رواية شيخي العنيد كاملة جميع الفصول بقلم نور محمد

رواية شيخي العنيد كاملة جميع الفصول هى رواية من تأليف المؤلفة المميزة نور محمد رواية شيخي العنيد كاملة جميع الفصول صدرت لاول مرة على فيسبوك الشهير رواية شيخي العنيد كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية شيخي العنيد كاملة جميع الفصول

رواية شيخي العنيد كاملة جميع الفصول

:ماما انا هروح الجامعه عاوزه حاجه ياحبيبتي

ردت امها: لا ياتوته بس خدي بالك من نفسك كويس

خرجت وانا فرحانه اوي ده اول يوم في الجامعه بتاعتي واخر سنه كمان احب اعرفكم بنفسي فاطمه مرزوق شخصيه هادئه وعصبيه في نفس الوقت يعني محدش يتوقع حالتي بتكون اذاي في اغلب اوقاتي بشرتي خمريه وعنيا بنيه وواسعه بشكل جميل وجسمي كيرفي وده الي الكل بيحسدني عليه في جامعه تجاره الحمد لله وساكنه مع ماما وبابا اللولاء مرزوق الحاكمي هو اسمه كده 😂 المهم نزلت وانا فرحانه وسعيده بس تغيرت ملامحي دي بعد ماقبلته في وشي زي كل يوم

:اهلا يابطوط عامله ايه ياقلبي وحشتيني

فاطمه بضيق:يوحشك قطر سوهاج ياقادر ياكريم

لؤي بسماجه زي عاده:مقبوله منك ياقلب لؤي بس مجوبتنيش برضو

فاطمه ببرود:كويسه يالؤي في حاجه تاني عند حضرتك عاوز تقولها

لؤي بضيق:في ايه يابطتي بتكلمني كده ليه هو انا زعلتك في حاجه لقدر الله

فاطمه بنفاذصبر:ايوه زعلتني ياستاذ دنا بحس نفسي كل يوم في اشاره مرور وانت الظابط كل يوم توقفني كده انت واخوك الغلس كمان

:طيب واخوه عمل ايه بس يامزه

فاطمه:اهو عم الحبيب التاني وصل افندم ياستاذ هيثم انت كمان حابب تطمن عليا مش كده

هيثم بغمزه:وانتي عرفتي ازاي يابطتي ده

فاطمه بضيق من الاتنين:نفس دم اخوك فعلا من شابه اخاه فما ظلم ابعد منك ليه قرفتوني والله منكم لله كل يوم نفس الاسطوانه

هيثم بمشاغبه:مسيرك ياجن تحن عليا برضو

تجاهلة كلامه الي بقيت بسمعه منه ومن اخوك النطع ده كل يوم ونزلت بسرعه علشان اتأخرت بس فجأه لقيته طالع السلم باتجاهي اكتر شخص بكره في العماره دي كلها الشيخ حمزه

:السلام عليكم يأنسه

فاطمه:وعليكم السلام ياشيخ حمزه ممكن دقيقه لو سمحت

التفت حمزه بأتجاهها دقيقه وبعدها بص في الارض وقال:اتفضلي ياأنسه طبعا

فاطمه بضيق من تصرفاته لانه دايما بيتحاشى يبص عليها حتي من بعيد رغم انها جميله جدا وملفته للنظر بشده وده بيعصب فاطمه دايما لما بتقف تتكلم معاه

فقالت:ممكن ياشيخ حمزه لو سمحت تلم خواتك عني لاني مش كل ماطلع من البيت الاقي حد فيهم واقف على السلم بالشكل ده هي انا في اشاره مرور والا ايه

تهند حمزه وقال:خلصتي كلامك كله يأنسه طيب احب اقولك قبل مااقول لاخواتي يعملو كده حابب اقولك انتي كمان ان لبسك ده ملفت للنظر اوي يعني بنطلونك الجينز مش شايفه انه مقطع اوي والبلوزه حضرتك دي ضيقه اوي كمان وطرحه حضرتك الي لو قولنا انك لبساها اصلا من شعرك الي باين منها او مش عارف اسمها ايه دي حرام كمان فمن الطبيعي انك تواجهي نوعيات كده كتير يعني قبل ماتقوليلي الم اخواتي عنك لازم حضرتك الاول تحترمي نفسك اكتر من كده في لبسك ده لانك هتتحاسبي عليه يوم القيامه وبس عند ازن حضرتك

سابني وانا برقت من كلامه ده هو دلوقتي وصفني بقيله الاحترام مش كده علشان لبسي هو اصلا اذاي يقول كده عليا هو مين علشان يقوم لبسي بالشكل ده وكمان كل مااكلمه يعمل شيخ قدامي كأنه عمره مابص لبنت قبل كده في حياته اوف بقى شخص غلس بجد

بعد عشر دقايق في المواصلات وطبعا ده بعد ماسمعت الكل الي منهم بيمدح ويعاكس في جمالي لانه ملفت اوي بصراحه بس ده مش زنبي اني جميله كده وكمان فيه الي بيبص عليا بضيق من لبسي لانه مش لائق في نظرهم بس انا شايفه انه عادي اوي ده استيلي في اللبس عموما وانا مش باخد برأي حد في حياتي او لبسي بس لصراحه انا ادايقت اوي من كلام الشيخ حمزه عليا اول مره احس نفسي مدايقه اوي من انتقاد حد في لبسي و طريقه كلامه وهو مخنوق بسبب الكلام معايا كأني شئ قزر او معدي وممكن اضره وده يخنق اوي

