رواية قلوب شابة كاملة جميع الفصول بقلم الاء السيد
رواية قلوب شابة كاملة جميع الفصول هى رواية من تأليف المؤلفة المميزة الاء السيد رواية قلوب شابة كاملة جميع الفصول صدرت لاول مرة على فيسبوك الشهير رواية قلوب شابة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية قلوب شابة كاملة جميع الفصول
رواية قلوب شابة كاملة جميع الفصول
بدموع " متسافرش بالله متسافرش متمشيش وتسبني "
جاسر : ليه؟
" عشان بحبك "
جاسر بصدمة : الاء انتي لسه عيلة انتي لسه ف الثانوي متعرفيش يعني ايه حب متوهميش نفسك انك بتحبيني ممكن يكون إعجاب لكن اكيد مش حب ، الاء انتي ف سن مراهقة عارفة يعني مراهقة ركزي ف مذاكرتك أحسن من الكلام الفاضي دا .
بصيت له بدموع وكسرة وجريت
كان آخر كلامه معايا قبل ما يسافر يومها كسرني وجرح كرامتي بكلامه أنا ف نظره عيلة وبس
يومها جريت زي ما أكون ف سباق أو وحش بيجري ورايا كل اللي كنت حساه يومها وجع وجع وبس .
حنين : الاء الاء سرحتي في ايه ؟
" ها لا ابدا "
حنين : بقولك جاسر هيرجع
" واعمل ايه انا "
حنين : اتغيرتي اقوى ويمكن قسيتي
" الأيام بتنسي وبتقسي "
حنين : بس انتي منستيش
" طبعا احساس الكسرة ميتنسيش "
حنين : لسه بتحبيه ؟
" لا "
حنين : كدابة
سبتها ومشيت لازم انسحب من الحوار دا
حنين تبقى بنت خالي وعارفة كل حاجة بس مقدرش اعترف لها واعترف لنفسى اني لسه بحبه أنا أضعف من اني اعترف اني بحبه
هو أنا قلبي لسه واجعني يبقى بحبه ؟
حنين : الاء استنى مشيتي ليه ؟
" كدا "
حنين : متتصرفيش بلامبالاة كدا
" اعمل ايه يعني "
حنين : ارجعي زي الأول ارجوكي
" كان زمان وخلص "
حنين : الاء
"الاء انكسرت يوم ما سافر وسابها يوم ما قالها الكلام دا الاء كانت وقتها عيلة عيلة وبس
يومها أنا اخدت قرار كان لازم اتغير وعمر اللي اتكسر ما بيتصلح "
ّ
جاسر بن خالتي أكبر مني ب 8 سنين طول عمره طموح وبيجري ورا احلامه كنت دايما بعتبره قدوة ليا خريج كلية طب وكان لازم يسافر عشان يحقق حلمه ويبني مستقبله
بس سافر وهدمني أنا .
ماما : يلا يا عشان نروح عند خالتك
" ورايا محاضرات يا ماما مش فاضيه "
ماما : جاسر رجع بعد سفر 3 سنين يا بنتي
" أبقى قولي لخالتو حمدلله ع سلامته "
ماما : الاء الااااء
" سلام يا ماما "
بفتح الباب لقيت حنين ف وشي
حنين : خايفة تواجهي
" يلا نمشي "
حنين : جبانة
" انت مش جبا..."
حنين : أنا راحة معاكى يا عمتو سلام يا الاء
أنا مش جبانة ولا ضعيفة ولا خايفة من المواجهة بس متلغبطة حاسة اني محتاجة وقت .
نزلت اقعدت ف الكافية اللي بعقد فيه دايما أنا مش ورايا محاضرة أنا كنت بكدب طلبت قهوة وقرأت جملة خلتني اعيد
حسابتي
" ازعلي عيطي اكتئبي بس يوم ما تقرري تواجهي خلي الجبروت يتعلم منك "
العيلة كلها متجمعة ف بيت جدي البيت اللي شهد على قصة حبي الفاشلة
كان واقف وسطهم بشموخ بقى أطول بكتير
وربي دقن صغيرة ملامحه بقت رجولية اكتر بس لسه عينيه زي ما هي لسه حادة زي الصقر .
