روايات حصرية
0

رواية احببت موقفها كاملة جميع الفصول بقلم سلسبيل محمود

عشاق الروايات
اخر تحديث :

رواية احببت موقفها كاملة جميع الفصول بقلم سلسبيل محمود


رواية احببت موقفها كاملة جميع الفصول هى رواية من تأليف المؤلفة المميزة سلسبيل محمود رواية احببت موقفها كاملة جميع الفصول صدرت لاول مرة على فيسبوك الشهير رواية احببت موقفها كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية احببت موقفها كاملة جميع الفصول

رواية احببت موقفها بقلم سلسبيل محمود

رواية احببت موقفها كاملة جميع الفصول

كنت ماشي بليل وفجأه ولقيت حاجه 150m ماسكه في آخر الجاكيت بتاعي بصيت لتحت عشان اشوفها
- في اي! انتي مين ؟
= انت مروح؟
- الساعه 12 بليل اكيد مروح انتي بتعملي اية هنا فى وقت زي دا!!!؟ 
= انا جميلة وو..انا تايهه 
- تايهه اية دلوقتي!
= هو في معاد للتوهان ؟
بصتلها بتعجب: طيب اقدر اساعدك ؟
= خدني معاك عشان خايفه 
رديت بدهشه وبستغراب: اخدك معايا ! اخدك فين
= بيتك مش انت مروح بيتك؟
- يابنتي انتي شكلك ابن ناس ؟ انتي كويسة ولا في اية
= يعني اية ؟، مانا مينفعش اقعد فالشارع صح الشارع مش حلو لازم اروح بيت
- اهه وشكلك كمان اول مره تنزلي وكلامك غريب
اتفاجئت:  انت عرفت منين اني اول مره انزل ! انت ساحر ولا  ... انت تبع الاشرار؟ 
- اشرار؟ انتي بتقولي اية
= انا خلاص هشوف حد تاني يخدني روح انت


وقفت قدامها بسرعه ومسكت طرف الجاكيت بتاعها عشان تقف: اهدي اهدي هو انتي هتروحي مع اي حد وخلاص!
رفعت كتافها ببراءه: ايوه انا خايفه وهخاف وانا هنا لوحدي لازم حد يساعدني 
- طب تعالي معايا لما اشوف هقدر ارجعك مكانك ازاي
او اساعدك ب اية 
مسكت في آخر الجاكيت بتاعي تاني ورفعت راسها وبصتلي:   عشان متروحش مني
ابتسم باستغراب: مش هاروح فحته متخافيش هاتي ايدك بقا 
مدت ليها ايديها ليا لاحظت انها صغيرة اوي مقارنه بايدي ومسكتها زي الطفلة ومشيوا
**************************
- ادخلي تعالي متخافيش
= هو انت لوحدك فالبيت دا، دا كبير اوي! 
ضحك: مش لوحدي لا معايا شغالين و
قاطعته واحده وهي بتبص لجميلة: زين مين دي؟؟
- ادخلي تعالي متخافيش
= هو انت لوحدك فالبيت دا 
- لا معايا شغالين و
قاطعته واحده: زين؟؟
=بصي يا 
- جميلة اسمي جميلة
=اقعدي هناك لحد ما اجيلك ماشي 
-ماشي 
= ماترد يابني  فهمني مين دي ومن امته بتدخل حد هنا
-بصي يا داده انا مش عارف حاجه انا لقتها لوحدها وباين علي لبسها  وكلامها انها بنت ناس بس بتقول انها تايهه وبعدين شكلها اول مره تنزل شارع انا خوفت حد يعمللها حاجه فا جبتها 
= ياحول الله وهي متعرفش فين اهلها يعني
- مش عارف شكلها متعرفش حاجه خالص
=  شوف اية حكايتها ولو تقدر تساعدها ساعدها يحبيبي
رجعتلها ولقتها بتستكشف القصر بعيونها وكأنها اول مره تشوف مكان زي دا
- قوليلي بقي فين اهلك او اقدر اوصلك بيتك ازاي
= بيتي؟
- ايوا
= انا معرفش اي حد مش فاكره
- مش فاكره!؟
هربت من نظراتي بعيونها وقعدت تفرك فى ايديها
- طبب ممكن تهدي لازم تحكيلي عشان اقدر اساعدك
= هو.. انا هوو..أ انا كنت في مكان وكنت...كنت محبوسة بس كانوا بيعاملوني كويس بس مش بخرج حتي معرفش انا فين انا بس مشيت وفضلت ماشية لحد ما الوقت اتأخر واليل جه وفي اشرار.. انت مش شرير صح؟
ابتسمت لبرائتها:  يعني يمكن ابقي طيب شوية
= يعني هتخليني


- انتي كدا هربتي من مكانك صح
رجعت تبص لتحت: ايوا
- طب مكنش ليكي اهل؟ أو كنتي مع مين هناك وهربتي ليه
= معرفش انا عمري ما خرجت من المكان الي كنت فيه وهربت كدا
- طب كنتي بتعملي اية فالمكان دا؟
= كنت قاعده وبس ومعايا صحبتي وداده امينه وعمو عادل
- كويس اوي واية كمان
= بس
- عندك كام سنه مثلا
= عندي 18
ضحك: بس شكلك اصغر
= ازاي
ما علينا دلوقتي انتى الى كنتى معاهم دول اهلك صح
- لاء هما كانوا مخليني عندهم وانا كنت عايزه اخرج
= طيب مشيتي لي بعد الفتره دي كلها ؟
- عشان ادور على بابا وماما الى بجد
= يعني عندك اب وام
- ايوا اكيد كلنا عندنا بابا وماما بس انا معرفش ليه  سابوني وعايزة اللقيهم
= واشمعنه قررتي تدوري عليهم دلوقتي وتخرجي 
- لاني سمعت انهم عايشين داده امينه قالت كدا لعمو عادل وكمان انا خلاص بقيت كبيرة انا عندي 18 سنه يعني اقدر اخرج قبل كدا مكنش ينفع
زين حاول يهاودها لأن من الواضح انها على الابيض خالص 
- بس انتي مينفعش تقعدي مع اي حد وخلاص
- انا عارفة عشان فى اشرار فالدنيا بس برضو في ناس كويسة وهتساعدني زيك كدا
= انا هحاول اساعدك بس اديني اي معلومات عنهم طب
بصت للارض بياس شديد
- معرفش اي حاجه خالص
= عمرك ما شوفتيهم
- لاء 
= متقلقيش هحاول القيهم
جت الداده وجميلة بصتلها 
- ازيك يا تيتة
استغربت من تلقائيتها وابتسمت:  كويسة انتي بخير يا حببتي؟ 
- ايوا زين خلاص هيساعدني هو طيب واكيد انتي كمان
= يعني عرفت فين اهللها يا زين 
- لاء بس هحاول اللقيهم واشوف هعمل اي
- هو انا ممكن انام 
= اكيد يا حببتي تعالي اوديكي اوضة تنامي فيها
- خلي بالك عليها يا داده
لقيت الداده بتضحك وبصتلي بصة انا فهمتها كويس
----------------
_ هاه حلوة الاوضة دي 
= جميلة خالص شكرا اوي انا همشي اول ما اللقي بابا وماما مش هضايقكو
- يا حببتي ارتاحي دلوقتي وان شاء الله زين يقدر يلاقيهم ولحد ما يحصل ده زي بيتك بالظبط
= شكرا يا تيته
ابتسمت وسابتها وخرجت
----------------
- خد هنا تعالي يا ولا
= اي مين انا؟
_ قولي بقي كدا اية الحكاية 
= حكاية اية 
- دا انا مربياك انت مش بتدخل اي حد القصر هنا
= يعني مساعدهاش الله انا غلطان؟
- لا فيك الخير ياحبيبي بس اياك تبصللها  بقولك اهو انا فهماك
= جرا أية يا داده دا انا طيب حتي.