المهم وصلت الجامعه بتاعتي في اول المحاضره الحمد لله وقعدت جنب صديقه عمري ملك احنا صحاب اوي رغم ان شخصيتنا مختلفه تماما هي ملتزمه اوي وانا في نظري اني حره في حياتي كده لانها عجباني كمان وخلصت المحاضره فسمعتها بتقول

ملك ببسمه:عامله ايه ياتوته وتأخرتي كده ليه النهاردا

رديت عليا بضيق وانا بفتكر الي حصل الصبح معايا لما طلعت من البيت ومحاضرت الشيخ حمزه الي قدمها ليا في الايمان واللبس زفرت بضيق وقولت:كويسه ياملوكه واتأخرت ليه بقى ده بسبب واحد كده واقفلي على الوحده علشان مش عاجبه لبسي بس

قالت ملك بدعم:بس ان جينا للحق هو قال الصح فعلا ياتوته انا ياما قولتلك ان لبسك ده حرام لانه بيظهر مفاتن جسدك كلها للناس ياحبيبتي ومش معني ان ربنا وهبك الجمال نظهره كده علني قدام الكل كمان

نفخت بضيق من كلامها الي كل مره اسمعه منها وقولت:يووه بقى يعني عاوزني ادفن جمال جس'مي في السدال الطويل والواسع ده وكمان البس الخمار الي هيغطي على جمال وجهي وشكلي كله

ابتسمت ملك وكملت:لا ياحبيبتي مش كده عمره السدال ماهيدفن جمالك ابدا بل بالعكس يحافظ عليه لشخص يستحقه فعلا وكمان الخمار ماهو الي زينه تزيد بها المرأه جمالا وأناقه

وقفت فاطمه بضيق وقالت:انا همشي بقى ياملوكه لاني اتأخرت وتعبانه كمان اشوفك بعدين

خرجت بسرعه لاني عارفه ان دي مجرد بدايه المحاضره الي بسمعها منها كل يوم وبستمرار عن اللبس السدال والخمار بس انا مش بقتنع غير بالي انا بحبه وانا بحب نفسي كده حره ومش مقيده وده الي كونت فاكره اني بعمله ماهو الي حريه شخصيه فقط لا غير

رجعت البيت وانا تعبانه اوي من اليوم ده ولقيت ماما في المطبخ بتحضر القهوه فتعجبت منها وقربت عليها وقولت

:زوزو بتعملي ايه ياقلبي هو بابا رجع من الشغل مش كده

زينه ببتسامه لبنتها وقالت:ايوه بباكي اجه من شويه كده ومعاه ضيف كمان وانا بحضر القهوه ليهم

فاطمه بتسائل:ضيف مين ياماما حد معاه في الشغل والا ايه

زينه بعدم معرفه:معرفش والله يابنتي هو دخل معاه الصالون وانا مشفتهوش ابدا

فاطمه بخبث:تمام هاتي القهوه دي بقى وانا هخدها ليهم بنفسي لاني عاوزه اعرف مين الضيف ده

زينه بعد اطمئنان:تمام بس اوعي تتخانقي وبباكي موجود انتي عارفه انه عصبي في الامور دي

اخدت منها فاطمه الصنيه وقالت:متقلقيش ياقلبي ده انا نسمه اصلا

:ماشي يانسمه ربنا يستر بقى

سبت ماما وتوجهت لصالون وانا قلبي بيدق بقوه معرفش ليه ده خوف والا رهبه والا ايه دخلت الصالون وانا بحط القهوه على السفره قدامه بس فجأه انصدمت وانا برفع نظري لشخص وقولت

بصوت عالي:انت؟!!... انت بتعمل ايه هنا يا...

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

سبت ماما وتوجهت لصالون وانا قلبي بيدق بقوه

معرفش ليه ده خوف والا رهبه والا ايه دخلت الصالون وانا بحط القهوه على السفره قدامه بس فجأه انصدمت وانا برفع نظري لشخص وقولت

بصوت عالي:انت؟!!... انت بتعمل ايه هنا ياشيخ حمزه

ابتسم حمزه وهو بينظر للارض ورد بابا: الشيخ حمزه طالب ايدك يابنتي قولتي ايه؟

برقت في بابا بزهول الشيخ حمزه نفسه الشخص الي بيكره حتي يقف يتكلم معايا طالب ايدي طب ازاي ده حد يقولي بس وبدون تفكير كتير

صرخت بقوه:لااااا

ضحك حمزه بخفوت وبابا انصدم مني وقال:صوتك يافاطمه احترمي اني قاعد هنا

رديت عليه بخوف لان بابا ده مرعب في غضبه اوي:اسفه يابابا مش اقصد والله بس

قال حمزه بسرعه:معلش ياعمي ممكن اتكلم معاها شويه لوحدنا

قام بابا وقال:اكيد يابني انا هقعد بره قدام الاوضه تمام

هز حمزه رأسه بهدووء وطلع بابا وانا ببص عليه بغضب ونفسي اطرده من البيت كله بس تصنعت البرود وقعدت على الكنبه المقابله ليه

وحطيت رجل فوق رجل وقولت بسخريه :ها ياشيخ حمزه ايه غيرت رأيك في لبسي علشان كده اجيت تتقدم مش كده..

