رواية زيتونة الملكة الفصل الثالث عشر 13 بقلم عادل عبدالله
رواية زيتونة الملكة الفصل الثالث عشر 13 هى رواية من تأليف المؤلفة المميزة عادل عبدالله رواية زيتونة الملكة الفصل الثالث عشر 13 صدرت لاول مرة على فيسبوك الشهير رواية زيتونة الملكة الفصل الثالث عشر 13 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية زيتونة الملكة الفصل الثالث عشر 13
رواية زيتونة الملكة الفصل الثالث عشر 13
تركت الأم ابنتها ملك نائمة حتي الصباح ولكنها حين استيقظت فجرا لتصلي دخلت غرفة ملك لتطمئن عليها ولكنها شاهدت ما كاد أن يخلع قلبها ړعبا !!!!
وجدت ملك تجلس أمام المراه وتتكلم معها !!!
ضړبت الأم علي صدرها ودخلت اليها تسألها في فزع : بتعملي ايه يا ملك ؟
ملك : بكلمها يا ماما علشان تسيبني في حالي وتبعد عني .
الأم " في فزع " : هي مين ؟؟
ملك : زيتونة يا ماما .
الأم : مفيش حد يا حبيبتي معاكي !!!
ملك : لأ يا ماما زيتونة كانت لسه هنا دلوقتي ، هي كل شوية بتظهر تهددني عايزاني ارجع لفايز .
الأم : مفيش حد بيظهر يا حبيبتي ، كل دي تهيؤات .
ملك : أنتي مش مصدقاني ؟ أنتي عارفة أني مش بكدب أبدا .
الأم : عارفة يا ملك ، انتي تعبانة يا ملك ولازم نروح للدكتور يشوفك .
ملك : دكتور ايه ؟!!
الأم : دكتور يشوفك علشان موضوع التهيؤات دي .
ملك : يا ماما مش تهيؤات والله
الأم : يا حبيبتي مش انا بس اللي اخدت بالي ، ده حتي الجيران والناس اللي في الشارع لاحظوا انك بتمشي تكلمني نفسك وتتلفتي يمين وشمال .
ملك : كدابين طبعا .
الأم : علشان خاطري يا حبيبتي ريحي قلبي وتعالي معايا نكشف عليكي علشان قلبي يطمن .
ملك : يا ماما أنا متأكدة أني كويسة و مش بكلم نفسي ، الناس هما اللي مش فاهمين الحقيقة .
الأم : طيب تعالي معايا للدكتور علشان خاطري .
ملك : حاضر يا ماما ، لما نصحي من النوم نبقي نكمل كلامنا .
في اليوم التالي استيقظت ملك من نومها لتجد الأم جالسة مهمومة !!
ملك : مالك يا ماما فيه ايه ؟
الأم : انا حجزتلك كشف عن دكتور كويس خالتك تعرفه .
ملك : أنتي بردو مصممة ؟
الأم : علشان خاطري يا بنتي ، علي الأقل نطمن عليكي .
ملك : احنا الاول عايز نشوف محامي تاني يمسك القضية بعد استاذ يوسف وبعدين نروح للدكتور .
الأم : نروح للدكتور الاول يا ملك .
ملك : حاضر يا ماما .
ذهبت ملك مع أمها الي الطببب النفسي وبدأت تحكي وتقص له حكايتها منذ أكتشافها أن زوجها يعمل بالسحر حتي مقابلتها زيتونة ثم كل ماحدث حتي رؤيتها لها بأستمرار وتهديداتها لها .
ابتسم لها الطبيب وقال لها : أنا هكتبلك علي مهدئات هتريحك جدا .
ثم قال لها : استاذة ملك حضرتك ممكن تنتظري بره شوية ؟
ملك : ليه ؟
الطبيب : هقول لوالدتك حاجة .
ملك : ليه ؟ فيه سر مش المفروض اعرفه عن حالتي ؟؟
الطبيب " يبتسم " : لا ابدا انا كنت هسألها عن بعض الحاجات البسيطة .
ملك : وده يستدعي أن أكون مش موجودة ؟؟
الطبيب : أنتي عصبية كدة ليه ؟ حاولي تهدي شوية .
ملك : انا مش عصبية .
الطبيب : طيب اتفضلي أرتاحي ، أنا مش هخبي عنك حالتك انتي مصاپة بأضطرابات سمعية وبصرية ودي حالة مش خطېرة لو اهتمينا بالعلاج .
ملك : يعني أنت كمان مش مصدق كل اللي قولتهولك وفاكرها تهيؤات !!
الطبيب : هي فعلا تهيؤات ومفيش اي حاجة من اللي بتقوليها حقيقة .
الأم : يعني ممكن يا دكتور يكون فايز جوزها مش ساحر ولا له علاقة بالسحر وكل دي تهيؤات بردو ؟؟
الطبيب : ممكن .
تصرخ ملك : حرام عليكو أنتوا هتجننوني ؟!!
ثم تتركهم وتنصرف وحدها من عيادة الطبيب .
الطبيب : واضح أن بنتك تعبانة جدا ياريت تقنعيها تاخد الأدوية اللي كتبتهالها بأنتظام ولو رفضت أو حسيتي ان حالتها مش بتتحسن ياريت تدخليها مصحة نفسية في أقرب وقت .