- وهي شبه الاطفال سبحان الله شكلا وطريقه واد يا زين حذاري تزعلها
= عيب يا داده انتي لسة قايلة تربيتك 
- طيب اهلها هيعرفوها ازاي
= بصي انا هنزل اعلان واحط صورتها او مش عارف 
النور قطع وهما بيتكلموا وزين شاف اتنين داخلين من ورا الازاز بتاع القصر وسمع سريخ جميلة فجأه..
_ زييييييييييييين
_زيييييين !!!!
زين طلع من معاه مسدس ودخل الداده في اوضه وقفل عليها وطلع عند جميلة جري
لقتها واقفه ف ركن فالاوضة وخايفه
- جميلة؟؟؟ جميلة انتي كويسة ؟!
جريت على حضني ومسكت فيا: في اشرار هنا شوفتهم من الشباك وهما داخلين  وشكلهم يخوف والدنيا ضلمه 
فضلت ماسكه فيا جامد فا حاولت اهديها


- اهدي متخافيش انتي معايا بصي  ادخلي جوه الدولاب دا لحد ما امشيهم اتفقنا؟
= ماشي خلي بالك دول أشرار 
-  متخافيش
دخلتها الدولاب وقفلت عليها ونزلت فالضلمه وكلمت الحرس بس محدش فيهم بيرد لمحت واحد منهم عند مكتبي وضربته في رجله ولما وقع جريت خدت منه المسدس الي معاه بس مخدتش بالي من التاني الي هجم عليا ووقعني  على الترابيزة بس لحقته وضربته هو كمان بالرصاص في رجله..
-------------------
- خلاص يا حببتي مفيش حاجه
= هو زين هيحصله حاجه، راح فين
- لاء ان شاء الله شوية وهيجي هوا بيسلم الناس دي للبوليس عشان متعملش كدا مع حد تاني
= هما الناس كلهم وحشين كدا ؟
- مش كلهم في ناس كويسة بس الاكيد ان مفيش اجمل منك انتي
= وانتي كمان وزين
زين دخل القصر وجميلة اول ما جه راحت ناحيته
- انت اتعورت؟
ابتسملها: متخافيش دا خدش صغنن خالص مش واجعني حتي
- الاشرار راحوا؟
= ايوا خلاص
- طمني يا زين حصل اية
= كانوا حراميه يا داده اعترفوا على كل حاجه واتسجنوا بس حاسس انهم تبع حد
- متبقاش موسوس يا زين انت ملكش اعداء ولا اذيت حد اكيد مجرد حراميه والمهم اننا بخير
= عندك حق يلا بقي يا جميلة روحي نامي
- لاء يازين انا خايفه النور يقطع عليا تاني وانا لوحدي
زين نزل لمستواها: متخافيش لو قطع هاجي بسرعه زي ما عملت مش هيحصل حاجه
- هتيجي بسرعه بسرعه جدا؟
زين ضحك: جدا
- ماشي good night
= ايه
- تصبح على خير يعني
= وانتي من اهله
جميلة طلعت والداده بصتله بستغراب:  في اية
= دي قالتلي good night وامبارح وهي معايا
فالعربيه وجاين على هنا قالت okay و no problem
- طيب فيها اي
= اني كنت صح هي بنت ناس فعلا وحكايتها غريبه عايز اعرف كانت عايشة مع مين وحبسوها ليه طول عمرها كدا وعملوا اي خلاها تكون متعرفش اي حاجه ف اي حاجه زي الاطفال
- يحبيبي البراءه الي فيها دي من جواها انما الناس دي بقي لو مكنوش وحشين يمكن ربوها عادي وخافوا يخرجوها لوحدها مثلا مش عارفه
= مش عارف برضو محدش بيعمل كدا
- طيب انت هتعمل اية
= انا هانزل صورتها على موقع مفقودين او ادور على معلومه تساعدني اللقي اهلها
- ربنا معاك يحبيبي 
طلعت اوضتي بس قبل ما ادخل روحت اوضة جميلة وكانت نايمه بكل سلام
- اههه شبه الملايكه حتي وانتي نايمه معرفش اشمعنه انا الي جيتي في طريقي بس عايز اكمل معاكي للاخر ومش عايز اسيبك
---------------------
تاني يوم..
- يا داده جميلة صحيت؟
= لاء نايمه صحيها لحد ما اعملكوا فطار
- طيب
خبطت كتير عليها وخوفت اخبط جامد تصحي مفزوعه فتحت الباب براحه 
ولقتها نايمه بعمق وبطريقة مضحكه عدلت شعرها وطبطبت على كتفها:  جميلة يا جميلة قومي


بصوت نايم:  هممم
- قومي يلا كفايه نوم
= لا لسه
- لا كفايه
= لا لسه
- يبنتي قومي
= ليه 
- هناكل!
- مين هياكل معايا؟
= انا
- هاجي اهو
- طب قومي بقي
= حاضر
- برافو شاطره
اتعدلت وشعرها الطويل كان  كله على وشها وشكلها كان غير مرتب بالمره عدلتلها شعرها وهي بصالي ومبتسمه زي الطفله يارب صبرني ونبي..
= يلا ننزل
- ماشي
-  good morning 
الداده ابتسمتلها:  علي عيونك ياقمر
= انا قمر!
بصتلها بنص عين:  ايوا فعلا قمر
- اتلم يا زين
= ليه يا تيته سبيه دا قال حاجه لطيفه
زين ضحك بصوته كله: بتقولك سبيه هااا انا براءه كدا
- دا خبيث يا حببتي دا 
= لا زين حلو
- جميلة محدش حلو هنا غيرك
- يا واد اتلم
= خلاص
بعد ما فطرنا جبتلها لبس جديد وكانت فرحانه بيه جدا ودا شيء فرحني انا كمان
- يلا بينا بقي ننزل
بصتلي بصه غريبه
_هنخرج الشارع!
- ايوا متخافيش انتي معايا
= هنعمل اية هنلعب؟
- لا بصي هنروح نصورك صورة حلوة كدا عشان يمكن حد يعرفك اية رأيك؟
= ايوا فكره حلوة اوي كدا بابا وماما هيلاقوني صح
- ايوا صح
= طيب يلا بسرعه


نزلنا انا وهي وركبنا العربية وطول الطريق وهي بتتفرج على الشوارع بانبهار
- برا طلع جميل اوي!!
= يعني اه
- بس في ناس كتير جدا ! هما كلهم اشرار؟
= تؤ مين قال
- دايما كانوا بيقولولي مينفعش اخرج لان الناس وحشين زي الي جم امبارح كدا
= يعني كنتي محبوسه عشان كدا؟
هزت راسها:  وكمان عشان كنت صغيرة دلوقتي كبرت
= اممممم طيب استنيني هنا ثواني 
نزلت من العربيه ودخلت السوبر ماركت اجبلها شوكلاتة وحاجات تتسلي فيهم فكرت ان دا ممكن يبسطها شوية 
جبتهم وخرجت واول ما بصيت على العربية وملقتهاش الحاجه وقعت من ايدي وفضلت ادور عليها بعيني وانا  واقف لكن مش شايفها!!!!
******************************
يتبع..