رفع نظره ثانيه بس وبص عليا ورجع تاني يبص في الارض وقال:لا ياأنسه مش كده طبعا انا لسه عند رأي فيكي بس كمان مش معنى اني مش ببص عليكي لان الرسول عليه الصلاه والسلام امرانا بغض البصر.. مش تحترمي وجودي وتحطي رجل على رجل كده قدامي

ابتسمت بتشفي لان الباين اني دايقته فقولت:انا حياتي كده ياشيخ حمزه ولو حضرتك مش عجبتك حياتي تقدر تتفضل من هنا

استنيت اشوف ردت فعله ايه بس فضل ساكت

وده اصابني بالقلق بصراحه منه لغايه مانطق اخير

وقال:لا طبعا مش عجبتني لانها غلط وانا كمان

مش بحب اسكت علي الغلط..سكت شويه وبعدها

قال بصوت عالي اترعبت منه حرفيا: علشان كده نزلي رجلك قدامي لاني ماسك اعصابي بالعافيه عنك وانا جاي هنا وعارف بعمل ايه كويس يعني

انادي على عم مرزوق واقوله موافقه تقولي مواقفه او

بلعت ريقي بخوف فعلا منه بعد مانزلت رجلي قدامه بحركه لا اراديه مني وقولت:او ايه؟!

هدء شويه من صوته وكمل:او هتشوفي الوش التاني من الشيخ حمزه وصدقيني ده مش هيعجبك ابدا

قومت وانا بحاول اجمع نفسي وقوتي قدامه وقولت:انت بتهددني والا ايه طب مش موافقه والي عندك اعمله

قام بهدووء جدا من مكانه بصوت زي فحيح مرعب وقال :صوتك الحلو ده لو سمعته عالي تاني قدامي او في اي مكان انا اعرف اذاي ارجعه طبيبعي تاني وحالك المايل ده مفيش غيري يعدله ولو على اخواتي الي بيدايقوكي كل شويه فانا بقولك بكره الشارع كله يعمل زيهم كده واكتر لو مش سمعتي الكلام يانسه فاطمه

اتعصبت منه جدا ومن كلامه كونت هرد عليه بس

دخل بابا وقال بقلق:مالكم ياولاد واقفين كده ليه

قعد حمزه ببرود وقال:مفيش ياعمي احنا اتكلمنا و

خلاص هي موافقه مش كده ياانسه فاطمه

بصيت عليه بغيظ ونفسي ارفض بس فكرت اني

لازم كمان انتقم على تهديده وكلامه ده معايا فبتسمت برقه وقولت:ايوه يابابا موافقه وانا هلاقي احسن من الشيخ حمزه فين بس

ابتسم بابا لانه بيحب حمزه وقال:على خيرت الله بكره نجيب الدهب وبعدها الخطوبه علطول والا ايه بابني

ابتسم حمزه بانتصار وقال:اكيد ياعمي ومفيش كلام بعد كلام حضرتك بس انت عارف ان والدتي مريضه وبابا متوفي فانا بكره هاخد اختي الكبيره معايا علشان نجيب كل حاجه للخطوبه

رد بابا: الي يريحك يابني طبعا نعمله

قام حمزه واستئزن من بابا ومشي وانا كونت

واقفه هفرقع حرفيا منه دخلت غرفتي بغضب وانا بصرخ في المخده بتاعتي علشان افرغ غضبي كله فيها وبعد ماهديت شويه اخدت فوني ورنيت عليها

:الو ياملك عامله ايه

:كويسه ياحبيتي وانتي ياتوته مالك صوتك مش

تمام

:مفيش بس تعرفي ايه حصل

:حصل ايه؟!!

:مش الشيخ حمزه اجه واتقدملي

:احلفي كده نفسه حمزه الي بتكرهيه وهو كمان

:ايوه هو وكمان كان بيهدد وعلي صوته عليا بس وديني لاطفشه من اول يوم

:طب اهدي كده الاول لانه باين مش سهل كمان

:والله تشوفي اعمل فيه ايه بس اصبري عليا

:تمام تصبحي على خير بقى عندي درس ديني بكره بدري

:اوك ياجميل وانتي من اهله

قفلت معاها وتسطحت على السرير وفي ايدي الفون بتصفح الفيس بوك بس فجأه اجت رساله من إميل غريب اول مره اشوفه بتقول

:كفايه لعب في الفون اقفلي الفيس وبكره حسابك معايا

بصت بزهول في الرساله مين ده واذاي يتكلم معايا باطريقه دي اصلا هو مين بس خطر في بالي

الشيخ حمزه فقولت اكيد هو مفيش غيره

فتحت الاميل تاني وبعدت رساله ليه

:ده انت مش كده ياشيخ حمزه وعاوز ترخم عليا بس بقولك ايه انا حره مش بحب حد يتحكم في حياتي وحتي لو اتخطبت ليك اوك

شوفته فتح الرساله وانا بقيت على نار عاوزه

اعرف رده حيكون ايه مرت دقايق وانا مستنيه على اعصابي اشوف رده فجأه لقيت رساله منه اول مافتحتها انصدمت وعنيا برقت اوي وبلعت ريقي بخوف وهو كاتب...

: بكره نشوف ياجميل

قرأت الرساله وانا مش مصدقه عنيا ابدا ده الشيخ حمزه لا اكيد مش هو ده عمره مارفع نظره فيا حتي اذاي يقول كده انا عقلي حقيقي اتشتت منه هو متدين اوي او لا بس ده

كله هعرفه بكره الصبح اكيد قفلت الفون من الصدمه وتسطحت على النوم علطول في اليوم التاني روحت انا وبابا وكان معانا الشيخ حمزه واخته اميره وطلعنا على

المول الكبير نجيب الدهب وفستان الخطوبه دخلت انا واميره على محل الدهب الاول وفضلنا

نشوف دبله الخطوبه وخلاص خلصنا موضوع الدهب الحمد لله قاعد فستان الخطوبه بس

وطبعا روحت انا واميره على محل الهدووم علشان نشوف بس لقيت حمزه دخل قبلنا وقال

: انا هختار الفستان على زوقي

اديقت اوي منه لاني متأكده من زوقه هيكون ايه وفعلا بعد وقت لقيته طالع بفستان واسع اوي وطويل جدا ومقفل من كل حته كده يخنق اوي

: ايه رأيكم حلو صح انا حبيته اوي

رديت بضيق: لا وحش اوي مش حلو

برق فيا وضحكت اميره بخفوت عليه وقال

: تعالي معايا يافاطمه نشوف سوى وانتي ياميره شوفي كمان فستان حلو ليكي

ابتسمت اميره ومشت بسرعه وسابتني معاه وانا

هفرقع منه دخلنا المحل وقف قدام قسم العبايات الدرسات الاسلاميه وقال

: تعالي ورايا

دخل ودخلت وراه بضيق لاني مش بحب

اللبس ده ابدا لانه بيخنق اوي قعدت وسبته يشوف هو براحته لغايه مانادى عليا

: فاطمه تعالي هنا شوفي الدرسات دي

روحت عنده لقيت دسته من الدرسات الاسلاميه قدامه فقولت بضيق

: خير عاوز ايه يعني انا مستحيل اللبس الدرسات دي

مسك درس منه وقال بحده: خدي قيسي ده علشان هناخد منه كتير

بصيت علي الدرس في ايده بغيظ وقولت: مش هقيس حاجه الدرسات دي مش استيلي وانا مش بحبها

اتحولت عنيه للغضب ورمى الدرس في ايدي وقال بحده

: خمس دقايق علشان تقسيه وانا هستني هنا مفهوم

بصيت في عنيه كانو يرعبو بصراحه فجريت زي الهبله من قدامه

طلعت بعد عشر دقايق وانا لابسه الدرس وبنفخ

بضيق رفع هو نظره ليا باعجاب كان الدرس تحفه بصراحه وزوقه حلو اوي وانا عجبني بس

خبيت ده عنه تقدم ودي كانت اول مره اشوف نظره مركز كده معايا وقال

:جميل اوي كده بقيتي حوريه من حوريات الجنه

وسكت بعدها وكمل:روحي غيري علشان هناخد منه كتير وخمارات كمان وده هيكون لبسك من النهاردا

لفيت علشان اغير بس كان قلبي بيدق اوي لاول

مره اقدر اشوف عنيه عن قرب كده كانت لونها عسلي فاتح تسحر بصراحه وعلى غير العاده كلامه عن اللبس مش دايقني زي كل مره لاني حبيت نفسي بصراحه اوي في الدرس ده

وبعد وقت رجعنا البيت وكونت تعبانه اوي دخلت

غرفتي علطول ارتاح بس فجأه اجاني راساله على الفون منه وفتحتها بيقول

:انا بس بعت الرساله اطمن عليكي لاني حسيت انك تعبانه النهاردا طمنيني عليكي انتي كويسه

ابتسمت بسعاده لان اول مره حد يحس بيا كده

منغير ماقول اني تعبانه هو حس بتعبي فرديت عليه بسعاده

:انا كويسه الحمد لله وشكرا اوي على سؤالك عليا بجد ده فرحني اوي وانت اخبارك ايه

لقيته شاف الرساله ومرت دقيقه بس وبعت تاني

:الحمد لله انا كويس بس عاوز اطلب منك طلب ممكن

اتفجأه الشيخ حمزه عاوز طلب مني ياتري ايه هو بعت بسرعه:اكيد اتفضل

مرت دقيقه كمان وبعت الرساله وانا فتحاها من

هنا وضحكت من هنا على طلبه بجد بيطلب مني طلب زي ده اكيد ده شخص عبيط مش كده او طيب جدا لانه كان كاتب..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

مرت دقيقه كمان وبعت الرساله وانا فتحاها من هنا وضحكت من هنا على طلبه بجد بيطلب مني طلب زي ده اكيد ده شخص اهبل مش كده او طيب جدا لانه كان كاتب

: عاوزك تقومي تتوضي وتصلي العشاء وقيام الليل وصدقيني بعدها هتحسي انك مرتاحه اوي

ابتسمت لان اول مره حد يطلب مني اقوم اصلي كده حتي لبسي صحيح كان بابا وماما علطول

يطلبو مني اغيره بس انا كونت متمسكه برئيي ان

دي حريتي الشخصيه وعلشان كده سابوني على راحتي لغايه ماربنا يهديني كونت بسمعها ديما من

بابا لما يتكلم معايا بخصوص البس بس لاول مره

حد يطلب مني بالطريقه دي حاسه ان كلامه ده دخل

قلبي بجد فقومت اتوضى وخرجت بصيت على السرير بتاعي لقيت الدرسات الي جابهم ليا حمزه فاخدت واحد منهم ولبسته بسرعه

بعد وقت كونت قدام المصلاه بتاعت ماما واول مارجلي خطت عليها حسيت قلبي بيرتجف داخل قفصي الصد'ري وقولت

الله اكبر لقيت دموعي ملت عنيها قعدت على المصلاه وانا بعيط اوي عمري في حياتي ماعيط بطريقه دي فضلت على الحال ده

وقت وبعدها حسيت بايد شخص بتمسح على رأسي بحنان كأني طفله صغيره ومحتاجه حد يطبطب عليها علشان تهدي شويه رفعت عيني

ليه لقيته جنبي كان الشيخ حمزه هو نفسه الشخص ده وبيبتسم ليا ابتسامه عمري ماشوفت في جمالها قبل كده كان نظرته بس بحسها بتحضن قلبي علشان يهدى ويطمن وسمعت صوته العذب وهو بيقول

: اهدى يافاطمه.. اهدي..