قلبي الغبي دق جامد لولا الدوشة كانت دقاته هتتسمع .
بابتسامة " خالتو "
خالتو : حبيبة قلب خالتو
جريت عليها حضنتها
خالتو : متأخرة ليه
" كان عليا محاضرة بس اتلغت "
خالتو : سلمتي ع جاسر
بخوف " لا "
خالتو : جاسر يا جاسر جااسر
جاسر. :نعم يا ماما
عينيه ايجت ف عيني اتمنيت لو امشي من هنا بأسرع وقت ممكن
خالتو : تعالى سلم ع الاء بنت خالتك
كان جاي علينا وبكل خطوة بيخطيها كنت بفتكر كل كلمة قالها يومها وجملة
" انتي لسه عيلة " بتتردد ف وداني
قدرت ارسم قناع القوة بكل احترافية
جاسر بابتسامة : ازيك يا الاء
" الله يسلم حضرتك يا دكتور "
جاسر : حضرتك ودكتور مرة واحدة
" طبعا الاحترام مطلوب "
جاسر : كبرتي يا الاء
" 3 سنين مش قليلين برضه واكيد مش هفضل عيلة ولا ايه "
جاسر والابتسامة بدات تختفي :
طبعا دا حتى بقيتي عروسة
" أو دكتورة "
جاسر : دكتورة ؟
" قلت اركز ف مذاكرتي أحسن وافيد لي فدخلت طب "
جاسر : اا ..
" حمد الله ع سلامة حضرتك يا دكتور
بعد اذنك "
مشيت وسيبته باين عليه اللغبطة أو الندم
وبصيت ع حنين بنت خالي لقيت شبح ابتسامة ع وشها عرفت اني اديت الدور بكل احترافية فابتسمت ليها
حنين : كنت متأكدة انك هتيجي
" ماكنش ينفع مجيش "
حنين : كنت واثقة فيكي
" كان لازم أثق بنفسي "
حنين : بنت عمتي القمر
"طبعا طبعا مش بحب اتكلم عن نفسي كتير "
حنين : دا انتي ساقعة يا بت صدق اللي قال عليكي تنكة
خالتو : بت يا الاء تعالى أقعدي معانا
"حااضر يا خالتو "
حنين بارتباك : الاء ااالاء بقولك تيجي نطلع بره شوية أصل أنا اتخنقت اوى من هنا
" مالك يا حنين في ايه "
حنين : لا لا مافيش
" ف ايه يا بت مالك وشك جايب الوان ليه "
حنين : تعالى يلا يا الاء نمشي من هنا بالله عليكي
" حاضر حاضر ماشى يا بنتي "
حنين : عمر يا عمر
بعصبية " بتنادى عليه ليه "
عمر : ازيك يا دكتورة الاء
" لسه بدري ع اللقب دا يا عمر "
عمر : هتبقي اجمل دكتورة ف الدنيا
وشي احمر ومردتش
حنين : عمر
عمر : ايه يا بومة انتي
حنين : أنا والاء خارجين برة شوية وجايين لو حد سأل علينا قولهم
عمر : ماشي
حنين : جعانة يلا بينا يا اسطا
" يلا يا اختشي "
ضحكت من قلبى الوحيدة اللي بقدر انسى معاها كل حاجة واضحك بجد بتنسيني همومي لما اشوفها بس مش فاهمة هي مترابطة ومتوترة ليه كدا .
يا ترى فيه ايه ؟
لسه خارجة من الباب حسيت اني متراقبة مش عارفة ليه بصيت حواليا بس لقيت عيون فعلا مرقباني
عيني ايجت ف عينه للحظة بس فهمت من عينه أنه بيقولي اتغيرتي بجد
وأنا ابتسمت بس مش من ارتباكه لا لأني اكتشفت اد ايه انا قوية ويمكن هو مستغرب دا مش هلومه سايبني عيلة بتعيط رجع لاقني بتكلم و بضحك أو دا اللي بحاول ابينه .
" يلا نروح يا ماما "
خالتو : لسه بدري يا بت
" هجيلك تاني يا خالتو يا قمر يا عسل انتي " خالتو : بس يا بت يا بكاشة
" والله ورايا محاضرة وكورس بدري "
ماما : خلاص بقا يلا
......................
ماما : شوفتي جاسر يا الاء
" اه يا ماما شوفته "
ماما : بقى راجل ملو هدومه
" ماما صحيني بكرة بدري متنسيش تصبحي ع خير "
ماما : هيخطب
الصدمة لجمت لساني مقدرتش اتكلم حاولت اطلع صوتي بس مقدرتش دموعي بس اللي كان لها طريق
" هيخطب ؟! هيخطب مين ؟ "
ماما : حنين
بوجع وصدمة لا اكيد مش هي لا بالله لا
" حنين مين "
ماما : بنت خالك
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
بوجع وصدمة لا اكيد مش هي لا بالله لا
"حنين مين "
ماما : بنت خالك صاحبة عمرك
بدموع "....ايه؟ ..حنين...و و و جاسر ... طب .. طب ازاي؟ "
دموعي خانتني ، وقفت فترة في حالة جمود ، حالة من عدم اللاوعي او حالة عدم استيعاب ، الصدمة كانت بالنسبة لي اصعب من اني اقدر اتحملها ، انا لحد الان مش قادرة اتخطي مرحلة انه رجع واني هشوفه تاني بعد ما كسرني ازاي اقدر اتحمل دا لوحدي ازااي ، انا هروح احكي لحنين .....حنين.... ههههه انا صعبان عليا نفسي اوي طب .. طب ازاي ؟!
بزعيق "ازاااااي ؟! "
كانت اخر كلمة قلتها وكان اسمي من شفايف ماما اخر حاجة سمعتها
هالة من السواد بتناديني ، كان لازم ألبي الندا ، لقيت فيها الهدوء اللي بدور عليه ،كان فيها السلام اللي محتاجاه ، انا ممكن ابني ليا عالم هناك ميكنش فيه حد غيري ؟! عالم اعيش فيه انا وبس .
انا قلبي بردان اوى ومحتاج يلاقي الدفا
" وقد يدق باب الوجع احب الناس اليك واقربهم "
ماما : الاء .. الاء فوقي يا حبيبتي
"ماما...انا فين ؟! "
ماما : في المستشفي يا قلبي
"ليه ؟!"
ماما : اغمي عليكي بعد ما اا... انتي مش فاكرة ؟!
"انا..لا مش فاك..اه .. حنين .،جاسر "
اتجمعت ف عيني الدموع تاني نفس الوجع بعيشه للمرة التانية
ماما : ليه خبيتي عليا
" كنت ع امل اني انساه "
ماما : ونستيه ؟!
"انا منس... حنين "
حنين : الاء انا ..
"براااا مش عايزة اشوفك براا انا بكرهك وبكرهه انا بكرهكم كلكم انتي مبتسمعيش بقولك براا "
حنين : الاء اسمعيني طيب
بعياط "متنطقيش اسمي ع لسانك ومش عايزة اسمعك اذا كان هو كسرني مرة انتي دبحتيني وانا اقول البت كانت متوترة ليه البت عايزة تمشي ليه ؟ اتاريكي كنتي بتهربي بس مش اكتر بكراااهك بكرهك انتي هو برااااا "
ماما : اهدي يا الاء عشان خاطري
بعياط "مش عايزة اشوفها طالعيها برا "
ماما : حنين تعالي معايا برة يلا
" بس يا عمتو "
ماما : يلا يا حنين
كنت مستنياهم يخرجوا بره باب الاوضة عشان اقدر اتنفس تاني او بمعني اصح اعيط محتاجة ارجع لنفسي تاني محتاجني اوي دلوقت
عمر : خلصتي
"الوجع مبيخلصش "
عمر : مالك ايه اللي جرا وبتعيطي ليه ؟! انا قابلت عمتو وحنين اختي تحت وقالوا لي اطلع اطمن عليكي عشان انتي تعبا..
" انت لسه عند طلبك "
عمر باستغراب : طلب ايه ؟
" عمر ...مش كنت طالب ايدي "
عمر : بس انتي رفضتي
بكسرة "بقولك لسه عند طلبك ؟! "
عمر بفرحة : اكيد
بصوت مخنوق بالعياط " وانا موافقة "
عمر : ثانية واحدة هروح انادي عمتي واجي
"ماشي "
الباب كان بيخبط وكان للاسف هو
عمر : جاسر جاي ف وقتك خلي بالك من الاء ثواني وراجع
" عمر يا عم..."
جاسر : خايفة تفضلي معايا
'مشش حابة وجودك "
جاسر : ليه ؟!
"انا حرة "
جاسر : عمر فرحان كدا ليه ؟!
'وانت مالك ؟ "
جاسر : الاء اتكلمي عدل
"اطلع بره "
جاسر بصدمة : نعم
"بقولك ب ر ه "
جاسر بعصيية : ماشي يا الاء
لما قرب من الباب
" انت اول المدعوين لفرحي انا وعمر يا دكتور جاسر "
جاسر : ايه ؟!
'شكرا لزيارتك يا دكتور "
مشي من غير ما ينطق كلمة بس رزعة الباب كانت كفيلة تهد كل اللي كنت بحاول ابنيه ف وجوده
مكنش ينفع اقف اتفرج عليا من بعيد وانا بنكسر للمرة التانية . انا مش هسمح لقلبي انه يكون لعبه بين ايديهم تاني ، و برضه مش هستني لحد ما اسمع خبر خطوبتهم .
كان لازم اثبت لهم واثبت ليا انا كمان قبلهم اني هقدر اتخطاهم بس
اشمعنا هي اشمعنا ؟!
عمر ابن خالي ويبقي اخو حنين وهو في عمر جاسر بس الفرق ان عمر خريج تجارة انجلش وحاليا شغال ف شركة طلب ايدي قبل كدة وانا طبعا عشان غبية رفضت انا عارفة ان عمر بيحبني بس انا مش قادرة ابادله الحب دا . هحاول ادي فرصة لحبه يمكن ننجح سوا
الخطوبة والفرح وكتب الكتاب هيبقوا ف يوم واحد عشان عمر جاله عقد عمل برة ورفض انه يسافر من غيري وانا وافقت يمكن تبقي فرصة كويسة ليا اني انسي .
" قد نطرق ابواب قلوب اناس لا نعرفهم بمحض الصدفة ونحن لا ندري "
...........................
يوم الخطوبة
:
ماما: الاء انتي كويسة ؟!
" ايوة يا ماما وفرحانة كمان "
ماما :متكدبيش ع نفسك وعليا وقوليلي وافقتي ليه ؟!
"عشان عمر محتاج فرصة و .."
ماما : هتندمي ع قرارك كدا وهتظلمي قلبين راجعي نفسك قبل فوات الاوان يا بنتي
"ماما انا ..."
ماما : هسبقك ع القاعة
ماما سبتني ومشت سابتني لدوامة من التفكير كنت بحاول اخرج نفسي منها طول الايام اللي فاتت
= يلا العريس وصل
ط حاضر "
عمر : بسم الله ما شاء الله ايه القمر دا؟
اكتفيت بالرد بابتسامة
عمر : الاء مش هتندمي ع قرارك ؟
" يلا بينا هنتاخر ع الناس يا عمر "
طول الطريق متكلمناش كان السكوت اللي دايم بينا داير جوا كلام كتير
........
فالبيت
عمر : الاء يا الاء يا الاء
"نعم "
عمر : سرحتي ف ايه ؟
"ها ماشي "
كنت سرحانة بدور عليه بقلبي وعيني كنت بتمني يظهر ويقول لا وقفوا كل حاجة كنت هرضي واهرب انا ليه حاسة اني بلف حبل المشنقة حولين رقبتي بالبطئ ؟!
بدأنا نرقص اسلو وعيني بدات تدمع انا ليه خايفة ؟!
عمر : الاء انتي ليه بتعيط..
فجاة لقيت عمر وقع ع الارض من ضربة حد
"ج جاااسر "
جاسر : اه جاسر
" انت اتجننت "
، شدني من ايدي لبرا القاعة
'سيب ايدي بقولك سيب ايدي "
جاسر بزعيق : وهو لما كان ماسك ايدك وبيرقص معاكي كان عادي انطقي ؟
" هيبقي جوزي "
جاسر : ...
" انا داخلة اشوف عمر "
جاسر : الاااااااء اياكي تتحركي
زودت ف العياط انا بكره الصوت العالي
"اا انت انت ع عاايز اايه دلوقتي "
جاسر : عايزك
بصدمة وزعيق " وانا مش عايزاك يا جاسر انا النهاردة فرحي ع غيرك انت مجنون ولا ايه. انا اا انا الاء العيلة اللي كسرتها زمان فوق لنفسك يا دكتور هتتجوز عيلة ؟! "
جاسر : الاء بصي انا عارف اني كسرتك يومها بس كان لازم اعمل كدا مكنتش عايزك تتعلقي بيا وانا مسافر كنت عايزك تحققي حلمك واشوفك دكتورة كنت عارف كل حاجة عنك ف غيابي كل حاجة اصغر تفاصيلك بس عمري ما كنت هكلمك كنت هحن وهرجع كان لازم احقق حلمي وحلمك بس مش يوم ما ارجع اتصدم بخبر فرحك انتي و عمر .
بس الوقتي انتي مش الاء العيلة انتي الاء حبيبتي انتي اللي انا حبيتها من وهي لسه بضفاير
تقريبا الزمن وقف عند كلمة " حبيبتي " كانت بس بتتردد ف وداني
" وحنين "
"انتي مدتيش فرصة لحد يشرحلك انا وهي رفضنا الموضوع اساسا "
عمر : اي بقي مش هتخلصونا الناس زهقت والمأذون هيمشي
"عمر انا انا ..."
عمر : انتي عمرك ما ينفع تبقي ليا وقلبك مع غيري
" انا اسفة "
عمر : علي ليه ؟! دا انا بكرة اسافر واجيب عروسة احلي منك علفكرا
حنين : مفيش احلي من لولا
"حنين سامحني "
حنين : انتي اختي يا هبلة حد يزعل من اخته برضه ؟
حضنتها جامد وانا ببص لجاسر " شكرا لانك ف حياتي "
عمر : انت لسه هتسبل يا سي جاسر الماذون يا عم
جاسر : معلش ع البوكس يا درش
عمر : لا ولا يهمك دا انا كنت مستنيك اصلا والله
( بارك الله لكما وعليكما وجمع بينكما في خير )
عيني دمعت وانا ببصله قرب عليا وهمس لي
جاسر : اطلت النظر اليك فضللت بمحراب عينيك
ضحكت :" الجملة دي تخصني "
جاسر : انتي نفسك تخصيني
لسه هرد لقيتني في حضنه
ولاول مره احسن بالامان اللي بدور عليه وكأن دفا العالم اتلخص في حضنه