متنساش ان الرواية موجودة كاملة في قناة التلجرام والواتساب
↚
جميلة!!!!! انتي كنتي فين؟؟
= انا كنت
_ انا قولتلك خليكي فالعربيه!!
= Sorry يا زين 
_ سوري اي!!  افرض كان حصلك حاجه ولا توهتي
= خلاص متزعلش انا كويسة اهو 
_ ادخلي يجميله ادخلي
دخلت العربيه وبصتلي ببراءه:  مالك هو انت زعلت
لسه هتكلم لقيت صوت نونوه
_ أية ده
= مانا نزلت اخد القطه دي.
_ ليه!!
= لقتها لوحدها اكيد تاهت زي 
_  يعني نزلتي عشان كدا
هزت راسها بهدوء وانا كنت بحاول اهدا
= في أية مالك يا زين انا كنت جمبك وراه العربيه 
_ يا جميلة انتي متعرفيش حاجه هنا افرض توهتي مني هعمل أية ساعتها
= هتدور عليا
"ضحكت غصب عني بسبب البساطه الي بتتكلم بيها"
- انتي بجد هتموتيني
ابتسمت: و ممكن انا طلب من حد يساعدني واللقيك
"ابتسمتي اختفت وحسيت بأحساس مريحنيش"
 _ جميلة مينفعش تطلبي مساعده من اي حد 
ولا ينفع تدي لحد الأمان خالص وتثقي فيه
= مش فاهمه
_ بصي مش كل الناس كويسة يعني
= عارفه
_ يبقي مينفعش تتكلمي مع اي حد صح ممكن ياذيكي
هزت راسها بتفهم:  ايوا صح 
_ يبقي أية تفضلي معايا ومتبعديش ابدا  لحد ما اساعدك واطمن عليكي
ابتسمتلي: حاضر
"روحنا انا وهي عشان تتصور وخلصت وكنا هنمشي"
_ زين زين 
يارب واحده زين كمان ومش همسك نفسي: ايوا يا جميلة 
_ اتصور معايا
= اصل 
_ يلا عشان خاطري عشان تبقي ذكره حلوة 
رديت بمنتهي الاستسلام:  حاضر 
اتصورت جمبها صورتين وفرحت جدا وهي كمان فرحت اوي  ولما سالتها مرضتش تقولي السبب 
روحنا انا وهي البيت وكانت مرهقه اوي انسه فرهوده
_ انا عايزه انام مش قادره خالص
= الله انتي لحقتي يا جميلة
_ الي يشوف كدا يا داده يقول شقيتها 
= ملكش دعوه يا ولا 
_ تيته حبيبتي مش هتصدقي
= أية
_ جبت قطه صغننه جميلة ولونها orange 
= هي فين
_ زين قالي هتروح للدكتور الاول عشان يكشف عليها وبعدين هتيجي تقعد معانا هي اكيد تايهه من مامتها زي 
لقيت داده فاطمه بتضحك بصتلها برفعه حاجب - بتضحكي افتكرتك هتعترضي؟!
= ابدا جميلة براحتها
_ الله الله!! بقي كدا ، يا بختك ياست جميلة مكنتش راضيه تخليني أجيب كلب 
= كلب يا كلب؟؟؟ 
_ داده مش قدامها خلاص
قعدت تضحك وانا سرحان في ضحكتها..
_  انا جعانه جدا 
=  ياروحي غيري هدومك وليكي اكله حلوة عندي
بحماس:  أية أية
= مكرونه بشاميل
_ لحمه ولا فراخ!!!
= فراخ 
لقتها قامت باست داده فاطمه بفرحه
_ جرا اية هو انا شفاف 
= واد يا زين بطل لماضه
_ انتي عامله ليها مكرونه وهي ادتك بوسه وانا اي طيشا! 
= عايز بوسه؟ 
_ لا يا جميلة عيب 
ردت بضحك:  كنت هديهاله عالهوا يا تيته
داده فاطمه قعدت تضحك وانا باصص لجميلة بتوعد 
- ماشي متشكرين اطلعي غيري يختي 
= لاء 
بصتلها بعصبيه مصطنعه:  بنت عيب اسمعي الكلام
ردت عليا بأستهزاء:  تؤ تؤ مش هسمع هتعمل أيه يعني
_ الله انتي بتعندي معايا ولا اي
هزت راسها وهي بتستفزني 
_ انا بحذرك يا جميله
= مش بخاف هاهاهاها
قومت ولسه هجري أمسكها سرخت و جريت زي الصرصار على أوضتها وانا مبتسم والابتسامه رايحه لحد وداني..
*****************************
صلي على محمد 🩷
" بعد يومين " 
_ يا عم
= ايوا ياباشا
_ بتقولي باشا ايوا دا إحنا بقينا جامدين خمني جبتلك أية
= شوكلاته
ضحكت:  مش اكل يا جميلة
= مش عارفه أية
" خرجت بمنتهي السعاده ودخلت بالقطه اول ما شافتها ابتسمت بفرحه كبيره أوي "
_ مش مصدقه دي بقت جميلة خالص وبقت نضيفه كدا خلاص هتقعد
= ايوا ياستي بقت بتاعتك رسمي 
_ شكرا يا زين انت لطيف خالص
قلبي الصغير لا يحتمل والله.
= هتسميها اي بقي
_ مش عارفه أية رايك كوكي 
= اهااا نسيت اقولك
_ أية! 
= هو ولد مش بنت
_ بجد ؟ 
= اها
_ هسميه زوزو شبه زين حلو؟
=  حلو زيك 
بصتلي بصه طويلة وانا كنت مركز مع عينيها الي كل مره ببصلهم بيخطفوني من اول وجديد.! 
- زين هااي؟
= جميلة انا بحبك 
= ما انا كمان بحبك
- لا بس انا مش قصدي كدا اقصد ...
بصتلي بأنتباه:  قول 
" خت ثواني مع مخي بحاول افكر انوه مينفعش ودي كانت لحظه قولت فيها الي انا حاسه لكن مينفعش استغلها ابدا وهي نيتها مش زي "
- مفيش ولا حاجه 
= اممممم زين احنا صحاب صح 
- اكيد
= يعني هتفضل فاكرني وهنشوف بعض صح
- مش هقدر انساكي 
________________________
استغفرالله 🦋♥️
" عدا تلت ايام  بحاول فيهم ابعد على قد ما اقدر لحد ما في يوم بليل وانا قاعد لوحدي فالبلاكونه لقتها جايه" 
- جميلة اية مصحيكي لدوقتي!؟
بصتلي بغضب ممذوج بزعل وكان واضح جدا..
- انا زعلتك يازين؟
= لا خالص
- مش بتكلمني ليه امال
= عشان..
- لو زعلتك قولي وهصالحك و ممكن اعتذر انت مبقتش تحبني ولا عاوزاني صح
-  ليه بتقولي كدا
= ليه بقالك شوية و شوية مش بتكلمني ولا بنلعب سوا ليه؟ ممكن اعرف
- مشغول لكن اول ما افضي علطول هنلعب
= لاء انت مش عاوزاني خالص الاول كنت بتكلمني كتير
"وقفت وبصيت في عيونها الي زعلانين بسببي ومبقتش عارف اقول اية "
- لا بيتهيألك هنام بقي عشان هصحي بدري تصبحي على خير..
"مش فاهم ليه قولتلها كدا بس انا مكنتش قادر استحمل وكل ما احاول ابعد ببقي مش قادر ولا كان هيهون عليا زعلها فا هربت"
"سمعت صوت الفجر بيأذن وانا كنت رايح فالنوم لاني بقالي يومين منمتش كويس"
"ومعاه سمعت صوتها الرقيق خالص وهي بتقولي انا اسفه"
 * تاني يوم الصبح *
- زين انت صحيت؟
= اه 
- صحي جميله بقي لحسن بقالها كتير نايمه
= طب ما تصحيها انتي 
- اية هو ده روح يا ولا هاتها خلينا نفطر
مش طالبه اشوفها وهي نايمه خالص:  حاضر يا داده
خبطت عالباب ومرضتش ادخل: جميلة
انزلي عشان نفطر ماشي.... جميله ؟؟؟
يا جميييله؟
فتحت الباب وملقتهاش فى الاوضه! 
فجأه حسيت ان دماغي تقلت ومخي وقف 
قعدت ابص فى الاوضه بتركيز وانا مش مصدق خبط على الحمام بقوه مكنتش موجوده كنت خارج من الاوضه بسرعه جدا لحد ما لمحت ورقه على سريرها فتحتها بطريقه عشوائية
( انا خلاص همشي يا زين هتوحشني اوي متخفش انا هلاقي حد تاني يساعدني انت ساعدتني كتير اوي بس مكنش قصدي ازعلك خالص ومعرفش ليه مبقتش عاوزني بس sorry  بجد )
قعدت عالسرير وانا بفتكر لما صحتني وقالتلي انها اسفه
ده مكنتش حلم كنت حاسس اني مش قادر اقف
الورقه وقعت من ايدي وفضلت ماسك دماغي وانا استوعب الي حصل بسبب معاملتي الغبيه والي قريته فالورقه ! هي كدا ضاعت مني؟
نزلت جري معرفش ازاي حتي مردتش على الداده وهي بتنادي وركبت العربيه وفضلت اللف حولين الفيله واروح كل الاماكن الى روحنها سوا بس مش لاقيها ولا لاقي ليها اي اثر ولا حتي في ناس شافتها رجعت البيت بليل وانا مرهق ومش قادر
- زين !!! كدا تخضني عليك كل دا ! فين جميلة ؟؟ 
" اترميت على الكرسي بمعني الكلمه وانا حاسس انوه خلاص خسرت اكتر حاجه حبتها في حياتي " 
- زين رد عليا في اية فين جميلة.
لأول مره دموعي تنزل من سنين:  جميلة ضاعت مني مشيت بسببي 
كانت  الداده مخضوضه بسبب دموعي والخبر الي قولتهولها
- يعني اية ضاعت ! عملت ايه خلاها تمشي دي معندهاش حد
= كنت بعملها وحش عشان بحبها وفاكر اني كدا هقدر اتخطها معرفش انها هتمشي خالص
بصتلي وهي مش فاهمه:  بطل عياط كدا وقوم اتصرف انت فاهم رجعها يا زين دور عليها هتكون راحت فين
فضلت باصص للارض لحد ما رفعت راسي ليها 
= جميله مشيت خلاص افهمي كتبتلي ورقه وقالت انها ماشيه بسببي خلاص ضاعت مني !!
- عشان اتجاهلتها
" بصتلها وانا مستغرب "
- متبصليش كدا انا عارفه جت كلمتني امبارح وقالتلي انك زعلان منها  وهتحاول تصالحك واكيد لما معرفتش تصالحك مشيت مكنتش واخد بالك انك بتتعامل مع طفله ازاي تتصرف كدا؟؟ حتي لو بتحبها خلاص مقدرتش تتحكم في نفسك! 
كان عندها حق فكل كلامها:  اعمل اية
مسحت على وشي بمنديل: تهدي و تدور عليها 
= تفتكري هلاقيها!
- ان شاء الله  ترجعها جميلة لو فضلت لوحدها ممكن يجرالها حاجه يحبيبي انا قلقانه لازم تلاقيها
مسحت على شعري وانا بحاول اهدا: معاكي حق هلاقيها
موبايلي رن ومردتش لكن الموضوع اتكرر لحد ما فتحت
- الو الو يا زين اللحقني 
وقفت بصدمه: جميلة؟؟؟؟؟؟؟؟؟
يتبع..
متنساش ان الرواية موجودة كاملة في قناة التلجرام والواتساب
↚
- زين اللحقني يا زين!
= جميلة!!؟؟؟ انتي فين!
- مش عارفه انا 
"وفجأه صوتها اتقطع ورد عليه واحد" 
=  ايوه
- انت مين !
= اعتقد انها تخصك ولا اية 
زين بزعيق: رد عليا انت مين !!!!! 
= قابلني بكره في .......... وتجيب معاك ورق المناقصه 
- استني الو الووو
"رمي الموبايل على الارض وفضل يتنفس بعصبيه"
- في اية يا زين جميلة مع مين!
= جميلة اتخطفت
حطت ايدها على صدرها بخضه:  يمصيبتي!!! اتخطفت ازاي مين الى خطفها
" زين مكنش سامع غير صوتها وهي خايفه وبتقوله
 يلحقها وحاسس انوه بيموت ببطء"
= كل دا بسببي 
- مين الي خطفها بلغ البوليس!! 
= الي جه يسرقني عايز ورق لي علاقه بالشغل فالشركه
قولتلك يا داده اكيد حد مزقوق عليا انا كنت حاسس
- ودا ورق مهم! ومين عمل كدا
هز راسه وهوا كانت طاقته خلصت: مهم وانا معرفش مين مش عارف
طبطبت علي كتفه: اهدا اهدا اكيد هتبقي كويسة احنا لازم نبلغ
- لاء انا هروحلهم بالورق
= لاء يا زين ! افرض عملوا فيك حاجه! 
- هما مش عاوزيني! وبعدين مش هسبها
" زين فضل طول الليل صاحي ومستني المعاد الي هيقابله فيه وراح على شركته قبل المعاد بشوية " 
- عماد
= ايوا 
- فين ورق مناقصه بتاع ........
= موجود فى خزنه الشركه 
اداله المفتاح:  هاته
= ايوا بس العقد هنمضيه بكره فى الاجتماع
- تؤ تؤ اللغي كل دا
= نعم زين انت بتهزر؟
- لاء مش بهزر ومتعارضنيش
= زين في شرط جزائي نص مليون جنيه!! 
- كلامي يتنفذ !!!!! 
= تمام 
***************************
صلي على محمد 🩷
جه وقت التسليم و زين كان رايح لحد ما جاتله مكالمه 
- الو 
= ايوه مين 
- زين ؟ 
= ايوا مين معايا
- اوعي تروح تسلم الورق 
= نعم! مين بيتكلم 
- انا معايا جميلة 
= انتي مين مش فاهم حاجه 
- خليك مكانك انا هاجيلك الشركه 
" زين فضل واقف قدام الشركه لحد ما لقي بنت جميلة جدا وصلت وبصتله "  
- فين جميلة ؟؟
= لازم نتكلم 
- نتكلم اية فاضل نص ساعه لازم اروح اللحقها
= الي خطف جميلة يبقي كريم رئيس ااشركة منافسه ليك وعايز الورق عشان ياخد المناقصه و ه
- وانا مش مهم عندي كل دا انا عايز جميلة 
=  مش هيديهالك كان هياخد الورق ويهرب وجميلة دلوقتي على يخت من بتوعه في ...... 
- انا لازم اروحلها!!!!