الأم : مصحة نفسية ؟!!!
الطبيب : أيوه علشان حالتها مش تدهور زيادة
عادت الأم الي المنزل ووجدت ملك في غرفتها وترفض الكلام معها !!
أستمرت ملك رافضة للحديث مع أمها عدة أيام .
ذهبت الام الي فايز ووجدته في حالة شديدة من الحزن وسألته .....
الأم : فايز يا حبيبي أنا عايزاك تتكلم معايا بصراحة .
فايز : خير يا حماتي ؟
الأم : أنت بتفهم كويس في السحر والمواضيع دي ؟
فايز : أنا ؟؟ استغفر الله ، لا طبعا .
الأم : أومال ملك قالت عنك كده ليه ؟
فايز : مش عارف !!!
الأم : أكيد فيه سبب !!
فايز : صدقيني يا حماتي أنا معرفش هي ليه قالت الكلام ده عني ؟ ولا أعرف سر التغيير الكبير اللي حصلها !!!
الأم : أنا عايزاك تحكيلي كل حاجة حصلت بينكم من يوم جوازكم لحد ما سابت البيت ورجعت عندي .
فايز : ليه ؟ ايه اللي حصل ؟
الأم : ملك نفسيتها تعبانة جدا وروحنا لدكتور نفسي وقال انها لازم تتعالج .
فايز : ياااه !! للدرجادي ؟
الأم : أيوه ، أنا خاېفة عليها اوي وعايزة اعرف كل اللي حصلها علشان نشوف هنعالجها ازاي .
فايز : زي ما حضرتك عارفة أنا وملك بنحب بعض ولما اتجوزنا في البداية كنا في قمة السعادة ومفيش أي مشاكل لكن بعد كده بدأت ألاحظ أن ملك بتقفل باب أوضتها كتير علي نفسها .
الأم : وايه السبب ؟
فايز : معرفش ، حاولت افهم منها السبب رفضت تقولي اي حاجة ، ولما الموضوع زاد عن حده كلمتها وقولتلها أنها لازم تقولي السبب هاجمتني واتهمتني أني بعمل سحر وبكلم جن وعفاريت .
الأم : اومال لما أنت جيت عندي البيت عرفت منين عرفت أزاي أنها موجودة وشاورت علي الأوضة اللي هي فيها ؟
فايز : مجرد تخمين مش أكتر .
الأم : وقولتلها كمان قدامي أنك هتحول حياتها لچحيم ؟!!!
فايز : يا حماتي ده مجرد كلام قولته ساعة ڠضب بهددها به علشان ترجعلي ، ما أنتي عارفة أنا بحبها قد ايه ومقدرش أستغني عنها .
الأم : ملك تعبانة اوي يا فايز وخاېفة عليها لتضيع مني !!
فايز : أنا خاېف عليها اكتر منك .
الأم : لكن دي بنتي !!
فايز : وهي حب عمري اللي عمري ما حبيت ولا هحب غيرها أبدا .
الأم : يعني أنت لحد دلوقتي مش عارف سبب اللي حصلها ده ؟؟
فايز : لأ ، ونفسي أعرف السبب ونفسي أكتر ترجع زي ما كانت .
الأم : وأنت شايف ايه يا ابني ؟ ندخلها مصحة نفسية تتعالج ولا اعمل ايه ؟
فايز : رجعيها لبيتها يا حماتي وانا هقعد جنبها ليل ونهار لحد ما تنسي كل الأوهام اللي في دماغها دي وترجع زي الأول وأحسن .
الأم : خاېفة ترفض !!!
فايز : حضرتك ممكن تدلها منوم في الأكل أو العصير وأنا هاخدها وأرجعها هنا وأوعدك أسبوع بالكتير هتكون اتحسنت ورجعت زي الأول .
الأم : حاضر لولا اني عارفة انك بتحبها وهي كمان بتحبك مش هوافق أنها تبعد عني في الظروف دي ، وأنا فعلا مش عارفة أتصرف لوحدي ومحتجالك تقف جنبي وجنبها لكن أوعدني تاخد بالك منها زي عينيك لحد ما تخف ؟
فايز : أوعدك يا حماتي .
الأم : حاضر النهاردةهحطلها المنور واتصل بيك .
فايز : وأنا هنتظر اتصالك وبالكتير أسبوع وهتلاقي ملك بتاعت زمان رجعت تاني .
عادت الأم الي منزلها ووضعت المنوم لملك في الطعام وأنتظرت حتي تناولت ملك طعامها ثم ذهبت في نوم عميق ، ثم اتصلت علي فايز واخبرته .
وفي أقل من نصف ساعة وصل فايز واخذ ملك وهي مستغرقة في النوم تماما وأنصرف بعد ان ألحت عليه الام في أن يوعدها بمعاملتها برفق ولين حتي تشفي من مرضها .
وضعها فايز بجواره في سيارته وأنطلق بها الي المنزل وفي الطريق كانت تغمره مشاعر السعادة والفرح بعودتها اليها وكلما نظر اليها .……