كلمتين منه نزلوا على قلبي زي العلاج لقيت نفسي بهدى اوي وبعدها سمعته وهو بيقرأ ايأت القرآن الكريم بخشوع وصوت عذب جميل اوي عمري ماسمعت اجمل منه ولسه ايده على رأسي كأنه بيرقيني من كل شر

تاني يوم صحيت من النوم وانا حاسه براحه نفسيه عمري ما حسيت بيها قبل كده رفعت نظري لقيت نفسي لسه على المصلاه والظاهر اني

نمت مكاني بصيت حوليا بسرعه علشان اشوفه بس مكنش قاعد الظاهر كمان ان كل الي حصل كان حلم بس اجمل حلم حلمته في حياتي

وفي الليل معاد الخطوبه بتاعتي انا وحمزه كونت في غرفتي بجهز نفسي للخطوبه وكمان معايا ملك صحبتي بتساعدني لبست الفستان الي اختاره ليا حمزه وكان جميل جدا بالون الابيض وانا بصراحه استغربت اوي من اختياره للون ده لانها خطوبه بس مش كتب كتاب يعني بس مش مهم هي خطوبه وعادي اي لون يعني

خلصت ملك تجهيزي للخطوبه وبابا قاعد بره هو واهل حمزه وانا قلبي بيدق بعنف مش عارفه من الخوف او الفرحه بس كان احساس غريب وحلو رغم اي شئ

طلعت بره وقعدت جنب بابا وكانت ام حمزه قاعده قدامي هي واميره اخته وانا بمجرد جلوسي جنب بابا بقت عنيا تدور عليه في كل مكان كان نفسي اشوفه اوي مش عارفه ليه كونت مشتاقه اوي و نفسي اشوفه من الصبح بس للاسف هو مش كان موجود معانا وده زعلني اوي بصراحه

مره نصف ساعه وانا قاعده متوتره اوي وبفرك في ايدي بتوتر وارتباك هو اتأخر كده ليه؟!!.. طيب ايه السبب.؟؟... يمكن مش هياجي اصلا.. طيب انا ليه زعلانه اوي كده مش ده الي كونت بتمنى يحصل من الاول اني مش اتخطب لحمزه بس انا حاسه دلوقتي بالوحده والضياع محتاجه اشوفه قدامي علشان احس بالامان تاني في قلبي مش عارفه ليه بس محتاجاه جنبي اوي

فضلت على الحال ده وجوايا صراع كبير بين البعد والقرب منه انا عاوزه ايه باظبط يبعد عني او يفضل جنبي علطول مش عارفه بس قلبي بيردد بس عاوز اشوفه يمكن ده الحب وانا مش ملاحظه.. لا طبعا مش ممكن شخص بكره من زمان احبه في يومين ده مستحيل وا

قاطع شريط افكاري المتضاربه ده صوت جرس الباب فطلع بابا يفتح وانا اول ماشوفت حمزه داخل من الباب ارتسمت على فمي بسمه واسعه مش عارفه سببها ايه يمكن ده من سعاده قلبي الي بقت دقاته عاليه بشكل غريب اوي اول مره احسن بالشعور السعاده ده كله في حياتي

دخل حمزه وألقى السلام على الكل وبعدها نادي بصوت عالي شويه

حمزه بصوت عالي:اتفضل يامولانا ادخل

نعم؟!!.. هو قال مولانا مش كده!!!.. او انا بتخيل.. لا انا مش بتخيل لان فعلا دخل راجل كبير في السن وباين عليه شيخ لا ده معاه دفتر كبيرة كمان بصت بزهول وانا مش مصدقه عنيا يعني ده مأزون مش كده.. لا اكيد حمزه بيهزر مش اكتر اذاي خطوبه تتحول لكتب كتاب كده فجأه هي لعبه والا ايه بالظبط

قعد حمزه وجنبه المأزون وبابا على الناحيه التانيه وانا ركزت نظري كله على حمزه بصدمه وزهول

وبعد وقت فقت من شرودي بحمزه على صوت المأزون وهو بيقول:هل تقبلي يابنتي حمزه احمد الحسيني زوجك لك

بصيت حوليها هو بيكلمني انا او حد تاني في المكان هي مش كانت خطوبه بس ازاي بقت كتب كتاب انا لسه في صدمتي والا ايه

فضلت على الحال ده لغايه مافقت على صوت بابا وهو بيقول:فاطمه ياحبيبتي مالك ردي على المأزون موافقه او لا

بصيت على بابا بضياع ولساني لجم من الصدمه وفجأه وقعت عنيا على حمزه وهو بيبص عليا بتركيز ولقيت نفسي بردد بدون وعي بعدها:نعم انا اقبل يامولانا

اييه؟!..انا قولت ايه هو سحرني بعنيه دلوقتي والا ايه ازاي وافقت بدون وعي كده انا مش فاهمه بس للحق انا مرتاحه للجوازه دي ومش هنكر كمان ان قلبي فرحان بيها

وبعد وقت سمعت صوت المأذون بيردد اخر جملته المشهوره ليتم الزواج بها:بارك الله لكما وجمع بينكما في خير

بصيت عليهم لقيت حمزه حضن بابا بسعاده انا مش فاهمه مصدرها ايه بصراحه وبابا كمان كان فرحان اوي والمكان اتملئ بالزغاريت وملك صحبتي حضنتني بسعاده وانا في دنيا تاني وكل نظري مصوب على حمزه بس

وبعد ماخلص كتب الكتاب المفاجئ خرج الكل ومامت حمزه واخته رجو بيتهم تاني وملك كمان مشت ومفضلش غير عيلتي انا وحمزه بس في المكان

فسمعت حمزه بيقول لبابا:ممكن ياعمي اقعد مع زوجتي شويه حابب اتكلم معاها

هز بابا رأسه لحمزه بتفهم وقال:طبعا يابني ده حقك دلوقتي تعالي ياام فاطمه نسيبهم يتكلمو مع بعض

خرج بابا وماما وانا في ملكوت تاني خالص حتي ملحظتش امتي الكل خرج وبقيت انا وحمزه بس في الصالون

فقرب حمزه بهدووء وقعد جنبي وحط ايده على رأسي ففقت انا علطول وبصيت عليه بصدمه وهو بيقول:الف مبروك عليكي ياحرم حمزه الحسيني

ببرش شويه بعنيا وانا مش مصدقه انه جنبي وقريب مني كده فتوترت جدا وانا بقول:الله يبارك فيك ياشيخ حمزه

ابتسم حمزه ابتسامه سحرت قلبي وانا مركزه اوي معاه وقال:تعرفي اني حلمت امبارح اني قاعد جنبك وانتي بتصلي وكونت بقرأ عليكي أيات القرأن الكريم علشان تهدي واني منهاره قدامي

سمعته وبعدت عنه بسرعه وصدمه هو ازاي حلم نفس الحلم الي حلمته انا امبارح هو الشخص ده ملبو"س والا ايه فقولتله بصدمه وخوف:انت معاك جـ'ن مش كده ياشيخ حمزه

ضحك حمزه بصوته كله ضحكه برزه غمزاته الي زوبتني بجد من جمالها وقال:استغفر الله العظيم لا طبعا انتي ليه بتقولي كده؟

رديت عليه بصدمه وزهول:علشان انت حلمت نفس الحلم الي حلمته انا امبارح يبقى انت اكيد معاك جـ'ن ياشيخ حمزه

وقف حمزه قدامي وهو لسه بيضحك وقرب مسك ايدي بحنان وقال:لا متخافيش مش معايا جـ'ن والا حاجه من التخاريف دي بس انتي سمعتي قبل كده بشئ يسمى ترابط الارواح اكيد علشان كده احنا حلمنا نفس الحلم مع بعض

بلعت ريقي من قربه ولمسته لأيدي وقلبي بقى بيدق بسرعه قدامه وانفاسي بقى اعلى فسحبت ايدي من ايده وانا بقول:تمام ياشيخ حمزه انا هصدقك دلوقتي بس قولي انت ليه غيرت رأيك من خطوبه لكتب كتاب علطول كده

ابتسم حمزه على خجلي الواضح منه من شكلي الي قلب لونه للاحمر وقال:اولا بلاش الشيخ حمزه انا اسمي حمزه بس وثانيا انا صحيح كونت مقرر تكون خطوبه الاول بس بعدين غيرت رأيي علشان اقلل المسافات بينا واخد راحتي معاكي اكتر في الكلام

ابتسمت بتلقائيه على كلامه لاني حسيت براحه نفسيه اوي فقولت:انت بجد مفيش احلا او احسن منك ياشي..احم قصدي حمزه

ابتسم بسمه كبيره اوي من كلامي وفجأه لقيته قرب وحضني وانا برقت منه وبقي قلبي هيقف من الدق بسببه وقرب همس في ازني وقال:

يتبع.. بقلمي نور محمد

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

ابتسم بسمه كبيره اوي من كلامي وفجأه لقيته قرب وحضني وانا برقت منه وبقي قلبي هيقف من الدق بسببه وقرب همس في ازني وقال: انتي مفيش اجمل منك ومن قلبك كمان

يالهووي هيغمي عليا والله من كلامه انا صحيح سمعت مغاذله من ناس كتير قبل كده بس منه هو حاجه تاني خالص

اول مره احس قلبي بيطير من الفرحه كده جوه قفصي الصدري فلقيت نفسي برفع ايدي بتلقائيه وانا بضمه ليا بحط رأسي على كتفه العريض

شعور حلو اوي اول مره اشعر بيه في حياتي كلها دفئ وأمان الدنيا كله وانا بين ايديه انا هغني والا ايه مش قادره اوصف السعاده الي بيشعر بيها بجد جنبه

وبعد وقت بعد حمزه عني وانا كان نفسي اقوله متبعدش ارجوك عني بس ايه الوقاحه الي بقيت فيها دي بس ياربي

فضلت مركزه كده فيه وهو لاحظ ده طبعا فقال ببتسامه:عارف نفسي وسيم وحلو

يخرب بيت غروره بس بصراحه هو وسيم وحلو فعلا فقولتله اول شئ خطر في باله ويارتني ماقولته:من حقك ياحمزه من حق الجميل يتدلع برضو يحموزتي

ضحك حمزه بصوت صاخب عليا وانا اتخضيت منه بعد مااخدت بالي انا قولت ليه ايه فحمر وجهي زي الفراوله من الاحراج وحمزه قال:دمك عسل والله انا عمري ماضحكت كده في حياتي

سرحت تاني في ابتسامته وعمازته دي هتجنني بجد وقولت بتكبر:وماله مش انت جوزي دلوقتي ومن حقي اغازل فيك

اتصدم حمزه مني بس عجبه كلامي فقرب مني بهدووء وقال:اكيد حقك يازوجتي وانا كمان من حقي اني اقرب منك دلوقتي واعمل كده

وقبل مااستوعب هو قال ايه لقيته قرب مني وطبق بوسه رقيقه على شفايفي بسرعه وبعد بعدها وانا برقه فيه بصدمه كبيره ووجهي بقى زي الفراوله من الخجل وقولت :انت بقيت قليل الادب على فكره ياشيخ حمزه

ضحك حمزه بخفوت على شكلي وقال بغمزه:انا قليل ادب مع مراتي حلالي بس ياحبيبتي

سمعته وتصنمت مكاني هو قال حبيبتي مش كده ..ايوه قال حبيبتي انا سمعتها كويس..قولها تاني ياحمزه والنبي..كان نفسي اقوله الكلام ده بس اتكسفت اقول وانا قلبي بيرفرف من السعاده العارمه الي غمرته يااااه سعاده متتوصفش بجد

ابحرت في عالمي الخاص بفارس احلامي الي طلع في الاخر اكتر شخص كونت متخيله اني بكره بس العكس هو كان اكتر شخص انا حبيته وسكن قلبي بدون أذن مني

وفجأه قفت على صوت حمزه وهو بيقول:فاطمه انا عاوز اصارحك بحقيقه لازم تعرفيها وأسف اني خبيتها عنك من وقت ماطلب ايدك من عم مرزوق

تعجبت من كلامي حقيقه كان مخبيها عني بس الي اعرفه ان الشيخ حمزه مش عنده اسرار مخبيهم عن حد ابدا فقولت:اكيد اتفضل ياحمزه

حسيت ملامحه كلها قلبت وانتشر التوتر والقلق على شكله وهو بيقول:انا بصراحه يعني عندي طفل عمره خمس شهور وووو

يتبع.. بقلمي نور محمد

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

:انا بصراحه يعني عندي طفل عمره خمس شهور

سمعته بصدمه عمرى مااتخيلها تطلع منه وقولت: ايه عندك طفل ازاي يعني

بلع ريقه بتوتر وقال: ايوه يافاطمه بس هو مش ابني

برقت فيه بقوه وانا بقول: وكمان مش ابنك امال ابن مين؟!

رد حمزه بحزن: معرفش ابن مين بصراحه انا لقيته قدام الجامع بعد ماصليت من شهر كده واخدته معايا لانه صعب عليا ارميه في ميتم او اخده لمركز الشرطه وهو لسه صغير ومن فتره بحثت عن اهله وعرفت انهم ماتوا سوى في حادث عربيه من شهر تقريبا وفي شخص لقاه معاهم وقتها وحطه قدام الجامع

سمعته وعنيا دمعه بتأثر من كلامه وقولت: خلاص ياحمزه انا موافقه ده يتيم وحرام يعيش بدون اب وام

حمزه سمعني بفرحه كبيره وقرب حضني بحب وقال: انا كونت متأكد من اختياري انتي مفيش اطيب من قلبك في الدنيا يافاطمه

بادلته الحضن بسعاده وقولت: بصراحه انا من وقت ماشوفتك اتغيرت اوي ياحمزه انت طوق النجاه ليا فعلا

بعد حمزه وحاوط وشي باديه الناعمه وقال: انتي الطيبه والحنان في قلبك من زمان وانا اجيت اكشف الغمام عنهم بس ياحبيبتي

ياااه قال حبيبتي تاني انا قلبي بيدق زي الطبله اول ماسمعها منه وحست نفسي بطير بدون اجنحه انا حبيته كده امتى بس ياربي

رديت بكسوف عليه: شكرا ياحمزه على كل حاجه عملتها معايا بجد وممكن اشوف الصغنن بقى دلوقتي

وقف حمزه بحماسه ومسك ايدي وقال: ممكن اوي ياحبيبتي تعالي معايا نروح. نشوفه دلوقتي سوى

فرحت اوي من حماسته دي قدامي وتحمست زيك بالظبط وطلعت معاه وقبل مانخرج قال حمزه بصوت عالي: عن ازنك ياعمي بس محتاج فاطمه معايا دقيقه بس ممكن؟!

رد عليه بابا ببسمه: اكيد يابني دي بقت مراتك

قال حمزه بسعاده: شكرا ياعمي ياله يافطوم معايا

خرجت معاه وانا متحمسه اوي اشوف الصغنن بتاعه وبعد ماوصلنا لشقته دخلنا سوى وحمزه نادي بصوت عالي: ماما هاتي ادم هنا فاطمه عاوزه تشوفه

خرجت ام حمزه ومعاها طفل زي القمر كان بشرته بيضه وخدوده مدوره بحمره حلوه اوي وعنيه عسلي اللون وشعره بني لامع قدمته لحمزه الاول واخده منها بفرحه وقال: دومي عامل ايه دلوقتي اكيد متعبتش الجده معاك مش كده

ضحك الطفل ولمس لحيه حمزه بأيده الصغيره وانا دوبت من اللطف اللي قدامي وكان نفسي اصورهم مع بعض كده من شكلهم الكيوت اوي مع بعض

وفجأه قدم حمزه ادم ليا وقال بمرح: سمى الله الاول والولد زي القمر اخاف يتحسد منك

ضحكت على كلامه وقولت: بسم الله مشاء الله وحملته اول ماقربته لقلبي حسيت بحنيه ودفئ بيفيض منه وانا بضمه اكتر واكتر لغايه ماحمزه قال: براحه على الولد لسه صغير يتكسر منك كده

بصيت عليه بغيظ وقولت: ملكش دعوه بأبني تاني لوسمحت انا خلاص بقيت امه وهخاف عليه اكتر منك

ابتسم حمزه بفرحه وغمازته برزت بقوه وقرب حضني انا وادم بحب وقال: ربنا يديمكم ليا العمر كله يارب

وبعد مرور سبعه اعوام على البحر

ادم بغضب: عائشه تعالي هنا حالا

عائشه بخوف: نعم ياادم

ادم بحده: ايه اللبس ده انا مش ميه مره قولت اللبس ده ممنوع قول او مقولتش ياعائشه

عائشه بضيق: ايوه قولت بس ده لبس البحر واحنا هنا علشان نعوم زي باقي الناس ياادم

قرب ادم مسك ايدها وقال: انا مليش دعوه بباقي الناس انا المهم عندي انتي بس وانا مستحيل اسيبك بالبس المكشوف ده قدام الناس كلها فاهمه

عائشه بزعل طفولي: والله هروح اقول لبابا بتعمل معايا ايه

ادم بسخريه: تمام تعالي نروح سوى لبابا وهو يحكم بينا بقى

مسك ادم ايدها بعند وخدها عند حمزه بضيق، وعند حمزه وفاطمه على الشاطئ

فاطمه براحه: الجو حلوه اوي النهاردا ياحمزه مش كده

حمزه بدعم: ايوه عندك حق الجو حلو ورومانسي اوي كمان

وقرب مني وقلبني في خدي بسرعه وقال: دي قبله الحياه علشان الحياه تستمر حلوه كده معايا

ضحكت بقوه عليه وقولت: بقيت قليل الادب اوي ياشيخ حمزه

حمزه بغمزه: قليل الادب مع مراتي حلالي بس يابطتي

رديت بكسوف: يووه بقى ياحمزه علطول كسفني كده

حمزه بضحكه: هههه وهو في وحده تتكسف من زوجها حبيبها

ابتسمت بحب وقولت: عندك حق ياحموزتي اه صحيح الاولاد روحوا فين؟

حمزه بعدم معرفه: معرفش بس متقلقيش عائشه معاها ادم بياخد باله منها اوي

وقبل ماارد عليه لقيت ادم بيجر عائشه خلفه بغضب وقال: بابا تعال لم بنتك انت احسن مش عاوزه تسمع كلامي

حمزه بضيق: في ايه ياادم عائشه بتعيط كده ليه؟!

عائشه بدموع: بسبب ادم يابابا هو عاوز يتحكم فيا وبيتعصب عليا كمان قدام الناس

تدخلت بسرعه وقولت: تعالي ياحبيبتي ادم بيحبك واكيد خايف عليكي بس

ادم بدعم: ايوه ياماما قولي لها الكلام ده بقى

ووجه نظره لحمزه وقال: يابابا انت مش قولت اللبس المكشوف والقصير ده حرام وانا خايف عليها تدخل النار بسببه بس هي مش عاوزه تسمع كلامي

حمزه اخد عائشه من حضنه ومسح دموعها بايده وقال: ادم عنده حق ياحبيبتي اللبس ده يدخلك النار وانتي بنوته شاطره وبتسمعي كلام بابا مش كده يبقى متلبسيش اللبس الوحش ده تاني ماشي ياعائشه

رد عائشه بطفوله: حاضر يابابا اوعدك مش هلبس كده تاني

حمزه اخدها في حضنه ببسمه اظهره غمازته الرائعه وقال: شاطره ياروح بابا

ادم بص عليهم بغيره طفوليه وقال: بابا انا عاوز اجوز عائشه علشان احضنها زيك كده كمان

ضحك حمزه عليه وقرب حضنه هو كمان وقال: انت قلبي ياادم وانتي النبض بتاعه ياعائشه ربنا يديمك لعمري ياحبايبي

بصيت عليهم بغيره وانا بعيد عن حضن حمزه وقولت: وانا ياحمزه بقى هو القلب وهي نبضه وانا بقيت ايه دلوقتي ممكن اعرف

ضحك حمزه على شكلي الطفولي وقرب اخدني معاهم في حضنه وقال: وانتي سكن وونس القلب كله ياوصيه الرسول (عليه الصلاه والسلام) ليا

ضميته هو وادم وعائشه بفرحه كبيره وقولت:ربنا يديمكم ليا ياحياتي كلها ويديمك سكن وونس لقلبي العمر كله ياشيخي العنيد

النهايه...

تمت الروايه بفضل الله ونعمته الحمد لله

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

تعديل المقال

نجوم الروايات

رواية شيخي العنيد كاملة جميع الفصول بقلم نور محمد

رواية شيخي العنيد كاملة جميع الفصول بقلم نور محمد