= اهدا هنتصرف سوا
- وانتي اية مصلحتك فكل دا!! وعرفتي دا منين 
= انا ساره حبيببته 
- نعم؟ 
= كريم مريض بالشغل ومريض بأي حاجه حوليه وعاوزها لي عشان كده عايز ورق المتاقصه بأي تمن وجميله لو فضلت معاه هيدمرها زي ما دمرني 
- يعني انتي هتسبيه
= لاء انا بحبه و بحاول اغيره و ابوظله كل عملياته انا
عرفت جميلة و عرفت منها حكايتها كلها ومعتقدتش انها تهمك عشان متعرفهاش صح
- لا تهمني ! وانا هعرف ارجعها علفكره بأي تمن برضو
 = انا مش ضدك هساعدك انت هتروح دلوقتي وهتلاقي حراسه على اليخت انا هحاول اشغلهم بعيد لما اوصل بعدك تجبها بسرعه هتكون فاليخت جوه فى اوضه تخرجوا وخد معاك مسدس احطتياتي
- مسدس ؟؟
= مش معاك! 
- لاء
= وانا داخلة هديك مسدس بتاع واحد منهم ترميه وانت خارج 
زين سمع كلامها فعلا وراح عند اليخت وفضل مستني لحد ما وصلت واتكملت مع الاتنين الى واقفين وخدتهم على جمب زين فضل ماشي بهدوء جدا لحد ما دخل ولقي اوضه مقفوله فتحها وكانت جميله نايمه بتعب 
- جميلة! جميلة قومي 
= زين
" حسيت ان قلبي رجع يدق تاني اول ما اطمنت عليها فكيتها وهي بتعيط معرفتش اعمل اي كنت بحاول اطمنها لحد ما قربت وخدتها فحضني " 
-  اهدي هنخرج سوا انا جيت عشانك
مسكت فيا جامد وهي بتعيط: انا اسفه مكنتش اعرف ان كل دا هيحصل انا
- شششش اهدي احنا دلوقتي لازم نمشي بسرعه متفكريش في اي حاجه احنا هنخرج
" مسكت ايديها وخلتها ورايا ومشينا واحده واحده لحد ما افتكرت المسدس الي فجمبي وطلعته لكن خرجنا من غير ما اي حد يشوفنا "
- ساره 
= جميلة كويسة؟
- كويسة بس نايمه فالعربيه
= دلوقتي لازم تعمل زي ما قولتلك خد الورق.
فلاش باك # 
- وانتي هتعملي اية لو عرف الى عملتيه ممكن يقتلك
= لا ماهو مش هيحلق
- ليه 
= عشان من كام يوم بس قدرت امسك ورق يوديه في داهيه وكنت عامله حسابي اني ههرب لحد ما قالي عالي هيعمله هيسرقك و ياخد جميلة مكنتش مهتمه بس لما شوفت جميلة كنت ساعتها راجعه من عنده ومتخانقين جامد شافتني وفضلت تتكلم معايا وتقولي مزعلش بمنتهي السهوله حسيت اني بكلم طفلة في منتهي البرائه  قررت اساعدها فضلت تحكيلي عنك وعرفتك وجبت رقمك عشان تنقذها كانت واثقه انك هتلحقها نصيحه مني متسبهاش ابدا هي متعلقة بيك 
- عمري ما هسبها مش عارفه اقولك اية
= متقولش انت عملت معايا معروف برضو
- ازاي؟ 
= ماهو بسبب اني قدرت ابوظ خطته و انت هربت جميلة دلوقتي معايا ورق عليه و هخليه يجري ورايا لحد ما يتغير
ضحك: الحب غريب 
- معاك حق كان هيخليك تخسر نص مليون او اكتر
بتوتر: قصدك اية يا سارة؟ 
= اقصد جميلة باين اوي انك بتحبها ابقي قولها
- هقولها.
باك # 
= هسلم الورق اول ما تقوليلي انك بقيتي في امان وانوه مش هيآذيكي
 سارة بغمزة:  متخفش هو برضو بيحبني سلملي على جميلة بقي سلام 
***************************
استغفرالله العظيم. ♥️🦋
" روحت الفيلا وشلتها وهي نايمه طلعتها اوضتها " 
" شديت كرسي حطيته قدامها وقعدت كانت ماسكه ف ايدي بتلقائية وهي نايمه وانا فضلت اطبطب عليها بهدوء عشان تقوم " 
قربت واتكلمت بهدوء:  جميلة انتي كويسة؟ 
- زين؟
= انا جمبك 
" فتحت عينيها بتركيز ومسكت ايدها بوجع مكان رباط الحبل " 
بدأت عيونها تدمع: انا كنت هموت
- ششش اهدي انتي في امان معايا كله هيبقي كويس
= انا خايفه..انا
مسكت ايدها الى كانت بتترعش وضمتها ليا وفضلت اطبطب عليها: انسي اي حاجه حصلت خليكي عارفه اني معاكي و بس 
" فضلت مقربها ليا عشان اقدر اطمنها اي حد مكانها ممكن كان يقدر يتخطي لكن هي لاء هي عمرها ما اتحطت فمواقف زي دي واكيد هيأثر عليها وهتبقي خايفه عشان كدا عمري ما هسبها "
- جميلة
= ايوا 
- بقيتي كويسة هديتي شوية؟ 
= اها شوية
- انتي ليه مشيتي
= عشان مكنتي عاوزني
- مين بس العبيط الى قال كدا
= انا 
- كنتي مفروض تتكلمي معايا جميلة لو كان حصلك حاجه مكنتش هقدر استحمل بجد
= بس انا لازم اشوف حتة اقعد فيها برضو انت مبقتش عاوزاني صح
رديت بسرعه و بدون تفكير: جميلة انا بحبك والمره دي بحبك يعني عاوزك معايا علطول يعني هنتجوز هه بقي 
" لقتها ابتسمت ومكنتش متوقع انها تعمل كدا "
- دا انتي موافقه بقي ! 
= انا كمان بحبك اوي
- يراجل 
= ايوا عشان انقذتني انت سوبر زين
- يعني بتحبيني زي ما بحبك مش صحاب 
= انا بحبك
مسكت ايديها وبوستها بفرحه: يبقي متبعديش عشان عمري ما هسيبك
= حاضر 
__________________________
صلي وسلم وبارك على سيدنا محمد ♥️🦋
" بعد ما الامور كلها اترتبت ومشينا خطوة خطوة وعلمتها حاجات كتير وخرجنا عشان تتكلم وتشوف ناس وتعرف ان في الحلو و الوحش كان فات اربع شهور عملنا فرح كبير جدا مكنش في شخص واحد موجود محسدنيش لاني اتجوزت اجمل واحده فالعالم لحد ما فى يوم.." 
- يا ست جميلة
= ايوااااعععع
- والله وبقيتي تزعقي
= اتعلمت منك
- اتقي الله انا بزعق
= اه فالماتش 
غمزتلها و ضحكت:  ايوا يا مركز
= المهم قول عشان جعانه خالص
- لا لا ناكل الاول 
= لا قول 
- كنت هقولك تيجي نسافر ونتفسح؟
= هاه اكيد!!! 
- اتفقنا هاتي بوسة
= لاء 
- هتديني 
باستني على الهوا:  جرا اية يا جميلة
= هو كدا يا زين
- الباب بيخبط
= هيييييه اكيد الاكل هفتح 
- لا استني هفتح انا
روحت افتح الباب ولقيت واحد شكله مرتب لابس بدلة وباين انوه حاجه كبيرة اوي: جميلة موجوده؟
- جميلة ؟ انت تعرفها؟
= ايوا
بارتباك:  طب اتفضل
دخل وانا حاسس ان نبضات قلبي بقت سريعة
- جميلة اطلعي فوق 
= ليه 
- عشان هنتكلم فى شغل 
= طيب 
قعد وبصلي بستغراب
 - معلش انا مش عايز افاجئها باي حاجه انت من اهلها ولا انت تعرفها منين
= تقدر تقولي قاعده عندك بصفتك اية؟
- انا جوزها 
= نعم ؟ 
- زي ما سمعت !
= وتعرف اهلها عشان تتجوزها؟
- لا معرفش و مش مهم المهم عندي هي 
= لا لازم تعرف كويس الي عندك دي بنت مين واهلها يقدروا يعملوا فيك اية وخصوصا بعد ما اتجوزتها كدا
- مش فاهم حضرتك وبعدين احنا اتجوزنا برضاها اكيد مش غاصبها
= دي تبقي ليلي اسر المهدي ولو متعرفش من عيله مين ابقي دور  
" حسيت ان دماغي وقفت لثواني ومكنتش مستوعب اي كلام "
- ايه! بتقول ايه! 
= الي سمعته ، واتعرفنا عليها من الصور الي نزلتها وعاوزين نعمل تحاليل DNA عشان نتأكد 
اتكلمت بسرعه:  ايوا بس جميلة كانت مع ناس قبلي ومخرجتش للشارع لمده 18 سنه عارف دا اثر عليها ازاي جميله محدش بيعرف يتعامل معاها زي وانا مش هقدر اصدمها بالي قولته دا خصوصا ان على حد علمي ان اسر المهدي عمل حادثه هو ومراته ده خبر كل الناس تعرفه يعني هي كدا ابوها وامها ميتين ..!
= تمام وانت ملكش علاقه بالموضوع مهمتك خلصت لحد هنا والدها والدتها ماتو وهي لازم ترجع
 - اها ماتو وانا مش هسبها لوحدها ! 
- زين في اية ليه بتزعق؟
= جميلة اطلعي 
- لاء  هو انت زعلان ؟ عمو ده زعلك
بصلها بخبث: ازيك.
= انت مين ؟
- تعالي اقعدي
"مسحت على وشي بعصبيه وكنت مخنوق لحد ما قعدت جمبي ومسكت ايدي وبصتلي وهي بتحاول تطمني وكنت بهدي تلقائي عشان هي بس جمبي وايدها لمساني"
- جميلة قصدي ليلي مش عايزه تعرفي مين اهلك
بصتلي وعيونها بتلمع وردت عليه:  ليلي؟  اكيد حضرتك تعرف هما فين؟
- ايوا 
= بابا وماما موجودين هشوفهم!! 
- لاء هو 
" مسكت ايديها جامد وهي مكنتش فاهمه وبتبصلي "
- هما دلوقتي فى مكان احسن من هنا 
= يعني هقدر هشوفهم؟
مقدرتش استحمل اكتر من كدا: 
- حضرتك ممكن تمشي وانا هاجيلك اديني عنوانك انا هرتب كل حاجه ، جميلة خليكي هنا ثواني 
خته عند الباب بعيد عنها:  في حاجات كتير محتاجين نفهمها وهي اكتر واحده لازم تفهم عشان تقدر تعدي دا وترضي تعمل التحاليل 
= هاجي بكره
" مشي وسابلي الكارت بتاعه روحت لقتها متعصبه وباين عليها الزعل "
- ليه كدا يا زين ليه
= ليه اية
- ليه بتمشيه انا عايزه بابا وماما 
= جميلة اهدي
- لا
قربت وحضنتها:  اهدي هفهمك كل حاجه خلاص؟
قعدتها قدامي:  مش انتي بتحبي ربنا؟
= اكيد
- طيب تزعلي لو خد منك حاجه
= حاجه اية
- اي حاجه 
= لاء انا اعرف ان اي حاجه مع ربنا بتكون كويسه صح
- صح برافو عليكي يعني لو قولتلك مثلا انه ربنا اخد منك حد 
= خده خالص يعني مات؟ 
- ايوا 
= لاء مش عارفه هزعل 
- ازاي بقي دا كدا ربنا بيحبه عشان يخده عنده فالجنه 
فضلت بصالي وهي منتبها
- باباكي ومامتك دلوقتي عند ربنا فالجنه 
= انا !
" هزيت ليها راسي لان شكلها خلاني مش قادر اتكلم وختها في حضني" 
= زين لاء! 
- جميلة هما عند ربنا وشايفنك مينفعش تعملي كدا لازم تكوني قويه عشان ميزعلوش
= لاء انا لسه مشفتوهمش ليه يمشوا قبل ما اشوفهم!!! انا ملحقتش اسلم عليهم لاء مينفعش
- طيب اهدي عشان خاطري اهدي
= يعني ازاي انا فضلت مستنيا كل يوم عشان اقدر اخرج ولاقيتك عشان تساعدني بعد كل دا خلاص مش هشوفهم لاء يازين لاء
قعدت تعيط وانا واخدها فى حضني مش عارف اعمل اي حاجه ليها وهي كانت منهارة
**************************
- بقت كويسة؟
= عمرها ما هتبقي كويسه يا داده ولا حتي انا 
- زين الوضع اختلف دلوقتي اهلها ظهروا!
= يعني اي
- احنا مش عاوزين مشاكل يحبيبي خصوصا انهم طلعوا معروفين كدا
= لسه متأكدناش يا داده وبعدين لازم اعرف ازاي سابوها كدا ليه يحصل فيها كل دا
- يمكن تاهت منهم!
= تاهت وهي عيله المهدي كلها مش هتعرف ترجعها!! داده انا هنزل شوية ولو حصل اي  حاجه كلميني 
___________________________
نزلت وكنت فى طريقي للشركه واول ما وصلت لقيت واحد صاحبي واقف بره:  زين كويس كنت بكلمك
= معلش مختش بالي في اي
- فى واحد فوق عايزك
= هو انت بتطلع اي حد الشركه؟
- متخفش يا زين اكيد مش اي حد انا سألت وطلع واحد كدا من الارياف ومعرفش ليه مصمم يشوفك
= ودا عايزاني في اية! مش فايق
-  اطلع شوفه
= طيب 
________________________
- ايوا يا استاذ 
= انت زين؟
 - ايوا انت مين
= انا جايلك عشان ليلي اقصد جميلة 
- جميلة و ليلي؟
= جميلة دا الاسم الي هي تعرفه في المكان الي كانت فيه
- مش معقول انت تعرف كل دا ازاي 
=  كنت معاها انا وامي كل الفتره دي وبعدين مشيت 
- انتو الى حبستها 18 سنه بعيد عن أهلها لحد ما ماتو!! 
= مش اهلها 
- يعني اية 
= ام جميلة ماتت اول ما اتولدت وبعدها ابوها اتجوز واحده تانيه ومكنتش قابلة جميلة ولا بتحبها ولما تمت سبع سنين ساعتها مراته التانيه خلفت واول ما جابت ولد كانت عايزه ياخد كل حاجه  كانت الغيره عميها انا ابويا كان شغال في الفيلا  في يوم اتفقت معاه مرات اسر بيه انه ياخد ليلي ويقتلها وساعتها مقدرش يقولها لاء خدها فعلا وكل السنين دي فاكرين ان البنت اتخطفت او ماتت وابويا كان مقعدها معانا كل الفتره دي في بيتنا الي فالبلد 
- كل دا!! طب وعرفوا شكلها منين دي كانت سبع سنين ودلوقتي عندها 18 ! 
= ماهو سبحان الله ملامحها متغيرتش كأنها لسه طفله! 
= كانت  عايشة معانا وكانت كويسة  عمرنا مخرجنها ومكنش عندنا اجابه على اسئلتها غير ان الشارع مش حلو او خطر لحد ما كبرت وفجأه مشيت ومن كام يوم ابويا عرف شكلها من الصور لما شافها فالفيلا وعرف انهم هيبعتوا حد ليك ويخدوها هوا سمعهم بيتكلموا ومش عارفين ممكن يعملوا فيها اية او يعملوا فينا احنا اية لو عرفوا الي عملنا وانها كانت معانا  
- حد يعرف موضوع القتل دا غير الست الي كانت عايزه تقتلها!؟
= لاء معتقدتش
- يبقي مفيش مصدر هيعرفوا منه غير جميلة 
= اها
- ودلوقتي ابوها والي عايزة تقتلها ماتو فالحدثه اعتقد كدا مفيش خطر عليها او عليكوا؟؟ 
= مفيش غير الراجل الى جالك هو الواصي علي الحاجه و في اخوها من نفس الاب بس 
- يعني الراجل ده مش هيضرها مش كدا
= ايوا بس هو انت هتسبها؟!
يتبع..
متنساش ان الرواية موجودة كاملة في قناة التلجرام والواتساب
↚
- ايوا بس انت هتسبها؟!
= اكيد مش هسبها انا بقول كدا اتأكد ان مفيش خطر عليها ومش عايزها تعرف كل دا عاوزها تعرف بس مين امها بلاش خالص تعرف ان مرات ابوها كانت عايزها تقتلها وكدا جميلة مش هتستحمل
موبايلي رن وكانت الداده قولت اكيد جميلة حصلها حاجه! 
= انا لازم امشي دلوقتي سبلي عنوانك ورقم تلفونك ومتقلقش عليها
"نزلت ركبت العربيه وفي خلال دقايق كنت فالفيلا"
- هي فين حصل حاجه؟
= لا يحبيبي دي هاديه خالص وطلبت تشوفك
- طيب انا هدخلها
**
- جميله؟ حببتي انتي كويسة؟
" هزتلي راسها فا قربت وطبطبت عليها ولقتها بتستخبي في حضني "
- متزعليش انا معاكي ومش هسيبك مهما حصل
= زين انا عايزه ازورهم
- دلوقتي؟
= ايوا 
- بس دلوقتي الدنيا ليل وانا خايف عليكي.
= انت هتكون معايا انا عايزه اروحلهم دلوقتي
- حاضر بس احنا منعرفش المكان
= هنسأل عمو ال جالك
- طيب حاضر ثواني
"نزلنا فعلا انا وهي بعد ما كلمته وعرفت مدفونين فين كانت طول الطريق سرحانه كنت واخدها فى حضني لاني عاوزها تحس اني جمبها"
- جميله قبل ما نروح كنت عاوز اقولك حاجه مامتك ماتت اول ما والدتك والي قضيتي معاها خمس سنين وانتي صغيره تبقي مرات بابكي واحنا دلوقتي هنروح لمامتك ماشي 
" هزت راسها بتفهم غريب وسكتت "
 "وصلنا فا مسكت ايديها ودخلنا واحده واحده فضلت واقفه لثواني وانا مش عايز اتكلم عشان مترتبكش"
- ماما ازيك وحشتيني اوي انا اسفه بقي اني مجتش كل دا معرفش انتي سبتيني بسرعه ليه بس انا بحبك جدا وكان نفسي اشوفك اوي انتي و بابا انا عارفه اني هشوفك فالجنه زين قالي انك هناك  ، ايوا صح نسيت اقولك يا ماما ان زين الي ساعدني  انا كنت خايفه ولوحدي فالشارع وهوا خدني معاه 
بصتلي ومسكت ايدي وانا حاولت امسح دموعي واهدا:  انا بحبه اوي يا ماما واكيد انتي هتحبيه
=وانا بحبك جدا يا جميلة 
"فضلت دقايق واقفه طبطبت على كتفها ومشينا حسيت انها ارتاحت شويه وصلنا الفيلا وبعدين طلعنا سوا"
- كل ما تحبي تروحي في اي وقت انا هجيبك
= شكرا يا زين 
- شكرا اية احنا واحد علفكره 
"ابتسمتلي وحضنتي جامد"
 = انا مش معايا اي حد دلوقتي غيرك بس انت كفايه
انا مبسوطه اني عرفتك وعايزه افضل هنا معاك
انت و داده فاطمه
"طلعتها من حضني وبصيت في عيونها الي كل مره اشوفهم يغرقوني ومسكت ايديها وبوستها برقه "
- انا الي مبسوط عشان جيتي حياتي انا حسيت اني كنت اعمي وحياتي نورت اول ما ظهرتي يا جميلة ومش هسمح لحد يخدك
*******************************
صلي على محمد ♥️🦋
" تاني يوم الصبح كنت فالمستشفي اصلي عملت تحليل DNA لجميلة وكنت بستلمه خته وكانت معايا فالعربية وروحنا على الفيلا الي مفروض بتاعت ابوها دخلنا وقابلنا الراجل الي جالنا اول يوم ( عاصم )" 
- ليلي ازيك
= اسمي جميلة!
- زي ما تحبي دلوقتي هيجي اخوكي
" كنت مستني اشوفه واتفاجئت بيه وبشكله هو اصغر منها بسبع سنين عنده 11 سنه وكان باين انه مكسور جدا و وحيد! " 
- انت بقي كريم؟
= ايوا وانتي مين
- جميلة اختك 
= بجد
- ايوا 
"شوية ولقتها قربت حضنته وهوا بادلها الحضن دا وحسيت ساعتها ان جميلة هيكون ليها حد بيحبها بجد"
- ازيك ياعم كريم انا زين 
" بص لجميلة وسلم عليا "
- دا يبقي جوزي يا كيمو  
- يعني هتمشي معاه؟
= هوا انت هنا لوحدك
- تؤتؤ معايا تيته وساعات عمتو بتيجي 
= طيب انا كمان هفضل اجي ونلعب سوا ونخرج كمان
- هوا انتي بتحبيني 
= اكيد ليه بتسال
- انا كنت فاكر انك ميته! بابا وراني صورتك مره ، بس انا مبسوط اوي انك رجعتي وهيكون ليا اخت انا ممكن اجيلك كمان صح
انا رديت عليه وانا بقربه مني: بيت جميلة يبقي بيتك يعني تيجي تبات ان شالله تقعد شهر زي م انت عايز اتفقنا.؟! 
ابتسملي:  اتفقنا 
" قعد جمب جميلة لحد مانزلت ست كبيره وشكلها بقي مكنش مبشر بالخير خالص "
- يا اهلا ب بنت اميرة 
استوعبت جميلة ان دا اسم مامتها وقامت تسلم عليها بتلقائية:  ازيك
ردت عليها ومناخرها فالسما:  كويسة ، ياتري كنتي فين كل دا فملجأ ولا فين
= كنت ف 
قاطعتها ورديت عليها:   كانت مع ناس ربوها لما تاهت
ضحكت بسخريه:  تاهت ؟؟
- اها تاهت 
= امم وانت تطلع مين
- جوزها
= والله كويس انك لاقيتي حد تتجوزيه 
كالعاده جميلة مفهمتش وردت بساذجه:  ايوا فعلا زين كويس اوي 
- طيب فرصه سعيده اننا اتعرفنا عليكوا طبعا دا بيت جميلة بس هي دلوقتي هتقعد معايا 
قومت وجميلة مستغربه تصرفي مسكت ايديها: باي يا كريم 
= باي يا زين باي يا جميلة 
- باي يا روحي هاجيلك تاني 
= هستناكي 
كنا خارجين لحد ما وقفنا الي اسمه عاصم والي يبقي
 اخو مرات ابوها التانيه: حيلك حيلك لسه بدري
= اعتقد كلامي كان واضح جميلة مش هتقعد هنا
- انت حر بس اعتقد برضو  ان في حسابات لازم نتكلم فيها 
= حسابات اية؟
- شركه ابوها واملاكه هتقدم تنازل عنهم 
= ايه! 
- زي ما سمعت افتكر انها مش هتقدر تدير اي حاجه تبع الشغل وانت طبعا فاهم ليه ؟؟
- زين يعني اية الكلام دا 
= استني يا جميلة، انت عايزها تقدم تنازل عن حقها؟
- متخفش حقها محفوظ من الارباح طبعا بس الاداره هتفضل لينا وخلي بالك لو رفعنا دعوه هنكسبها مجرد ما اللجنه تشوفها وتشوف قد اية طيبه
نهي كلامه بابتسامه خبيثه
= انت بتتكلم ليه كأن ناقصها حاجه؟ دي بتفهم احسن من الي مشغلهم
- وانا مقلتش حاجه هي زي الفل عمتن خد وقتك وفكر ولو عاوز نمشيها محاكم براحتك.
" ختها ومشينا بسرعه لاني مستحملتش حرقه دم اكتر من كدا من الراجل المستفز ده ولا ام مرات ابوها التانيه "
- زين في اية شكلك زعلان
= جميلة نتكلم لما نروح
- طيب هوا عمل اية زعلك كدا
= انتي عرفتي عيلتك خلاص وطلعتي بنتهم وهوا عايزاك تتنازلي عن حقك يعني ميراثك من ابوكي 
- يعني فلوس ؟
= اها
- طيب عادي 
كتمت عصبيتي:  يجميلة عادي اية؟ ، بصي خلاص لما نروح افهمك 
- زيييين بص قدامك!! 
*************************
طبعا الى بعده البارت الاخير اول ما ده يوصل 400 كومنت و 600 لايك هنزل الاخير.♥️♥️🥰
يتبع..
متنساش ان الرواية موجودة كاملة في قناة التلجرام والواتساب
↚
= اية ؟ 
- اية !! 
= انا عايز بوسه! 
- زيييين ابعد عني كفايه ابنك
= منتي شيلاه وعماله تدلعي فيه وسايبه ابوه! 
- ابوه مش محتاج دا كبير
= ليلي بصي كدا على الصورة دي
- مالها 
= صورة جوزنا دي المتعلقه 
- اها 
= هكسرها على دماغ الواد دا لو مهتمتيش بيا انا كمان
- انت بتغير من ابنك؟!
= اها بقي.!! 
- اية دا كيمو حبيب قلبي تعالي  
= كيمو اها دا كان يوم اسود يوم ما جبتلك كيمو كمان
فلاش باك  # 
- زييييين بص قدامك!!!! 
" وقفت العربيه مره واحده واتنفست بصعوبه مسكت ايدي ورفعت وشي ليها " 
= اهدا يا زين انا معاك مش مهم اي حاجه تانيه
- انا خايف عليكي الناس دي مش مرتحلهم
= متخفش هيحصل اية يعني! 
- ازاي و هما عاوزينك تتنازلي عن حقك
= مش فارق  معايا انا موافقه
- مش عايزه ميراثك!
= انا مش عايزه حاجه غيرك! 
" قربتها لحضني وانا بتأكد كل مره بضايق فيها ان مفيش غيرها بيريحني! "
- طيب انا قررت قرار حلو انتي عاوزة كريم مش كدا 
= عرفت منين!
- حسيت بيكي ، عيونك كانت بتلمع وانتي بتكلميه
= بصراحه اها حبيته وحساه وحيد زي هو اكيد ملوش ذنب ف اي حاجه
- انا هعرف اخده ونجيبه معانا مدام كدا كدا هنتنازل
= بجد!!!!!!!!
- عيب عليكي
= مش هتدايق من وجوده؟ 
- لا طبعا مش انتي هتبقي مبسوطه!؟
= اه
-  يبقي خلاص يجي 
"وطبعا عملتها خدمه قصاد خدمه وليلي اخدت كريم يعيش معانا قصاد انها اتنازلت عن كل حاجه وطبعا قبلوا
بكل سهولة و مكنش فارق معاهم الولد.."
باك # 
- مش جبته عشاني؟
= للاسف!
- يبقي فدايا
= اكيد طبعا يا داداااااااااا
- بتزعق كدا لي يا واد
= خدي ابني مش دا ابني؟ خديه تاويه في اي حته
شلت الواد من ايد جميلة:  زين الواد!!! 
- جرا اية يا زين ما تسبيه مع جميلة 
= لاء يا داده جميلة هتقعد معايا نقول كلام سر 
"خلتها تخده وهوا وكريم فعلا وطلعوا بره"
- انت مجنون يا زين؟
= اه
- عايزه ياسين وكريم ! عيالي رجالتي
= لاء 
- زين بطل رخامه
= انا رجالتك برضو
- عاوزاهم معاك مليش دعوه
"قررت اللعب على مشاعرها بقي ومثلت حبتين"
= انا مخنوق
- اية دا زين مالك 
" حطيت راسي ما بين ايديا فا تلقائي منها رفعت راسي ليها وهي بتبص في عيني "
= مالك يا زين؟ 
مالك كمان وهنهار:  زعلان عشان مبقتيش معايا خلاص
= ماهو لسه ياسين مكملش سنه وعايز اهتمام كتير
- منتي معاكي داده فاطمه مفيش ليا ساعه فاليوم حتي تساليني عملت اية اي حاجه
= خلاص حقك عليا متزعلش
حضنتها: نفسي اعرف ازعل منك 
كشرت:  هتقدر ؟ 
- مبقدرش بضعف يجدعان حد يشوف العيون دي ويزعل ؟ 
= طب خلاص اوعدك هنقعد سوا 
"سندت راسي على رجلها فا ايدها سرحت فشعري"
- تعرفي اول يوم شوفتك حبيتك من اول جملة قولتيها زي الأطفال و فجأة بقيت مفروض اخدك معايا البيت وانا عمري ما دخلت فيه اي حد كلامك كان زي الاطفال و مسكت ايدك للجاكيت بتاعي كأنك بتستخبي
= كل ده ف اول مره بس؟ 
- وقعتيني من اول جملة يا ليلي والله وبالذات لما قولتلك هاتي ايدك طلعت صغننه و كتكوتة خالص مقارنه بأيدي كأني ماسك قطه..
= انا أول مره عرفت الحب كانت معاك ، كنت مرتاحه و مطمنه وانا جمبك و ده عمره ما حصلي مع اي حد
- وانا مش عايز حاجه من الدنيا غير انك تبقي مطمنه
 تعرفي كانت صدفة غريبة انك توقفيني انا بالذات بحمد ربنا عليها كل يوم
= انا بجد بحبك اوي يا زين 
بوست خدودها: وانا بموت فيكي يا حبي الغريب
- الغريب؟ 
= ماهو لما اقع فواحده غريبة اول مرة اشوفها يبقي ده اغرب حب 
ضحكت: معاك حق غريبة فعلا بس أوعي تقع مره تانيه
 - تؤتؤ مش هقع ابدا عشان مفيش زيك و لو في مش عاوز غيرك انتي الحب الاول والاخير..♥️
النهايه.🥹🩷

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -