رواية جحيمي ولكن كاملة جميع الفصول بقلم مروه علي

رواية جحيمي ولكن كاملة جميع الفصول هى رواية من تأليف المؤلفة المميزة مروه علي رواية جحيمي ولكن كاملة جميع الفصول صدرت لاول مرة على فيسبوك الشهير رواية جحيمي ولكن كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية جحيمي ولكن كاملة جميع الفصول

رواية جحيمي ولكن كاملة جميع الفصول

*شوفي البجحة، ماشية ف الشارع ورافعة راسها ولا كأنها خاطية، وقال ايه عاملة فيها الشريفة العفيفة.. اللهم احفظنا ياما لسه هنشوف.... *

-اسمي دموع عندي ١٩سنة والظاهر إن ليا نصيب من اسمي، اتعرضت للإغت*صاب من سنة، ساكنة في منطقة شعبية، ماما متوفية من وانا صغيرة و عايشة مع بابا،والحيوان اللي عمل كدا، زميلي ف المدرسة عيل صايع كل همه إنه يعلق البنات بيه وبعدين يسبهم بعد ماياخد منهم غرضه...

"فلاش باك "

-صباح الخير يابابا، انا جهزتلك الفطار والدوا وهنزل انا الشغل ولو احتجت حاجة رن عليا

-ربنا يصلح حالك يابنتي ويوقفلك ولاد الحلال...

*بابا قعيد من سنة وانا بشتغل عشان مصاريف الدروس والبيت *

"ف الشغل"

-ٱسفة يامدام، اتاخرت بسبب المواصلات..

-وانا اعمل ايه بأسفك ياحبيبتي، ياريت بعد كدا تلتزمي بمواعيدك وإلا شوفيلك شغل تاني...

-حاضر يامدام، عن اذنك

-ربنا يتوب عليا من دي شغلانة،الواحد قرف..

-مالك يادموع،المدام ياهنا وقفالي ع الواحدة وانا مش عارفة اعمل ايه وخصوصا إني محتاجة الشغل عشان دروسي وعلاج بابا..

-بكرا ربنا يفرجها متزعليش نفسك،المهم يلا نشتغل..

-يارب،يلا

*بعد ٦ ساعات *

-بعد اذنك يامدام انا خلصت الشغل والمفاتيح ممكن اروح عشان ألحق الدروس..

-ماشي ياختي.. ياكش تفلحي ف الٱخر..

*في السنتر *

-ياربي المستر اتاخر كدا ليه،الساعة بقت ٧

-المستر هيتأخر ساعتين ياجماعة،لان حصلت عنده ظروف..

-كدا انا هضطر أروح يارغد لان بخاف أروح لوحدي بالليل،وبابا لوحده ف البيت...

-متخافيش ياستي علي باباكي وبعدين الكفر أمان مش هيحصل حاجة إن شاء الله...

-طب بصي،انا هطلع ارن علي بابا ف الشارع عشان الشبكة...

*ف الشارع *

-دموع٠٠يادموع٠٠

-ايوه يامحمد خير

-كل خير..دموع انا بحبك وكنت عايز نرتبط لحد ماكون نفسي واتقدملك...

-ضحكتني والله يامحمد..وياتري عامل رهان عليا مع مين المرادي...

-صدقيني انا بحبك ومش بضحك عليكي..

-وانا يامحمد مش عبيطة...عشان أصدق كلامك....عن اذنك..

-دموع.. استني

- بعد ان قامت بصفعه.. انت ازاي ياحيوان تمد ايدك عليا..

-ماشي ياروح انا هوريكي مقامك..وبكرا تيجي تترجيني عشان أبص ف خلقتك..

-بضحكة استهزاء...ٱه ماشي..

*في السنتر *

-مالك يابنتي متعصبة كدا ليه..

-مش مهم... كان فيه حيوان عايز يعرف مقامه وعرفتهوله...

-جدعة،قوليلي كلمتي باباكي

-ايوه كلمته...

-مساء الخير ياشباب ٱسف إني اتاخرت عليكم يلا نبدا الحصة..

*بعد الدرس *

-معلش يادموع مش هعرف امشي معاكي،ماما قالتلي اروح لخالتي..

-ماشي يارغد،ادعيلي اوصل بالسلامة

-ماشي ياحبيبتي، مع السلامة...

*ف الموقف *

-توكتوك يا ٱنسة

-ايوه ياسطا بتروح كفر ****

-ايوه يا ٱنسة،بس الطريق السريع مقفول عشان كدا هنروح من الطريق الزراعي...

-ماشي ياسطا

*بعد ربع ساعة*

-دموع بخوف ياسطا انت متاكد من الطريق دا،الحتة هنا ضلمة اوي أكنك في حتة مقطوعة..

-متخافيش يادموع طول ماحنا مع بعض...

-انت عرفت اسمي منين وبتتكلم معايا كدا ليه؟!

-من الأخ دا... ويلا انزلي...

- بخوف ورعشة.. مح...مد..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

-دموع بخوف ابعدوا عني... انتم... عايزين مني ايه

-محمد والسواق.. كل خير ياحلوة وبيقربوا منها

دموع بصريخ وعياط.. ابعدوا عني... يارب ثم اغمي عليها...

*تاني يوم*

-أحد المزارعين٠٠ يلا بينا يابني عشان نلحق نخلص رش الارض قبل الضهر...

-حاضر يابا..يلا بينا

-إلحق يابا...فيه هنا واحدة هدومها متقطعة وبتنزف دم....

-لاحول ولاقوة إلابالله العلي العظيم..اجمع الناس يابني عشان نشوف هنعمل ايه..واتصل بالإسعاف...

*بعد نص ساعة *

-الكفر كله اتجمع عشان يشوف مين دي... منهم اللي رمي اللوم عليها...ومنهم اللي اتعاطف معاها...

- احد الممرضين لو سمحتوا ياجماعة وسعوا الطريق عشان نعرف نشيل الضحية....

*في المستشفي *

-حضروا العمليات بسرعة البنت بتموت..عندها نزيف داخلي شديد..

-هي مالها يادكتور؟!

-تعرضت لإغتص*اب بكل وحش*ية..ادي عندها لنزيف داخلي شديد..وربنا يستر ومنضطرش نشيل الرحم...

-إن شاء الله خير...

*بيت دموع*

-ياتري انت فين يابنتي...عمرك ماغبتي برا البيت...ربنا يرجعك سالمة..يارب مليش غير بنتي هي سندي ف الدنيا احفظهالي...

-ايوه..مين

-انا اسمي احمد ياحاج..أمين شرطة وجايلك بخصوص بنتك دموع..

-مالها...بنتي يابني طمني عليها أبوس ايدك...

-للٱسف ياحاج لقينا بنتك انهارده الصبح مرمية في ارض زراعية ومن الكشف اتضح انها اتعرضت للإغتص*اب...

-بدموع...اغتص*اب...ياحبيتي يابنتي..يارب وديني عندها يابني الله يسترك عايز اشوفها...

-حاضر ياحاج اتفضل معايا..

*أمام غرفة العمليات *

-بلهفة ودموع..طمني يادكتور بالله عليك بنتي مالها..

-للٱسف ياحاج بنتك اتعرضت للإغتص*اب وحصل عندها نزيف شديد...واضطرينا نشيل الرحم...

-ٱهاااااااا....بنتي...قلبي..قل... بي..

-ترولي بسرعة

*بعد الكشف *

-لاحول ولاقوة إلا بالله..البقاء لله..حصله سكتة قلبية من حزنه ع بنته..

*في أوضة دموع*

-دكتور...المريضة بتفوق

-اهااا..انا فين...مح....مد..ابعد عني...لاااااااء، انا فين

-حمدلله على سلامتك..انت ف المستشفي..

-ليه...انا حصلي ايه...

-للٱسف يابنتي انت اتعرضتي للإغتص*اب...

ببكاء..إغتص*اب..يااااااارب..انا عايزة اشوف بابا ممكن تجبهولي...

-حاضر،بس مش دلوقتي اما تتحسني شوية...

-بدموع..لاء عشان خاطري...انا عايزة اشوفه

_بصي يابنتي انت عارفة إن كل شئ بيحصلنا ف الدنيا دي نصيب..بصراحة والدك توفي...

-بإنهيار ودموع...متقولش كدا ع بابا..بابا عايش صح...يابابا... ودوني ليه..انا عايزة اشوفه...يابابا

-حقنة مهدئة بسرعة..

-يا... با....با....

-لاحول ولاقوة الابالله..ربنا يصبرك يابنتي وكمان لسه معرفتيش إن الرحم اتشال...

*بعد شهر *

-تم دفن والد دموع،وبقت دموع حديث الكفر كله..وهي لسه بتتعالج ف المستشفي ولكن ساكتة دايما ومش بتتكلم مع حد...

-هااا... يادموع حاسة بتحسن انهارده...

-انا قررت أرفع قضية...

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

-انا قررت أرفع قضية..

-وانا معاكي يابنتي... وربنا يرجعلك حقك قريب إن شاء الله..

-انا عايزة أخرج من هنا.. بس الأول هروح المركز

-حاضر يادموع.. قدامي لسه ساعتين ف الشيفت اخلصهم وهكتبلك إذن خروج واجي معاكي اوصلك...

-مش عارفة أشكرك ازاي يادكتور بجد..

-لا شكر ع واجب يابنتي

*بعد ساعتين *

-متأكدة يابنتي

-بنظرة انتقام وتحدي...ايوه..

*في بيت محمد*

-مش ناوي ترجع بقي يامنيل بقالك شهر غايب عن البيت...

-م وقته ياما..عندي لسه شغل اما اخلصه هاجي..

-ماشي..اما نشوف أخرتها..

-بقولك ياما هي دموع رجعت بيتها ولا لسه ف المستشفي..

-لسه ف المستشفي بس بيقولوا هتخرج انهارده..بتسأل ليه خير يارب..

-هاا،ولا حاجة بتطمن عليها بس... ماهي ف الٱخر بنت منطقتي..

-ماشي هحاول اصدقك، بس متنساش إن امك يعني عجناك وخبزاك...

-قصدك ايه ياما،هكون عملتلها ايه يعني...

-ولا،اوعي تكون انت اللي عملت العمله المهببة دي

-لااااا،طبعا ياما انت بتقولي ايه..

-ماشي،يلا سلام عشان م فاضية..

-سلام

*في المركز*

-السلام عليكم

-وعليكم السلام....خير

-كنت عايزة اعمل محضر..

-ماشي...بس ايه السببب

-اغت*صاب

-اللهم احفظنا....بقولك ايه- ماتوفري وقتك والفلوس والمحاكم وسيبيك م المحضر واتجوزيه واهو يسترك م الفضيحة وخلاص....

-بغضب..انت بتقول ايه حضرتك،انا مستحيل اسيب حقي ولو فيها موتي،واظن الشرطة ف خدمة الشعب..

-انت حرة...بس ياريت مترجعيش تندمي..

-لا متخافش..انا عارفة مصلحتي كويس..

-اسم المتهم ايه وبقالك قد ايه...

-محمد السيد عبد الحميد،بقالي شهر

-ماشي،بس لازم كشف طبي وأدلة،كده المحضر خلص...

-تمام..شكرا

*ف بيت دموع *

-كدا يابنتي...احنا عملنا المحضر،بس انا خايف عليكي من اهله لما يعرفوا إنك عاملة محضر لابنهم،وخصوصا إنكم ساكنين ف نفس المنطقة...

-متخافش يا دكتور...وبعدين انا مستحيل اتنازل عن حقي، و من بكرا هنزل ادور علي شغل علشان مصاريف القضية، وعلشان امتحاناتي قربت...

-بصي يادموع انا اعتبرتك زي بنتي،انا عايش مع مراتي لوحدنا بعد جواز عيالنا..تعالي عيشي معانا ومصاريفك كلها عليا يابنتي....

-شكرا لحضرتك بس انا هبقي مرتاحة ف بيتي اكتر...ولازم اتعب عشان اجيب حقي وحق بابا الله يرحمه...

-ماشي يابنتي،وانا معاكي ف اي حاجة..

*بعد يومين *

-ازيك يامدام،انا كنت جاية عشان اكمل شغل..

-أهلا،بس بصراحة ياحبيبتي انا بخاف ع سمعة محلي وأنت ماشاء الله سمعتك مسمعة...

-بس انا يامدام مالي انا اتعرضت للإغتص*اب م عيل صايع يعني مليش ذنب...

-وانا ياحبيبتي مليش دعوة،انا ليا سمعة محلي وعن اذنك عشان م فاضية

-بقهر ماشي يامدام

*ف بيت محمد *

-اخيرا،شرفت يابيه فكرتك هاجرت...

-ف ايه ياما كل دا عشان غبت شهر...

-ماشي يابن بطني، بس م مرتحالك،وروح شوف مين بيخبط..

-اوووف،ماشي

-دا، بيت محمد السيد

-ايوه مين

-متقدم فيك محضر باسم دموع احمد بإنك اغتص*بتها،اتفضل امضيلي هنا ..

-بغضب مقدمة فيا محضر يابنت ال***،ورحمة ابويا لاعرفك مقامك

-ماتخلص يا أستاذ عندي شغل مش فاضي

-ماشي ثم قام بغلق الباب

-مين يامحمد

-واحد جايبلي محضر

-محضر ليه؟

-بنت ال*****مقدمة فيا محضر بإني اغتص*بتها

-يالهوي،يا فضحيتك بين الخلق ي إحسان،فضحتنا منك لله،اودي وشي م الناس فين...

-اهدي ياما،انا هخليها تتنازل...

*ف بيت دموع *

-حاضر...حاضر ياللي ع الباب كل دا خبط جايه اهو

-بغضب وصوت عالي..بصي يابت انت ورحمة أبويا لو ماتنازلتي عن المحضر لاكون دافنك مكانك وبكام صورة حلوين هقول إنك عملتي كدا بمزاجك..

-ابعد عني ياحيوان..ورحمة ابويا اللي مات بقهرته عليا ماهسيبك إلا وانت متعفن ف السجن...

-ماشي ياحلوة..ابقي وريني هتعملي كدا ازاي..

-هنشوف..ويلا غور م هنا بدل ماصوت وألم عليك الناس

-ماشي يادموع انا هوريكي....

-بعياط يارب،اقف جمبي مليش غيرك

-الو.. مين معايا

-انا ممرضة م مستشفي ***، انهارده ميعاد الفحص الأسبوعي..عشان نتأكد ان استئصال الرحم معملش عندك مشاكل...

-انت بتقولي ايه...أكيد غلطانة ف الرقم..

-م حضرتك دموع احمد

-ايوه

-طيب ماحضرتك عملتي استئصال رحم م شهر

-بصدمة وعياط....ايه..استئصال.. رحم..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

-بصدمة ودموع.. ايه... استئصال رحم... يعني م هخلف تاني.. يااااارب.. طيب وأحلامي إني أخلف بنت وولد ونعيش ف بيت صغير... دا انا كنت اخترت أسمائهم وعد و محمد... ايوه هو محمد لازم يم*وت هو اللي حرمني من حقي إني أكون أم.. فين الطرحة والس*كينة... أيوه هو لازم يم*وت...

*في بيت محمد *

-بدموع.. فضحتني يابن بطني وارتحت... الناس كلت وشي منك لله.. ابوك الله يرحمه الناس كانت بتشهدله باخلاقه... طب اعمل ايه اتبري منك وارتاح.. ولا أموت نفسي أريح... منك لله يابعيد..منك لله..

-يووووه ماخلاص بقي ياما.. وبعدين القضية بايظة اصلا... من امتي والقضايا دي بتكمل..

-حاضر ياللي ع الباب...الدنيا ماطارتش....

-بصريخ وعياط...ابنك فييين..ورحمة ابويا يامحمد لاكون شاربة م دمك انهارده...تخليني عقيمة..منك لله يابعيد..

-جرا ايه يابت انت هو سكتناله دخل بحماره ولا ايه..وشيلي اللعبة اللي ف ايدك دي ياحلوة..لاتعورك..

-انت لازم تم*وت ياحيوان اللي زيك مينفعش يعيش ثم تقوم بغرز السكينة ف دراعه..

-يالهوي..إلحقوني ياناااس....البت مو*تت الواد اللي حيلتي..ياسوادك ياإحسان ابنك بيمو*ت..

-دموع بهستريا...انا مش قصدي..انا كنت بدافع عن حقي..هو اغتص*بني وخلاني اكون عقي... مة..ثم اغمي عليها..

-احد الجيران...ف ايه ياام محمد..وماله محمد ماسك دراعه ليه والبت دموع مالها..

-اتهجمت علينا ياخويا ضربت الواد ف دراعه وقعدت تهرتل بالكلام وأغمي عليها...

-ياساتر شكلها اتجننت..احنا نطلبلها الإسعاف وكمان عشان محمد..

-ماشي..

*بعد نص ساعة *

الاسعاف أخد محمد بعد ماأغمي عليه ودموع....واتلم الجيران منهم الشمتان ف محمد ومنهم اللي رمي اللوم ع دموع....

*في المستشفي *

-البنت عندها انهيار عصبي...

-دي يادكتور دموع احمد اللي اتعرضت للإغتص*اب من شهر والدكتور حسن عملها استئصال رحم..

-لاحول ولاقوة إلا بالله..ربنا يرجعلها حقها

"ف اوضة محمد"

-حمدلله ع سلامتك..

-الله يسملك يادكتور...بس انا دراعي تقيل م عارف احركه..

-للٱسف الس*كينة عملت قطع ف الوتر...ودراعك هيقف فترة وهيتعالج بمسمار النخاع ....

-ايه....ماشي يابنت ***ورحمة ابويا لأندمك ع الساعة اللي اتولدتي فيها....طيب يادكتور ينفع اقدم بلاغ..

-أيوه... بس مش هنا ف المركز وهيعملولك كشف طبي..

-ماشي..

*ف المركز *

-يلا ياموكوس... خلصني اما نشوف اخرتها ايه..

-السلام عليكم.. عايز اقدم محضر...

-وعليكم السلام.. خير

-اعتداء بالضرب وحضرتك شايف دراعي

-تمام بس محتاجين.. كشف طبي، اسم المتهم؟

-ماشي، دموع احمد..

*ف المستشفي *

-حمدلله ع سلامتك يابنتي، كدا يادموع قلقتيني عليكي...

-بعياط... الله يسلمك يادكتور، ليه ماقولتليش...

-كنت خايف عليكي يابنتي، وبعدين ليه عملتي كدا ف محمد موقفك هيضعف ف القضية..

-محمد يستاهل الموت... غصب عني، أحلامي كلها اتدمرت..

-خلاص يابنتي متعيطيش كل شئ نصيب، احنا دلوقتي محتاجين نقوم محامي عشان القضية..

-بنظرة تحدي.. حاضر يادكتور.. هنزل ادور ع شغل م دلوقتي، اوعدك يادكتور من انهارده هحارب عشان حقي لو ع موتي..

-وانا معاكي يابنتي..

*تاني يوم *

"في مدرسة دموع"

-السلام عليكم ياعم محمد

-وعليكم السلام يادموع يابنتي.. خير

-انا كنت عايزة اشتغل فراشة ف المدرسة..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

-انا كنت عايزة اشتغل فراشة ف المدرسة

-حاضر يابنتي... خليكي هنا ٥ دقايق هقول للمديرة وأشوف هتقول ايه...

-ماشي ياعم محمد..

*بعد ربع ساعة *

-معلش يابنتي اتاخرت عليكي

-لا عادي ولايهمك ياعم محمد.. هااا.. المديرة قالت ايه..

-احم.. بصراحة يابنتي احنا م محتاجين فراشين دلوقتي...

-ماشي ياعم محمد.. بس الإعلان دا ايه..

- بإحراج.. احم.. أصل...

-بكسرة...خلاص ياعم محمد فهمت قصدك..عن اذنك..

*ف بيت دموع *

-بعياط..يارب مليش غيرك..يارب انت العالم بحالي..يارب...

-اتفضل يادكتور حسن معلش اتاخرت عليك ف فتح الباب..

-لا عادي يابنتي ولايهمك...مالك يابنتي كنتي بتعيطي ليه..

-بعياط..مش عارفة اعمل ايه..بدور ع شغل بقالي أسبوع ومحدش راضي يشغلني عنده والجلسة بتاعت المحكمة كمان شهر وانا لسه مجبتش محامي وم عارفة أعمل ايه..

-يابنتي قولتلك هتكفل بكل مصاريفك..وانت م راضية

-وانا قولت لحضرتك لاء..انا عايزة احس إني قدمت حاجة لنفسي..م غير ماخد حاجة م حد...

-ماشي يابنتي..طب بصي انا محتاج سكرتيرة للعيادة بتاعتي..ايه رأيك تشتغلي معايا..

-ماشي يادكتور..موافقة..

-بصي ياستي دول خمس ٱلاف جنيه..وقبل ماتعترضي دول مقدم شغلك..

*بفرحة ودموع... مش عارفة أشكر حضرتك بجد ازاي..

-تشكريني بجد لما تفوزي بالقضية..ويلا بينا عشان نروح لمحامي انا اعرفه شاطر...

-إن شاءالله..يلا بينا..

*ع القهوة*

-بعصبية..م عارف اعمل ايه مع الزفتة اللي اسمها دموع..

-حسن صاحبه بمكر..طب وانت خايف كدا ليه..هو انت كنت اللي عملت العملة المهببة دي..

-بخوف..هااا.. انت بتقول ايه لاء طبعا..

-بقولك ايه ماتيجي معايا دوغري وانا اقولك تعمل ايه..

-ماشي وانا هصدقك يابو علي..ايوه انا اللي اغتص*بت بنت ال*** دي ولو رجع بيا الوقت كنت دفنتها مكانها ولا حد دري بيها...

-كدا تعجبني..وانا هقولك تعمل ايه..

-ايه الحب دا..وياتري بقي ايه المقابل..

-عشرين الف جنيه وانا اخلصك م البت دي للأبد..

-وانا موافق..

*عند المحامي*

-مساء الخير..

-مساء النور اتفضل يادكتور حسن

-يزيد فضلك..بصراحة انا كنت جايلك بخصوص قضية دموع اللي حكتلك عنها...

-اهلا يا دموع يابنتي..عايزك بقي تحكيلي كل حاجة حصلت بالتفصيل...

-ماشي،انا كان عندي درس والمدرس اتاخر ساعتين،وبعدين كنت عايزة اروح بس صاحبتي رغد قالتلي خليكي ع اساس ان هي هتمشي معايا،وطلعت اكلم بابا ف الشارع عشان الشبكة لقيت محمد بيقولي ان هو بيحبني..طبعا رفضت وجيت امشي مسك ايدي قمت ضربته بالقلم وسيبته ومشيت وبعد كدا اما جينا نروح انا ورغد قالتلي ان امها قالتلها تروح لخالتها..

-ثانية بس يادموع يعني دلوقتي رغد هي اللي قالتلك تقعدي لحد اما المدرس يجي...وف نفس الوقت هي اللي سابتك ومشت..

-ايوه...

-بصي..يابنتي بنسبة كبيرة صاحبتك مشتركة مع محمد..

-بصدمة..ايه..لاء طبعا..

-بصي يابنتي انا مقولتش متأكد.. انا عندي شك يعني ممكن يكون صح اوغلط...

-طيب وهنعمل ايه عشان نعرف الحقيقة..

-هقولك................

-ماشي وانا موافقة

*ف بيت دموع *

-يلا يابنتي تصبحي ع خير

-وانت م اهل الخير يادكتور..إن شاء الله هكون عند حضرتك م بدري..

-إن شاء الله..

"بعد منتصف الليل"

-كح كح..ايه الريحة دي

-ياريي ريحة بنزين..كح كح البيت بيولع

-بصدمة وصريخ...حد يلحقني بمو.......ت.. ثم اغمي عليها

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

-بصدمة وصريخ...... حد يلحقني بموت ثم اغمي عليها..

-أحد الجيران.. ياساتر يارب ايه الحريقة دي.. ثم نادي علي باقي الجيران...

-ياساتر يارب حد يجيب خرطوم ياجماعة البت كدا هتموت... واتصلوا بالإسعاف..

*بعد نص ساعة *

- الجيران اتجمعت وحاولوا يطفوا البيت، الإسعاف، اخد دموع المستشفي... وسط فرحة محمد وحسن انهم قدروا يتخلصوا م دموع،وحزن الجيران عليها...

*ف المستشفي *

"ف الطوارئ"

-أحد الدكاترة وسعوا ياجماعة البنت بتموت... نسبة الأكسجين ف دمها قليلة اوي، جهزوا اوضة العمليات بسرعة... وحد يتصل بدكتور حسن يقوله إن دموع احمد حالتها خطيرة...

-حاضر يادكتور..

*عند دكتور حسن *

-بس ياحسن ازاي عايز تكتب حصة من ورث ولادنا لبنت غريبة..

-دموع م غريبة ياهالة..من يوم مالبنت دي دخلت المستشفي وشوفت حالتها وانا اعتبرتها بنتي...

-اللي تشوفه ياحسن...انا معاك ياحبيبي ف اي حاجة بس خايفة الولاد... يزعلوا..

-ولادك قلبهم طيب ياهالة متخافيش عليهم..بوصيكي ياهالة لو حصلي حاجة بدموع البنت طيبة وسنها صغير ومع ذلك شافت اللي يشيب الراس الله يكون ف عونها..

-حاضر ياحبيبي..

-ٱلو مين معايا...

-انا من الإستقبال يادكتور حسن،دموع احمد تقريبا حصل حريقة ف بيتها،وحالتها خطر للٱسف....

-ايه....لاحول ولا قوة إلا بالله،طب انا جاي حالا..

-ماشي يادكتور توصل بالسلامة

-مالك...ياحسن ودموع مالها...

-حصلت حريقة ف بيتها،وبيقولوا حالتها خطر..

-لا حول ولاقوةالابالله،طب استناني دقيقة ياحسن هلبس واجي معاك..

-لا خليكي مفيش وقت...

-ماشي ياحسن بس اما توصل طمني

-بسرعة ولخبطة..حاضر

*ف بيت محمد*

-بفرحة وشماتة..عفارم عليك يابو علي...اخيرا خلصتني م الزفتة اللي اسمها دموع..عقبال ماتدفن بكره ونخلص منها...

-بس متنساش ياحبيىي كله بتمنه...

-ماشي يابو علي..قابلني بكره عشان تاخد حقك...

*ف المستشفي*

"بعد ساعتين ف العمليات"

-احد الممرضين.. ايه الاخبار يادكتور..

-بشفقة وحزن..حروق درجة تالتة... هتفضل اسبوعين ع المحاليل لانها دخلت ف شبه غيبوبة وربنا يستر...

-لاحول ولاقوة إلا بالله..

احد الممرضين بسرعة...إلحق يادكتور.. دكتور حسن عمل حادثة ودلوقتي ف الطوارئ وبيقولوا حالته صبعة....

-ايه...بسرعة معايا...

"في اوضة العمليات"

- بحزن...لاحول ولاقوة الابالله..البقاء لله...

-إنا لله وإنا إليه راجعون...حد يتصل باهله ياجماعة..

*ف بيت رغد *

-انت فين يازفت...بتصل عليك بقالي اسبوعين مبتردش ليه...

-جرا ايه يارغد...ماتحسني اسلوبك م شغال عند اهلك انا..

-لا والله انا اللي أسلوبي وحش..و انت ايه...ولاتكون ناسي ياحيوان انك ابتزتني بالصور اللي عندك عشان اشترك معاك ف اغتص*اب دموع..

-بمزاجك ياحلوة...وبعدين اوعي تنسي ان صورك لسه معايا..ويلا سلام عشان م فاضي...تيت..تيت

-ماشي ياحيوان..انا هعرفك مقامك...

*ف المستشفي *

-هالة بعياط وصريخ...كدا ياحسن...سبتني ومشيت ياحبيبي..هعيش لمين بعدك......كان حاسس يا امير والله وصاني ع دموع وقالي اخلي بالي منها...ٱه ياحبيبي ياحسن...

-أمير بعياط..خلاص ياماما اهدي ربنا يرحمه ويغفرله هو دلوقتي ف مكان احسن...ولازم ننفذ وصيته ياماما ونقف جنب دموع..

-حاضر يابني...ربنا يتولاها ويرحم ابوك ويغفرله..

*ف مكتب المحامي*

-السلام عليكم..استاذ احمد موجود...

-وعليكم السلام اقوله مين يافندم...

-قوله رغد صاحبة دموع ...

-ٱه اهلا يافندم..ثانية واحدة اقوله بس..

-تمام... اتفضل

-اهلا ي ٱنسة رغد،اتفضلي

-شكرا يامتر..بصراحة انا كنت جاية احكي لحضرتك حاجة ممكن تفيدك ف قضية دموع..

-سامعك ي ٱنسة رغد اتفضلي...

-من سنتين اتعرفت ع محمد ف الدروس..وبقي كل شوية يظهرلي ف كل الأماكن اللي بروحها..لحد ما ف يوم قالي إن هو بيحبني...قولتله إن احنا لسه صغيرين ومينفعش..الكلام دا...قالي إن هو عايزني بس افضل معاه وهو يقدر يقنع باباه كمان سنتين إنه عايز يخطب...وفعلا صدقته..وفضلنا نكلم ونخرج لحد م كام شهر..رن عليا وقالي إنه تعبان ومحتاج حد يعمله اكل عشان اهله مسافرين...ومن غبائي روحتله برجلي..وحصل اللي حصل وبعدها قالي ماتخافيش انا هقول لابويا واتجوزك...وصدقته..لحد من شهر قالي إن هو عايز يكسر عين.. دموع لانه بيحاول معاها دايما وهي بترفضه..طبعا اتعصبت عليه.. ورفضت..بدموع..لقيته بيقولي إن معاه صور ليا ولازم اساعده وإلا هيفضحني...وفعلا ساعدته..

-خلاص ي ٱنسة رغد..انا عارف الباقي..بس برضو كلامك دا م دليل قوي ضده...

-بس انا اعرف مكان سواق التوكتوك اللي اغتص*ب دموع معاه..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

_بس انا اعرف سواق التوكتوك اللي اغت*ب دموع معاه..

_وانا ايه اللي يخليني اصدقك مش يمكن دي خدعة منك انت ومحمد عشان تضيعي وقتنا وخصوصا إن لسه ع جلسة المحكمة حوالي اسبوعين..

-بعياط..صدقني والله انا مش بشتت حضرتك ومحمد لو يعرف إني جاية هنا مكنتش هلحق اوصل اصلا..

-ماشي يا ٱنسة رغد...تقدري تقوليلي عنوانه وانا هعرف اوصله..

-ماشي يامتر...وانا تحت امرك ف أي وقت بس ياريت محدش يعرف إني جيت لحضرتك..

*بعد اسبوع*

*ف المستشفي *

-السلام عليكم يادكتور...دموع عاملة ايه انهارده..

-وعليكم السلام يامدام هالة..لسه زي ماهي للٱسف مفيش تحسن...

-طب يادكتور لو هي محتاجةعمليات او سفر احنا مستعدين نسفرها لأي مكان...

-اي سفر ليها حاليا هيضرها اكتر ماينفعها...هي مش محتاجة مننا غير الدعاء...

*في بيت محمد*

-جرا ايه ياما كل العويل دا عشان بقولك محتاج غوايشك ابيعها...

-بصريخ...ابعد عني ياحيوان...الله ياخدك وارتاح منك..بتمد ايدك عليا .....ابعد عني..

-بقولك ايه ياما..خلصيني انا عايز الغوايش..افك بيهم ضيقتي وهرجعهم تاني..

-وانا بقولك ابعد ايدك النجسة دي عني.بدل ماصوت والم عليك الناس....

-تحت تاثير المخد*رات.. الظاهر إنك مش هتيجي معايا بالذوق...وقام ماسك السك*ينة..اقلعي..وإلا ورب الكعبة افصل رقبتك عن جسمك....

--بعياط وصريخ....انت عايز مني ايه يابني..ابعد عني حرام عليك..

-بعصبية.. قام مقلعها الغوايش بالعافية...وبيحاول يمشي ولكن امه ماسكة فيه...

-ابعدي عني بقي ثم قام بغرز السك*ينة ف رقبتها.وطلع يجري....

-احد الجيران ايه الصويت والدوشة دي ياجماعة..

-باقي الجيران..م عارفين والله يابو خالد..تقريبا الصوت من عند ام محمد...تعالوا نشوف ف ايه..

-ياسوادي...إلحقوا ياناس الست إحسان مضروبة بالسك*ينة ف رقبتها وحسام بيقول شايف محمد وهو بيجري...

-لاحول ولا قوة إلا بالله...اتصلوا بالإسعاف ياجماعة وبلغوا الشرطة..

*ف مخزن مهجور*

-انتوا مين..ومغطين عيني كده ليه

-بص بقي يلا..هتحكيلي كل حاجة حصلت بالظبط واغتص*بت دموع ازاي...

-دموع مين...معرفش حد بالاسم دا...

-ماشي انا هخليهم يعرفوك...رجالة..

-بعد ان قام الرجالة بضربه..خلاص ياباشا انا هقول كل حاجة...

-خلصني...

-محسوبك عطوة ياباشا سواق توكتوك...شغال ع قدي..من حوالي شهرين جالي شاب وقالي انه عايزني ف مصلحة وهي إني اخليني ٱخر واحد ف الدور وهتعدي عليا بنت اسمها دموع لازم اعرض عليها اوصلها واكدلي إني هي هتوافق.. لان الوقت متاخر وفعلا حصل كدا وقالي اوديها من الطريق الزراعي... واقف بيها ف نص الطريق وهو هيقوم بالباقي واداني ٥تلاف جنية وفعلا حصل كدا واغت*صبتها معاه...

-ٱه ياولاد الكلب.. ورحمة ابويا لادفنك مكانك...

- الظابط.. هدي نفسك ي امير بيه هو اعترف بكل حاجة واحنا هنتصرف معاه..

-شكرا لمجهودك معانا ي امير بيه انت واستاذ احمد..

-العفو...وياريت تروقوا عليه...

*ف المستشفي *

-دكتور يادكتور دموع فاقت...

-ايه..طب يلا معايا...

-ٱه...انا فين...وايه اللي حصل...

-حمد لله ع السلامة..انت ف المستشفي...

-الله يسلمك...بس

-حمدلله ع سلامتك يابنتي...

-الله يسلمك مين حضرتك؟

-انا هالة يابنتي مرات دكتور حسن الله يرحمه..

-بعياط وصدمة..ايه دكتور حسن مات..

-بحزن.. ايوه يابنتي عمل حادثة من حوالي اسبوعين...

- بعياط.. ٱهاااااا....يارب مليش غيرك..يارب انتقملي م الظالم...ياااارب..

-هدي نفسكي يابنتي..ربنا قادر يرجعلك حقك بس ثقي فيه..

-يارب..ثم قامت بإحتضان هالة...

-وبعدين لازم تجهزي نفسك انت عندك جلسة كمان كام يوم...

*ف بيت محمد *

-الإسعاف وصل واخد ام محمد للمستشفي ولكن كان فات الٱوان...

-والجيران بلغوا البوليس وحاليا بيدوروا ع محمد...واتفقوا انهم ميعملوش عزا ليها إلا اما ابنها يتحاكم...

*عند حسن صاحب محمد *

-بقولك ايه يامحمد..انت كنت متفق تقعد معايا يوم ولا اتنين...وبصراحة انا اختي هتيجي تعيش معايا واخاف عليها منك...

-جرا ياحسن مانا عطيتك غوايش امي..وبعدين انت خايف ع اختك مني؟

-ايوه باحبيبي اخاف عليها منك متنساش إنك قتلت امك.. وبعدين الغوايش دي حق تعبي ف موت دموع...

-ماشي ياحسن بس اصبر كام يوم لما ألاقي مكان استخبي فيه...

-ماشي..

*عند دموع *

-بصدمة وصريخ... عااااااا... ايه دا شكل.. ي ثم اغمي عليها...

-هالة بسرعة ولهفة....دكتور حد يلحقنا...

-ف ايه يامدام هالة.. دموع شافت شكلها ف المراية وقعدت تصرخ واغمي عليها..

-لاحول ولا قوة إلا بالله.. انا علقتلها محلول وإن شاء الله اما تصحي هتكون احسن...

*ف قسم الشرطة*

-ٱلو...

-حضرتك الظابط اللي ماسك قضية دموع

-ايوه انا مين...

-حسن بمكر.. فاعل خير كنت عايز ابلغ عن مكان محمد..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

_حسن بمكر... فاعل خير.. كنت عايز ابلغ عن مكان محمد...

-وياتري هتستفيد ايه..

-زي ماقولتلك ياباشا..فاعل خير..

-ماشي ياسيدي..العنوان ايه..

-العنوان *******.....تيت..تيت..

-مغاوري...

-ايوه ياباشا..اوامرك..

- جهز نفسك انت والعساكر عندنا طلعة

*ف المستشفي*

-هالة بحزن.. اكلمي يابنتي وفضفضي عشان خاطري بلاش تعملي ف نفسك كده وتقعدي ساكتة...

-بشرود وحزن... انا مرتاحة كدا...بس ليه يحصل فيا كده..امي ماتت وانا صغيرة وابويا اتشل بعد موتها وانا اضطريت اتخلي عن حلمي ودخلت تجارة عشان المصاريف..واضطريت اشتغل كل دا وسط معاكسة دا وتلقيح دا..وذل صاحبةالشغل ليا كل دا وانا ساكتة وراضية...وقولت الحمدلله..ف ايام كنت ببات فيها م غير اكل.. عشان اكل وعلاج ابويا..كانت اقصي امنياتي ف الدنيا...اشتغل شغل نضيف واتجوز واكون اسرة صغيرة....بس دايما يحصل حاجة تعكرلي حياتي....حتت عيل صايع مدلع وعنده قانون ياخد كل حاجة بالذوق والعافية...بغتص*بني ويخليني عقي*مة..وكل دا عشان قولت لاء...وابويا يموت بقهرته عليا..وبعد كدا الكل يقول اصل انا اللي غلطانة...طب غلطانة ف ايه غلطانة اما رفضت الغلط واتقيت ربنا .... ويسكت لاء طبعا يستغل إني وحيدة ويولع ف البيت ويشوهني..والدكتور اللي اعتبرته زي ابويا الله يرحمهم يموت...

-هالة بدموع وحزن..حقك عليا يابنتي...ثم قامت باحتضانها...حقك عليا والله ربنا قادر يرجعلك حقك..ربك كريم وقادر انه يرجعلك حقك...

دموع..بعياط..ونعم بالله بس انا تعبت...

-احم احم...

-تعالي ياامير يابني..

-ازيك يادموع؟

-الحمدلله بخير...بجد م عارفة اشكركم ازاي...

-لاطبعا انت بتقولي ايه..بابا الله يرحمه موصينا عليكي..وبعدين انت زي اختي..و بتعيطي ليه دلوقتي خليكي ع يقين إن دا بلاء م ربنا ولازم نستغله صح ونرضي..

-ونعم بالله...

-ولازم تجهزي نفسك جلسة المحكمة بعد يومين....

-إن شاءالله...

*ف بيت حسن*

- اخيرا...دا انا قولت إنك مت ولو حاجة وريحتنا منك...

- محمد بخوف... ليه ياباشا وانا عملت ايه...

-والله ياروح امك....يبقي انا اللي قتلت امك وانا اللي اغتص*بت دموع وانا اللي حرضت ع موت دموع...

-كذب ياباشا دي بت صايعة ورامية بلاها عليا...

-اخرس يلا...ويلا ع البوكس ياروح امك....

*ع الطريق *

--بصي يامني...خليكي واقفة هنا هعدي اجيب سجاير واجي...

-ماشي ياخويا...هوقف توكتوك...عقبال ماتيجي...

-ماشي

-حسن خلي بالك....رباط الكوتشي مفكوك...

-اه ماشي وقام موطي، عشان يربط الكوتشي ولكن "ساعة القدر يعمي البصر"قامت عربية جاية بسرعة خبطته...

-حسن.....حسن..اخويا

-لا حول و لا قوة إلابالله...حد يتصل بالإسعاف...

-انا دكتور ياجماعة...وللٱسف هو توفي....

-لاء.......حسننننننننن...

*بعد يومين *

" ف المحكمة"

-قام محامي دموع بالمرافعة عنها...ودلوقتي بينتظروا الحكم...."

-متخافيش..يابنتي..ربك قادر ع كل شئ

-بتوتر وخوف..يارب...

-ربنا معانا يادموع متقلقيش....

-يارب...

-محكمة..

القاضي..حكمت المحكمة حضوريا علي كلا من المتهم محمد السيد عبد الحميد والمتهم احمد فاروق الشهير بعطوة........

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

-حكمت المحكمة حضوريا علي محمد السيد عبد الحميد بالإعدام شنقا وعلي احمد فاروق الشهير بعطوة بخمس سنوات مع الشغل والنفاذ.. محمكة...

دموع بفرحة وعياط... يحيا العدل... اللهم لك الحمد... احمدك واشكرك يارب...

-هالة.. بفرحة.. مبروك يابنتي..

-مبروك يادموع... وبالمناسبة السعيدة دي انا حجزتلك ف مركز تجميل مشهور وتقدري تبداي من دلوقتي لو حابة..

-شكرا يا امير بس انا مبسوطة بشكلي كدا وبعدين وشي فيه ندبات بس... صدقني انا هفضل فخورة بالندبات دي عشان كل اما ابص ف المراية افتكر إني عافرت عشان حقي وف الٱخر اخدته الحمدلله بثقتي ف ربنا ودعمكم ليا...

_متقوليش كدا ياحبيبتي...أنت زي بنتي هدي الله يرحمها..

_الله يرحمها ثم قامت باحتضانها...

-خلاص ياجماعة هعيط...يلا بينا ع بيت دموع...

-بيتي!!!...

-أيوه يادموع بيتك ف خلال الفترة اللي قعدتي فيها ف المستشفي..انا طلبت م شركة ديكور.. أن هي تجهزه وكمان حولته لدار ايتام......

-بعياط وفرحة...بجد م عارفة أشكرك ازاي......

-تشكريني بجد اما ترجعي دموع القديمة...

*ف دار الأيتام *"بيت دموع"

-بندم.. حمدلله ع سلامتك يادموع

-بجمود... الله يسلمك يارغد..

-امير.. دموع...رغد هي اللي اقترحت فكرة الدار وكمان كانت واقفة مع العمال...

-تمام

-بعياط وندم...ممكن تسامحيني يادموع والله كان غصب عني..حقك عليا والله ندمانة..سامحيني عشان خاطري...

-بصي يارغد انا بشر غصب عني م هقدر اسامحك...بس ربك مع الوقت قادر.. يخليني اسامحك...بس قولي يارب...

-بعياط..يااارب

-دلوقتي يادموع...احنا محتاجين نظبط الدار عشان.الأطفال...

-بفرحة.. حاضر...يلا بينا

*بعد ٣ شهور *

-دموع جهزت الدار مع امير وهالة وبقي معاها اطفال كتير ف الدار بتهتم بيهم...وشاركت ف جمعيات خيرية..صدقة علي روح والدها ودكتورحسن....

*ف لقاء صحفي*

-طبعنا كلنا عارفين قصتك يادموع...بس محتاجين منك نصيحة للبنات وخصوصا اللي بيتعرضوا للإغت*صاب..

-أحب اقول للبنات اوعوا تستسلموا مهما حصل وحاربوا عشان حقكم مادام صح..ومتسمعوش كلام حد..انا كان بإيدي م اول مرة اسكت عشان الفضيحة..بس زي مانتي شايفة...والندبات اللي ف وشي تشهد ع كدا..لازم نحارب اللي زي محمد مش شرط مغتصب لاء..ممكن يكون واحد متحرش..أخ..او اب ظالم...زوج ظالم...لازم تحاربوا يابنات عشان انتم المؤنسات الغاليات..كما وصفكم رسول الله...ولازم تكوني غالية ف عيون اللي حواليكي..ودافعي عن حقك ولو فيها موتك....وف النهاية يابنات البنت مش بتحب مغتصبها ولو قدملها قطعة من الجنة...

-الاطفال...ماما...ياماما دموع يلا بينا نتصور.....

-حاضر ياعيوني واتصوروا كلهم صورة جماعية الاطفال ودموع وامير وهالة....

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

تعديل المقال

نجوم الروايات

رواية جحيمي ولكن كاملة جميع الفصول بقلم مروه علي

رواية جحيمي ولكن كاملة جميع الفصول بقلم مروه علي