مع الاولاد في ذلك اليوم وهي تشعر بينهم بالأمان
..............   .....................      ..............
قضت جنات ليلتها في التفكير والدموع...وكان الشيطان يهيأ لها أن زوجها الآن مع زوجته الثانية...وكلما تخيلت ذلك تبكي
كان إلليل طويل جداً عليها.. وكانت تتخيل أن هذا أطول ليل مر عليها....حتي هل عليها الصباح
ووجدت أحمد ووالدته اتو إليها
احمد بخضه حقيقية
جنات حبيبتي عامله ايه انهارده
جنات بنظرات كلها لوم.... الحمد لله....صباحيه مباركه
والدة احمد..... ألف سلامة عليكي يا بنتي يلي ارجعي بيتك نوريه
جنات..... لأ ما هو منور باللي قاعده فيه دلوقتي يا حاجه
والدة احمد....البيت مش بينور غير بأصحابه وبعدين بقي
أنا هاخد أسماء تعيش معايا مينفعش تقعدو مع بعض في نفس الشقه...دا بيتك وبيت عيالك يا بنتي
احمد.....مش وقته الكلام ده دلوقتي يا أمي... ونظر إلى جنات وقال...ارن على والدك أعرفه إنك تعبانه
جنات..... لأ مترنش عليه... علشان ميقلقش.. واكملت في سرها
كده كده أنا مش فارقه معاه فأكيد مش هيهمه تعبي
احمد...  طيب يلي نجهز نفسنا علشان نمشي
قامت جنات واسندتها والدة احمد.... وحاول احمد أن يسندها لكنه لم يستطع فقدمه مازالت في الجبس وهو يمشي على عكاز
...عادت جنات إلي بيتها واستقبلها الاولاد بالفرح الشديد
كانت أسماء تنظر إليها وهي مبتسمة لأنها رأتها في حالة جيده اليوم
دخلت جنات إلي غرفتها تستريح ودخلت ورائها أسماء وهي تحمل الطعام
اسماء.. بابتسامة.. قومي بقي كلي علشان إنتي تعبانه ومحتاجة تتغذي
جنات.. بإنفعال...مش عايزه منك حاجه ولو سمحتي مش عايزاكي تتكلمي معايا خالص
والدة....طيب أخرجي إنتي دلوقتي يا أسماء وإنتي يا جنات كلي لقمه علشان إنتي تعبانه
اسماء..... بعد اذنك يا حاجه ممكن أقعد مع جنات  شويه. لوحدنا...خمس دقايق بس
جنات....مش عايزه أقعد مع حد
اسماء.....مش هاخد من وقتك اكتر من خمس دقايق
خرجت والدة احمد وتركتهم سويا
اسماء....بصي يا جنات اقسم بالله أنا مش جايه أخرب بيتك ولا جايه أخد جوزك منك
أنا مجبوره على الجوازه دي... وصدقيني مش هقعد على ذمته كتير أنا بس هشوف أموري وأشوف مكان أقعد فيه وهطلب منه الطلاق
جنات.... صدقت أنا الكلام ده بقي
أسماء....بصي أنا هثبتلك بالافعال مش بالكلام إني مش جايه ادايقك... وإنتي هتشوفي بنفسك
اعتبريني ضيفه...ملهاش أهل...كل إللي ممكن يحموها من الدنيا ماتو....ومفضلش ليها غير أخ حبه للفلوس والتجارة عمي عينه وقلبه عن مصلحة أخته...وذلها وراح وداها لبيت جوزها بشنطه هدومها القديمه كمان مش هدوم جديده
ومحاولش حتي يتصل يطمن عليها من ساعتها
واقسملك بالله إني مش هدايقك أول ما ألاقي شقة هسيب البيت واطلب الطلاق
جنات...وقد بدأ قلبها يلين لها....علي العموم الايام هتثبت ليا وليكي إذا كنتي بتقولي كده وخلاص ولا ايه
اسماء بابتسامة..... صدقيني هثبتلك صدق كلامي وإن شاء الله هنكون أصحاب... يلي كلي بقي علشان تقدري تخفي بسرعه
أثناء حديثهم سمعو طرق علي الباب...وما كان إلا والد جنات
دخل عليها وهو مخضوض.....مالك يا بنتي جالك المرض وركب جسمك خلاص
كده يا جنات تبقي تعبانه وتحكي لأختك كل حاجه وتقوليلها متقوليش.....ليه يا بنتي
جنات بدموع....مكنتش عايزه اخضك
والدها.... أنا قلبي اتخلع من مكانه لما عرفت إنك كنتي في المستشفى....جالك المرض يا بنتي وإنتي في عز شبابك
بس والله ما هسيبك علشان أنا السبب في إللي حصلك ده
يلي جهزي هدومك علشان هتمشي معايا دلوقتي
مش هتقعدي على ذمته ثانيه واحده بعد ما جابلك المرض... وكمان جبلك ضره لحد بيتك
احمد بصدمه.... إيه يا عمي ..جنات مش هتسيب بيتها...طلاق إيه
والدها بصرامة.......هي كلمه واحده أنا هاخد بنتي وورقة طلاقها تحصلني
 والد جنات.....يلي يا بنتي جهزي نفسك
جنات.... أقعد يا بابا بس نتكلم شويه
والد جنات.... إيه يا بنتي
جنات....بابا أنا مش عايزه اسيب بيتي.. وامشي
أنا جيت ليك قبل ما يتجوز ..ولو كنت وقفتله ساعتها مكانش هيتجوز....وكان هيخاف
أنا دلوقتي تعبانه وهحتاج علاج ومصاريف...وطالما كان هو السبب في مرضي ده يبقي هو إللي يصرف عليا ويعالجني
وأنا هعرف إزاي اخد حقي علي إللي هو عمله فيا
أبو جنات.... والله يا بنتي مكنتش أعرف إن ممكن يجيلك المرض....افتكرت إنك هتتعايشي مع الموضوع
جنات.... خلاص يا بابا. قدر الله وماشاء فعل...دا نصيبي وأنا راضيه بيه... الحمد لله
أبو جنات.... طيب تعالى اقعدي يومين تريحي فيهم اعصابك
جنات.... متقلقش عليا أنا تمام ومراته التانيه مش بدايقني
بس هنتفق أنا وإنت إتفاق علشان يتعلم الأدب شويه
.......           ....................   .....................
في الخارج
احمد بإنهيار..... أنا أول مرة أشوف أبوها متعصب كده....... أنا استحالة أطلقها يا أمي..... أنا مقدرش أعيش من غير جنات
والدته.....اهدي يا إبني إن شاء الله مفيش طلاق ولا حاجه..هو بس زعل علي بنته علشان تعبت....وشويه كده وهيروق
احمد......دي بتلم هدومها جوه أنا مش هعرف أقعد في الشقه لو هي مش فيها
أسماء بشفقه عليه.....اهدي وإن شاء الله مفيش حاجه وحشه هتحصل
احمد بإنفعال..... تعرفي تسكتي إنتي علشان إنتي السبب في كل إلمشاكل إللي بتحصل دي
أسماء..... أنا السبب ليه كنت قولتلك تعالي اتجوزني
أنا رفضتك وطردتك من البيت وإن كملت الجواز غصب عني
والدة احمد....مش وقته الكلام ده دلوقتي إنت وهي
خلينا نشوف أبو جنات هيعمل ايه
خرج أبو جنات وهو غاضب وقال
بنتي قالت إنها تعبانه ومش قادرة تمشي دلوقتي... أول ما تشد حيلها هاخدها ومش هتشوف وشها تاني
احمد.... والله العظيم يا عمي محدش فينا هيدوسلها على طرف...وهنحطها جوه عنينا من جوه
أبو جنات..... أنا امنتك على بنتي بقالك سنين وفي الآخر جالها المرض....هآمنك عليها إزاي وهي تعبانه
أول ما تشد حيلها هاخدها وهطلقها غصب عنك حتي لو هرفع عليك قضيه خلع
احمد بإنفعال.... والله لو هتموتني مش هطلقها دي مراتي وأم عيالي وحب عمري
والد جنات....ولما هي كل ده....روحت اتجوزت عليها ليه
احمد....الطمع عمي عيني... أنا كنت معمي وفتحت
واستحاله افرط فيها.... وبعدين إنت كنت موافق واستأذنتك وإنت وافقت
والد جنات....مكنتش اعرف إن كنت بموت بينتي بإيدي
بس خلاص فوقت
احمد.... وأنا كمان فوقت...ولو عايزني أطلق مراتي التانيه دلوقتي حالا....هطلقها...بس جنات متسبش بيتها وتمشي
والد جنات..... أنا مقدرش اقولك طلقها....حرام عليا اخرب بيت بنيه.... وأنا عندي ولايا زيها... أنا أطلق بنتي أنا
احمد.....بص يا عمي شوف إللي إنت عايزه وأنا اعملهولك
والد جنات...... أنا مش هتكلم في أي حاجة غير لما بنتي تفوق لنفسها
.............   .......           .....
كانت جنات في الداخل تبتسم على كلام والدها وبداخلها فرحه لأنها رأت أحمد يحاول أن يحافظ عليها..وعلي بيتهم
اسماء بابتسامة....والدك هيشده شده تمام....بس بالله عليك ما تسيبي البيت... أنا والله هدور على شقة وهسيب البيت في أسرع وقت....وهطلب الطلاق
جنات. بدموع....لسه بفكر هعمل ايه....بس أنا حاسه اني متهانه ولازم يتأدب...كفايه إن حاسه اني أبويا باعني... وإن أمي سابتني في الدنيا لوحدي
اسماء بتأثر.... إنتي عارفه إن ظروفك احسن مني ميت مره
إنتي دلوقتي ابوكي واقف بياخدلك حقك... أنا أبويا مات وأمي ماتت واخويا إللي كان حنين عليا مات ... ومفيش غير مسعد... إللي ذلني وجابني لبيت جوزي بشنطه هدوم من غير حتي ما يعرفه لحسن يرفض إني اجيله
أخواتي جوزوني غصب عني وقالولي كلام واجعني أوي إن عانس وإن محدش مش متجوز هيتجوزني
وكمان تعبانه وخلاص هشيل الرحم في أقرب وقت...يعني ممكن كمان اتحرم من الخلفه
وأنا في الآخر في نظر كل الناس خطافه رجاله وخدت واحد من مراته.... رغم إن يشهد ربنا إن متجوزه غصب عني...واخويا جبني هنا غصب عني
وكمان لو أحمد ضربني ولا لو موتني حتي أخويا مش هيقفله ولا هيفكر يعاتبه حتي...واكملت بدموع غزيرة
بس والله أنا راضيه ... الحمد لله يارب.. الحمد لله
جنات وهي تبكي على أسماء.... أهدي طيب ماتعيطيش وأنا إللي فاكره إني بس في الدنيا إللي مهمومه ....طلع إللي يشوف بلاوي الناس تهون عليه بلوته الحمد لله
بقولك ايه.... إحنا نعمل هدنه بين بعض ونجرب فتره كده نكون أصحاب إيه رأيك
أسماء بفرحه وجرت نحوها تحضنها.... إن شاء الله هنكون أحسن صحاب في الدنيا... إنتي طيبه أوي يا جنات أنا حبيتك أوي
...............     ..............   ............
في المساء رن تليفون جنات برقم ايه أختها
ايه بإنفعال..... إنتي مجتيش مع ابوكي ليه وأنا إللي قاعده عماله اسخن فيه علشان ييجي يهد البيت علي دماغ جوزك
وإنتي في الآخر ترفضي تيجي معاه
جنات.... أنا مش هينفع اسيب البيت وهي هنا. ولو كان الكلام ده قبل ما يتجوز كان ماشي.. أنا كده هبقي بفضي ليهم الدنيا علشان يقضو شهر عسل
ايه....يا جنات أبوك عنده استعداد يطلقك
جنات..... أنا عندي اولاد دلوقتي يا إيه والواحده لما بيكون عندها اولاد بتضحي بحاجات كتير علشان مصلحتهم
ايه..... إنتي أدري بمصلحتك... أنا هقفل علشان إنتي حرقتي دمي
...... .........   ..............     ............
وتمر الأيام وعلاقه أسماء وجنات تتحسن واصبحو أصدقاء لكن أمام أحمد لا يحدثو بعضهم
عادت والدة أحمد إلي منزلها
فك احمد الجبس من قدمه وعاد إلى عمله... ويحاول بشتي الطرق أن يتودد إلي جنات حتي تسامحه....ولكن جنات مازالت لم تحدثه...وتخبره دائما أنها سوف تتطلق عندما تتعافي
.....وفي ظهر يوم جديد كان احمد بالعمل
اسماء بتعب..... لأ بقي كده كتير أنا تعبت المصالح مش بتخلص خالص
جنات بضحك وهي ترتب غرفتها..... إنتي لسه شوفتي حاجه
اسماء.....بجد أنا مش عارفه أمسك المصحف وورد القرآن بقيت مش بقرأه وكمان بقيت مش بصلي الضحي وقيام الليل بقيت مش ملتزمه بيه
جنات.....بصي يا ستي هقولك أنا عملت ايه لما كنت مضغوطه زيك كده
أول حاجة عملتها نزل برنامج المصحف المعلم ده فيه شيخ بيقرأ ووراه طفل بيردد
كنت بقي وأنا بدعك وأنا بطبخ اشغله والشيخ
يقرأ وأنا أقول وراه
أولا بتقرأي صح وبالاحكام والتجويد وكله
ثانياً...بتحفظي علي وردك في القرءان
ثالثا.... الوقت بيكون كله بركه علشان كله قرءان
وبدل ما في ناس بتشغل أغاني علشان الوقت يعدي إحنا بنشغل قرءان ويبقي وقفتنا كلها حسنات
والصلاه بقي.... أول ما بصحي من النوم بصلي الضحي قبل ما اصحي العيال
وبعد العشا بصلي ركعتين أو أربعه قيام إللي ربنا يقدرني عليه علشان لو معرفتش أصلي بالليل أبقي برده مفوتش القيام
ولو قدرت أصلي يبقي كله خير وبركه وحسنات
اسماء ببتسامه....شكرا أوي يا جنه علي النصيحه دي
أنا هدور علي البرنامج ده وانزله حالا
علشان يبقي يومنا كله حسنات
وكمان هقول لأي حد أعرفه علي النصيحه دي علشان أنا كمان اخد حسنات مع كل واحده هتعمل كده شكراً يا جوجو
جنات..... الشكر لله يا حبيبتي....قومي بقي نجهز الأكل علشان الاولاد قربو ييجو من المدرسه
اسماء.....هنزل البرنامج وأقوم علي طول علشان اشغله وأنا بعمل الأكل
وإنتي اقعدي علشان إنتي تعبانه
رجع احمد من عمله وهو سعيد... فقد حصل على ترقيه في عمله
احمد بفرحه....باركيلي يا جوجو أنا اترقيت
جنات كانت سعيدة بداخلها ولكنها رسمت البرود على وجهها وقالت.... مبروك
احمد.... إنتي مش فرحانه ولا ايه إحنا كنا مستنيين الترقيه دي من زمان
جنات....زمان لما كنت هبله كنت بفرح لكن دلوقتي.. لأ
احمد....ليه يا جنه منرجعش زي أيام زمان...كنا أسعد زوجين في الدنيا
جنات.....كنا زوجين بس...مش زوج وزوجتين
احمد....كانت غلطه...وكان مخي مغيب.. مسعد قعد يغريني بالفلوس ويزغلل عيني بيهم....وقالي إنها جوازه مش هتكلفني حاجه
بس بعد ما عملت الحادثة وكنت بين الحيا والموت... عرفت إن فلوس الدنيا كلها متساويش حاجه أهم حاجة الصحه
ولما فضلتي واقفه جمبي بعد العملية... عرفت أد إيه أنا غبي وكنت هضيعك من أيدي
والله يا جنات كنت ناوي أنهي الجوازه بعد ما أقوم من السرير بس اتفاجأت بمسعد جابها وجه لحد البيت
ولما والدك جه وقال إني اطلقك.... أتصلت بمسعد وقولتله هجبلك أختك وكل واحد يروح لحاله
رد وقالي البنت إللي بتخرج من بيتنا مش بترجع تاني
وإن لو جبتها هو مش هيدخلها البيت.... أعمل إيه
ارميها في الشارع زي اخوها ما عمل
جنات بدموع على أسماء....لا حول ولا قوة إلا بالله
ربنا يعوضها علي كل إللي بيحصل فيها ده... أقفل على الموضوع ده علشان هي نزلت تشوف صاحب العمارة عايزها ليه ودلوقتي راجعه
احمد....يعني سامحتيني
جنات....الغلط إللي عملته كبير أوي مفهوش سماح
...................   ..................   ..........
كانت أسماء تقف على الباب تجاهد ألا تسقط دموعها وتحاول أن ترسم ابتسامه على وجهها ورنت جرس الباب
فتح لها احمد وقال
اتأخرتي ليه كده يا أسماء
اسماء وهي تجاهد أن ترسم البسمه
أنا كنت قولت لصاحب العمارة إنه يشوفلي أي شقة فاضيه
وانهارده بعتلي وقالي إن في شقة هنا في العماره فضيت
فهقعد فيها لحد ما يشوفلي شقه بره العمارة
جنات... بجد مبروك يا اسماء...بس هتشوفي شقة بره العمارة ليه...ما تقعدي معانا في العماره على الأقل نكون جمب بعض
اسماء.... يعني وجودي في العماره مش هيداقيكم
جنات....هيدايقنا ليه
اسماء نظرت لأحمد وقالت..... شكراً جداً ليك يا استاذ أحمد إنت دلوقتي تقدر تطلقني... أنا لقيت شقه الحمد لله وبكره إن شاء الله هنزل أجيب اوضه نوم وشويه حاجات كده هحتاجهم ..في الشقه واقعد فيها على طول....بس بعد اذنك تتكلم مع صاحب العمارة على الايجار والعقد علشان قالي الإتفاق هيكون مع جوزك
احمد.....من عنيا الاتنين أنا هنزل دلوقتي اظبط كل حاجه معاه
اسماء.... شكراً جداً هتعبك معايا
احمد.....مفيش تعب ولا حاجه
.................    .....................      .......
نزل أحمد اتفق مع صاحب العمارة على كل شئ ومضت أسماء على عقد ايجار الشقه...وقال لهم صاحب العمارة أنه يوجد بعض الاشياء تخص الساكن القديم وسوف يأتي ليأخذها في أي وقت
وفي صباح اليوم ..... أخذ أحمد أجازه من عمله واتي لأسماء بغرفة نوم جديده...ونصبها داخل الشقة الجديدة... واتي ببتوجاز وببعض الأشياء الأخري
اسماء.بفرحه...شكرا يا احمد دي شكلها حلو اوي..بكام دي
احمد....بتسألي ليه
اسماء.... علشان ادفعلك تمنها
احمد.....عيب دا إنتي لسه على ذمتي...بس معلهش بقي الفلوس اللي معايا يدوب كافة الحاجات اللي جبتها...كان نفسي افرشلك الشقه كلها
اسماء....دا انت كتر ألف خيرك.... بعد اذنك بقي نطلع على المأذون ونطلق انهارده
احمد بفرحه لم يستطع أن يداريها نظر إلى جنات وقال...
ماشي .. نروح انهارده إن شاء الله وناخذ جنات كمان معانا والاولاد.. نتعشى في مكان كويس و نطلع على المأذون نطلق ونرجع على طول
جنات بفرحه تحاول أن تداريها.... المهم متكونيش زعلانه يا أسماء
اسماء.... صدقيني أنا مبسوطه جدا... إن شمل اسرتكم هيتلم من تاني
أخذهم احمد وتعشو في مكان هادي وجميل وذهب إلى المأذون وترك جنات والاولاد في العربيه
أنتهي المأذون من كل شئ وطلق احمد أسماء..
نزلت أسماء وهي مبسوطه جداً.... ألف مبروك يا جوجو
جوزك رجعلك سليم زي ما هو أهو
جنات بضحك.... لأ لسه بيعرج برجله مكان الكسر
أنا عايزاه زي ما مكان الأول
احمد.... ايه ده إنتو بتتريقو عليا إنتو الاتنين
جنات.... إنت لسه شوفت تريقه
عادو إلي المنزل وهم سعيدين وقال أحمد
اسماء..اعتبري إن اخوكي موجود في العماره لو احتجتي أي حاجة أي حاجة تقوليلي عليها
اسماء.... إنتو فعلاً بقيتو أحسن من أخواتي شكراً ليكم جدا
جنات....لا شكراً إيه أنا طالعه ابات معاكي علشان متخافيش تنامي أول يوم لوحدك
احمد..... إيه ماهي لازم تتعود تبات لوحدها
جنات.... لأ أنا طالعه ابات معاها سلام يا أحمد
وصعدت مع أسماء إلي شقتها ومعها الاولاد
 أصبحت علاقة أسماء وجنات جيده جدا أصبحوا أكثر من الاخوات
ظل احمد يحاول مع جنات حتي وافقت أن ترجع علاقتهم كما كانت من قبل
وهذا الاسبوع هو فرح ايه أخت جنات
في شقة أسماء ....
جنات....اسمااااااء هتيجي معايا نرص شويه حاجات في شقة ايه
اسماء ....يا بنتي اكيد أهلك مش طايقني وشايفني بصورة مش كويسه
جنات....يا بنتي ما دا طبيعي مش كنتي ضرة بنتهم.. وكمان كنتي السبب في إنك تجبيلي السكر
اسماء..بمزاح.بلاش صراحتك الزيادة عن اللزوم دي يا جنات
جنات...دي صراحتي هي دي السبب في إني أخسر نص صحابي هههههههههههه هي البت زينب إللي مستحملاني
اسماء.... آه صحيح قولتي لزينب على موضوع إني أشتغل معاها في الحضانه
جنات.... آه قولتلها وهي قالت هتشوفلك مكان
اسماء....كده كويس وهرجع أكمل حفظ قرءان وإنتي إن شاء الله هتروحي معايا
جنات... إن شاء الله هروح
وأثناء حديثهم رن جرس الباب .. وفتحت أسماء الباب
اسماء... مين حضرتك
.... أنا دكتور أسر مرسي إللي كنت ساكن في الشقه قبل حضرتك وكان ليا هنا شويه حاجات فعايز اخدهم
اسماء...طيب ممكن اشوف بطاقه حضرتك
الدكتور أسر باستغراب.... تشوفي بطاقتي دا ليه
اسماء بتوتر.... علشان اتأكد إن حضرتك الدكتور أسر...حضرتك دي أمانه ومش هينفع اتصرف فيها غير لما أشوف بطاقتك أو صاحب العمارة ييجي معاك ياخدهم
الدكتور بإنفعال.... حضرتك أنا ممكن أقولك إيه هي الحاجات اللي جوه... إنتي كده بتسببيلي حرج
اسماء بنفس التوتر... حضرتك إللي بتسببلي الحرج ده
لو سمحت دي أمانه وأنا مش هقدر أتصرف فيها
خرجت جنات على صوتهم وقالت.....في إيه
اسماء....كويس إنك هنا يا جنات...هو ده دكتور أسر إللي كان ساكن قبلي في الشقه
جنات.... بصراحه أنا معرفش مين كان ساكن في الشقه... وأنا كمان أول مره أشوفه
الدكتور.... أنا كنت مأجر الشقه كمخزن شايل فيه شويه حاجات...ومكنتش قاعد هنا علشان هي تعرفني
اسماء....يبقي أسفه جداً مقدرش اديك أي حاجة
جنات.....ممكن ترن على صاحب العمارة ولو هو قالنا نديك الحاجه هنديهالك
أسر..  أكيد عملت كده بس تليفونه مقفول
اسماء....طيب أنا أسفه مش هينفع نفضل واقفين معاك على السلم كده أنا هضطر أقفل الباب وندخل....وفي أي وقت حضرتك تجيب معاك صاحب العمارة تقدر تاخذ حاجتك
............ أغلقت أسماء الباب وغادر أسر... ونزلت جنات إلي شقتها... أعدت طعام العشاء لأبنائها وزوجها... وبعد قليل من الوقت حضر احمد وتناولو وجبة العشاء وذهب الاولاد إلي غرفتهم وجلست جنات مع احمد يتسامرون
حكت له جنات كيف كان يومها... وأحمد يستمع لها بكل تركيز
جنات بابتسامة....تعرف إنك من زمان مقعدتش معايا وكنت مركز في إللي بقوله كده
احمد.... أقولك على حاجه بصراحه حاسس إننا لسه متجوزين جديد
جنات....تعرف إني بدأت أحب موضوع إنك اتجوزت عليا.. خلاك بقيت أحسن كتير أوي معايا
ضحك احمد بشدة
جنات....قولي بقي بجد يا احمد إنت طلقت أسماء ليه علشان أنا تعبت وكده
احمد.... بصراحه... أنا لما كنت بين الحيا والموت بعد الحادث كنت بقعد أفكر هقول لربنا إيه على صلاتي المقطعه
هقوله إيه على تقصيري في العبادات
ولما يسألني اتجوزت تاني ليه هقوله إيه.. يارب أنا كنت طمعان في فلوسها... يعني حتي مش هعرف أقوله..دي ارمله وأنا اتجوزتها علشان أربي عيالها...ولا دي مطلقة وأنا قولت اعفها...ولا دي واحده مسبقش ليها الجواز وأنا قولت اعفها
لأ دا أنا طمعان في فلوسها وربنا عالم كمان إنها مكانتش موافقه وأنا مع ذلك تممت الجوازه
قعدت مع نفسي وقولت يارب اديني فرصه ثانيه أصلح كل الغلط إللي عملته.. يارب اديني فرصه أقرب ليك
يارب لما تقبض روحي اقبضها وإنت راضي عني يارب
وفعلا ربنا اداني فرصة تانيه واديني اهه بحاول اصلح كل الغلط إللي عملته وبحاول أقرب من ربنا علشان لما أموت يكون ربنا راضي عني
وضعت جنات يدها على فمه وقالت... بعد الشر عليك
.............    .............  ..............
.....في المساء  اتي صاحب العمارة مع الدكتور أسر كي يأخذو اشيائه
اسماء.... دقيقه واحده أنادي لأستاذ احمد يقف معاكم وانتو بتاخدو الحاجة علشان مينفعش أقف أنا معاكم كده
نزلت أسماء للأسفل وقال أسر لصاحب العمارة
مين احمد ده
صاحب العمارة....ده طليقها
أسر بإستغراب....وهي مآمنه لطليقها كده عادي..وكمان ساكنه معاه في نفس العمارة
صاحب العمارة....دول ناس محترمين يا إبني ومحدش يقدر يقول عليهم نص كلمه والناس خرجو بالمعروف
أسر بسرعه.... أنا مش قصدي حاجه والله أنا مستغرب إنها الصبح بتكلمني عن الامانه ودلوقتي نازله شقة طليقها بالليل
صاحب العمارة.....يا إبني بلاش سوء الظن... الراجل متجوز ومخلف وهي كمان صاحبة مراته أوي
أسر.... أنا كل ما أفهم حاجه تقولي حاجه تاني تلغبطني اكتر
إزاي اتنين كانو ضراير يكونو أصحاب
في ذلك الوقت حضر احمد...وتم نقل كل الاشياء الخاصه به
واعتذرت له أسماء على ما حدث في الصباح وهو قبل الاعتذار
وعادت أسماء إلي شقتها لكنها وجدت شئ غريب للغاية
 وتمر الأيام والشهور وانتهي فرح ايه أخت جنات
وعملت أسماء في الحضانه وبدأت في حفظ القرءان الكريم ومعها جنات
وذات يوم رن مسعد على اسماء
نظرت أسماء بزهول إلي الهاتف فهذه أول مرة يحدثها مسعد على الهاتف
ترددت أن ترد على الهاتف أم لا...لكن حنينها وشوقها غلبها وردت عليه
اسماء بلجلجه.... السلام عليكم ازيك يا مسعد
مسعد.... وعليكم السلام ازيك يا أسماء....
اسماء.... الحمد لله بخير.... إنت عامل ايه
مسعد..... أنا زعلان منك يا اسماء كده تطلقي ومتقوليش ليه.  .. ملكيش أهل
اسماء وبدأت تلمع عينها بالدموع... أهلي... أهلي....بلاش نتكلم عن الموضوع ده أحسن
مسعد.... ماشي...علي العموم أنا خطبت وفرحي بعد بكره
وأهل عليا لما عرفوا إني عندي أخت... مصرين إنهم يتعرفو عليكي بالذات عليا...فأنا قولت أكلمك واحدد معاكي ميعاد تروحي تقعدي معاهم شويه
وعايزك بقي تشكري في اخوكي قدامهم... وياريت متتكلميش معاهم في أي أمور عامه...لو سألوكي أي سؤال كده ولا كده... أنا ساعتها هرد
اسماء وقد فاض بها الكيل وبدأت تزرف الدموع
يعني أنت مكلمتنيش علشان تعرفني إنك خطبت وهتتجوز
إنت كلمتني علشان أهل العروسه عايزين يتعرفو عليا
وكمان فرحك بعد بكره...ومهانش عليك ترن على أختك تعرفها.انك خطبت.. أنا كل شويه اتصدم فيك اكتر من الأول
أقفل يا مسعد أنا مش هقابل حد...ولما يسألوك على أختك قولهم أختي ماتت
ولا قولهم أختي ذلتها وهنتها ورميتها لواحد متجوز ومسألتش عليها من ساعتها
أغلقت أسماء الهاتف وهي تبكي بشدة على أخوها..وما يفعلها معها
.........   . .............    ... ............في منزل سهيله
كانت سهيله تجلس وتمسك ألبوم صور لها هي وسعيد وتبكي
سهيله.بدموع أغرقت الألبوم....ليه سعيد ليه تسيبني
أنا مش عارفه أعيش من بعدك....نار فراقك حارقه قلبي أوي عيني دموعها مش بتنشف عليك
وحشتني أوي يا سعيد....كان نفسي يكون ليا بيت خاص بيا أنا وإنت.. علشان نعيش فيه براحتنا...كان نفسي يكون عندي مملكه وإنت الملك فيها وأنا الملكه واولادنا يكونو هما نور المملكه دي....ولما بقي لينا بيت سيبتني ياسعيد
وخليت المملكة إللي بحلم بيها خرابه... أنا حاسه اني عايشه في تربه وعماله تضيق بيا
نفسي اجيلك يا سعيد...فكرت كتير أوي انتحر علشان اجيلك بس أولادك بيمنعوني... علشان خايفه عليهم من الدنيا
بس أنا مش عارفه أعيش من غيرك يا سعيد تعالي خدني بقي... إنت وحشتني أوي أوي
ونامت وهي تبكي بكاء شديد
............    ..............   ...................
في شقة جنات
احمد.....عندي ليكي خبر حلو أوي أوي
جنات.بلهفه... خير فرحني
احمد.... عارفه الدكتور أسر... عايز يطلب ايد أسماء..
واتفق معايا أنا وعم حامد صاحب العمارة إننا نيجي معاه علشان نتقدم لها
جنات بفرحه وهي تتنطط زي الاطفال بجد... الحمد لله الحمد لله
احمد....بس امسكي لسانك ومتقوليش لأسماء هو عايز يعملها مفاجأة وعايز يشوف رد فعلها بعنيه
جنات....بس لازم تعرف علشان تجهز نفسها
احمد....هو ده طلب الدكتور...متخلنيش أندم إني قولتلك
جنات.... لأ خلاص همسك لساني
احمد...  طيب يلي خلينا انام. شويه قبل ما ييجي  علشان أبقي قاعد معاهم فايق كده
دخلو إلي غرفتهم وعندما اطمئنت جنات أن احمد خلد للنوم أمسكت الهاتف وذهبت خارج الغرفة...وقامت بمحادثه أسماء
جنات بصوت واطي..... إنتي صاحيه ولا نايمه عندي ليكي خبر حلو
اسماء.....مالك بتتكلمي بصوت واطي كده
جنات.... علشان احمد ما يسمعنيش.....المهم الدكتور أسر جاي يطلب إيدك انهارده بالليل ومعاه أحمد وعم حامد... أنا قولتلك علشان تجهزي نفسك ..ومتتفاجئيش وأحمد منعني إني اطلعلك غير معاهم جهزي نفسك بقي... وأغلقت الهاتف
ظلت أسماء تنظر إلى الهاتف بصدمه وبداخلها فرحه كبيره جداً جداً.... فهذه أول مرة يتقدم أحد لخطبتها منذ أن كانت في الجامعة...قامت بتوتر وسجدت شكراً لله
وظلت تقول لنفسها معقول أسر يبصلي أنا معقول أنا بحلم ولا ايه...بس ايه اللي عجبه فيا أنا كنت فقدت الأمل إني اتجوز خلاص ممكن علشان إللي حصل لما جه أخد الحاجة بتاعته من كام شهر
فلاش باك....
بعدما أنزل أحمد والدكتور وصاحب العمارة أشياء الدكتور
ذهبت أسماء إلي شقتها لكنها صدمت عندما وجدت شنطه بها الكثييير من النقود وكانت مفتوحة...يبدو أن هذه الشنطه آلتي كان يمسكها الدكتور عندما اتي
أخذتها أسماء وذهبت إلى صاحب العمارة وطلبت منه أن يطلب الدكتور علي الهاتف ويطلب منه أن يأتي فوراً لأن أسماء تريده في شئ مهم
اتي فعلاً واعطته أسماء الشنطه وعندما فتحها الدكتور أبتسم وظل ينظر لأسماء نظرات غير مفهومة لها
ولكنها تشعر أنها فهمتها الآن
.........عوده من الفلاش..........
فاقت أسماء من سرحانها وقامت بسرعه ترتب المنزل وتذكرت أنه لا يوجد شئ في الثلاجة يقدم للضيافة فلبست ملابسها ونزلت اشترت الكثير من الأشياء
ورصتها وقطعتها وهي ما زالت لا تصدق فهي فرحه وبشدة ولكنه يوجد شئ يعقر عليها صفو هذه الفرحه
فكرت كثيراً أن لا تخبر أسر بشأن مرضها وأنها سوف تستأصل الرحم قريبا
ولكنها عزمت أن تأخبره بكل شيء
في المساء كانت اسماء تنتظر على أحر من الجمر
وعندما رن جرس الباب توترت كثيرا وفتحت الباب وهي تحاول ان تمثل أمامهم أنها متفاجئه بوجودهم
ادخلتهم اسماء ودخلت جنات ورائهم حضنتها بسعادة
بدأت اسماء بتقديم الضيافة لهم وبعد القليل من الوقت قال عم حامد
بصي يا بنتي أنا الدكتور أسر وكلني إني اجي واطلب إيدك ليه وهو الشهادة لله...ونعم الأدب والأخلاق
أسر بتوتر....لو تقبلي هكون أسعد إنسان في الدنيا طول عمري بحلم إني يكون عندي أسره وبيت وأولاد لكني اتجوزت مره وكانت جوازه غير موفقه..فتم الطلاق
بس المره دي أنا واثق في اختياري...واتمني إنك توافقي
وإن شاء الله اخد منك عنوان اخوكي واطلب إيدك منه
اسماء بلجلجه....قبل ما أقولك موافقه أو لأ
في حاجة عايزه اقولك عليها.... أنا عندي مشاكل في الرحم وبعد سنه وكام شهر هستأصله تماما وممكن موضوع الخلفه ده ما يتمش... إنت لازم تبقي عارف كل حاجه
وقف أحمد بصدمه وقال.... إيه دي أمنية حياتي يكون عندي اولاد
 كانت أسماء تنظر إلى الأرض بتوتر شديد بعد وقوف أسر وصدمته وقالت
وأنا برده قولتلك على كل حاجه من الأول علشان تبقي على نور من الأول
أسر وزاد توتره.....طيب بعد اذنك أنا صلي استخاره وأرد عليكي
استأذن أنا يا جماعه
خرج أسر وخرج معه احمد وصاحب العمارة وهم مرسوم على وجوههم الأسف
بعدما أغلق الباب أخذت جنات أسماء في حضنها وانفجرت أسماء في البكاء
أسماء....كنت حاسه إن فرحتي مش هتكمل أنا كنت حاسه
جنات وهي تبكي أيضاً....لسه الموضوع مخلصش يا أسماء قال إنه هيصلي استخاره ويرد عليكي
اسماء....دي كانت طريقه بيخرج بيها من هنا من غير ما يكسفني...بس كل حاجه بانت على وشه
جنات.... والله هو إللي خسران هو هيلاقي زيك فين
اسماء.... الحمد لله... أنا هقوم أصلي ركعتين لله علشان ازيح الهم ده... وأنا واثقه في ربنا إنه هيجبر قلبي
جنات.... ربنا يعملك إللي فيه الخير يارب
اسماء....انزلي إنتي لجوزك يا جنات... أنا كويسه متقلقيش
جنات.... لأ أنا هعقد معاكي شويه
اسماء.... أنا والله كويسه هصلي وانام..انزلي إنتي علشان عيالك وجوزك...
جنات....ماشي..  بس لو عوزتيني في أي حاجة ترني عليا في أي وقت
اسماء ... ماشي
نزلت جنات إلي شقتها
ووقفت أسماء بين يدي الله تناجيه وتشكو له عن ضر أصاب قلبها...وحزن أصبح ونيسها
وبعدما انتهت من صلاتها ذهبت إلى النوم.. تحاول أن تهرب من أحداث يومها...
وانتهي اليوم عليها وبدأ يوم جديد... استيقظت على المنبه
قامت قبل الفجر...صلت قيام الليل وانتظرت الفجر
وبعدما انتهت من فرضها جلست تقرأ وردها حتي هل عليها الصباح ....قامت بترتيب شقتها واستعدت لتذهب إلي الحضانه
..............   ..............   .........
في منزل سهيله
اتت إليها والدتها في الصباح وجدتها في غرفتها بين النوم واليقظه وكانت تبكي
والدتها....يا بنتي حرام عليك نفسك وعيالك... إيه إللي إنتي بتعمليه في نفسك ده
سهيله بدموع..... سعيد يا ماما كان جالي في الحلم وزعلان مني... أنا عايزة اعرف هو زعلان ليه... أنا عايزة اروحله يا ماما
والدتها بدموع على ابنتها.... إيه إللي إنتي بتقوليه ده بس يا بنتي
سهيله وبدأت تزيد في البكاء... أنا عايزة سعيد ودوني عند سعيد
والدتها....استهدي بالله يا سهيله دا قرب يكمل سنه ميت وإنتي دمعتك منشفتش عليه... قومي بصي في المرايا وشوفي شكلك بقي عامل إزاي
وشوفي عيالك حالهم بقي عامل إزاي من غير أبوهم وإنتي كمان بعدتي عنهم
سهيله ...ياماما سعيد وحشني أوي نفسي اتكلم معاه
نفسي يرجعلي تاني... أنا عايزة جوزي يا ماما
والدتها..  لا حول ولا قوة إلا بالله مينفعش اسيبك كده لازم اتصرف نامي دلوقتي يا سهيله..نامي يا حبيبتي
.............   ............   .........
كانت أسماء عائده من عملها فأوقفها صاحب العمارة
عم حامد بتوتر... مش عارف اقولك ايه يا بنتي
اسماء... اتكلم على طول يا عم حامد خير
عم حامد.... الدكتور بيقولك كل شيء قسمه ونصيب
ابتسمت أسماء بوجع وقالت ... إنت خضدتني يا راجل يا طيب... أنا كنت هقولك تقوله كل شيء قسمه ونصيب بس هو سبقني بقي.. سلام يا عم حامد
كانت أسماء تحاول جاهدة أن لا تسقط دموعها على السلم أمام الجيران...وحمدت الله أنها لم تري جنات علي السلم
ودخلت شقتها واطلقت لدموعها العنان
وبكت كثيرا ثم قامت توضأت ووقفت بين يدي الله فهذا أفضل شئ يستريح فيه الإنسان من هموم الدنيا...هي الصلاة ومناجاة الله... يطمئن القلب وتسريح النفس ويشرح الله الصدر بعد الصلاة
........     ...............      .............
عند سهيله استيقظت من النوم ولم تسمع أي صوت في المنزل خمنت أن والدتها أخذت الاولاد معها ذهبت إلى المطبخ لا تدري لماذا
ولكنها ما إن وجدت أمامها السكينه ورأت نصلها يلمع بشده
ذهبت إليها كالمغيبه وامسكت بها وابتسمت وقالت
أنا هجيلك يا سعيد يا حبيبي أنا عارفة إني وحشتك زي ما أنت كمان وحستني
ووضعت سن السكينه على شرايينها وهي مبتسمة
واغمضت عينها وقالت.... أنا جايه ياسعيد
 دخلت والدة سهيله المطبخ بعدما سمعت ارتطام شئ ما وجدت سهيله على الأرض ويدها تنزف الدماء صرخت الوالده بشده واجتمع الجيران وذهبو بها إلي المشفي
والدة سهيله... كانت واقفة تبكي بإنهيار على ما يحدث لإبنتها
خرج الطبيب وجرت عليه والدة سهيله
الوالده.ببكاء شديد... طمني يا دكتور ينتي
الدكتور برسمبه.... الحمد لله لحقناها..  بس ايه اللي وصلها لكده
الوالده....من ساعة جوزها ما مات وبدأت تحكي له كل شيء
الدكتور....دي حالة اكتئاب شديد...ولازم تتابع مع دكتور نفسي... علشان لو متعلجتش هتحاول تموت نفسها تاني
وتركها وذهب
والدتها .. بانهيار...يارب نجي بنتي يارب....يارب استرها معاها واهديها وقومهالي بالسلامه يارب ....يارب مليش غيرك يارب
.................   .........    .. .......... .
عند أسماء
كانت تحفظ ورد القرءان..وهي تدعو الله أن يخفف عنها حزن قلبها ويعوضها خيراً
سمعت جرس الباب وعندما فتحته وجدت جنات
جنات.... ازيك يا أسماء يلي علشان نروح الجامع
اسماء...ماشي... أدخلي على ما اتوضي والبس
جنات... مالك كده شكلك معيطه وزعلانه
اسماء وهي تحاول أن ترسم البسمة على وجهها..... ربنا ميجبش زعل يارب أنا بس مش حافظه كويس فمدايقه
جنات....هو إنتي أول مرة متحفظيش. ما تقولي في إيه يا اسماء إنتي هتخبي عليا
اسماء وسمحت لدموعها بالهبوط... عم حامد قالي إن الدكتور قاله كل شيء قسمه ونصيب
جنات وهي تحاول أن تخفف عنها... أكيد هو مش خير ليكي علشان كده ربنا بعده عنك
اسماء.... أنا عارفة الحمد لله... ربنا هيعوضني عوض كبير أوي أنا واثقة في ربنا ... أنا هلبس أنا علشان ما نتأخرش
دخلت أسماء وجلست جنات تبكي على صديقتها وتدعو الله لها أن يريح قلبها
......    .............   ...........   ......
وتمر الأيام وبدأت سهيله أن تتعافي بعدها ذهبت لدكتور نفسي... بعد إصرار والدتها الشديد عليها وبعد فتره من العلاج أصبحت افضل من ذي قبل
وأسماء بدأت تنسي أمر الدكتور أسر وتركز مع حياتها وحفظها لكتاب الله وعملها
.........  ....       .........  .........
أسماء بفرحه.... أنا مش مصدقه نفسي أنا ختمت القرآن يا جنات
وجنات وهي سعيده لصديقتها... ألف مبروك عقبالي يارب
اسماء بفرحه.....يارب تعالي نطلع نعمل أحلي تورتايه بالمناسبة السعيده دي
جنات..  لأ الواجب ده عندي أنا.... أنا هعملك أحلي تورته
نادي عم حامد عليهم وكان يقف معه شخص ما وقال
يا استاذه أسماء شكلك فرحانه
اسماء بسعادة..نورت وجهها.... أنا ختمت القرءان يا عم حامد
جنات....وهتاكل أحلي كيكه اكلتها في حياتك انهارده بالمناسبة السعيده دي
كان يوجد شخص يضع نظره في الأرض وهو مبتسم وقال
ألف مبروك يا استاذه عقبال ما تاخدي إجازات في القرءان يارب
اسماء ومازالت مبتسمة.... اللهم امين يارب العالمين
كان عم حامد ينظر إليهم بإبتسامه وقال
أستاذ ياسين كان طالب إيدك مني يا استاذه أسماء من اسبوع وأنا قولتله على كل شيء وهو متمسك بيكي وقال لازم ييجي يتقدملك....وكان واقف معايا دلوقتي علشان أحدد معاكي ميعاد ييجي فيه وإنتي جيتي واحنا واقفين
فحددي الميعاد إللي يناسبك يا بنتي
كانت أسماء تنظر إلى الأرض من الكسوف وقالت
إللي تشوفه يا عم حامد إنت زي والدي بالظبط وتركتهم وذهبت مسرعه وورائها جنات
بعدما أغلقت أسماء الباب زغرطت جنات
اسماء بفرحه.....يا مجنونه إنتي بتعملي إيه ده لسه واقفين تحت
جنات.... لأ دا الفرحه انهارده فرحتين سبيني براحتي
سجدت أسماء على الأرض وقالت الحمد لله
جنات بتوتر.... أسماء كنت عايزه أقولك حاجه
اسماء.....خير يا جنه
جنات....بلجلجه. أستاذ ياسين جارنا من زمان وكان متجوز ومراته ماتت ..ومعاه بنتين
اسماء ومازالت مبتسمة. ولكن ابتسامه حزينه.... الحمد لله يعني لو ربنا مكتبليش الخلفه...يكون في أولاد يحسسوني بالأمومة
جنات زغرطت مره أخري وقالت.... الحمد لله الحمد لله إنك متقبله الأمر
مساء في شقة أسماء حضر ياسين ومعه والدته ووالده وعم حامد وأحمد
كانت أسماء حزينه لأنها قامت بالاتصال على مسعد وأخبرته بشأن العريس لكنه رفض أن يأتي بحجة أنها رفضت أن تتعرف علي عائلة عليا زوجته...وقال لها عندما طلبت منك أن تأتي رفضتي وقولتي أخبر أهل زوجتي أنك متوفيه.. وأنا الآن أقول لكي اخبري أهل المتقدم أنني متوفي
فاقت أسماء من سرحنها على صوت جنات
مالك يا عروسه سرحانه ليه وشكلك مدايق
اسماء بابتسامة... لأ مش مدايقه ولا حاجه
جنات....طيب يلي علشان تخرجي...دول خلاص قربو يخلصوا الإتفاق
أسماء...ماشي يلي
خرجت أسماء وجلست بجانبهم تسمع الإتفاق وظلت مبتسمه وفجأة سمعو صوت جرس الباب
فتحت اسماء ودهشت عندما وجدت مسعد وزوجته
دخل مسعد وسلم على اسماء وقالت عليا....هي دي أسماء
واحتضنتها بشده
اسماء.... إنتي مرات مسعد
عليا.... أيوه أنا وإنتي بقي أسماء كان نفسي أتعرف عليكي من زمان وقعدت ازن ازن على مسعد لحد ما جابني معاه
مسعد..... ادخلوا بقي علشان الناس إللي قاعده
أسماء بفرحه شديدة..   ده مسعد أخويا... اتفضل يا مسعد
سلم مسعد على الموجودين وجلس ودخلت أسماء وعليا إلي جنات في الداخل
ياسين..... أنا يشرفني اني أطلب منك ايد أختك أسماء
مسعد....الشرف لينا يا أستاذ ياسين
والد ياسين....واحنا يا إبني عايزنها بشنطه هدومها
مسعد... ربنا يكرم أصلك يا حاج...بس أختي هنجهزها أحلي جهاز.... وإن شاء الله تخرج من بيت أخوها
والد ياسين....زي ما تحب يا إبني
واكملو الاتفاق وانطلقت الزغاريد....وعمت الفرحه على كل المنزل
بعدما غادر كل شخص إلي منزله قال مسعد.  
لمي هدومك وحاجتك علشان هتيجي تقعدي معانا الشهر ده قبل ما تتجوزي
اسماء بتوتر..  مش عايزه اتقل عليكم
عليا بإبتسامه..  علي فكرة إنتي هتنورينا..وتونسيني في البيت.... وأنا بجد هكون فرحانه اوي اوي لو جيتي قعدتي معانا
مسعد.... وبعدين دا هو شهر يا أسماء مش كتير يعني بلاش الحساسية دي
اسماء.... مالك يا مسعد إيه إللي غيرك كده
نظر مسعد إلي عليا وابتسم وقال لما اتجوزت و شيلت مسئولية عرفت معناها... طول عمرهم أهلي كانو بيعاملوني على إني العيل الصغير إللي ملوش دعوه بأي حاجة عمرهم ما شيلوني مسئولية أي حاجة.. كانو بيقولي شوف إيه إللي يخليك مبسوط واعمله...عمرهم ما قالولي وإنت بتفكر في نفسك متجيش على غيرك...فعلشان كده كنت مقدم مصلحتي على مصلحة أي حد
بس بعد ما دخلت بيت الناس المحترمه دي وشوفت طريقه تربيتهم لعيالهم إزاي كل شخص متحمل مسئولية شئ في البيت..غير مسئوليتهم... وإزاي بيحترمو اختهم وبيعاملوها بكل حب وخوف عليها
ولما عليا دخلت بيتي وشوفت تربيتها وإزاي بتتعامل بدأت اتغير لأني كان لازم اتغير
وأنا آسف علشان ظلمتك.... أوقات الأهل وهما بيربو عيالهم مش بيكون قصدهم عيالهم يطلعو وحشين بتبقي نيتهم إنهم ميحملوش عيالهم فوق طاقتهم بس للاسف خوفهم ده بيطلع جيل مش هامه غير نفسه وبس  ... المفروض الأهل يسيبو عيالهم يغلطو ويتعلمو..وهما جمبهم فيسندوهم ويلحقوهم
مش يشيلو عنهم كل المسئولية وأول ما الأهل يسيبوهم يقعو وينهارو ويبدأو من الصفر في تحمل المسئولية
اسماء.... أنا كده لازم أشكر عليا وأهلها في التغيير إللي حصلك
مسعد.... أنا لازم أشكر ربنا إنه فوقني واداني فرصة تانيه أتغير وابقي إنسان أحسن
اسماء....بس ليه لما كلمتك في التليفون قولتي كده
مسعد بمزاح..... بصراحه كنت بنتقم منك علشان أنا زعلت أوي لما قولتلك تيجي تتعرفي على أهل عليا وإنتي موافقتيش
.............   .................    .... .......
في شقة جنات
جنات..... أنا بجد فرحانه اوي لأسماء.. إن الموضوع مشي وكمان فرحت أوي لما أخوها جه
احمد..... ربنا يتمملها على خير ياسين راجل محترم
جنات.....وهي كمان ست البنات كفايه طيبة قلبها
احمد.....يا أختي على الحب يا أختي....مش دي إللي كنتي مش بطقيها
جنات.....كنت.... لما كانت ضرتي.. إنما هي دلوقتي صحبتي
احمد.....يا سلام ولو كانت لسه ضرتك كنت هتقولي كده
جنات....احمااااااااااد عدي يومك يا أحمد...واقفل الموضوع
احمد بضحك....يا ساتر بتقلبي في ثانيه... الواحد ميعرفش يهزر معاكي أبدا
جنات... لأ يا اخويا متهزرش
............    ..............    ...............
في منزل سهيله
كانت تجلس بين أبنائها تطعمهم... ويوجد تحسن كبير في شكلها ومعاملتها
سهيله...يا ماما ارجعي بيتك أنا بقيت كويسه والله
والدة سهيله....ولا اسيبك أبدا يا تيجي بعيالك تعيشي معايا يا أعيش معاكي أنا
سهيله بضحك....للدرجه دي خايفه عليا إنتي عمرك ما سيبتي بيتك
والدتها بتأثر....دا انتي ورتيني فتره.... اسوء فتره في حياتي
دي أسوأ من الفترة إللي أبوك مات فيها
سهيله..... الحمد لله إنها عدت على خير وربنا نجاني واداني فرصة تانيه
والدتها.... الحمد لله يارب... الحمد لله
............  .................   .............
في منزل مسعد
عليا..... نورتي البيت يا أسماء
اسماء....منور بصحابه يا عليا
مسعد....خدتي راحتك بقي ونامي براحتك
اسماء..... لأ لازم اصحي بدري علشان عندي حضانه وعندي جامع بعد الضهر
وبعدين جنات لو عرفت إني مشيت من غير ما أقولها هتزعل أوي
مسعد....مش هينفع بقي تروحي هناك علشان أهل خطيبك.... إنتي بقي تسيبي الحضانه علشان تبدأي تجهزي نفسك.مفيش قدامك غير شهر
وبكره تروحي تجيبي حاجتك وتسلمي على صحبتك
اسماء لنفسها.... جنات هتزعل أوي علشان هسيبها دا إحنا كنا بنقضي النهار كله سوا
 كانت جنات تقف مع أسماء تبكي وقالت
يعني أنا خلاص مش هلاقي حد أقعد معاه...متسبيش البيت يا أسماء
اسماء.... يعني أنا أول مرة دخلت البيت عليكي كنتي بتعيطي ودلوقتي وأنا سايباه برضه بتعيطي
ابتسمت جنات وقالت.... إنتي أول مره دخلتي عليا كنت عايزه اموتك أصلا
اسماء....قلبك أبيض....كانت ايام وراحت لحالها
خرجت عليهم عليا فقد كانت تجمع أشياء من الغرفه وقالت
كلها شهر وأقل كمان وتيجي تقعد معاكي في نفس الشارع
جنات.... برده شهر كتير
اسماء.... إيه ده الشهر ده كله هتلفي معايا نشتري الجهاز
جنات....دا أنا عنيا ليكي لو احمد وافق هروح معاك في كل حته
اسماء....نعم هو ممكن ميوافقش
جنات....ممكن جدا
عليا.... لأ هو لازم يستغني عن خدماتك الشهر ده...اعملي أجازه بدون مرتب الشهر ده
جنات...وياتري إنتي عملتي الاجازه دي مع مسعد
عليا بمرح.... أنا قدمت طلب ولسه متوافقش عليه
جنات....ومش هيتوافق صدقيني
عليا..بضحك.. خلاص هقدم استقالتي
ضحكت جنات وأسماء
.............   ............   ................
في منزل ياسين
كان يجلس هو ووالده ووالدته
ياسين....همهد لبناتي إزاي موضوع جوازي
والدته....يا إبني دول اطفال مش هيفهمو الكلام ده
ياسين.... اطفال إيه بس يا ماما.... دول... رانيا عندها ٧سنين
وريهام عندها ٤سنين
والده....وهو لو مش هيفهمو بس هيحسو
والدته...دي أمهم ماتت من ٣سنين يا حبة عيني...واتحرمو منها بدري... يعني مش هيحسو بالغيرة
ويارب أسماء دي تبقى كويسه وتعوضهم عن حنان أمهم
ياسين.... إن شاء الله يا ماما هتبقى كويسه
والدته....بس إنت متأكد يا ياسين إنك مش عايز أولاد تاني
ياسين....لو ربنا كاتبلي اولاد هجيب أولاد
والدته.....بس إنت عارف أنها ممكن متخلفش
والد ياسين.....ملوش لازمه الكلام ده يا أم ياسين. .الناس مكدبوش علينا وقالو لينا على كل حاجه من قبل ما ندخل بيتهم وابنك وافق وراح أتقدم... مينفعش دلوقتي نرجع نقول خلفه ومش خلفه
والدته.... أنا بس بتأكد منه ليكون حاطط في دماغه الخلفه
وفي الآخر يتصدم
ياسين... لأ يا أمي أنا راضي جداً ...ورانيا وريهام ماليين عليا الدنيا
والدته.... ربنا يا إبني يتمملك على خير ويجعلها جوازة الهنا عليك وعلي أولادك
...........   ............  ...............  .......
عند مسعد
 قام بحجز قاعه افراح هديه لأخته
وذهب إلى محل الأدوات الكهربائية فهو ملك صديقه.. واتفق معه أن أسماء سوف تأتي هي وزوجته...فيدعهم يختارو كل ما يريدون... وأن يريهم افضل الأجهزة الذي لديه
وذهب إلى منزل زوجة سعيد وأخبرها بخطبة أسماء وحكي لها على كل شيء...واتي بها إلي منزله هي وأولادها حتي يجمع شمل العائلة من جديد...وكي تبارك لأسماء
دخلت سهيله ووجدت أسماء وعليا يضحكون ووجدت وجه أسماء مفعم بالحيوية والحياة... وكأنها فقدت عشر سنين من عمرها
دخلت والقت عليهم التحيه وسلمت عليهم وحضنت أسماء أولاد سعيد بإشتياق  شديد
وقالت بتأثر..... وحشتوني... وحشتوني أوي يا اولاد
مسعد....عاليا تعالي عايزك
عليا....حاضر
دخلت عليا مع مسعد ووقفت سهيله مع أسماء وقالت
لو كانو وحشوكي يا أسماء كنتي سألتي عليهم وعلي أمهم
اسماء بإبتسامه حزينه....هسأل عليكم بعد ما بعتوني....وكمان بعتوني بالرخيص أوي
وإنتي بالذات يا سهيله...روحتي قولتي كلام أنا مقلتوش وخليتي أخواتي يجوزوني غصب عني
سهيله.... أنا كنت عايزه مصلحتك
اسماء....مصلحتي أنا.... إنتي كنتي عايزه مصلحتك إنتي بس مش مصلحتي أنا... وبعدين أنا عايزة أشكر ربنا علي تدبير أموري
أنا لولا الجوازه دي....مكنتش حفظت القرآن الكريم إللي هو أهم حاجة في الدنيا....ومكنتش خرجت واشتغلت وعرفت يعني إيه ناس تحبني وتحترمني....كان زماني قاعده في بيت أبويا مش بخرج منه أبدا ولا حد يعرفني ولا أنا أعرف حد
ومكنش ياسين  شافني وجه اتقدملي علي اقتناع تام بيا وبشخصيتي .. وهو إللي مخترني بنفسه
ومكنتش عرفت صديقه عمري جنات... إللي حسستني إني ليا أخت تخاف عليا وتحتويني....تفرح لفرحي وتزعل لحزني
عرفت يعني إيه ناس نقيه لسه الدنيا ملوثتهاش
مش ناس أهم حاجة مصلحتها حتي لو ده هيأذي غيرها
ضحكت سهيله بوجع وقالت...  عارفه إنك بتلقحي عليا بالكلام بس. سعيد مات يا أسماء.... عارفه يعني ايه سعيد مات....يعني سهيله مش عايزه أي حاجة من الدنيا غير إنها تروحله بس
ياريتني ما خليته يجوزك....ياريته ما حضر كتب كتابك
ماهو مات بسبب كده....ياريته ما خرج في اليوم ده
اسماء بتأثر....دا أجله ودا نصيبه والموته دي مكتوباله...يعني كان هيموت كده حتي لو مفيش كتب كتاب
سهيله.... لا حول ولا قوة إلا بالله...واتنهدت تنهيده طويلة وقالت
أنا آسفه يا أسماء عارفه إني ممكن اكون اذيتك...بس ربنا عاقبني واخد مني اغلي حاجه في حياتي
وأنا دلوقتي بطلب منك تسامحيني علشان خاطر سعيد..  عايزاه يكون مرتاح في تربته
اسماء.... إحنا فضلنا زي الأخوات سنين كتير.... وأنا مش هضيع العشره الطويلة دي علشان موقف
أنا مسمحاك يا سهيله
حضنتها سهيله وانتهي الخلاف بينهم
اسماء.... تعملي حسابك إنك هتنزلي تشتري معايا في الجهاز
هاخدك إنتي يوم وعليا العسل دي يوم وجنات يوم
سهيله.....من عنيا يا أخت الغالي
........وتمر الأيام على أسماء وهي يوميا تشتري كل ما تريد لم تدع شيئاً إلا وقد اشترته.... تشعر بفرحه في قلبها تتمني من الله ألا تزول ابدا
وياسين يأتي إليها مرتين في الاسبوع حتي يتعرفو علي بعضهم البعض
كانت أسماء سعيده بكل شئ حولها...بفرحه من حولها لها وبنظرة الفرحة التي تراها في عين ياسين
وكانت سعيده بتغير مسعد معها
كل ما حولها يشعرها بالتفاؤل كل من حولها سعيد
ومرت الايام واتت حنة أسماء كانت ليله من أجمل ليالي عمرها
تجمع حولها الأهل كلهم...عمتها سعيده وتزغرط من قلبها..وخالتها كل دقيقه تحتضنها وتبارك لها وتدعو لها بالذريه الصالحه
وجنات وسهيله وعليا يوزعون العصائر على المدعوين ويرحبون بهم
اتت ابنة خالة أسماء حضنتها وباركت لها
وقالت
ألف مبروك يا أسماء....بس إيه الجمال ده يا بنتي...الحنه بتاعتك فيها روح حلوه أوي
بس إنتي عارفه لو كنتي شغلتي أغاني مهرجانات كان هيبقي الفرح جامد جامد
اسماء بمرح....ماهو جامد برضه بالاغاني الاسلاميه....دي هي أصلا إللي مخليه الفرح ليه روح حلوه
تجمعت البنات حول أسماء..وجنات وعليا وسهيله
والتفو حولها وظلو يطوفون حولها وهم سعيدين وهي واقفة في داخل الدائرة تسقف معهم وتضحك
 في قاعة أفراح جميله...مزينه بأجمل شكل
تطل أسماء بالابيض ووجها ينوره الفرحه والسعادة
دخلت إلي القاعه الخاصة بالنساء
ودخل ياسين إلي القاعه الخاصة بالرجال
التفت النساء حول أسماء يباركون لها...
كانت أسماء تشعر أنها داخل حلم جميل جداً... طالما حلمت بتحقيقه....كم كانت تتمني أن تشعر أنها مثل كل الفتيات
كم كانت تتمني أن يكون لها منزل واسره...وهي ربة هذا المنزل
كم كانت تحلم بهذا اليوم وهي ترتدي هذا الفستان المنفوش
كم مره نظرت إلى الفساتين البيضاء وتخيلت نفسها ترتدي أحدهم...وهي سعيده
وها هي أحلامها تتحقق أمام عينها.... فاقت من سرحانها علي يد جنات توضع على يدها وتنظر إليها وهي مبتسمة سعيده
جنات....بسم الله ماشاء الله الله اكبر... إيه الجمال ده يا أسماء.... ربنا يحفظك من كل عين
اسماء.....دا إنتي إللي عنيكي حلوه علشان كده شايفه كل حاجه حلوه
اتت عليا وقالت.... اسمااااااء.. الله أكبر هي الحلاوه دي
ألف مليون مبروك يا قلبي
اسماء.... الله يبارك فيكي يا عليا
سهيله..... ألف مبروك يا أسماء.... ربنا يتمملك على خير يارب
اسماء.... الله يبارك فيكي يا سهيله عقبال ما تفرحي بالاولاد
اتت والدة ياسين وهي تمسك في يدها رانيا وريهام
احتضنت أسماء وباركت لها وقالت
ألف مبروك يا حبيبتي ربنا يتمملكم على خير
اسماء..... الله يبارك فيك يا ماما....ازيك يا رانيا ازيك يا ريهام عاملين ايه....عقبال فرحكم يارب
رانيا.... الحمد لله...
ريهام.....طنط أسماء أنا عايزة ألبس فستان زي بتاعك ده
اسماء....يا حبيبتي مقولتيش ليه.... إن شاء الله هشتريلك فستان أحلي منه
ريهام....ماشي وهاتي لرانيا واحد كمان
رانيا..... أنا مش عايزه حاجه
الجده....طيب يلو نقعد يا بنات علشان مش قادره أقف
ذهبت الجده ومعها الاولاد والتف أصحاب أسماء يضحكون ويمرحون ويسقفون لأسماء... وهي تتفاعل معهم بسعادة
واندمجت معهم.... ووقفت عليا وقالت يا جماعه بدأو في كتب الكتاب
انفجرت القاعه بالزغاريد... وتوقفت الفرقة الاسلاميه عن الانشاد.... وذهبت أسماء حيث يجلس المأذون...وكان بجوارها جنات وسهيله وعليا
وعندما
ردد الشيخ بارك الله لكما وبارك عليكما وجمع بينكما في خير
احتضنت أسماء جنات بشده معبره عن سعادتها
عادت أسماء إلي القاعه وظلت تنشد مع السيدات وهي سعيده....وكان هذا يوم من اجمل ايام حياتها
أنتهي الفرح بسعادة على الجميع وذهبت أسماء إلي عش الزوجية في يد زوجها
وعاد كل شخص إلي منزله
وصلت أسماء إلي المنزل وذهبت إلى شقتها
ياسين بإبتسامه حنونه... نورتي بيتك يا ست البنات
اسماء بإبتسامه...  منور بأصحابه
ياسين... مالك مكسوفه أوي كده
اسماء بكسوف... مش مكسوفه ولا حاجه
ياسين بإبتسامه....طيب يلي نبدأ حياتنا بالصلاة علشان ربنا يباركلنا فيها...
اسماء بإبتسامه....ماشي يلا نصلي
وبدأت حياتهم الزوجية السعيدة....وهم يحاولون أن يرضو الله
...............   ..............   ............
في شقة جنات
جنات بسعادة..... أنا فرحانه اوي لأسماء يا أحمد...يارب باركلها في حياتها يارب
احمد.... وأنا والله فرحان ليها ربنا يصلح ذات بينهم يارب
جنات..... فاكر يوم فرحنا يا احمد
احمد....دا كان أسعد يوم في حياتي دا كنت من كتر الفرحه كنت هتتجنن...دا أنا قعدت أحلم كام سنه.. إن ربنا يجمعني بيكي في بيت واحد
جنات.... أمي كانت بتقولي يا بنتي احمد إيه ده إللي مش لاقي ياكل إللي موافقه عليه...دا إنتي جالك عرسان تفرح القلب
مكانتش تعرف إني كنت كل يوم بدعي ربنا إنك تكون من نصيبي
احمد.... عارفه إيه أحلي حاجه في حبنا..... إن أنا وإنتي كنا بنحب بعض....بس حفظنا حبنا في قلبنا ومحدش صرح بيه للتاني...غير بعد ما اتجوزنا في الحلال
وربنا عمي عينك عن كل الرجاله إللي اتقدمولك علشان تستنيني لما أجهز نفسي
وزي ما إحنا ما اغضبناش ربنا....قبل الجواز ربنا كافئنا وخلانا من نصيب بعض
جنات.....ونصيبي طلع أحلي نصيب في الدنيا
...............   ..............   ..............
في منزل سهيله
كانت داخل غرفتها تمسك صورة سعيد وتبتسم بوجع.. وتقول...
ألف مبروك يا سعيد.... اسماء خلاص اتجوزت....وهي كانت فرحانه اوي ومبسوطه
أنا عارفة إنك دلوقتي فرحان لأسماء علشان إنت كنت شايل همها....ودايما كنت بتدعلها
بس أنا بقولك اطمن عريسها شكله بيحبها وشكله كويس
وكنت عايزه اقولك مسعد حاله اتصلح وبقي كويس..وبقي بيعامل أسماء كويس
كنت دايما بتدعيله إن ربنا يهديه... وربنا استجاب دعواتك
بس أنا انهارده مكنتش فرحانه.....وبدأت سهيله تزيد في البكاء
كان نفسي تكون إنت إللي موجود بتسلم اختك لعريسها وتوصيه عليها
كان نفسي تكون إنت وكيلها
كنت عايزاك جمبي يا سعيد أنا كنت حاسه اني وحيده أوي
كان نفسي اسيب الفرح وامشي....
كانت والدتها في الخارج سمعت صوتها فطرقت على الباب بقلق وقالت
سهيله إنتي كويسه
مسحت سهيله دموعها بسرعه وقالت.... أيوه يا ماما كويسه الحمد لله
والدتها.....طيب يلي علشان تاكلي... إنت قافله الباب علي نفسك ليه
سهيله..... دقيقه واحده يا ماما بغير هدومي وجايه
نظرت سهيله إلي صورة سعيد وقالت
أنا هقوم أخرج دلوقتي علشان ماما مش هتسكت وهرجع تاني أكمل كلامي معاك
................     ................   ...........
في منزل مسعد
عليا..... ألف مبروك يا مسعد
مسعد براحه..... الله يبارك فيك يا عليا.... أنا فرحان أوي لأسماء....وبتمني من ربنا إن يرزقها بالذريه الصالحه
عليا..... أيوه كده طلع الراجل الطيب إللي جواك...دافنه ليه كده
مسعد.....تصدقي إنك بنت قفيله
عليا.... فعلاً بابا كان دايما بيقولي كده
مسعد....طيب ابوكي ليه مقاليش قبل ما ادبس فيكي
عليا..بمزاح...نااااعم بقي عليا العسل السكر دي تدبيسه
دا أنا قمر....دا أنا من غيري مش عارفه كنتو هتعيشو في الدنيا إزاي ....يا إبني دا بابا كان مسميني عليا نوارة البيت
مسعد بابتسامة.... فعلاً إنتي أي بيت بتدخليه بتنوريه
حتي حياتي الكئيبه دخلتي إنتي نورتيها
عليا....يا إبني الكلام ده أنا عارفاه... أنا ما شاء الله عليا قمر
مسعد.....يبا لتواضعك يا عليا
...............   ................  ................
في شقة ياسين
ياسين بإبتسامه..... إيه ده إنتي لسه بنت
هزت أسماء رأسها بخجل بمعنى نعم
ياسين..... إزاي إنتي كنتي متجوزه
اسماء...بخجل.. فعلاً بس الجواز ما تمش كامل....كنا مكتوب كتابنا بس
ياسين بإبتسامه حنونه.... دا احلى حاجه حصلتلي في حياتي
ألف مبروك يا احلى عروسه في الدنيا
في منزل ياسين
كانت كل العائله مجتمعه يباركون لأسماء وياسين
..مالت جنات على ودن أسماء وقالت .... أيوه بقا... إيه الحلاوه دي يا عروسه
والعريس كمان وشه نور
اسماء بمزاج....قولي ما شاء الله يا جنات....هتدينا عين
جنات.بضحك....انا مش بحسد أنا بقر بس
ضحكت أسماء وقالت....تعالي معايا المطبخ علشان نجيب جاتو وعصير
دخلو المطبخ وقامو بتجهيز كل شئ وقدموه للضيوف
وجلست أسماء بجانب عليا وقالت....مالك يا عليا شكلك تعبان ليه كده
عليا.....دايخه والله يا أسماء وكمان عايزه أرجع....شكل المجهود إللي عملناه في الفرح بيطلع على عيني
جنات.....وممكن تكوني حامل
عليا بإبتسامه مملوؤه بالأمل......بجد يا جنات  ممكن اكون حامل.....ورجعت إلي حالتها مره أخري وقالت
لأ أنا مش هعلق نفسي بأمل وخلاص الدكتور قال لسه قدامنا شويه
اسماء....هتخسري إيه يعني أعملي إختبار....لو طلع في حمل خير وبركه وتلحقي تتابعي مع دكتورة من أول الحمل
مطلعش في حاجة يبقي خلاص لسه ربنا مأردش
عليا بأمل....صدقوني لو طلع في حمل هجبلك هديه جامده إنتي وهي
جنات..... إن شاء الله ربنا يفرح قلبك
ظلو يتحدثون كثيراً وجميعهم سعداء وبعد وقت استأذنو ليرحلو
احتضنت أسماء البنات بشده وخاصة سهيله لأنها كانت تجلس شاردة ولا تتحدث إلا عندما يوجه لها أحدا سؤالاً
سهيله بإبتسامه حزينه.... ألف مبروك يا أسماء....سعيد فرحان علشان إنتي فرحانه
اسماء.... ربنا يرحمه يارب وينور قبره
خرج الجميع وبقيت جنات وأحمد
احمد.... ألف مبروك يا ياسين... ألف مبروك يا استاذه أسماء ربنا يوفقكم في حياتكم
اسماء.... الله يبارك فيك يا احمد عقبال ما تفرح بأولادك
احمد....اللهم آمين
ورحلت جنات وأحمد وبقيت والدة ياسين والبنات
والدة ياسين .... أنا نازله يا حبيبي أنا والبنات
اسماء... اقعدي معانا شويه يا ماما....وخلي رانيا وريهام قاعديين معانا
والدة ياسين..... لأ خلي البنات معايا الاسبوع ده...واسيبكم أنا ترتاحو
نزلت والدة ياسين والبنات إلي شقتهم.. وبقيت اسماء وياسين
اسماء.... مالك يا ياسين حصلت حاجه زعلتك
ياسين.... اقعدي يا أسماء عايز أتكلم معاكي شويه.   هو إيه حكايه احمد... إزاي يعني واحد ييجي يحضر صباحية طليقته ويحضر فرحها ويحضر الاتفاق بتاعها....مش فاهم
اسماء....ما أنت عارف يا ياسين إنه كان جواز على ورق بس
ياسين....ماشي بس هو ليه يحضر فرحك وصباحيتك
اسماء.....بيحضر بصفته جوز صاحبتي....وبيحضر بصفته صاحب أخويا....
ياسين....مش هكدب عليكي يا أسماء.... أنا ادايقت أوي لما لقيته بيكلمك وهو خارج...
اسماء....يعني ايه
ياسين..... أنا واثق فيكي جدا جدا..  بس مش عايزك تتكلمي مع احمد ولا مع أي راجل تاني...وعايزك تتفهمي غيرتي عليكي
ابتسمت أسماء وقالت.... حاضر
............   .......  ..........   .............
عادت عليا إلي المنزل وذهبت إلى الصيدلية بسرعه واشترت إختبار وعادت
مسعد.....مالك متوتره كده...وكنتي بتعملي إيه في الصيدليه
عليا بسرعه....مفيش حاجه اوعي إنت بس كده من طريقي
مسعد..... رايحه فين
عليا..... داخله الحمام وإنت معطلني اوعي بقي
مسعد باستغراب..... وربنا مجنونه
دخلت عليا الحمام وامسكت الإختبار بيد مرتعشة ...تخاف كثيرا
عملت الاختبار بأعجوبة من كثرة توترها....
وعندما وجدت الشرطة الأولي ظهرت والشرطة الأخري بدأت في الظهور ظلت تنظر لها بزهول....وظهرت الشرطة الثانية بوضوح... أمسكت الإختبار وخرجت إلى غرفة النوم وظلت تصرخ بسعادة وتتنطط
دخل مسعد على صراخها وقال بخضه..... فيه إيه
أعطته عليا الإختبار ونظرت له بسعادة وقالت..... أنا حامل يا مسعد أنا حامل
صمت مسعد قليلاً وبانت على وجهه الصدمة وقال.... إنتي متأكده
عليا.بفرحه ... أيوه متأكده... الإختبار في إيدك اهه
مالك إنت من الفرحة مش عارف تتكلم
مسعد..... طبعاً فرحان.... أنا خارج دلوقتي عندي مقابله مهمه ولما ارجع نتكلم
خرج مسعد...وركب سيارته وابتعد عن المنزل وأمسك هاتفه وطلب رقم ما وانتظر أن يجيب.. وعندما فتح الخط قال
إيه يا دكتور أنا مراتي حامل إزاي.... إنت مش قولتلي إن الحبوب إللي بحطهالها في العصير هتمنع الحمل.... أنا عايز اعرف هي حامل إزاي وإنت مأكدلي إنه مش هيحصل حمل
...............   مر اليوم بسلام على الجميع ماعدا مسعد الغاضب ويحاول ألا يظهر ذلك لزوجته حتي يذهب إلى الطبيب ويفهم منه كل شئ
في صباح يوم جديد أخذت جنات ابنتها الصغيرة معها إلي السوق وذهبت لتشتري الخضار وتركت الولد مع جدته
الجده....ما تسيبي جني تلعب مع اخوها يا جنات
جنات...لما بيكونو مع بعض بيخرجو يلعبو في الشارع... وإنتي عارفه موضوع الخطف إللي منتشر اليومين دول
مش عاتقين ستات ولا شباب ولا أطفال ربنا ينتقم منهم
الجده....يارب زي ما بيحرقو قلب كل واحد على عياله
جنات..... أنا هاخد جني معايا وهديله هو التليفون يلعب بيه وهو مش هيخرج...بس بالله عليك لو حد من العيال نده عليه متخلهوش يخرج أنا ماشيه
خرجت جنات وعندما وصلت إلى سوق الخضار شالت جني ودخلت إلي السوق وبدأت تشتري ما تريد
كانت يوجد رجل يبيع ملابس أطفال يقف على جنب وبجانبه سيده تحاول أن تشرح له حجم ابنتها حتي يأتي لها بالمقاس المناسب
كانت جنات تمر من جانبهم وسمعت ما يقولون فأوقفتها السيده وقالت بنتي في جسم البنت دي
ممكن لو سمحتي اقيس الطقم ده علي بنتك كده من بره
علشان بنتي في جسمها كده
جنات....ماشي أنا قسيه وأنا شايلاها
البائع......هوريكي بقي فستان هيعجبك أوي أوي هطلعهولك
أخرج الرجل الفستان ووضعه أمام جنات وابنتها وبدأ يضعه على الفتاه
جنات لنفسها..... أنا خايفه ليه كده..  لتكون دي طريقه جديده بيخطفو بيها
وفجأة وقعت جنات علي الأرض مغشي عليها هي وابنتها
السيده.....يالهوي أختي حد يلحقني
اجتمعت بعض السيدات وأتت سيدتان وحملو جنات وقالو
إحنا لازم نوديها المستشفى حالا
وحملت السيدة التي كانت تقف مع الرجل جني وذهبت بها
إلي السيارة ورحلو
 والدة احمد.....كانت تحدث احمد علي الهاتف وتقول
أيوه يا احمد مراتك يا بني راحت السوق من الصبح ومعاها البت ولسه مرجعتش لحد دلوقتي وادينا بقينا العصر ورنيت عليها ييجي ميت مره تليفونها مقفول وروحت أسأل عليها عند أسماء قالتلي إنها مشافتهاش
احمد بقلق.. أنا كمان برن عليها تليفونها مقفول طيب أنا هرن كده على حمايا يمكن راحت عنده
والدته..  طيب رن يا إبني وطمني
اتصل احمد علي والد جنات وأخبره أنها لم تأتي اليوم فحاول احمد أن يطمئنه واغلق معه الهاتف
وقام بالاتصال على ايه أخت جنات ربما تكون ذهبت إليها
ولكن أيه أخبرته أنها لم تأتي لها وقلقت أيه بشدة وحاول احمد أن يطمئنها واغلق معها الهاتف وقد تمكن القلق منه بشده فترك العمل وذهب إلى المنزل ليبحث عنها
بحث عنها احمد في كل مكان من الممكن أن تذهب له
وفجأة انقلبت الدنيا رأسا على عقب الكل علم بإختفاء جنات وابنتها
الجميع يبحث عنها.  
أخواتها في منزلها يبكون بشدة على اختهم الكبيرة... التي هي بمكانة والدتهم الآن
اسماء في منزلها تبكي بشدة وتدعو الله وتتضرع إليه ألا يصيب جنات وابنتها سوء
ذهب احمد ووالد جنات إلي قسم الشرطة ليقدمو بلاغ باختفاء جنات
الظابط. ..هي مختفيه من أمتي
احمد.....من انهارده الصبح على الساعه ١٠ كده
الظابط....للأسف لازم يمر على اختفائها ٢٤ساعه علشان تقدر تقدم بلاغ
احمد بإنفعال.... لسه هستني ٢٤ساعه يكونو إللي خاطفهم موتهم
الظابط.بغضب .... إنت توطي صوتك وتحترم نفسك
والد جنات بهدوء عكس ما بداخله....يا بني بنتي مختفيه من الصبح... وإنت عارف حالات الخطف إللي منتشرة أوي اليومين دول... أعتبرها بنتك يا إبني وبالله عليك اتصرف
أنا بنتي ممكن تموت ولا يجرالها حاجه
الظابط بهدوء.... والله يا حاج أنا حاسس بيك....بس ده القانون أعمل إيه....لازم يمر على اختفائها يوم كامل
احمد وقد فقد صبره....قانون زفت على دماغكم....لما تبقو عارفين إن واحده وبنتها مخطوفين وانتو قاعدين مستنين يعدي يوم كامل
هو ده دوركم...هي دي الشرطة إللي في خدمة الشعب
هو ده القانون إللي بيراعي مصلحة المواطنين
مراتي وبنتي مش عارف إن كانو ماتو ولا عايشين وانتوا مش عايزين تتحركو تحت إسم القانون
هي دي مصر ام الدنيا....مصر بلد الأمن والأمان...ولادها بيتخطفو ويتباعو أعضاء بشرية ...ونلاقي الجثث مرميه على الطريق متفرغه من أعضائها
هو ده دور الشرطة إللي بتحافظ على أمن البلد
واحده تتخطف في عز النهار وقدام الناس
الظابط. بغضب.....خده يا حاج وامشي علشان اقسم بالله كلمه كمان وهرميه في الحجز.... أنا مقدر الظروف إللي هو فيها علشان كده مش هتكلم
ومن هنا لبكره لو ما ظهرتش تقدر تيجي تقدم بلاغ
كاد احمد أن يتحدث ولكن أوقفه والد جنات وقال
يلا يا ابني ندور عليها ونحاول نشوفها في أي حته
خرج احمد من القسم وقال
أنا هتتجنن إزاي الشرطة مش عايزه تتحرك
والد جنات... تعالي نسأل تاني في السوق يمكن نوصل لحاجه
احمد....سوق إيه دلوقتي بس يا عمي السوق قفل من بدري
تعالي نروح البيت ونحاول نفكر
كان احمد سوف يجن فهو لا يعرف أين زوجته وابنته
والشيطان يصور له ابشع السيناريوهات في رأسه
كاد رأسه ينفجر من كثرة التفكير
كان والد جنات يسير وهو يشعر بالضعف وقلة الحيلة
دموعه تنزل كلما خيل له أن ابنته حدث لها شئ ولكنه يمسح دموعه سريعاً قبل أن يراها احمد
عادو إلي المنزل ووجدو فيه حالة حزن وبكاء شديد
دخل احمد إلي غرفته يحاول أن يفكر في طريقه يعرف منها أين مكانها الآن
ودخل والد جنات توضأ وقام يصلي ويدعو الله أن يحفظ ابنته وحفيدته وعندما أنتهي من صلاته نزل إلي الشارع
هو وزوج ايه أختها يبحثون عنها في الشارع
صلي احمد العشاء ونزل يبحث عنها في كل المستشفيات
في محاولة منه أن يجدها
...............    .............   .................
في منزل مسعد
مسعد.....يلي بقي يا عليا اتاخرنا على ميعاد الدكتور
عليا..... خلاص أنا جهزت اهه
ذهبت عليا برفقة مسعد إلي الدكتور الذي فحصها واخبرهم أن عليا في شهرها الثاني من الحمل
غضب مسعد بشدة ونظر للدكتور بغصب ولكنه يحاول ألا تري عليا هذا الغضب
كانت عليا سعيده للغايه بهذا الخبر السعيد ولكنها تشعر بشيء غريب بخصوص مسعد
أنتهي الطبيب من فحصها واخبرهم بكل ما يجب عليهم فعله
. مسعد.... انزلي إنتي يا عليا استنيني في العربيه علشان عايز أسأل الدكتور كده على حاجه بتوجعني
عليا بإستغراب.....هتسأل دكتور نسا على حاجه بتوجعك
مسعد....ماهو دكتور وخلاص يا عليا واكيد دارس انزلي إنتي بس وأنا جاي وراكي
نزلت عليا إلي الأسفل وهي تشعر بشيء غريب تجاه مسعد وقررت بينها وبين نفسها أن تعرفه
بعدما اطمئن مسعد أن عليا نزلت نظر الطبيب وقال
أنا عايز اعرف إزاي يحصل حمل وأنا بحطلها كل يوم البرشام في العصير
الدكتور....اكيد إنت نسيت يوم... أو هي مشربتش العصير
مسعد بغضب....والعمل دلوقتي
الدكتور.....عمل إيه هي خلاص دلوقتي حامل و إبنك اللي جاي في السكه خلاص
مسعد..... أسمع إنت تكتبلي على برشام احطلها برضه في العصير يخليها تسقط الطفل من غير ما يبان إني ليا يد في الموضوع
..........    ..............  .......
مرت الليله حزينه على الجميع لم يذق فيها أحد طعم النوم جميعهم يبكون والرجال لم يأتو بعد فما زالو يبحثون عنها في كل مكان
حل عليهم الصباح وأسرع احمد ووالد جنات إلي قسم الشرطة يقدمون بلاغ بإختفاء جنات.. وابنتها
سمع منهم الظابط كل شئ ووعدهم أنه سيفعل كل ما بوسعه حتي يعثرو عليها
وعادو إلي المنزل على أمل أن تكون قد أتت وهم بداخلهم يقين إنها لم تأتي
احمد بغضب شديد.....يومين وأنا مش عارف مراتي وبنتي فين وإنت بتقولي أهدي.... أهدي إزاي
الظابط.... حضرتك إحنا قربنا نوصلها وشايفين شغلنا مينفعش إللي إنت بتعمله ده
والد جنات..... يا إبني حسو بالنار إللي في قلبنا.... إحنا بنموت في اليوم ميت مره واحنا مش عارفين مكانهم
وبيجي في دماغنا أسوأ التخيلات إللي بتقتلنا بجد
الظابط....يا حاج والله إحنا عارفين كل الكلام ده وشغالين بإدينا واسنانا
اتفضلو إنتو ولو في اي جديد هنبلغكم
والد جنات....  لله الأمر من قبل ومن بعد يلا يا احمد يا إبني
كانت أعين احمد شديدة الاحمرار من كثرة الغضب....والحزن
لم يذق طعم النوم منذ ما حدث
خرج احمد ووالد جنات من القسم وقال أحمد
روح إنت البيت يا عمي أرتاح وأنا هلف تاني على المستشفيات
والد جنات..... أنا جاي معاك يا إبني....هيكون في راحه وأنا مش عارف بنتي فين وحفيدتي
قام والد جنات وأحمد باللف على المستشفيات ولكنهم لم يحصلوا على أي جديد
عادو إلي المنزل وذهب والد جنات إلي منزله حتي يغير ثيابه ويعود لأحمد مره أخري
دخل إلي غرفته وفرش سجادة الصلاة
وظل يدعو ويتضرع إلي الله أن ينجي ابنته ويطمئنه عليها
دخل عليه بناته وقالوا
مفيش أي جديد يا بابا
مسح دموعه وقال.... الأمل في ربنا كبير أن يرجعها بالسلامه هي وبنتها
ادعولها...ادعولها يا بنات
............. ...     ...............   ...............
في منزل احمد
دخل غرفته وظل يبكي بشدة يشعر بالعجز الشديد وقلة الحيله
فزوجته حب عمره وحلم حياته وشريكته في الحياه
وابنته نور عين أبيها وفلذة كبده
لم يعرف عنهم أي شيء....بل مخه يصور له أنه حدث لهم أسوأ شئ
ظل يستغفر الله ويدعوه أن يعيدهم إليه سالمين
قام يصلي ويدعو الله أن يعيدهم إليه
وهو لا سجادة الصلاة غلبه النوم ونام
..............   ...............    ....     ..........
في منزل مسعد
كانت عليا تنزل على السلم بسعادة وهي تضع يدها على بطنها
وتكلم جنينها سمعت صوت مسعد ووالدها اتو في الاسفل
فنزلت بسرعه ولكن أثناء نزولها داست بقدمها على طرف العبايه فوقعت من على السلم إلي الأسفل
دخل والدها بسرعه هو ومسعد ووجدو عليا أسفل السلم وحولها دماء كثيره وعليا تمسك بطنها وتبكي على جنينها
رفعها مسعد بسرعه وذهب بها إلي السياره ووالدها جلس بجانبها يهدئها فهي تبكي بشده
أهدي يا بنتي إيه إللي حصل وايه إللي وقعك من على السلم
عليا ببكاء شديد.... إبني خلاص راح مني بسبب غبائي وتهوري
مسعد بقلق شديد عليها..... أهدي يا عليا إن شاء الله خير
عليا..... إبني يا مسعد
مسعد.... إن شاء الله هيكون كويس
وصلو إلي المستشفي وحملها مسعد ودخل بها وهي بدأت تفقد الوعي بسبب النزيف
أدخلها للطبيب بسرعه فحصها واخبرهم أن الجنين نزل
وهم معها في الغرفة..يفعلون الازم لها
................   .................   .......     . .. .. ......
في منزل سهيله كانت تجلس مع والدتها وحولها أبنائها
فقالت لهم جدتهم.... ادخلوا جوه يا حبايبي أنا عايزة ماما في موضوع
دخل الاطفال وجلست والدة سهيله مبتسمه وسعيدة
سهيله.....خير يا ماما إيه الموضوع اللي عايزاني فيه
والدتها.....بصي في الأول قبل ما أفتح الموضوع عايزاكي تسمعيني للآخر ومتقاطعنيش
سهيله..... أدخلي يا ماما في الموضوع على طول
والدتها...... طبعاً يا بنتي إنتي عارفه إني مش هعيشلك طول عمري.... وإن لازم يكون في حد معاكي يحافظ عليكي وعلى الاولاد...ويحميكم من كلام الناس إللي مش بيرحم
سهيله.... يا ماما قولتلك أدخلي في الموضوع على طول
والدتها بخوف من ردة فعلها.... بصراحه كده جالك عريس
بس إيه إبن ناس ومحترم و .  
وقفت سهيله بصدمه وقالت....عريس... إنتي بتقوليلي عريس يا ماما....طيب وسعيد
والدتها..... سعيد خلاص مات يا بنتي
سهيله.....مات....ولما هو يموت أنا أروح اتجوز....دا أنا إللي مصبرني على فراقه إني بدعي ربنا أكون أنا زوجته في الجنه
عايزاني اتجوز غيره...وهو الراجل الحنين إللي عمره ما زعلني....عيشت عمر معاه وهو بيعاملني إني أمه وأخته ومراته وحبيبته ولما يموت اتجوز أنا غيره
دا أنا كنت بغير عليه من الهوا... كان نفسي يكون ليا بيت لوحدي علشان هو يكون معايا لوحدي
كنت بغير عليه لما كنت بشوفه يحضن أخته وأشوف حنيته عليها
تيجي كده بكل بساطة تقوليلي اتجوزي
والدتها.....يا بنتي علشان عيالك محتاجين اب وإنتي كمان محتاجه حد يحافظ عليكي
سهيله..... وإنتي متجوزتيش ليه لما بابا مات علشان حد يحافظ على عيالك ويحافظ عليكي
والدتها.....ملكيش دعوة بيا أنا.... أنا... أنا...كنت كبيره في السن
سهيله...... آه كنتي كبيره....مكنتيش كملتي 35سنه وكبيره واتقدملك ناس كتيره وإنتي كبيره برضه صح
والدتها.....يا بنتي أنا خايفه عليكي
سهيله بصرامة.....ماما الموضوع ده اتقفل خلاص....مفيش حاجه اسمها عريس وأنا استحالة اتجوز بعد سعيد
................   ..................      ................
في منزل ياسين وأسماء
ياسين...... كفايه عياط وحزن بقي يا أسماء
أسماء بصوت متقطع من كثرة البكاء
دي صحبتي وأختي...دا أنا كنت بحس إنها أمي من حنيتها عليا...كده محدش يعرف عنها حاجه خالص
أنا هموت من الحزن يا ياسين
ياسين.... صلي على النبي... إن شاء الله ربنا يرجعها بالسلامه
ده جوزها وأبوها إللي فعلاً هيموتو عليها
اسماء.. ...ربنا يردها هي وبنتها بالسلامه يارب ...دي جنات اطيب خلق الله
ياسين....طيب قومي حاولي إنك تفكي شويه من الحزن ده قومي طيب اقعدي شويه مع الاولاد
اسماء.... أنا هقوم اجهزلكم الأكل علشان تتعشو
ياسين....لو تعبانه خليكي وأنا أنزل أشتري أكل
اسماء..... لأ أنا طابخه...هدخل أجهزه بس
وضعت أسماء الطعام وجلس ياسين والبنات
ياسين....كلي معانا يا أسماء
جلست أسماء وقالت..... أنا مليش نفس كلو إنتو
نظرت لها رانيا طويلاً وقالت....كلي علشان تقدري تساعديها لما تيجي
اسماء.....بس هي تيجي وأنا اخدمها بعيني
رانيا..... إن شاء الله هتيجي قريب بس لازم تاكلي وتنامي علشان تعرفي تساعديها
................    ................   ...................
في شقة احمد
استيقظ أحمد بفزع على كابوس صعب جداً حمد الله إنه كان كابوس وليس حقيقة
وانتبه لجرس الباب الذي ايقظه من نومه
فتحت والدة احمد الباب ودخل والد جنات وسأل على احمد
خرج احمد بسرعه وقال.... إيه يا عمي في جديد
والد جنات..... أنا إللي جاي أسألك إذا كان في جديد
احمد..   طيب أقعد يا عمي هدخل ألبس وانزل أشوف القسم تاني
لبس احمد ملابسه وخرج
وجد هاتفه يرن برقم الظابط فتح الخط بسرعه وقال
أيوه يا حضرة الظابط لقتوها
الظابط بنبرة صوت حزينه.... آه لقيناهم تقدر تيجي على مستشفى.......
احمد بخضه..... مستشفى ليه مراتي ولا بنتي فيهم حاجه
الظابط.بحزن....لما تيجي هتعرف كل حاجه.... المهم متتأخرش
وصل احمد ووالد جنات إلي المستشفي سريعاً جدا ووجدو الظابط أمامهم
احمد بخضه شديدة...بنتي ومراتي مالهم
والد جنات... طمني يا إبني الله يرضي عليك
الظابط بحزن....بنتك أخدت طلقه اثناء اشتباك الشرطة واللي خاطفنها وهي حاليا في غرفة العمليات
وزوجة حضرتك من ساعة ما شافتها وهي سايحه في دمها وهي أغمي عليها والدكتور قال إنها غيبوبة سكر
احمد ببكاء شديد....لا حول ولا قوة إلا بالله....لا حول ولا قوة إلا بالله
سجد والد جنات على الأرض.ببكاء... الحمد لله يارب إنك رديتهم لينا.... الحمد لله.....يارب قومهم بالسلامه يارب
احمد.... أنا ممكن أفهم إيه إللي حصل وإزاي لقتيهم
الظابط..... إحنا لينا في الأسواق والمولات وأي مكان في تجمعات وممكن يحصل في خطف مخبرين علشان يلحقو الموقف
وزوجة حضرتك لما اتخطفت.. المصدر بتاعنا معرفش يساعدها لأن كان في عدد كبير من العصابه موجود وهما كانو في مكان بعيد شويه عن الناس...والناس إللي حواليها مش كتير...فكان ممكن يتخدر ويتاخد معاها بسهوله
ففضل أنه يرجع لينا واحنا نتصرف فكلمنا بسرعه وادانا مواصفات العربية إللي ركبتها ومواصفات الناس إللي معاها وخرجت من عندنا قوة وراهم بسرعه وبعدها بشويه جت واحده ست وهي مصوره زوجة حضرتك وهما شيلينها وكمان صورت رقم العربية جت بسرعه لينا علشان نلحقها... علشان هي خافت تدخل علشان عدد الناس كان قليل وخافت علي نفسها.... طلعت القوه وراهم وعرفت المكان
بس للأسف المكان كان متسلح جامد جدا والقوه إللي خرجت من عندنا كان عددها قليل جدا بالنسبة ليهم فكان لازم نضع خطه ونزود القوات بتاعتنا علشان ميحصلش خساير كبيرة في الأرواح
فبدأنا ندرس المكان والناس إللي موجودة
وللأسف مش زوجة حضرتك بس إللي كانت مخطوفه كان في بنات كتيره جداً وأطفال كمان
ولما حضرتك جيت تقدم بلاغ مكانش ينفع نقولك إننا مراقبينهم وعارفين مكان مراتك
لأن هما مجندين ناس في القسم ومكانش ينفع أقولك...وكمان كانو هياخدو حظرهم
فعملنا خطه علشان نقدر نوصلهم من غير أي خساير
ولما هجمنا عليهم ضربو خمس اطفال بالنار ورموهم قدامنا علشان نتراجع...بس قواتنا هجمت وقدرنا ننقذ المخطوفين
وقبضنا على عدد كبير منهم...واخذنا الاطفال على المستشفى
وكلمنا أهالي المخطوفين.. وأهالي الأطفال جم اخدوهم
والأطفال إللي اضربوا بالنار في منهم تلاته توفو واتنين في العنايه المركزه
وقف احمد بصدمه....بنتي من إللي توفو
الظابط... بنتك في العنايه....ادعلها
والأطفال إللي توفو عيالنا كلنا ربنا يصبر أهلهم يارب
أنا مضطر أمشي ورايا شغل كتير....بنتك ومراتك عندك
خرج الظابط وجلس احمد ووالد جنات يبكون....بكاء اطمئنان أنهم معهم الآن....وبكاء حزن على حالهم
.
علم الجميع أن جنات وابنتها ظهرو وفي المستشفى
وانقلبت المستشفى رأسا على عقب ... جميعهم اتو ليطمئنو عليهم
جاءت أسماء ومعها ياسين أولا
اسماء ببكاء....طمني يا احمد جنات وجني عاملين ايه
احمد.... إحنا لسه لحد دلوقتي منعرفش عنهم حاجه ولا شوفناهم...يدوب الدكتور خرج طمنا وخلاص
اسماء....يارب نجيهم يارب
ياسين..  شد حيلك يا احمد إن شاء الله يقومو بالسلامه
احمد....يارب
ياسين...هو فين حماك
احمد.....نزل يصلي في الجامع
اتت والدة احمد....وايه أخت جنات وزوجها..واخوات جنات البنات
والجيران.... جميعهم اتو ليطمئنو عليهم
طمئنهم أحمد وجلسو لفترة وعاد كل شخص إلي منزله وبقي أحمد فقط
بعد وقت قصير....بدأت جنات تفوق....وبعدما استعادت وعيها
بدأت تصرخ...بنتيييييي....يا جني...بنتي
دخل عليها الطبيب بسرعه وبدأ يهدأها.  ويطمئنها على ابنتها
لكنها كانت تظن أن هذا الدكتور تبع من خطفوها فهي لم تعرف بعد أنها تحررت منهم وأنهم تم القبض عليهم
نظرت له جنات بغضب.... إنت كداب أنا شوفتكم وانتوا بتقتلوها يا مجرمين وبدأت تصرخ.... أنا عايزة بنتي
أمر الطبيب بدخول أحمد...لأنه من الممكن أن يطمئنها قليلاً
دخل احمد بسرعه ووجدها تبكي وتصرخ عايزه بنتي
احمد.... اهدي اهدي يا جنات بنتنا بخير أهدي
جنات بصدمه..... إنت جيت هنا إزاي
احمد.... متخافيش يا حبيبتي هما خلاص اتقبض عليهم وإنتي دلوقتي في المستشفى...وبنتنا في الاوضه إللي جمبك كويسه
جنات ببكاء... أنا شوفتهم وهما بيقتلوها يا أحمد ومقدرتش اساعدها كانو مكتفني.انا عايزة اشوفها هاتولي بنتي
وبدأت تصرخ من جديد......   بنتييييييييي عايزه بنتي يا جني
أعطاها الطبيب حقنه مهدئه وبدأت جنات تذهب في عالم آخر
خرج احمد من الغرفه وهو يبكي وذهب إلى ابنته وقال
طمني على بنتي يا دكتور
...ادعلها... أقدر أقولك إن الخطر زال عنها بعد مرور ٢٤ساعه
قبل كده هي في مرحلة الخطر.... ومحتاجة لكل حد يدعلها
ونصيحة مني طلع صدقه بنية إن ربنا يشفيها
 احمد....أنا بطلع كل يوم يا دكتور بنية إن ربنا يردهم ليا تاني
الدكتور.... وربنا استجاب دعوتك وردهم..  خرج بقي بنية إن ربنا يشفيهم
احمد.... حاضر يا دكتور وشكرا على النصيحه
...............   ..............    ..............
في منزل مسعد
مسعد..... مش كفايه عياط بقي يا عليا قدر الله وماشاء فعل
عليا... أنا متهوره ومش بحافظ على النعمه اللي معايا
عارفه إني حامل ومع ذلك بجري وبتنطط رغم إن الدكتور قالي كده غلط
مسعد....ده ملوش نصيب ييجي الدنيا يا عليا
عليا....كان نفسي أوي يكون ليا طفل منك
مسعد.... إن شاء الله نجيب اطفال كتير.... إحنا لسه العمر قدامنا
عليا.....تفتكر هحمل تاني يا مسعد
..................    ....................
عدي الوقت وبدأت جنات تفوق وبجانبها احمد يطمئنها على ابنتها ويحاول أن يهدأها
جنات..   عايزه اشوف إبني يا احمد
احمد.... إن شاء الله تخرجي انهارده وتشوفيه وتطمني عليه
دخل عليهم الطبيب ليطمئن عليها
الطبيب....احب اطمنكم إن بنتكم عدت مرحلة الخطر وهننقلها دلوقتي غرفة عاديه
كانت جنات وأحمد في غرفة ابنتهم ينظرون إليها بفرحة كبيرة....بعدما أخبرهم الطبيب أن شفاؤها هذا معجزه....فقد كانت على وشك أن تفقد حياتها

سجد احمد علي الأرض شكرا لله على سلامة ابنته وزوجته

احتضنت جنات ابنتها وظلت تحمد الله

جني.....ماما أنا خايفه أوي

جنات....متخافيش يا حبيبتي الناس الوحشين دول دخلو السجن وبابا خلاص معانا اهه

احمد.... متخافيش يا حبيبتي أنا معاكي

جني بدموع وتعب.... أنا خايفه أوي أنا عايزة اروح بيتنا ومش هخرج تاني أبدا

احمد....لا حول ولا قوة إلا بالله...حسبي الله ونعم الوكيل

جنات.بدموع ....وهي أيضا تشعر بالخوف.. متخافيش يا حبيبتي متخافيش

دخل والد جنات واحتضن جنات وظل يبكي

جنات بدموع.... إحنا بخير يا بابا الحمد لله....بالله عليك مقدرش أشوف دموعك دي

والدها.....دي دموع فرحتي برجوعك بالسلامه إنتي وجني حبيبة جدها ودموع شكر لله على نعمه علينا

جنات.... الحمد لله

.....  ............   ....  .........  ........ 

في منزل مسعد

عليا..  أنا عايزة أروح أزور جنات في المستشفى يا مسعد بيقولوا إن بنتها اضربت بالنار

مسعد.... ماشي هوديكي بكره علشان مش فاضي انهارده

عليا.... أنا هروح لوحدي انهارده

مسعد.... مينفعش تروحي لوحدك

عليا..... ليه صغيره ولا صغيره

مسعد..... لأ تعبانه....وكمان إللي إنتي رايحه تشوفيها في المستشفى دي كانو خطفينها.... يعني إنتي عادي جدا ممكن تتخطفي

عليا بعند... أنا قولتلك إللي عندي.... أنا رايحه انهارده

مسعد....عليا أنا مش بحب العند قولتلك هوديكي بكره

عليا.... وأنا قولت هروح انهارده

مسعد.... أنا قولت مفيش خروج انهارده ياريت تسمعي الكلام شويه... أنا مقدر إنك تعبانه ومش عايز اشوفك زعلانه

قال مسعد ذلك وتركها وذهب

امسكت عليا التليفون واتصلت على سهيله بعد السلامات أخبرت عليا سهيله أنها تريد زياره جنات في المستشفى

سهيله....ماشي موافقه...تحبي تروحي أمتي

عليا.... هنروح انهارده.... بعد العصر ايه رايك 

سهيله....تمام مناسب الميعاد ده

عليا.... خلاص اتفقنا هفوت عليكي ونمشي سوا

..............   ..............    ..............

في المستشفى

جنات..... احمد أنا عايزة أروح البيت أشوف آدم وكمان أغير لبسي واجيب لبس لجني

احمد.... خلاص هوديكي البيت وعمي يقعد مع جني لحد ما نيجي

أتفق احمد مع والد جنات وذهب

عادت جنات إلي المنزل واجتمع حولها الجيران يباركون لها عودتها بالسلامه

ظلت جنات وقت طويل مع جيرانها فهم كثيرون جدا

احتضنت ابنها بشده وظلت تبكي على فراقه هذه المده الطويله

آدم.....سيبتيني ليه يا ماما إنتي وحشتنيني أوي

جنات....غصب عني يا حبيبي.. والله

آدم.... أنا عايز جني هي فين

جنات....جني تعبانه شويه في المستشفى وإن شاء الله ترجع بألف سلامة يا حبيبي

آدم....ماما متسبنيش تاني... أنا عايز اروح معاكي

أشوف جني

جنات....مش هينفع يا حبيبي تروح المستشفى

آدم ببكاء شديد واحتضن أمه بشده..... إنتي هتسبيني تاني يا ماما.... أنا عايز اكون معاكي متسبنيش يا ماما... أنا بحبك يا ماما

جنات.بدموع....انا هاخده معايا يا أحمد

احمد....ماشي...ربنا يسهل والدكتور يكتب لجني على خروج قريب

...............   ............   ............ 

في شقة ياسين

اسماء بفرحه.... ياسين الشارع مقلوب تحت علشان جنات رجعت أنا هنزل أسلم عليها

ياسين... أسماء إنتي مش فاضيه دلوقتي.. خليكي لبليل نروح سوا

جنات.....بقولك وحشتني أوي يا ياسين....هنزل أسلم عليها بسرعه واطلع

ياسين..بنفاذ صبر..... جوزها تحت معاها يا أسماء

اسماء....هو إنت لسه بتغير...ما أنا قولتلك ده موضوع واتقفل خلاص

ياسين.... بالنسبة ليا أنا مش موضوع واتقفل وخلاص....شكلي إيه قدام نفسي وأنا شايف مراتي رايحه بيت طليقها

اسماء....قوم انزل معايا نسلم عليها وإنت يبقي أقعد مع جوزها علشان ميشوفنيش

ياسين.... إنتي بتتريقي ماشي يا أسماء... على العموم إنتي مش هتنزلي الشارع تاني من غير نقاب...مش احمد بس إللي مش هيشوفك....دي الدنيا كلها مش هتشوفك

اسماء بتحدي..... وأنا موافقه على النقاب....ممكن بقي تقوم تنزل معايا اشوف صحبتي واطمن عليها...لحد ما اشتري نقاب

ياسين.... لأ يا حبيبتي دقيقه واحده هنزل اشتريلك نقاب وتلبسيه وهنروح برضه سوا

نزل احمد ونزلت ورائه أسماء بغيظ

والدة ياسين..... مالك يا بنتي بتاكلي في نفسك ليه

اسماء.... ينفع كده يا ماما أقوله عايزه اروح اسلم على جنات مرضيش يوديني غير لما يشتريلي نقاب

ابتسمت والدة ياسين وقالت....

ياسين ده مش هيتغير أبدا بيغير بطريقة مش طبيعيه.. دا كان بيغير عليا من أبوه

بس الست العاقلة يا أسماء تعرف إن غيرة جوزها عليها معناه إنه بيحبها...وبيخاف عليها

واحنا عندنا داء الغيره ده بزيادة في العيله.... أصل أبوه نفس الغيرة....كان مجنني وأنا صغيره وفي سنك كده

اسماء.....بس إحنا لسه عرسان جداد...كان يأجل الغيرة والمشاكل دي لبعدين

والدة ياسين.....هو القطر يا بنتي في حاجة بتوقفه.. . أهي هي الغيره عامله زي القطر...مفيش حاجه توقفها

وعلي العموم جنات مشيت وراحت المستشفى لبنتها...وبتسلم عليكي.... أنا روحت شوفتها

اسماء..... أنا كان نفسي أشوفها...دا أنا حتي لما روحتلها المستشفى معرفتش أشوفها

والدة ياسين....مش هو إللي عطلك وخلاكي متشوفيش صحبتك وتطمني عليها

اطلعي البسي وجهزي نفسك وأول ما ييجي خدي منه النقاب البسيه..وقوليله تعالي وديني المستشفى

اسماء بابتسامة....قبلت حماتها من خدها وقالت... فكره قمر يا حماتي أنا هطلع البس

..      ............   .. ............   .........   

في المستشفى

وصلت جنات إلي هناك برفقة أحمد وعندما دخلو غرفة ابنتهم

احتضن آدم جني وقال

مين إللي عمل فيكي كده دا أنا هموته من الضرب

جني.....ناس وحشه كانو عايزين يموتوني بس بابا انقذني

آدم...لما تشوفيهم قوليلي عليهم علشان اضربهم

جني.... ماشي

ضحك من في الغرفة على حديث الاطفال وقالت جنات

روح إنت يا بابا استريح في البيت شويه وأنا وأحمد مع جني متخافش

والد جنات.... أنا همشي علشان اطمن علي أخواتك واريح شويه واجيلكم إن شاء الله على طول

جنات.... براحتك يا بابا على الآخر إحنا هنا في أمان نام إنت ومتخافش علينا

غادر والد جنات واتت سهيله وعليا

جلسو مع جنات وتحدثو معها كثيراً وحاولو مواساتها وبعد الكثير من الوقت استأذنو ورحلو

............  ..............   ........

في منزل مسعد

كان مسعد يستشيط غضبا من عليا...لأنها خرجت بدون أذنه

فقام بالاتصال على والدها وطلب منه أن يأتي حالا

عادت عليا من الخارج وجدت مسعد بإنتظارها ووالدها وأخوها الكبير

خافت عليا ولكنها حاولت أن ترسم اللا مبالاة على وجهها

مسعد بغضب... بنت حضرتك المحترمه وصلت

وقف أخو عليا وقال....هي فعلا محترمه...اتكلم كويس يا مسعد

والد عليا.... أهدي إنت وهو تعالي يا عليا لما جوزك قالك ماخرجيش مسمعتيش كلامه ليه يا بنتي

مسعد.....هو حضرتك بتكلمها براحه كده ليه ده بدل ما تديها بالقلم على وشها

كاد اخو عليا أن يتكلم فأوقفه والده بإشارة من يده وقال

إحنا مش بنربي عيالنا على الضرب.... أنا لازم أعرف إيه دوافعها ولو طلعت غلط يبقي أفهمها غلطها براحه مش اديها بالقلم على وشها

مسعد بغضب.....قوليله دوافعك يا هانم إللي تخليكي تخرجي وانتي تعبانه... وكمان جوزك مش موافق

أمسك والد عليا وجه ابنته ورفعه بيده وقال.....

أنا مش عايزك تنزلي عنيكي في الارض أبدا أحكي إيه خلاكي عملتي كده وأنا في ضهرك متخافيش من حد

مسعد.... يعني إيه متخافش من حد وإنت في ضهرها....يعني هي تكون تعبانه وعامله إجهاض وإنت تقولها أنا في ضهرك

رفعت عليا وجهها وقالت.....يا بابا أستاذ مسعد إللي عامل نفسه خايف عليا علشان تعبانه

طلب من الدكتور إنه يديني حبوب علشان أجهض الطفل بس جت من عند ربنا..
في منزل مسعد.... أخذ والد عليا أبنته بعدما اخبرت أباها أن مسعد كان يريد اجهاضها...ووقف مسعد مصدوم...لم يكذب كلام عليا مما جعل والدها يصدق ما يحدث

كان مسعد في غرفته يبكي لأول مرة في حياته فهو يخسر كل شئ

حاول الاتصال بعليا لكنها لم ترد

فخرج إلي الشارع يمشي ربما يزيل المشي هم قلبه المتعب

وأثناء سيره في الطريق سمع نداء صلاة العشاء

ولأول مرة يفهم معني الاذان حي على الصلاه...بعدها مباشرة حي على الفلاح

إذن ربنا ينادي الإنسان خمس مرات في اليوم...بحي على الفلاح

ولأول مرة يفكر.... الصلاة هي الفلاح....من ترك صلاته لم يفلح....فالفلاح مربوط بالصلاة...فطريق. الفلاح بدايته الصلاة...بل هو الصلاة

دخل إلي الجامع توضأ ووقف يصلي وبكي بكاءا شديد

ليس على زوجته....بل على تفريطه في صلاته واستهانته بالصلاة....كم ارتاح بعدما وقف بين يدي الله....كم ارتاح بعدما بكي واشتكي لله بكل ما في قلبه...فربط الله على قلبه

انتهى من صلاة العشاء والناس ينظرون إليه باستغراب فكان يبكي بشدة فظلو يدعون له أن يريح الله قلبه...ولم يقترب منه أحد

أخذ قراره وذهب إلى منزل عليا

.................    .................   .............

في المستشفى

جنات بفرحه..... مبارك عليك النقاب يا أسماء...اللهم بارك قمر

اسماء.ببكاء.. الله يبارك فيكي... عامله ايه وحشاني...وجني حبيبتي عامله ايه

جنات.... والله إحنا بخير متعيطيش يا أسماء

ياسين....دي مش بتوقف عياط من ساعة ما حصل إللي حصل

احمد.... الحمد لله ربنا رجعهم لينا لينا بالسلامه وطمنا عليهم

أقعد يا ياسين... اقعدي يا أسماء

جلست أسماء بجانب جنات وقالت بهمس..  احكيلي إيه إللي حصل إزاي خطفوكم وإزاي رجعتو احكيلي كل حاجه

جنات....هحكيلك كل حاجه بس لما ارجع بيتي المهم دلوقتي قوليلي اقنعتيه إزاي بالنقاب

اسماء بتفاخر....يا بنتي إحنا جامدين اوي اوي

جنات.. بجد قوليلي علشان مش عارفه اقنع أحمد

اسماء.... بجد أنا معملتش أي حاجة...هو إللي نزل واشتراه وقالي البسه

وأثناء حديثهم دخل الطبيب فحص جني وقال

الحمد لله بقت كويسه

احمد... يعني هتكتبلها على خروج يا دكتور

الدكتور.... آه إن شاء الله هكتبلها بكره... على خروج

جنات.... الحمد لله يارب... الحمد لله

الدكتور.. بس لازم تخلو بالكم منها كويس وتهتمو بالعلاج في مواعيده

جنات.... إن شاء الله يا دكتور

خرج الطبيب وجلسو جميعاً يحمدون الله...ظلو يتحدثون لفترة واستأذن ياسين وأخذ أسماء وخرج

خرجو خارج المشفي وقال ياسين

إيه رأيك اعزمك على العشا في مطعم حلو كده

اسماء ....دا إيه الكرم ده كله 

ياسين.بمزاح... متاخديش على كده...دي خروجه بمناسبة شهر العسل بعد كده...هنخرج في العيد بس

اسماء... إن شاء الله هتخرجنا أنا والاولاد كل شهر مره

ياسين.... والله الموضوع ده في إيدك إنتي

أنا هقبض المرتب.... هطلع الجزء إللي بطلعه لله ...وهدفع الجمعيه... وهاخد المصاريف إللي تكفيني بس..  وباقي المرتب هسيبه ليكي ... والله فاض من المرتب حاجه نخرج بيها...تمام هنخرج....ولو مدبرتيش البيت لآخر الشهر يبقي استلف من أبويا زي ما بعمل كل شهر

ضحكت أسماء بشده... إيه ده إنت بتستلف من والدك

ياسين.....بدفعهم والله لما بقبض أول الشهر...وبرجع استلفهم تاني آخر الشهر

اسماء بضحك.. كفايه والله مش قادره

ياسين....طيب كفايه ضحك بقي علشان وصلنا المطعم خلاص

اسماء..... إيه ده مطعم سمك

ياسين..... علشان عرفت إنك بتحبي السمك أوي قولت أول خروجه هوكلك فيها سمك

اسماء....طيب معاك فلوس ولا هنغسل الأطباق بعد الأكل

ياسين.....عيب عليك أنا عامل حسابي إن بعد مانغسل الاطباق نمسح المطعم كله وننضفه..  أصل أنا جعان أوي

ضحكت أسماء بشده...فقال ياسين

أهو ده اخرة إللي يهزر مع واحده .. متخافيش معايا فلوس

...............و ................   ...؟......

في منزل سهيله

والدة سهيله..بزعيق..كنتي فين يا سهيله كل ده 

سهيله.. بعد ما خلصت مشواري روحت لسعيد

والدتها..... سعيد متأخر كده ينفع تقعدي في المقابر لحد دلوقتي

سهيله.....في إيه يا ماما مش كنت مع جوزي

والدتها.....باين عليكي مخك جراله حاجه....جوزك ده ميت مش عايش علشان تبقي مطمنه وإنتي قاعده في المقابر لوحدك. لدلوقتي... وبعدين الناس إللي تشوفك جايه متأخره من بره دلوقتي تقول عليكي إيه..... وإنتي ارمله وكلام ناس كتير عليك 

سهيله.....ارمله وجوزي ميت..يعني فيا إللي مكفيني....ليه الناس تتكلم عليا هي مالها الناس بيا أصلا

والدتها....هي الناس كده مش بيسيو حد في حاله ليه إحنا نديهم الفرصة إنهم يتكلمو علينا

سهيله....دول ناس مريضه أنا مليش دعوه بيهم طالما أنا مش بعمل حاجه تغضب ربنا يبقي مليش دعوه بحد... إللي عايز يتكلم يتكلم.... هاجي يوم القيامة وربنا هيجبلي حقي

وهيقف يبص على حسناته وأنا باخدها قدام عنيه ومش هيقدر ساعتها يتكلم...خلي النميمه بتاعة الدنيا تنفعه في الآخره

والدتها..... طبعاً... أنا مش هعرف أخد منك حق ولا باطل

بس يا بنتي علشان خاطر عيالك محدش يتكلم عليهم بلاش تأخير بره البيت

وجوزك روحيله بالنهار...مش لازم بالليل

غير إنه غلط أصلا تروحي المقابر بالليل

سهيله بتنهيده.حتي تنهي هذا الحوار...  حاضر يا ماما هعملك إللي إنتي عايزاه

................   ..............       ...........  

كانت عليا تجلس في غرفتها تبكي وتتذكر ما حدث

بعدما أجهضت الجنين كانت تبكي في المستشفى دخل عليها الطبيب وقال بصدمه

مدام عليا إنتي بتعيطي ليه وفين مسعد

عليا ببكاء.... أنا أجهضت الجنين ومسعد راح يجبلي العلاج وبابا بره مع الدكتور

الطبيب.بإنفعال.....هو مسعد عمل إللي في دماغه برضه وحطلك الحبوب وخلاكي اجهضتي أنا هقدم فيه بلاغ

عليا.....حبوب إيه أنا مش فاهمه حاجه أنا وقعت من على السلم وده كان سبب الإجهاض

الدكتور.....متأكده إن ده هو السبب

عليا.... أيوه متأكده.....بس أنا عايزه اعرف دلوقتي في إيه بينك وبين مسعد أنا كنت شاكه لما كشفت عندك إن في حاجه

الطبيب.....هقولك كل حاجه بس مش دلوقتي علشان مسعد دلوقتي جاي ومش عايزة يعرف إني قولتلك

عليا.....خلاص انا هرن عليك بعدين واشرحلي كل حاجه 

بعدما عادت عليا للمنزل وبدأت تسترد عقلها الذي هرب منها بعدما سمعت كلام الطبيب ... اشتغلت فرصة غياب مسعد ورنت على الطبيب الذي أخبرها بكل شئ

عليا بتوهان.....يعني مسعد قالك تكتبلي على حبوب علشان تمنع الحمل

الطبيب..... أنا طبعاً حاولت معاه بس هو كان عنده أسباب خاصه بيه بصراحه مقتنعتش بيها...فضريت اديله فيتامينات من عندي على أساس إنها حبوب منع الحمل.... علشان هو صاحبي مكنش ينفع اضره...ولا ينفع إني اخل بشرف مهنتي

ولما جه كشف عندي واتاكد إنك حامل وطلب مني اكتبلك على علاج الإجهاض أنا رفضت وشدينا مع بعض

وهو قال إنه هيروح لدكتور تاني يكتبله عليها

فاقت عليا من شرودها على صوت والدها يقول

مسعد جه تحت وعايز يتكلم معاكي شويه

عليا بصرامه.....بابا أنا خلاص أخدت قراري.... أنا هطلق منه

أنا في الأول قولت هأدبه وبعدين هطلب الطلاق....بس طالما عرفته كل حاجه أنا خلاص مصره علي الطلاق

ومش عايزة أشوفه تاني
في منزل عليا...كان الجو مشتعل بين عليا ومسعد
عليا..... أنا قولت إللي عندي هطلق مهما كانت إيه هي أسبابك إللي عايز تقولها
والد عليا....لازم تسمعي منه يا عليا كل شخص فينا بيغلط لأن دي طبيعة البشر المهم الإنسان يعترف بغلطه ويصححه
اسمعي منه يا بنتي وبعدين خدي وقتك في التفكير ومهما كان قرارك أنا موافق عليه
خرج والد عليا وبقيت عليا مع مسعد
مسعد..  أنا عارف إني غلطت بس أنا
عليا ببكاء.... إنت إيه..  إنت أناني مش بتحب غير نفسك وبس...كان ممكن تأذيني.....وكان ممكن يحصلي عقم.. بس مفكرتش غير في راحتك واللي إنت عايزه....ولو مكنتش عرفت بالصدفة كنت هتفضل مستغفلني
مسعد.... أنا عارف إني غلطت بس والله أنا كمان كنت بتعذب
وأنا شايفك نفسك تخلفي...بس كنت اجيب ولاد علشان يعيشو زي أبوهم.... يفضل أبوه مهمشه وملوش رأي.. يفضل عايش لنفسه وبس...ملوش لازمه
أنا لما أبويا مات أنا حسيت بالضياع هو إللي كان بيعمل كل حاجه... أنا مكنتش بشيل أي مسئوليه..حتي سعيد الكبير كان بيشيله مسئوليات صغيره..مش راجل إللي يشيلها
كان فاكر إن كده بيساعدنا...طلع بيضيعنا.... أنا بقيت تايه مش عارف أعمل أي حاجة لوحدي
ولما سعيد مات.... أنا حسيت اني اتعريت... أبويا كسر ضهري واخويا بموته عراني...
أنا معرفتش إني تربيتي غلط غير لما دخلت عيلتكم
أنا بيعت أختي لراجل متجوز علشان أبيع البيت....كنت عايز أحس أني راجل وليا كلمه مسموعه
وإني اقدر أتصرف في أمور مهمه وقرارات كبيره... بس أنا اتصرفت بغباء وكسرت أختي...ومحستش بده غير لما دخلت بيتكم وعرفت الأخ بيعامل أخته إزاي
وأكمل بدموع....
خايف أخلف وابني يبيع أخته زي أنا ما عملت.. ما هو داين تدان..خايف أجيب ولد يعيش تايه في الدنيا...خايف اجيب بنت.. أخوها يكون سبب تعاستها... أنا تعبان يا عليا
عليا بدموع... كان ممكن لو قولتي الكلام ده من الأول كنت اتعاطفت معاك وحاولت أحل معاك الموضوع..بس إنت خدعتني وكان ممكن تضرني ضرر كبير... أنا أسفه يا مسعد كلامك مفرقش معايا
في منزل احمد وجنات
خرجت جني من المشفى وعادت برفقة والدها ووالدتها إلي المنزل
كانو سعداء للغاية بعودتهم...إجتمع حولهم الجيران يباركون عودة جني بالسلامه
اتت أسماء سريعاً تبارك عودة صديقتها وابنتها بالسلامه
اسماء.... الحمد لله على سلامتكم أنا فرحانه اوي انكم رجعتو تاني
جنات براحه....دا أنا إللي حاسه إني كنت مهاجره ورجعت وطني الحمد لله... الحمد لله.... إيه إللي إنتي شايلاه ده
اسماء... لما الدكتور قال إن جني هتخرج....قولت اجهز ليكم وليها شويه أكل كده علشان إنتي تعبانه ومش هتقدري تجهزي
جنات بشكر...يا حبيبتي ربنا يبارك فيكي تعبتي نفسك
اسماء....تعبت نفسي إيه....كان من فرحتي كان نفسي اجبلكم حتة من السما
جنات..... إنتي اكتر من أخت يا أسماء.... أنا فرحانه اوي إن ربنا حطك في طريقي وبقيتي صحبتي
اسماء....دا أنا إللي ربنا بيحبني علشان رزقني بيكي إنتي وياسين
أثناء حديثهم دخلو إخوة جنات حضنوها بشده وجلسو بجانب جني يقبلون وجهها الصغير وهم يبكون على ما حدث لها
اسماء....اسيبك أنا بقي تاخدي شاور وترتاحي ولو احتجتي أي حاجة قولي اسمااااااء هتلاقيني قدامك فورا
جنات بضحك....حاضر بس طالما أخواتي جم مش هتعبك هما بقي يشيلو شويه من على دماغي
...........   ...............   ..............
في منزل سهيله
والدة سهيله....يا رأيك يا سوسو لو نخرج نشم هوا شويه ونخرج العيال
سهيله..بتفكير.... مليش مزاج أخرج انهارده
والدتها.... علشان خاطر عيالك يا سهيله العيال محبوسه مش بتخرج خالص
سهيله لنفسها...من أمتي وأمي بتحب الخروج أنا مش مستريحالك يا ماما بس همشي وراكي لحد ما اشوف في إيه
سهيله بصوت عالي ... خلاص ماشي ياماما علشان خاطر العيال أنا هقوم ألبس
جهزت سهيله نفسها والاولاد ونزلو للأسفل...
وجدت ماهر جارهم الذي طلق زوجته منذ سنتين يقف أمام سيارته ويمسح زجاجها
فقالت والدتها بصوت عالي....هو إحنا هنلاقي مواصلات بسهولة...شكلنا كده العيال هتتمرمط معانا
ماهر بسرعه... أنا عربيتي تحت أمركم يا حاجه توديكم مكان ما انتو عايزين
سهيله لنفسها... حاسه إني ابتديت أفهم .. أصل دي حركات أمي وأنا عارفاها
والدتها.... يعني مش هنعطلك عن حاجه يا إبني.
ماهر.....ولا أي حاجة أنا فاضي اصلا وكنت خارج اشم هوا
سهيله بصرامة.... إحنا آسفين يا استاذ ماهر إحنا مش بنركب مع حد غريب
والدتها.... وهو أستاذ ماهر غريب برضه دا جارنا... والنبي وصي على سابع جار
نظرت لها سهيله طويلاً وقالت ماما هاخد العيال واطلع
والدتها... خلاص خلاص.  يلي نمشي..ونظرت إلى ماهر وقالت إحنا آسفين يا أستاذ ماهر مره تانيه إن شاء الله
رحلو بعيداً عنه وقالت والدتها
كده تحرجيني قدام الراجل
سهيله....من أمتي واحنا بنركب عربيات مع حد غريب أنا مستغرباك انهارده يا ماما وحاسة إن في حاجة
والدتها بتوتر.. حاجه إيه يعني.... أمشي امشي علشان نوصل قبل الحر
...............  ........  ...  ........... .
في منزل مسعد
كان يجلس على السرير وينظر إلى الفراغ أمامه ويفكر في حياته... كانت عليا تملأ حياته ضحك ومرح وفرحه وطفوله لم يكن يعلم أنه سوف يفتقدها بهذا الشكل
نزل إلي الأسفل ودخل إلي المطبخ يحاول أن يصنع شئ يأكله...لأنه لم يتناول الطعام منذ أمس
فتح الفريزر ووجد الأكل أمامه وتذكر عليا
فلاش باك
مسعد... إيه كميه الأكل إللي إنتي عملاها دي كلها
عليا بفرحه.... بيقولوا إن الحامل لما بتتوحم بتكون قرفانه من الفراخ واللحمه وكل حاجه
فأنا قولت قبل ما ادخل في الشهور دي اجهزلك أكل علشان مظلمكش معايا
أنا تبلت فراخ بانيه وعملت أربع صواني مكرونه بشاميل علشان إنت بتحبها أوي....وتبلت لحمه...وكمان نضفت سمك وتبلته...وكل حاجه جاهزة على السوا علي طول
علشان لو قرفت من الحاجات دي.. أكون مجهزاها واستحمل الشويه إللي هيستو فيهم وخلاص...ما أنا مش هجوعك برضه
مسعد بإبتسامه....يا سلام على مراتي الشاطره. إللي بتفكر في جوزها
عليا.. آمال إيه دا أنا أعجبك أوي تعالي رص معايا  بقي الأكل ده في الفريزر
عودة من الفلاش باك
أغلق مسعد الفريزر بشده وقال أنا غبي ضيعتها من ايدي
فأمسك هاتفه وبعث رساله إلي عليا
..............  .... .........   .............
في منزل عليا
كانت تجلس في غرفتها تمسك المصحف وتقرأ منه وعندما انتهت قالت
يارب صبر قلبي واربط عليه واهديني أخد القرار الصح
مسعد ظلمني وأنا مش عارفه اسامحه...كان نفسي أوي يكون عندي طفل وكنت بقعد احكيله أد إيه أنا نفسي في بيبي وهو كان بيقعد يصبرني....حاسه يارب إنه ضربني بسكينه في ضهري وهو بيبتسم في وشي... أنا تعبانه أوي ريح قلبي يارب
أنا مكنتش متخيلة إنه ممكن يخذلني كده... أنا معملتش معاه حاجه وحشه ...صبرني يارب
ووضعت يدها على بطنها وظلت تتذكر الايام القليلة التي كانت تحمل في بطنها طفلها وكم كانت سعيدة جداً
وأثناء ذلك اتتها رساله من مسعد فتحتها
أنا عارف إن كلمه آسف قليله أوي.... بس أنا مش عارف أعيش من غيرك... البيت من غيرك بيخنقني.... أنا غلطان...وغلطان أوي كمان.. وهستحمل أي عقاب تعاقبيني بيه إلا الطلاق... أنا بحبك أوي يا عليا
قرأت الرسالة وابتسمت بسخرية وقالت
بتحبني يا مسعد... إللي بيحب عمره ما قلبه يطاوعه إن يأذي إللي بيحبه
.............   ...........    ....        .........
في الجنينه عند سهيله
بدأ الاولاد باللعب والجري وهم سعيدين وجلست سهيله ووالدتها
.
سهيله.....كان عندك حق يا ماما الاولاد فعلاً كانو محتاجين يخرجو
وفجأة اتي ماهر جارهم وقال
إيه ده دا أنا حظي حلو بقي... إيه الصدفة الحلوه دي
نظرت سهيله لوالدتها برفعة حاجب وقالت .. إيه رأيك يا ماما في الصدفة
والدتها بإرتباك.... صدفه حلوه
ماهر...تسمحولي أقعد معاكم
سهيله.... إحنا آسفين بس مش هينفع أنا ست ارمله ولما الناس تلاقيني قاعده مع واحد غريب يتكلمو عليا.. وأنا محبش إن حد يتكلم عليا... بعد اذنك يا ماما هروح أشوف الاولاد
ذهبت سهيله وقال ماهر
دي مش مدياني فرصة خالص إني اكلمها يا حاجه
والدتها..... أنا قولتلك من الأول مصدقتنيش وقولت لو خرجنا هعرف اكلمها واديني خرجتها
ماهر....الصبر يا حاجه بالصبر هتلين.... أنا همشي علشان هي جايه وأنا مش عايزها تشك في حاجة
....... .......... ............   ....     .........
في منزل ياسين
كانت أسماء تجلس على مائدة الطعام وحولها الاولاد وياسين
ياسين..... تسلم ايدك يا أسماء السمك من إيدك حلو جدا
اسماء.... يعني ده ولا بتاع المطعم
ياسين.... لا مطعم إيه أنا متجوز أحسن شيف في الدنيا
ريهام.... الأكل طعمه حلو يا ماما
وقعت كلمه ماما في قلب أسماء وفرحت بشده..فقالت رانيا
ريهام ماما عند ربنا دي اسمها طنط أسماء
ياسين....هي زي ماما برضه يا رانيا وبتحبكم زي ماما بالظبط
رانيا.... لأ مفيش حد زي ماما...ماما دي أحسن واحده في الدنيا.....وتركت الأكل وذهبت
نظر ياسين إلي أسماء وقال....متزعليش يا أسماء رانيا كانت متعلقة بوالدتها جدا كانت طول الوقت معاها ومش بتسيبها أبدا وموتها أثر على نفسية البنت جداً
أسماء بدموع محبوسه حاولت أن ترسم البسمة وقالت.... لأ أنا مش زعلانه منها..... أنا يتيمه زيها وعارفه يعني إيه بنت أمها ماتت... ربنا يصبر قلبها
ياسين وهو يحاول أن يغير الموضوع
كنتي قولتيلي إنك عامله حلويات دوقيني عمايل ايدك يلي
اسماء.....حالا هتاكل أحلي صنيه رواني في الدنيا
ادخل إنت اتكلم مع رانيا وحاول تهديها وأنا هجبلكم الحلويات جوه
دخل مسعد لرانيا وبدأ يحدثتها بهدوء ويحاول أن يطمئنها بوجودهم حولها
دخلت عليهم أسماء بعد الاستئذان وقالت.... أحلي صنيه رواني..لأحلي رانيا
ياسين رانيا وريهام ساعدوني في عمايلها..دوق بقي عمايل ادينا إحنا التلاته
استطعم ياسين وقال....الله تسلم ايد حبايبي التلاته
...........   .............     ...........
في منزل أحمد
دخل احمد علي جني وهو يحمل عروسه كبيرة..وقال
حبيبة بابا.. العروسه إللي كان نفسك فيها
جني بفرحه.....عروستي.. الله... هاتها يا بابا
آدم..... وأنا جبتلي إيه
احمد....جبتلك مسدس بدل إللي باظ يا حبيبي
آدم.... أيوه بقي...المسدس إللي أنا عايزه
جنات.... وأنا مليش حاجه
احمد..... لأ بقي كده كتير دول اطفال إنما إنتي كبيرة
جنات بصرامة.... يعني مجبتليش
احمد.... أنا أقدر.... أحلي شيكولاته ليكي
جنات..  أيوه كده.... الحمد لله يارب إن ربنا جمعنا تاني الحمد لله
احمد.... الحمد لله يارب....يارب دايما اشوفكم مبسوطين واقدر اسعدكم
وقف آدم ووجه المسدس في اتجاه احمد وقال
ثبت نفسك يا بابا... المكان كله محاصر
احمد يمثل الخوف ويرفع يده ببطئ... أنا مستسلم.. والله العظيم مستسلم
وشال آدم وظل يدور به في الغرفة وجنات وجني يضحكون
تمر الأيام ومسعد يحاول أن يصالح عليا....لكن عليا حسمت موقفها بطلب الطلاق
.. العلاقة بين أسماء وياسين جيده جدا يسودها الحب والتفاهم... وتحاول أسماء أن تتقرب إلي بنات ياسين
... احمد وجنات أصبحت الحياة بينهم أقوي وأفضل من قبل
ينورها صغارهم.الاشقياء
.... والدة سهيله تحاول بشتي الطرق أن تزوج سهيله لماهر ولكن سهيله تفهم والدتها جيداً...وتفهم ما تخطط له
............       ..........          .....  ..........
على كافيه يجلس مسعد ووالد عليا
مسعد....يا عمي والله أنا مقدرش استغني عن عليا.. بالله عليك بلاش طلاق..كلمها إنت طيب.. إنت ترضي إن بنتك تكون مطلقه
والد عليا بهدوء.... أنا كلمتها وهي مصره علي موقفها
مسعد... أنا عارف إني غلطت بس أنا قولتهلها على أسبابي
والد عليا...يا إبني أسبابك مش مقنعه بالنسبة ليا.... إنت مش عجبك تربية أهلك ليك...ربي إنت ولادك بالطريقة الصحيحة ربيهم إنهم يعتمدو على نفسهم..وشيلهم مسئولية نفسهم.. وبعدين إنت بتتكلم عن الموت.... ربنا بيقول...بسم الله الرحمن الرحيم
وليخش الذين لو تركو من خلفهم ذرية ضعافا خافو عليهم فليتقو الله....صدق الله العظيم
اتق الله إنت في معاملاتك وفي تربية اولادك...وسيبها لربنا
مسعد.... أنا كنت خايف ومازلت خايف
والد عليا.....تسمحلي اقولك يا إبني إن ده ضعف إيمان بالله
مسعد.... أنا مش هقولك إن إيماني قوي... بس أنا بعافر وبجاهد نفسي....وعليا وحضرتك كنتو السبب إني أحط رجلي على بدايه الطريق الصحيح... بالله عليكم ما تتخلو عني.. أنا من غيركم هضيع
والد عليا...يا إبني اعتبرني أبوك وقت ما هتحتاجني هتلاقيني سواء كملت مع عليا أو لأ
...........   ......... .    .............  .........    
في منزل سهيله
كانت سهيله منفعله وتقول
يا ماما مينفعش إللي إنتي بتعمليه ده.... إنتي ليه مش متخيله إني فاهمه الحركات دي
والدتها.....حركات إيه دي
مره الأستاذ ماهر يطلع لينا حلويات قال إيه...عازم الجيران كلهم
ودلوقتي بتقولي إنك عايزه تعزميه علشان تردي العزومه
أنا مش غبيه أنا فاهمه كل حاجه وريحي نفسك أنا استحالة اتجوز بعد سعيد
والدتها.....متتجوزيش ليه ناقصه ايد ولا رجل....يا بنتي أنا خايفه عليكي.... عايزه اطمن عليك قبل ما أموت
والدتها... يا عالم مين هيموت قبل مين..دي الأعمار بيد الله وأنا عايزه أربي عيالي من غير جوز أم..يبقي مش طايق ليهم كلمه...ولا طايق انهم يتحركو.... أنا مش أول واحده جوزها يموت وهي تقعد تربي عيالها
والدتها...  طول عمرك واجعه قلبي الأول كانت تصرفاتك غبيه
وكنت بدعيلك بالهداية... دلوقتي بعد ما ربنا استجاب مني وهداكي...برضه واجعه قلبي
سهيله ببكاء....واجعه قلبك ليه.... أنا الأول فعلاً كانت تصرفاتي طايشه ومكنتش بفكر غير في نفسي ...بس موت جوزي كسرني....وفوقني لنفسي .. وبقيت أفكر في غيري
ذنبي اني.. عايزه أعيش لعيالي... عايزه تجوزيني...افتحي قلبي وطلعي منه جوزي ... أنا عايزة أبقي مع سعيد في الجنه...الست بتبقي مع زوجها الأخير في الدنيا وأنا عايزه أكون مع سعيد في الجنه....عايزاني اتحرم منه في الدنيا وفي الآخرة
.......      .......      ............
في منزل جنات
كانت تجلس على سجادة الصلاة تحمد الله وتشكره على فضله عليها سمعت جرس الباب.. وعندما فتحت وجدت زينب صديقتها أمامها
جنات بفرحه.... زينب حبيبتي عامله ايه
زينب بدموع احتضنت جنات وقالت....كده يا جنات كل ده يحصل معاكي ومعرفش
جنات....يا حبيبتي من ساعة ما سافرتي وإنتي تليفونك اتقفل
زينب... التليفون ضاع ومكنتش عارفه اتواصل مع حد أبدا
جنات....طيب بطلي عياط وادخلي إنتي وحشتيني اوي
زينب.... وإنتي اكتر والله طمنيني عليكي وعلي جني حبيبتي
جنات.... إحنا بخير الحمد لله...تعالي أدخلي لجني
دخلت زينب وجلست بجوار جني وظلت تبكي
جنات.....يا بنتي كفايه عياط.. قلبك هيوجعك
زينب..   مش مصدقه إن حصل معاكي كل ده يا حبيبتي
أنا لو كنت هنا وإنتي مخطوفه مش عارفه كان ممكن يجرالي ايه
جنات....يا بنتي إنتي إكتر واحده عاطفيه في الدنيا...دا إنتي كان ممكن بعد الشر يجرالك حاجه
زينب.... الحمد لله إن ربنا ردك بالسلامه الحمد لله الحمد لله
...........  .....     .............  .........
في منزل اسماء
والدة ياسين.... إنتي لسه تعبانه يا أسماء
اسماء.   جسمي كله بيوجعني ومش عارفه ليه..ومش قادرة أقوم من مكاني
والدة ياسين..... روحي اكشفي يا بنتي واطمني على نفسك ليكون موضوع الرحم إللي هيتشال ده هو السبب
اسماء.... أنا برده شاكه في كده... ياسين قالي إنه هيحجزلي عند الدكتورة وهو راجع من الشغل
والدة ياسين..... هروح معاكي يا بنتي
اسماء..   متتعبيش نفسك يا ماما ياسين رايح معايا
اتي ياسين من العمل وذهب بها إلي الدكتوره...كانت أسماء تضع يدها على قلبها..خائفه أن يكون سبب التعب هو الرحم وتضطر أن تستأصله قبل أن تنجب... ظلت تدعو الله أن يلهمها الصبر إن كان ذلك هو السبب
دخلت إلي الطبيبه وشرحت لها مرضها وما تعانيه الآن
طلبت منها الطبيبه أن ترقد على السرير لتجري لها اشعه السونار....فعلت اسماء مثلما قالت..وبدأت الطبيبه في الكشف
ونظرت لها بإبتسامه وقالت...  ألف مبروك... إنتي حامل
في منزل أسماء
كانت تجلس هي وياسين على سجادة الصلاة...كان ياسين امامها..وهي تصلي ورائه قيام الليل وتبكي بشده وتحمد الله على نعمه عليها... وعندما أنتهي ياسين...قال
ألف مليون مبروك يا أسماء.... كفايه عياط بقي.. في حد يكون فرحان يبكي كده
اسماء بدموع.... أنا مش مصدقه كرم ربنا عليا..  إنت متخيل كم النعم إللي أنا فيها...زوج حنين زيك وكمان ربنا هيرزقني بالذريه إللي طول العمر بحلم بيها قبل العمليه... أنا مش عايزه اقوم من على سجادة الصلاة واقعد احمد ربنا طول حياتي
ياسين....وكان فضل الله عليك عظيما
اسماء....بص يا ياسين أنا أطلع حاجه كبيره لله أنا هدبح عجل واوزعه...واجيب مصاحف واحطها في الجامع.....واخرج فلوس لمستشفيات.... وأخرج فلوس لدار أيتام
ياسين.... والله لو معايا مش هتأخر
اسماء... لأ من فلوسي أنا أنا معايا فلوس كتير أوي الحمد لله
ياسين بتأثر واضح على ملامحه.... أنا كان نفسي أنا إللي أعمل كده
اسماء.... مفيش فرق بيني وبينك يا ياسين بالله عليك متضيعش فرحتي...سيبني أفرح يا ياسين.
ياسين بإبتسامه.... أفرحي واعملي كل إللي نفسك فيه.... ربنا يفرحك كمان وكمان يارب....ويقر عينك بمولودك
...........    .................    ....        ..........
في منزل عليا
كانت عليا تمسك هاتفها وتهتف بضجر..... إنت مبتزهقش
دخل عليها أخوها الكبير وقال
إيه بتكلمي نفسك
عليا.... بالله عليك تسكت يا يوسف علشان مسعد هريني رسايل وأنا اتخنقت منه
يوسف..  طيب نتكلم براحه.. وبهدوء... إنتي دلوقتي الحمد لله كويسه... ومسعد غلط وعرف غلطه..واعتذر كتير أوي
ما خلاص بقي...
عليا بتأثر..... إنت عارف يعني ايه تتصدم في واحد.. إنت متخيل إنه آخر واحد في الدنيا ممكن يأذيك
أنا حاسه زي ما يكون مخي اتشل...كان عارف إني نفسي في أطفال وكنت بقعد اعيط قدامه... مفيش مره صعبت عليه وقال لأ كفايه كده....مفيش مره قلبه وجعه عليا.. وعلى دموعي... لأ وأنا عايشه معاه وحاسة بالذنب وبقول لنفسي إنتي مش عارفه تسعديه... إنتي مش عارفه تجبيله طفل يشيل إسمه
أنا حاسه إني ربنا حول حبي ليه لكره....دا بيأذيني وهو متعمد إنه يأذيني...ومكفهوش كده..ولما ربنا أراد إني اشيل منه طفل....راح بدم بارد علشان يتفق مع الدكتور..
اتخنقت بالبكاء وقالت....راح يتفق عليا يا يوسف.   مفرقش معاه حزني وزعلي
أنا استحالة ارجعله... أنا لازم أطلق منه
في شقة أسماء
جنات.... ألف مليون مبروك... أيوه كده الاخبار إللي تفرح بجد
اسماء.... الله يبارك فيك يا حبيبتي... شايفه كرم ربنا عليا
شايفه ربنا غيرلي حالي الافضل ميه وتمنين درجة ازاي يا جنه...كنت بيني وبين نفسي متشائمة وبقول نفسي أكون زي كل البنات....طلع ربنا شايلي حاجه كبيره هتفرحني فرحه كبيره... يمكن لو كانت جت في الوقت إللي أنا عايزاه مكنتش هفرح كده
جنات....يارب دايما فرحانه كده ومبسوطه
اسماء... يارب
جنات...هما فين رانيا وريهام
اسماء....مامت مامتهم اخدتهم يقعدو معاها اسبوع
بس والله عملو فراغ كبير في البيت كانو عاملين ليه حس كده
جنات....كلها كام ويرجعو يملو عليكي البيت تاني
بقولك ايه مش عايزاكي تعملي أي مجهود وريحي نفسك على قد ما تقدري وأنا إن شاء الله هاجي كل يوم أشوف لو محتاجه حاجه
اسماء....من غير ما تقولي الدكتورة حظرتني من المجهود
........   ..........  ...........   ...       ........
 في منزل والد عليا
المأذون.... إن أبغض الحلال عند الله الطلاق
والد عليا....دي آخر فرصة يا عليا.. فكري كويس يا بنتي
عليا بدموع..... أنا خلاص أخدت قراري يا بابا
مسعد.... أنا آسف يا عليا أنا غلطت ومعترف..بس بلاش طلاق
زادت عليا في البكاء
يوسف....يا حبيبتي من غير عياط الموضوع لسه منتهاش........ بلاش طلاق
عليا... أنا لازم أطلق أنا بقيت مش حاسه معاه بالأمان
اتوكل على الله يا شيخ وابدأ في الإجراءات....هو وعدني إنه هيكون راجل معايا ويطلقني مقابل إني اسامحه
مسعد.... مينفعش تسامحيني من غير طلاق يا عليا
عليا...كان شرطي إني اسامحك إنك تطلقني
مسعد.... أنا عملت حاجات غلط كتير في حياتي واكيد لازم يتردلي..من إللي أنا عملته
ابدأ يا شيخ في الإجراءات وأنا أوعدك يا عليا إنك مش هتشوفي وشي ثاني
............  .............  .............   ..........
في منزل سهيله
والدة سهيله.... بجد يا سهيله أسماء حامل... ربنا يتمملها بخير يارب
سهيله.... الحمد لله كلمتني وهي فرحانه... ربنا يتمملها فرحتها على خير يارب
تعرفي يا ماما كنت حاسه بالذنب اوي تجاه أسماء..في الفتره إللي كنت انانيه فيها ومش بفكر فيها غير.في نفسي.دمرتلها أنا حياتها... بس الحمد ربنا عوضها بالاحسن وانتقم مني أشد انتقام
والدة سهيله.....لا حول ولا قوه الا بالله... إيه إللي بتقوليه ده يا بنتي دا نصيب وكل واحد بياخد نصيبه
إنتي فاكره أن إللي إنتي عملتيه ده كان شطاره وذكاء منك... لأ دا دي إرادة ربنا إللي نافذه ... وإنتي كتتي مجرد سبب
ويمكرون ويمكر الله والله خير الماكرين
سهيله... خايفه من حساب ربنا اوي يا ماما
والدتها.    استغفري ربنا وتوبي واطلبي منها إنها تسامحك....
سهيله...هي سامحتني بس أنا مش عارف أسامح نفسي حاسه بتأنيب ضمير
والدتها....الندم أهم حاجة في التوبه... ربنا يغفرلك يا بنتي
...........    . .  ...........   ............      . ............
في منزل جنات
احمد.... كنت فين كل ده يا جنات
جنات بفرحه....كنت عند أسماء بباركلها على الحمل.. وكان عندها شويه حاجات عملتهم
احمد.... ربنا يقويكي...بس مش عايزك تيجي على نفسك علشان متتعبيش... تعملي إللي تقدري عليه معاها...وسبيلي أنا شغل شقتنا أنا إللي أعمله
جنات بابتسامة....فاكر يا أحمد لما كنت حامل وكنت بتساعدني في شغل البيت
احمد....فاكره إنتي لما كنت بمسح الأرض وأمي جت وأنا بمسح
جنات بضحك......دي اتصدمت صدمة عمرها يا عيني ساعتها....وكانت عماله تقول إنت يا احمد... إنت....دا إنت مكنتش بتملي مايه تشرب
احمد....ومن ساعتها بقيت كل ما أروح عندها تخليني أعمل معاها شغل البيت.... الله يسامحك يا جنات
جنات....طيب فاكر لما جت مره تتعشي معانا وكانت عماله تقولي.... إيه يا جنات الأكل ده أول مرة أكل عندك أكل طعمه وحش كده
احمد..... يعني إنتي سترتي عليا ما إنتي ساعتها قولتلها احمد إللي عامل الأكل علشان أنا اتأخرت عند الدكتوره
طول عمرك فضحاني
جنات بضحك......بس إنت اتأفشت كذه مره ومره حمايا الله يرحمه قفشك وانت بترمي الزبالة وفضل ذلك فتره كبيره
احمد..... كويس إنك فكرتيني بكل الحاجات.دي .. آخر مره أساعدك فيها في الشقه
جنات.... لأ لأ قلبك أبيض أنا بهزر معاك
احمد بمزاح.... أبدا
جنات.....دا الرسول كان بيساعد زوجاته وده الرسول.. عارف يعني ايه الرسول
احمد... خلاص عفونا عنك.... علشان الرسول قدوتي أنا هعمل زيه
.............   .................    ..................  .........
عند مسعد
أنتهي من إجراءات الطلاق وأصبحت عليا شخص غريب عنه لا تربطه بها أي علاقة...كان يوجد دموع محبوسه في عينيه متحجرة تأبي النزول...كان يسير في الطريق لايريد الذهاب الى المنزل اتصل بأسماء وانفجر بالبكاء
في منزل اسماء
اسماء بصدمه......طلقتها....طلقتها يا مسعد.. هو إنت هتلاقي زي عليا
مسعد.... هي إللي أصرت على الطلاق
عليا.... طيب ليه انت عملت حاجه تزعلها
مسعد.... أنا فعلاً عملت حاجه.. بس مكنش قصدي خالص إن الموضوع يوصل لكده...ومكنتش أعرف إن الموضوع ممكن يضايقها بالطريقة دي... أنا كنت متخيل لما أقولها الاسباب إللي خلتني أعمل كده هتفهمني وتسامحني....بس رد الفعل صدمني..... وكمان أهلها في ضهرها أوي..... إحنا في عيلتنا كلمه طلاق دي كبيرة أوي...حتي لو الواحدة جوزها بيموتها من الضرب .... إنما أهلها هي مختلفين عننا
اسماء.... إنت عارف يا مسعد لو كل  زوج عرف واتأكد إن أهل مراته هيقفو في ضهرها وهيسندوها... مكنش في راجل افتري على مراته ولا ظلمها...ولا شوفنا المصايب إللي إحنا بنشوفها اليومين دول
مسعد....قصدك إيه..... أنا عارف إني ظلمتك...بس.... بس
لم يعرف مسعد ماذا يقول فعندما ظلمها لم يكن لديه مبرر
وليس للظلم مبرر مهما كانت الأسباب
اسماء....مش قصدي عليك يا مسعد أنا بتكلم عموماً يعني..بس قولي إيه إللي حصل وصلكم للطلاق وإزاي متقوليش... ممكن كنت أعرف أصلح بينكم
مسعد.... أنا مش عايز اتكلم دلوقتي يا أسماء ومش مستحمل لوم من حد.... أنا جيت اتكلم معاكي شويه علشان أرتاح
أنا تعبان...تعبان أوي...ومش طايق ادخل البيت.. بقي كئيب
حتي الشغل مش طايقه.... أنا مش طايق حياتي عموما
اسماء.... استغفر ربنا....كله هيعدي إن شاء الله...وبكره عليا تهدي وإن شاء الله ترجعو لبعض تاني
بقولك ايه يا مسعد....اطلع اعمل عمره.... وروح شوف الرسول
وسلملي عليه وإن شاء الله ترجع من هناك نفسيتك كويسه ومقبل على الحياة.... وادعي إن عليا ربنا يهديها إنها تسامحك
مسعد.....بأمل.....فكره حلوه أروح أعمل عمره..  .بس عليا استحالة تسامحني أنا متأكد....دي ممكن تدوس على قلبها بالجزمه.. كله إلا كرامتها
.................  ................   ................ .
في منزل جنات
يا أولاد تعبتوني قومو نامو بقي
جني وهي بتتنطط على السرير..... لأ ه لأ ه... مش هنام مش هنام
جنات.... يا جني بلاش تعملي كده إنتي تعبانه اقعدي بقي
آدم علي سريره هو الآخر. ... لأ هي مش تعبانه..وطلع يجري وقال....تعالي يا ماما امسكيني
جريت وراه جنان وقالت.... أنا دايخه لوحدي يا آدم تعالي هنا
جريت جني الأخري.وقالت .... لأ أجري ورايا أنا يا ماما...مش هتعرفي تمسكيني
جلست جنات بتعب وقالت.... أنا مش قادره.. وقالت بصوت عالي جداً.... احمااااااااااد..يا احمااااااااااد
قام احمد من النوم بخضه وقال....في إيه في حاجة ولا ايه
جنات بتعب....شوف ولادك مش عايزين ينامو
احمد بإنفعال....بتخضيني كده علشان مش عايزين ينامو
أنا قولت حد منكم جراله حاجه
وقفت جنات ولكنها لم تستطيع أن تتماسك فوقعت على الأرض....جري نحوها احمد والاولاد بلهفه
احمد..... مالك يا جنه في إيه
جنات....دايخه أوي
جني بدموع.... أنا أسفه يا ماما أنا هنام
آدم.... أنا آسف يا ماما إني تعبتك أنا كمان هنام.   
سند احمد جنات وخرجو من الغرفه
احمد.... إنتي مأخدتيش برشام السكر انهارده
جنات....خلص من امبارح ونسيت اجيبه
احمد.....هو ده حاجه تتنسي يا جنات.. أنا داخل البس ورايح اجيبه
..............   ................   ..............
في منزل عليا
كانت تجلس هي وسهيله
سهيله بصدمه...اتطلقتي يا عليا...مش إنتي قولتي إنك هتعلميه الادب.... أي إللي وصل الموضوع للطلاق
عليا.... فكرت في الموضوع كويس.. وبقيت خايفه منه أوي يا سهيله ... إزاي هعرف أعيش معاه... هفضل شاكه في كل حاجه بيعملها معايا....دا لو اداني ميه أشرب هكون خايفه ليكون حاطط فيها حاجه
سهيله.... طالما عرف غلطه واعترف بيه كنتي سامحتيه يا عليا....هو مش هيقدر يعملك حاجه بعد الموضوع ما أتعرف
عليا.....هو كسر الثقه إللي بيني وبينه وبني حيطه سد بينا
سهيله.... كان المفروض تسامحيه يا عليا.... إنتي كده اطلقتي وخلاص....وممكن تتجوزي واحد تاني يكون مش كويس يبقي إللي نعرفه احسن من اللي منعرفوش
عليا....  موضوع السماح ده حاجه نسبيه... ممكن حاجه أنا أقدر أسامح فيها إنتي متقدريش أو العكس وكل واحد حسب قدرته.... وأنا مش قادره اسامحه
تمر الأيام على الجميع ببطئ وملل وخاصة أسماء...فقد اتعبها الحمل كثيرا...وطلبت منها الطبيبه أن ترقد بالسرير وبلا حراك
وجنات وسهيله يذهبون إليها دائماً ولا يتركوها
وها هي في شهرها الأخير من الحمل
في شقة أسماء
ياسين.... إيه يا اسماء عامله ايه انهارده...وقلب بابا إللي تاعبنا ومش عارفين هو ولد ولا بنت ده عامل ايه
اسماء بتعب... الحمد لله بخير
ياسين..... الدكتورة هتحدد ميعاد الولادة انهارده
اسماء بخوف.... أيوه.... أنا خايفه أوي بعد الولادة هيستأصلو ليا الرحم... عايزه اوصييك على إللي في بطني...لو جرالي حاجه يا ياسين
وضع ياسين يده على فم أسماء وقال.... بعد الشر عليك
اسماء.بتعب...  سيبني أوصيك يا ياسين..  خلي بالك من المولود إللي هجيبه حطه في عينك يا ياسين أنا فضلت أحلم بيه كتير أوي... سواء ولد أو بنت حطه في عينك يا ياسين
ياسين.... ربنا يقومك بالسلامه يارب... وبعد الشر عليك من أي حاجة وحشة وبعدين هتسيبي عيالك الثلاثة لمين...شدي حيلك وقومي لينا بالسلامه يا أسماء... وكفاية كلام وقومي نروح للدكتورة علشان نشوف القمر إللي في بطنك إللي بقاله تسع شهور مطلع عينا كلنا
قامت اسماء مع ياسين وذهبوا إلي الطبيبه
............     ..............  ..........
في منزل عليا
والد عليا..... إيه رأيك يا بنتي في العريس إللي متقدملك ده
عليا....هصلي استخاره يا بابا واقولك رأيي
والدها..... قبل ما تصلي الاستخاره.. مينفعش تفكري في الجواز يا بنتي لو في قلبك أي مشاعر لسه تجاه مسعد
ماينفعش يا بنتي نظلم حد معانا
عليا... مسعد كان صفحه في حياتي وأنا قطعتها يا بابا
والدها....مش باين يا بنتي إنك قطعتيها...باين إنك لسه موجوعه ومش عايزك تدخلي في أي تجربة غير لما تتجاوزي التجربة الأولى وتتعافي منها تماما علشان متظلميش حد معاكي
إنتي لما اتظلمتي معرفتيش تسامحي ولا تتقبلي الظلم ده
بلاش نظلم حد معانا يا عليا
عليا..... صدقني يا بابا أنا تعافيت منه
والدها.... أنا شايف إنك هتوافقي علشان تحاولي تنسي مسعد وكمان علشان تثبتيله إنك شوفتي حياتك ومش واقفة عليه
وأنك تخطتيه بسهولة
نظرت عليا إلي والدها ببكاء وقامت بسرعه ذهبت الى عرفتها
وأغلقت عليها الباب وظلت تبكي بشدة وتقول لنفسها
معقول.... معقول بابا فاهمني اكتر ما أنا فاهمه نفسي
يارب اهديني وخرج مسعد من قلبي
...    ...........   ............  ..     ........
في منزل جنات
كانت جنات تجلس على الأرض تلعب هي وأولادها فقد تعافت جني واصبحت بإمكانها اللعب بحرية
جنات بفرحه....جني خسرانه
وقف آدم وظل تتنطط بفرحه وهو يقول هييهيهيهيهيهيييي
جني هي إللي هترتب اوضتنا بكره
جني بتذمر....كل مره أنا إللي بخسر
جنات.... علشان مش بتركزي...مش عارفه تقولي حيوان بحرف الذال.... أنا كل يوم والثاني احكيلك حكايه الذئب
الذئب مش بحرف الذال
جني بتحدي.... المره الجايه أنا إللي هكسب وآدم هو اللي هيرتب اللعب كلها لوحده
دخل احمد علي صوتهم وهو سعيد جدا
جري الاولاد نحوه بفرحه يحتضنوه
احمد..   حبايب قلبي عاملين ايه وحشتوني
آدم وجني... وإنت كمان يا بابا
احمد.... أنا جعان جداً حضرولي الأكل علشان عندي خبر حلو ليكم
جنات..... الحمد لله على سلامتك يا احمد دقيقه واحده واجهز الأكل يلا جني إنتي وآدم جهزو السفره على ما أجيب الأكل
اجتمعوا على الطعام وظل يأكلون بإستمتاع فقال احمد
عندي ليكم خبر حلو
جنات...  قول بقي أنا قاعده على نار من بدري ونفسي أعرف
احمد... خمني
جنات...  خلص يا احمد وقول
احمد.... أنا أخدت مكافئه في الشغل وإن شاء الله نخرج نتفسح في أحلي مكان تختاروه
جنات والاولاد.... هييههيييهههييييههههييييي
..............   .............   
في منزل مسعد
كان يجلس يفكر ماذا يفعل فمنذ أن علم بالعريس المتقدم لعليا وهو يغلي من الغضب
ظل يفكر كثيرا جداً... واخيرا استسلم للفكره وظل يدعو لها بصلاح الحال
وقام يخرج من المنزل فقد قرر أن يبيع هذا المنزل بسبب شعروه بالاختناق بداخله
.......  ...........   ...........   ...........  ........
عند الطبيبه أخبرت أسماء بموعد الولادة بعد اسبوعين وظلت تشرح لها كل شيء وتحاول أن تطمئنها... عندما رأتها خائفه إلي هذه الدرجه
وعادت إلى المنزل هي وياسين
ياسين....يا بنتي اطمني بقي ومتخافيش إن شاءالله خير
اسماء....خير يارب أنا واثقة في ربنا
............  ..         ..................  .........
وتمر الأيام سريعه على أسماء التي تخاف من الولادة بشده
حتي اتي يوم الولادة
كانت المستشفى ممتلئه حولها ياسين الذي لا يفارقها ابدا
وحماتها ورانيا وريهام..وجنات وسهيله.. ومسعد أخوها
اتي دورها وحانت لحظه دخولها غرفة العمليات
احتضنت الجميع بشده وهي تطلب منهم الدعاء لها واحتضنت رانيا وريهام بشده وظلت توصيهم على البيبي
دخلت غرفة العمليات.. وتركت الجميع حولها يدعون لها بصدق وبشدة
طالت غيبتها داخل الغرفة حتي دب الرعب في قلوب الموجدين خاصةً ياسين.  فقد كانت توصيه طول الوقت على المولود
واخيرا حن عليهم الطفل وسمعو صراخه مما جعلهم يتنفسون براحه...ما عدا عن ياسين فهو خائف من العملية الأخري جداً
خرجت عليهم الممرضة وهي تحمل الطفل وتقول ماشاء الله ولد زي القمر
اخذو منها الطفل وأذن له ياسين في أذنه وأعطاه إلي مسعد
نظر له مسعد بسعادة وهو يقول في نفسه
الله إنت جميل أوي وشكلك حلو اوي... أنا حرمت نفسي من نعمة كبيرة أوي.. أنا غبي...طلع عندك حق يا عليا إنك تحلمي يكون عندك طفل... أنا دلوقتي نفسي يكون الولد ده إبني
إنت يا قمر إنت فتحت نفسي على الاولاد
ياسين بمزاح....هات إبني بقي يا عم إنت ما صدقت ولا إيه
مسعد.....ما هو إبن أختي برضه وعايز أشبع منه
ياسين.... خلاص شيله
والدة ياسين..  هات إبن إبني بقي أشوفه
جنات.....اتأخرو أوي جوه أنا عايز اطمن علي أسماء
وبعد وقت طويل جداً كان الجميع فقدوا أعصابهم
خرجت أسماء من غرفة العمليات ومازالت في البنج...تسمع كل شئ حولها لكنها لا تستطيع فتح عينها أو الكلام
اطمئنت عندما سمعت صراخ طفلها وكانت تود أن تفيق حتي تحتضنه
وبعد وقت بدأت تفتح عينيها ورأت نظرات ياسين الذي ينظر لها بلهفه وترقب ونظرات مسعد الذي ينظر لها بقلق
وجنات التي تورمت عينيها من البكاء..ووجدت الطفل على قدم جدته...تعطيه الببرونه
إجتمع حولها الجميع بفرحه يهنئونها
كانت أسماء تتألم بشده وكلما استعادت وعيها تتألم أكثر
اسماء بألم.... عايزه اشوف إبني
ياسين... يعني إنتي كنتي إنه ولد
اسماء....كنت حاسه...بس مكنتش متأكده
اتت جنات بالطفل ووضعتها أمام أسماء وقالت.....بسم الله ماشاء الله زي القمر
اسماء.... الحمد لله.... الحمد لله... شكراً يارب... نفسي اشيله
جنات..... شويه بس يا حبيبتي تعرفي تسندي نفسك خدي بوسيه
وضعت جنات الطفل على صدر اسماء وظلت أسماء تقبله وهي تبكي وتحمد الله
وكان جميع من في الغرفة فرحين لفرحتها
عادت أسماء إلي المنزل بعدما تعافت قليلاً ومعها ولدها وقرة عينها... والجميع حولها سعداء جداً
كانت أسماء ترقد على السرير وحولها جنات وسهيله ووالدة ياسين.. وياسين ورانيا وريهام
اسماء بسعادة...هاتي يا جنات مازن أنا اشيله
جنات....هتقدري يا حبيبتي تقعدي
اسماء....اسندوني بس احاول أقوم. نفسي اشيله وارضعه يا حبيبي عمال يعيط من بدري
قامو بتسنيدها وحملت مازن في حضنها وبكت بفرحه وقالت
تعالي يا رانيا.. تعالي يا ريهام شوفو اخوكم
رانيا.... أنا عايزة اشيله
اسماء....خدي يا حبيبتي شيليه
ريهام.... وأنا عايزه اشيله
اسماء.... إنتي شليه شويه ورانيا شويه.. ماشي حبايب قلبي
............   ...........  ..............   ............
في منزل عليا
عليا.... بابا أنا عايزة أشوف أسماء ولدت وعايزه أروح اباركلها
والدها بتفكير....كلميها في التليفون أحسن يا عليا... إنتي كده كده محدش هيعتب عليكي
عليا بصدق..  يا بابا اسماء أنا بعتبرها زي أختي.. كانت نعمه الصديقة ليا....وهي ملهاش دعوه باللي بيني وبين أخوها
والدها.... أنا عارف كويس إنك بتحبيها وعارف إنك فعلاً عايزه تباركلها....بس اختيارك للوقت ده بالذات يخليني أشك إنك ليكي نيه تانيه
عليا بإرتباك...  نية اي
والدها... دلوقتي مسعد رجع من الشغل وطبيعي هيكون عند أخته.... بلاش يا عليا أنا عارف إنك عايزه تختبري مشاعرك
وتشوفي نفسك لما تشوفيه هتحسي بإيه
عليا بإرتباك... يا بابا.... أنا.... أنا
والدها... أنا ابوكي إللي مربيكي يا عليا وبثق فيكي جدا جدا
إنتي بالنسبة ليا مش مجرد بنتي إنتي حتة مني
مش عايزك تتحطي في موقف بايخ يدايقك....لما تروحي وتلاقيهم كلهم موجدين...هتحسي إنك غريبه وسطهم...وانك ملكيش مكان بينهم....وممكن كمان حد يقولك كلمه تدايقك
عليا بحسم....عندك حق يا بابا.... أنا مش هروح دلوقتي.... إن شاء الله أروح لها بكره الصبح يكون مسعد في الشغل
والدها....بنتي دايما عند حسن ظني فيها.... قوليلي بقي العريس إللي إنتي معلقاه بقالك فتره ده مش ناويه تاخدي قرار بقي
عليا....بصلي كل يوم يا بابا وأوقات أحس أني مرتاحة وأوقات أحس أني خايفه
والدها بتفهم.... أنا من رأي يا عليا تدي لنفسك فرصة...وتاخدي فتره نقاهه قبل ما تدخلي في تجربة تانيه بحيث تعرفي تفكري كويس وتختاري الشخص المناسب
عليا.... خايفه يا بابا أضيع مني شخص كويس جدا زي ده
والدها....هو فعلا شخص كويس بس إنتي هتظلميه يا عليا علشان لسه بتفكري في مسعد...هو يستحق واحده يكون هو إللي شاغل تفكيرها مش حد تاني
عليا.... عندك حق يا بابا... أنا مش هكون انانيه وافكر في نفسي بس وانسي حقه في زوجه قلبها مش فاضي غير له هو بس.....بلغو رفضي يا بابا
والدها....مش عايزك يا عليا تقولي إني ضيعت عليكي فرصة كويسه.... ربنا إللي يعلم يا بنتي إني عايز مصلحتك....وميرضنيش إن حد يتظلم بسببنا
عليا.... لأ طبعاً يا بابا إنت اكتر واحد في الدنيا عايز مصلحتي وبتتمني الخير ليا.... شكراً ليك يا بابا إنك دايما في ضهري ومفتح عيني على الصح والغلط
.........     ..............  ............
كانت أسماء سعيده بوجود كل من تحب حولها...كانت تتألم بشده لكنها لا تظهر ذلك للموجودين...تريدهم سعداء فقط
أخذت طفلها داخل أحضانها وظلت تحدثه...وهي لا تصدق أنه الآن حقيقة وبين يديها
جنات.... أنا همشي دلوقتي يا أسماء علشان اطمن علي الأولاد ومن النجمة هتلاقيني عندك
اسماء..  اتفضلي يا حبيبتي أنا تعبتك معايا
جنات... تعبك راحه يا غاليه.. دا أنا عنيا ليكي... ربنا يتم شفاكي على خير
اسماء... اللهم امين
سهيله..  وأنا كمان استأذن علشان الاولاد وإن شاء الله الصبح بدري أكون عندك
اسماء..  يا جماعه براحتكم أنا معايا ياسين متقلقوش.. وكمان حماتي هتبات معايا
جنات..  لأ إن شاء الله اجيلك بدري..يلا الحمد لله على سلامتك
ذهبت سهيله وجنات وبقيت أسماء وزوجها والاولاد
اتت حماتها بالطعام وقالت..  يلي يا حبيبتي كلي علشان تاخدي العلاج
اسماء.... لأ يا ماما مليش نفس
حماتها...  لازم يا بنتي لازم تاكلي علشان تاخدي العلاج وتعرفي تشدي حيلك وتقومي لعيالك
اكلت أسماء واخدت علاجها ونامت من التعب
...          .      ..................   ...        ......  
في شقة جنات
احمد.... كل ده تأخير يا جنات..  المهم هي عملت ايه
جنات بفرحه...  الحمد لله قامت بالسلامه...وجابت ولد زي القمر يا احمد
احمد.... ربنا يباركلهم فيه هروح إن شاء الله بكره أبارك لياسين.... المهم أنا جهزت حاجه خفيفه كده للعشا
جنات... طيب دقيقه واحده أقوم أجهز الأكل
احمد...  لأ خليكي إنتي تعبانه طول النهار أنا هقوم أجهز
جنات.... وأنا هنادي للأولاد واجهز السفره...
قامو بتجهيز الطعام واكلو وذهب كل شخص إلي سريره
وانتهى اليوم على الجميع وهم سعداء....
واتي يوم جديد يحمل في طياته الكثير من الأحداث
...............     ............  .
في الصباح الباكر ذهبت جنات إلي أسماء
جنات.... عامله ايه دلوقت يا غاليه
اسماء.. الحمد لله في نعمه
جنات.... الحمد لله..  والنونو عامل ايه غلبك بالليل
اسماء....طول الليل حماتي واقفه بيه عمال يعيط وأنا مش عارفه أقوم اشيله ..هي تشيله شويه وياسين شويه
جنات..  هو في الأول كده وبعدين إن شاء الله يبقي نومه كويس....هو فين ياسين
اسماء....نزل يريح شويه عند حماتي
ا جنات.   طب كويس اقوم أنا بقي اظبط الدنيا من حواليكي قبل حد ما ييجي
قامت جنات بتنظيف المكان واعدت طعام مخصوص لأسماء وطعام مخصوص لباقي العائله.. وبعدما انتهت وضعت الطعام لأسماء
اسماء.... تعبتك معايا
جنات.....بطلي الكلام ده والله هزعل منك إنتي زي ايه أختي
وأثناء حديثهم اتت عليا
وضعت عليا الهديه بجانبها وقالت... ألف مبروك يا أسماء ماشاء الله تبارك الله.... إيه القمر ده
اسماء... الله يبارك فيكي يا عليا...خدي شيلي شويه
في الاسفل كان مسعد يتحدث مع ياسين ليطمأن على اسماء
مسعد.....وهي عامله ايه دلوقت...هات اكلمها
ياسين..  أنا تحت وهي فوق معاها ضيوف
مسعد..   ضيوف مين على الصبح كده
ياسين... معاها أم آدم جارتنا وعليا.... مراتك
مسعد.... بجد عليا عندكم..... أصل أنا كنت جاي أشوف أسماء.   سلام بقي أنا جاي في الطريق
وبعد وقت قصير جدا اتي مسعد وصعد إلى شقة أخته بسرعه
دق الباب ودخل سلم على اسماء ونظر إلى عليا وقال
ازيك يا عليا... عامله ايه
عليا وهي تنظر إلى الأرض.... الحمد لله بخير
مسعد..... محدش بيشوفك ليه
عليا..   مش بخرج من البيت غير للضروره
مسعد...... أنا بحاول ارن عليكي كتير جداً مش بتردي عليا
عليا...   علشان مينفعش أرد عليك يا مسعد.غلط حتي كلامنا دلوقتي غلط..... أنا هستأذن..  مع السلامه يا أسماء
اسماء....يا بنتي ملحقتيش تقعدي معايا شويه
عليا......اجيلك مره تاني إن شاء الله
مسعد......عليا... أنا هطلب إيدك من والدك تاني
مسعد....عليا أنا هطلب إيدك تاني
نظرت إليه عليا مطولاً وقالت.....للأسف يا مسعد مش هينفع
في حاجة كبيرة أوي اتكسرت جوايا وللأسف الكسر ده مينفعش إنه يتجبس
مسعد.....الطب بيتقدم وكل يوم في جديد...ومفيش حاجه بقت مستحيله
عليا.... للأسف في حالات الطب بيقف عاجز قدامها.... وأنا حالتي من الحالات دي
مسعد....بس مع الوقت والابحاث بيوصلو للعلاج
عليا..... إنت قولت أهه مع الوقت....والشغل بيوصلو
سيب حكايتنا للوقت هو  يقول كلمته فيها...ونصيحه مني شوف حياتك واتجوز واعمل أسره
.................  .      .................      .......
في منزل سهيله
والدة سهيله... هي حرارة الولد مبتنزلش ليه
سهيله..  مش عارفه... أنا لازم اوديه لدكتور
والدتها....قومي لبسيه...دا يا حبيبي سخن نار
قامت سهيله بأخذ الولد إلي الطبيب
الطبيب....انزلي هاتي الحقنه دي ياخدها دلوقتي
سهيله.... إبني كويس يا دكتور
الطبيب.....متقلقيش هو كويس
اتت سهيله بالحقنه واعطاها الطبيب لولدها
سهيله.... هو عنده إيه يا دكتور
الطبيب..   عدوه تنفسية... ياريت لو له اخوات يفضل يبعد عنهم علشان هيتعدو منه.... والعلاج ده يمشي عليه لمدة أسبوع...واشوفه تاني بعد الاسبوع
سهيله.... شكرا جدا يا دكتور
أخذت عليا الولد ورجعت إلي المنزل
والدتها.....عمل إيه
سهيله... الحمد لله...الدكتور اداله حقنه نزلت الحرارة....وقالي أبعده عن أخواته
والدتها..... الحمد لله...
سهيله..... أنا كده مش هعرف أروح لأسماء...وخايفه تزعل مني
والدتها....ما إنتي معزوره يا بنتي... إبنك تعبان....رني عليها وقوليلها وهي هتتفهم
..............  ..............   ...............
في منزل عليا
عادت عليا من الخارج لم تجد والدها فذهبت إلى غرفتها توضأت وصلت وظلت تدعو الله أن يلهم قلبها الصواب
بعد انتهائها من الصلاة وجدت والدها يدق بابها. اذنت له بالدخول
والدها..  إيه يا بنتي عامله ايه... وأسماء ومولودها عاملين ايه
عليا... كويسين الحمد لله...كنت عايزه احكيلك على حاجه يا بابا
وحكت عليا كل ما حدث لوالدها
والدها..... وإنتي دلوقتي حاسه إيه بعد ما شوفتيه
عليا.... أول لما شوفته حسيت إن قلبي اتخض بس بعدين حسيت إنه عادي...اينعم قلبي قعد يدق كتير.. بس ده من تأثير المفاجئة...صح
والدها بتفكير....بصي يا بنتي عايزك تفكري كويس ولو اخترتي إنك ترجعي لمسعد...أنا موافق
......  ...........  .........    ..........
في منزل اسماء
اسماء.... إن شاء الله يا مسعد تفكر وترجعلك تاني..  بس لو تقولي إنت عملت ايه وصلكم لكده... حتي هي مش راضيه تقولي
مسعد....لو قولتلك هقل في نظرك اكتر ما أنا قليل
اسماء....لا حول ولا قوة إلا بالله... ربنا يصلح ما بينكم
مسعد....استأذن أنا علشان سايب الشغل واعملي حسابك هعمل لحبيب خالو أحلي سبوع
اسماء....متكلفش نفسك يا مسعد هو أبوه هيعمله
مسعد....ما الخال والد يعني أنا كمان أبوه

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -