روايات حصرية
2

رواية الاول والوحيد في قلبي كاملة جميع الفصول بقلم مريم سمير

عشاق الروايات
اخر تحديث :

رواية الاول والوحيد في قلبي كاملة جميع الفصول بقلم مريم سمير


رواية الاول والوحيد في قلبي كاملة جميع الفصول هى رواية من تأليف المؤلفة المميزة مريم سمير رواية الاول والوحيد في قلبي كاملة جميع الفصول صدرت لاول مرة على فيسبوك الشهير رواية الاول والوحيد في قلبي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية الاول والوحيد في قلبي كاملة جميع الفصول

رواية الاول والوحيد في قلبي بقلم مريم سمير

رواية الاول والوحيد في قلبي كاملة جميع الفصول

_ بقي الواد النايتي دا الي هيبات معايا في الأوضة ؟ 
بلعت ريقي وانا بعدل الشنب الي لزقاه وبطخن صوتي
= اسمي عبدالله ، والله لو نايتي مكنتش اتقبلت في المعسكر
_ اهي اشكال بتتحدف علينا والسلام 
= طب بقولك ، متتخمد وتنقطنا بسكاتك!
_ نعم يحليتها؟ 
كان جاي يضـ.ـر.بني بس صاحبه مسكه *خلاص يعم احمد في اي؟ هروح انام عشان تدريب بكرة وانت كمان نام 
_ماشي يسطا تصبح على خير
صاحبه مشي وهو قفل الباب وفتح اول زارين من قميصه 
= حيلك حيلك! انت بتعمل أي؟
_ هقلع عشان انام 
= نعم؟
_ أي البعيد تلج مش بيحس؟ الدنيا نـ.ـار 
= طب هطلع اشم هوا عما تخلص 
حط أيده حوالين رقبتي وهو بيضحك _ مكسوف ولا اييي؟
بعدت عنه وفتحت الباب وقفلته ، كانت شوري هباب والله ، طب ادعي عليا ب أي وانا فيا كل العبر؟ كان لازم اتنكر في صورة رlجـ.ـل! ، لاء وجايه مكان ابن عمي دا لو عرف هتبقي مصـ.ـيبة! 
دخلت الاوضه تاني لقيته نام ، هنام ازاي انا وهو في اوضه واحدة و.. اهدي يمريم انتي دلوقتي رlجـ.ـل يعني مستحيل يعمل فيكي حاجه .
صحيت الصبح علي خبط في كتفي 
_ قوم يعم القائد هيبدأ تدريب اخلص
قومت وانا بفرك عيني ، أي المجتمع دا بجد؟ ، غسلت وشي وطلعت برا بسرعة ، كنا واقفين كلنا والقائد قدامنا 
• ثابت ، أنا عاوز رجالة تاكل الصخر ، والي جاي يهزر يروح ، احنا الي بنحمي البلد ، يعني عاوز اسود قدامي ، مفهوم ؟
كلنا في صوت واحد _ مفهوم يفندم 
• كله يطلع فوق ويستني دوره عشان تنطوا بالحبل 
برقت وأنا ببلع ريقي وببص علي المسافة ، احنا هننتحر ولا اييي!
_ متيلا يبني!
= ماشي جاي اهو 
_ انت بتحط اييي؟
= دا صن بلوك الشمس هتحـ.ـرقني 
_ الله يحرقك! والله نظرتي في الاول متكدبش ، نيتي فعلا ، يلا يالا!
خدني من قفايا بس بمزاجي علي فكرة! ، طلعنا فوق وكنا واقفين جمب بعض لحد ما دورنا يجي 
= اشهد أن لا إله إلا الله
_ بتتشاهد من دلوقتي؟ احيه يرجـ.ـولة ، امال هتعمل أي لما تسحف علي التراب وتنط من فوق النار وتضـ.ـرب رصاص وتقـ.ـاتل؟ 
اتكلمت ب صوت هادي = مكنش ينفع الحماس ياخدني ،  منها لله هرمـ.ـوناتي ، رجعوني بيتنا اعمل ايس كوفي!
_ بتقول حاجه؟
= يعم مفيش يعم 
_ طب يلا عشان تنط
= والله ابدا ميصحش ، مينفعش قبلك يا راجـ.ـل!
_ هو انا بعزم عليك بسجارة ؟ اسمك يا ابني بيتنده أنجز 
وقفت قدام الحبل _ مربوط كويس دا يزعامة؟
• لا بنجرب فيكم لسه 
_ علي خيرة الله ، زقني وزي ما تيجي تيجي عشان قرفت والله
زقني وغمضت عيني جامد ، كان احساس حلو! ، الخوف بدأ يقل لحد ما رجلي لمست الأرض ، ينفع اجربها تاني ؟ 
• دلوقتي كل واحد يقف قدام زميله عشان تطحنوا بعض
_ أنا حاسه اني في الجاهلية والله 
= السلام عليكم 
_ وعليكم السلام يحبيب اخوك أي خدمة؟
= لاء أنا جاي افرمك وامشي علي طول 
_ لاء وواثق من نفسك ، بلاش انت مش عاوز ازعلك عشان زميلي في الاوضه 
= حلو دا ، أنا بقي عاوزك تزعلني 
• ثابت ، ابدؤوا 
بصيت حواليا لقيت كله بيضـ.ـر.ب في التاني ، احنا في في حلبه مصارعة ؟ في WWE ولا اييي؟ بصيت قدامي لقيته بيفرك في أيده 
_ أي هتتوضي ولا اي يمعلم؟
= لا بجهز أيدي بس 
جاي يضـ.ـر.بني فديت الضـ.ـر.بة _ أنا مش عاوز امد ايدي عليك! 
بصلي بعصبيه وجه يضـ.ـر.بني مسكت أيده لويتها وراه وزقـ.ـيته 
_ والله ما كنت حابب يحصل كده احنا اصلا العلاقه بينا متـ.ـو.ترة! اجري هاتلي واحد تاني ادشمله يلا 
ضـ.ـر.بني بوكس ف وقعت علي الارض 
_ وشي باظ ؟
= اييي؟
_ هتزرق هتزرق ، ااااهههه ، عيني عيني 
= امممم ، هتقوم في ليلتك الي مش فايته دي ولا اييي؟
قومت وضـ.ـر.بته ووقعته علي الارض 
_ بالشفا يحبيبقلبي ، الفشل بدايه النجاح خلي بالك 
التدريب خلص ، وبدأ تمرين الزحف 
_ دا انا لو بزحف علي اكل عيشي مش هزحف كده 
= بس عشان لو سمعك هيمرجحك 
_ أيديي معتش قادر ، اصل احنا بني ادمين والله ، عندنا د.m والله وبنحس! الرحمه يجدعان مش كده
خلصت التدريبات ومعاها شغفي ، أنا خلاص معتش عاوزة اكمل ، وهعترف اني بنت واترمي في الحـ.ـبس اكرملي 
دخلت الاوضه وانا دlيخة ونمت علي طول ، صحيت علي خبط في كتفي 
_ يا دي الشوري الطين عليا وعلي الي جابني 
= يسطا اصحي يسطا 
_ في ايييي!
= قوم في سهرة برا 
_ سهرة ايييي؟
= سهرة رجاlلة 
_ اييييي!! 
= قوم في سهرة برا 
_ سهرة ايييي؟
= سهرة رجاlلة 
_ اييييي!! 
حط ايده علي بوقي = ربنا سترنا هتيجي انت تفـ.ـضـ.ـحنا يعني ولا اي ؟ قوم وانت ساكت 
قومت وطلعت معاه ، انا دلوقتي حوالين مجتمع رجـ.ـالة؟ أرقع بالصوت؟ لا لا اثبتي يمريم انتي بميت راجـ.ـل ، بكلمكم بجد والله انا عاوزة اعـ.ـيط 
*السجاير دي مستوردة ، بس مش معايا الا علبة ف هنخمس فيها 
_ هو مش المفروض الحاجات دي ممنوعة هنا؟ 
كل الي قاعد بصلي _ مجرد استفسار يرجـ.ـالة والله!
• انت اسمك اييي ؟
_ عبدالله 
• طب روق يسي عبدالله عشان احنا مخنوقين خلقة الله يسترك 
° هات يعم السجارة انت قفشت حـ.ـرامي! ، محدش يعرف الاجازة أمتي ؟
= كمان عشر ايام 
° الواحد هيستحمل عشر ايام كمان! طب اعمل اي في ابويا طيب؟ المعسكر تطوعي يخليني اقدم غـ.ـصب عني ليييي
= طب الحمد لله اني مقدم بمزاجي ، عشان بعد كلية شرطة مكنتش عاوز اشتغل علي طول 
° يعني انت اصلا ظابط؟ 
= ايوة 
° اجرييي يالا كبسة كبسة 
= يعم اقعد اتنيل ، وانتوا عاوزين تنزلوا إجارة لييي؟
° اهو يومين نعمل فيهم الي احنا عاوزينه ، احنا مش بنشوف البنات الا في الاجازات دييي 
حطيت ايدي علي وشي ، احيهه! اييي المستنقع الي اترميت فيه دا!! 
= وانت يعبدلله عاوز تنزل اجازة لييي؟
_ مش عاوز والله خليني قاعد 
= شوفتوا هي دي الرجـ.ـالة التمام  
*انا اخلص مدة التدريب ومعتش جاي هنا تاني ، دا الواحد اتربي من اول وجديد والله ، الواحد يكمل نص دينه بقي 
° اه والله ، عاوز اخلص ملاحقش علي الخطوبات يرجـ.ـالة ، انا عن نفسي حاجز واحدة
_ حاجز؟ هي ساعتين بلاستيشن؟ 
° يعم يعني متكلم عليها ، نصنا قارئ فاتحة اصلا ، وانت يباشا خاطب ولا متجوز؟
= لاء مفيش لسه 
_ ربنا يتمملكم علي خير ، تصبحوا علي خير 
كنت قايمه اقوم احمد شدني قعدني 
= يعم اقعد هو النوم هيطير؟ 
_ لو معرفتش اقوم عشان التدريب القائد هيطيرني 
= طب خدني معاك بقي 
جيت اشده وقعت علي الارض = انشف ابـ.ـو.س ايد اهلك انشف ، هات ايدك 
قومنا ودخلنا الاوضه 
_ انت هتعمل ايييي؟
= هو انا كل يوم هقولك الدنيا حر ولا اي؟
_ متنام ب هدومك زييي يعم اي المشكلة؟
= انت معندكش د.m يالا ، كن في سريرك 
روحت قعدت علي السرير ولفيت وشي الناحية التانية 
بعد شويه لفيت لقيته لسه منامش 
_ في اييي؟ شكلك مضـ.ــايق 
= لما فتحوا برا حوار الخطوبة والجواز افتكرت بنت عمي
_ بنت عمك ؟ مالها؟
= ابويا عاوزني اتجوزها 
_ طب وأي المشكلة؟
= بيني وبينك ؟ 
_ قول سرك في بير 
= مكنتش عاوز اقول قدامهم بس انا عاوز الي اتجوزها اكون بحبها 
_ ايدا انت ليك في الحب ؟
= اكيد يبني ، مهما كنت مبين الـ24 ساعة إن قلبي مـ.ـيت بس اكيد هكون عاوز انسانة احبها تحبني نعرف نعيش مع بعض ، مش اي جوازة والسلام! عارف ليي؟
_ لييي؟
= عشان الي بحبها اي حاجه غلط هتعملها بمجرد ما نقعد مع بعض وتعملي أكلة حلوة وتضحك في وشي هسامحها ، لكن لو خدت واحدة انا مغصوب عليها اخرنا محاكم الاسرة!
_ انت محبتش قبل كده؟
= حبيت مرة بس ربنا يصلح حالها بقي
_ مالها حصلها اييي؟
= معاها يس وحبيبة دلوقتي ، يلا تصبح علي خير 
نام وانا مستغربه ، دا طلع عنده قلب! ، مختلف عن اي حد هنا ، مش عارفة حساه طيب و.. وسيم! ، لاء نامي كده يحبيبتي عشان تدريبات بكرة الي هتجيب اجلك نامي .
صحيت علي خبط في كتفي
_ مهو محدش بيصحي حد كده والله! انت بترجني أكني علبه صودا متهدي!
= اخلص التدريب هيبدأ 
قومت غسلت وشي وطلعت ، كان تدريب رصـ.ـاص! ، لافوني السلاح وعد الجـ.ـثث يابا 
= انت مجبتش ولا واحدة صح لحد دلوقتي!
_ مش بعرف اضـ.ـرب نـ.ـار ، بعرف اضـ.ـربك بس
= طب اسكت عشان عينك لسه وارمة اسكت ، بصيلي كده ، بتمسك السلاح كده وسن نملة الذبانة
_ نملة وذبانة؟ متتكلمش تاني بقيي 
= اسمع بس ، واهم حاجه في طلق النـ.ـار ت..
_ ايوة اهم حاجه اي انا محتاج اعرف؟
هرش في راسه ورجع بصلي = تسمي الله 
طـ.ـلق واحدة وجت في النص _ ما شاء الله ، ظابط ظابط يعني 
= يبني عـ.ـيب عليك ، يلا جرب
كان بيساعدني لحد ما عرفت اطلق صح ، انا من فرحتي كنت هفرتك دماغه ب السـ.ـلاح الي معايا 
* يلا يجماعه ميعاد الغدا 
روحنا كلنا مكان كان فيه طربيزات ، الاكل اتحط قدامنا ، كان شوربة عدس 
_ عدس اي في الحر دا!
= كل ووطي صوتك بدل ما تبقي عبرة
شربت وبعدين تفتها _ لاء مهو احنا مش حيـ.ـوانات بقي!
القائد جه ووقف قدامي *ثابت 
قومت واديت التحية _ افندم
*مش عاجبك الاكل ولا اييي؟
_ناقص ملح يفندم ، ملوش طعم يفندم ، اشربها ازاي يفندم؟ قاولوني يفندم ، سهلوها علينا ربنا يكرمكم يفندم 
الكل ضحك *سكات 
العنبر كله سكت والقائد قرب مني وهو متعـ.ـصب 
*تمم بس انت بقي الي هتطبخ بعد كده 
_ اطبخ! يفندم انا..
*ولا كلمة ، كلامي واضح ، تخلص تدريبك وتيجي تطبخ ، وابقي اعمل الاكل ملحه مظبوط بقي 
مشي من قدامي ف قعدت وحطيت ايدي علي خدتي 
= متزودش ملح بقي عشان مبحبش الاكل مملح
_ اقعد ساكت يا احمد عشان هيطلع عين اهلي في المعسكر دا
= كنت اشرب وخلاص 
_ يعم منا عندي حاسه اسمها التذوق! الي هي معدومة عندكم كلكم!
= احنا كرجـ.ـالة بنستحمل اي حاجه ، ف استحمل زينا عشان مزعلكش
_ يعم ماشي يعم ، انا لو محطتش سم في الاكل بكرة وريحت العالم كله مننا مبقاش انا ماشي 
ضحك وكمل اكل ، قومنا كملنا تدريبات وروحت وانا مش قادرة ، تاني يوم وبمـ.ـو.ت! لسه تمانية ويا عالم بعد كده هيبقي لسه كام يوم! هقولهم اي في البيت؟ والأهم هقول اي لعبدالله؟ 
*رايحين علي فين؟
= هنام بقي الواحد معتش قادر 
° الصراحة يباشا؟ جايبين صنف عالي اوييي لازم تجربه
= يعم منا قولتلك مليش في السجاير 
*لاء دا شرب ، ويسكي من الي بنشوفه في الافلام ومعتبر
_ انتوا بتدخلوا الحاجات دي هنا ازاييي؟
° مفيش حاجه صعبه علينا المهم يعني هتسهروا معانا؟
_لاء يعم استغفر الله العظيم منكر اي بس! 
° بقولك ويسكي
_ لما قولت اسمه بالانجليزي كده بقي عادي يعني ولا اي؟
*تعالي يباشا انت ، السهرة بدأت تحلو 
= طب بصوا انا هقعد بس مش هشرب امين؟
*ماشي يزعامة الي تشوفه 
_ هروح انام انا ، تصبحوا علي خير 
روحت الاوضه بسرعة وخدت شاور ، يخرابي دا الواحد مكنش عايش! قصدي الواحدة ، انا دلوقتي اي مش فاهمه؟
لبست اللبس الرجـ.ـالي والباروكة تاني بسرعة ، قعدت علي السرير ولقيت الباب بيخبط بالجامد ف فتحت 
_ في اي يا احمد مالك!
= الله شكلك حلو اوييي!!
_ انت شربت؟ دا كده كملت ، إلحقونا يجدعان .
_ في اي يا احمد مالك!
= الله شكلك حلو اوييي!!
_ انت شربت؟ دا كده كملت ، إلحقونا يجدعان .
زقني ل جوا = ششش الناس تسمع ، وطي صوتك
_ طب فوق يالا طيب! 
= انتي مين؟
_ انتي؟ انا عبدالله ، فوق يا احمد يخربيت دماغك 
قرب مني _ احمد! طب تعالي احط راسك تحت الميا 
مسكت أيده ف شدني للحيطة ، كان قريب مني اويي ، باصص في عنيا كأننا في مشهد! كان لازم اركب دقن كمان الشنب مش عامل شغل ، الواد خلاني ارتبك .
_ سامحني يصاحبي 
مسكت راسه واديته دماغ ، وقع علي السرير الحمد لله ، هه وانا وقعت جمبه ، بدل ما اخليه يغمي عليه ، خليتنا يغمي علينا احنا الاتنين ، فنانة والله 
صحيت الصبح وانا ماسكة دماغي ولقيته واقف قدامي
= حصل اي امبارح؟
_ انت شربت يسطا مش كده؟
= كان كاس تفاريح كده 
_ دا انت دماغك طلعت خفيفة اوييي ، بس غشيم اديتك دماغ لقتني مددت جمبك 
ضحك = طب قوم يلا عشان وراك حاجات كتير النهارده
_ انت مش وراك معايا ولا اييي؟
= ورايا تدريب بس ، انت وراك تدريب وطبيخ ولا نسيت؟
_ خنجرين وأرشقهم في قلبي انا استاهل عشان بتأمر
= اما نشوف نفسك في الاكل عامل ازايي ، مش يمكن ربنا يكرمك والريس يخليك تطبخ بس؟
_ وانا جاي هنا اطبخ؟ واشمعنا انا مستقصداني وجايه لي دايما عليا ؟
= لاء بقولك اي فكك من دور الضحية دلوقتي عشان التدريب هيبدأ 
خرجنا ووقفنا في الصف *كله يطلع فوق ، عاوزكم تنطوا نطة الثقة
_ تطلع اي نطة الثقة دي يصاحبي؟
= هننط في حمام سباحة ، الي يعيش يعيش والي يموت بنقرأ عليه ربع جزء ونروح الجنازة ونرجع نكمل 
_ انتوا اي يجدعان معندكوش قلب؟
= ايوة معندناش
_ بتأكد بس ، طب انا مش بعرف اعوم 
= اوعا تقول كده هتبقي حدوتة المعسكر 
_ امال اعمل اييي؟
= نط وسيب الميا ترفعك
_ الكلام دا تقولهولي في الساحل مش هنا 
= طب تعالي نطلع متجبلناش الكلام 
طلعنا ووقفنا عما يجي دورنا _ هي فترة صغيرة اه بس تشرفت بيك يباشا ، قول امي اني كنت بحبها 
= يخربيت الدراما 
_ واني مكنتش اقصد اعمل اي حاجه من دي ، مراهقة بقي وبت طايشة 
= بت مين؟ 
_ يعم متركز في الي احنا فيه 
= طب يلا اسمك بتنده 
_ هو انا لي دايما اسمي بتنده في الاول 
= ايوة مستقصدينك انجز 
وقفت قدام القائد *بتعرف تعوم؟
_ لا ياااا فندممم 
*علي خير الله زقوه 
اتزقيت ووقعت في الميا ، سمعت كلامه وسيبت نفسي عشان الميا ترفعني ، كنت هغرق لولا ستر ربنا ، ربنا ينتقم منكم رجالة غدارة ملهاش امان
ضحك = كنت في الميا شبه الديك الرومي 
عطست _ طب بس بقي عشان حاسس اني هيجيلي دور برد
= حاسس؟ بالشفا يحبيب اخوك 
*انت ، علي المطبخ وريني الهمة 
= قلبي معاك والله
_ انا الوحيد الي بيحصله مشاكل هنا 
= اجمد كده انت هتعيط ولا اييي!
_ متيجي تساعدني وخليك جدع
= الطبخ مليش فيه ويلا عشان جعان والله ما قادر
روحت المطبخ لقيت حلة كبيرة اوي وتحتها بوتوجاز 
_ انا هطبخ ل كام واحد؟ 
• للعنبر كله 
_ طب اغلي نفسي في الميا السخنة ولا اعملكم في نفسي ايييي ؟
كان الغدا شوربة عدس ، لاء بس احلي حاجه في المعسكر إن اكله متجدد ما شاء الله ، فوني رن كان عبدالله! 
روحت مكان بعيد ورديت 
_ ايوة يعبدالله ، خير ؟
° خير اييي مش تطمنيني عملتي اييي؟
_ اه روحت المعسكر ولغيت التطوع بتاعك ولبست انا
° بتقولي حاجه؟
_لغيت التطوع بقولك 
° الحمد لله بجد ، ازاي كنت اروح معسكر زي دا ، متخيلة إن بشرتي كانت هتسمر؟ 
نفخت وانا بقفل عيني بنفاذ صبر 
_ اه منتا مش واخد علي الشقا 
° خالص يبيبي 
_ تصدق يعبدالله ، عمي كان عنده حق يبعت اسمك المعسكر ، كان عاوز يربيك بس انت كالعادة اتهربت من المسؤولية  
° المهم دلوقتي ، هترجعي امتي من سفريتك دييي ؟ 
_ كمان اسبوع كده ، بس اشمعنا يعني؟
° عشان خطوبتنا يحياتي 
_ نعم نعم؟ خطوبت مين؟ انا اتخطبلك انت!
° ايوة ، بابي اتفق مع عمي خلاص 
_ بابي! الرحمه من عندك يا رب ، طيب يعبدالله لما ارجع نبقي نشوف الحوار دا ، بالسلامه انت
قفلت وروحت بسرعه اشوف الاكل ، لقيت احمد بيقلب فيه 
= عارف لو كنت حرقته كان الريس عمل فيك اييي؟
ابتسمت وروحت وقفت جنبه _ تسلم يصاحبي والله
= امسك كمل بقي انا حيلي مهدود ، تعرف يعبدالله الاكل لو طلع وحش انا هعمل فيك اي؟
_ يعم بعرف اطبخ والله 
= هنشوف 
خلصت اخيرا! الرجالة كلها اتجمعت في العنبر ، بدأت احط الشوربة في الاطباق ، كلهم كلوا وشكروا في الاكل ، انا مكاني المطبخ فعلا .
_ بقولك اي يفندم ، هو كل يوم عدس؟ 
*طب اي ، اجيب سمك؟
_فرقت؟ ، عاوزين بروتين
*طب ما السمك بروتين 
_عاوزين لحمة 
*يعني اي لحمة ديي؟
_اصلا ؟ ، لا متاخدش في بالك يزعامة ، حلوة شوربة العدس رضا 
خلصنا اكل وكملنا تدريب وعلي المغرب خلصنا وروحنا الاوض = مالك في اي؟
_ مفيش عادي 
= بقولك مالك؟ ف تقول علي طول 
_ اصل عاوزين يجوزوني 
= يجوزوك مين؟
_ ابن عمي 
= دا الي هو ازاي؟ انت منهم ولا اييي يالا؟
_ قصدي بنت عمي 
= اه الحال من بعضه يعني ، طب واي مشكلتها يعني؟
_ كلها مشاكل ، مايعة وعايشه علي قفا ابوها 
= امال عاوزها تصرف عليك ولا اييي؟ ، اقعد معاها يعم وان شاء الله خير يعني 
_ خلاص يا احمد انت مش فاهم حاجه ، قاعدين نتكلم في اي عبط والسلام
= طب شوربة العدس كانت حلوة اوييي علي فكرة 
ابتسمت _ بجد؟
= متنشف يعبدالله بقي ، انا بدأت اشك فيك 
_ يعم نام يعم 
= عاملين سهرة برا 
_ تعالي بس انت هتجري؟ ، عشان ترجع شارب وتهلوس؟
= عيب عليك ،  مش جايلي نوم دلوقتي 
_ انت رغاي اوييي 
= عاوزة افكرك بحاجة بس ، أنا ظابط وانت خدت عليا اوييي وبقيت بتشوح وبتعلي صوتك
_ بهزر معاك يزمالة 
= قال قولي يعبدلله ، أما نخلص مدة التدريب هتعمل اييي؟
_ مش عارف والله ، انا اصلا جاي من ورا أهلي
= اييي! غريبة اصل اغلب الي هنا اهلهم جايبنهم غصب 
_ كنت عاوز اعرف المعسكر بيحصل فيه ايي ، فضول
= واتبسط؟
_ هو اه اتعلم عليا بس اتعلمت حاجات كتير 
الفون رن وكان عبدالله ، فضلت اكنسل 
= مترد يبني في اي! تلاقي فيه حاجه مهمة ولا حاجه
_ لاء لاء سيبك منه 
شد مني الفون وهو بيضحك = ارد انا عشان صدعت 
فتح المكالمة والاسبيكر *في اي يمريم مبترديش لييي؟
=مريم!!!

متنساش ان الرواية موجودة كاملة في قناة التلجرام والواتساب

↚
شد مني الفون وهو بيضحك = ارد انا عشان صدعت 
فتح المكالمة والاسبيكر *في اي يمريم مبترديش لييي؟
=مريم!!!
_مريم؟
بصلي ب استغراب = مريم مين؟
_ اه مريم دييي ، دي اختي وانا واخد الخط بتاعها 
خدت منه الفون وقفلت = امال مين الي كان بيتكلم دا ؟
_ اه دا ابن عمي 
غمز = اه اخو العروسه 
_ احمم اه تقريبا إن شاء الله
= انا لو منك اوافق زيتنا في دقيقنا وخلاص
_ طب متوافق علي بنت عمك انت كمان! 
= يبني انا مش شايفها غير اختي ، ابقي حمايتها ماشي لكن جوزها؟ لاء ، مش شبهي ولا انا شبهها 
_ امال انت عاوز الي هتتجوزها عاملة ازاي  ؟
= عاوزها بتعرف تتصرف كده ، حيطة كده تعرف تسد في اي حاجة
_ حيطة! دا انت ما شاء الله في الرومانسيه فنان
= هو لازم اكون متسهوك يعني ولا اييي ؟
_ صدقني هتطفش من معاملتك دييي
= وانت فاكر اني هعامل مراتي زيكم يا جرابيع؟ دا انا سايبلها كل الحلو الي فيا والله هي تيجي بس 
_ هتلاقيها ، انت تستاهل كل خير 
= حبيبي يعبدلله والله ، عندك اخوات غير اختك بقي ولا ايي؟ 
_ اختي مين؟
= مش انت يبني لسه قايل انك ليك اخت اسمها مريم!!
_ اه اه ، لاء هي بس 
= ربنا يخليهالك ، انا معنديش اخوات 
_ وملاحظ ان علاقاتك مع الكل محدودة اوييي
= اه من صغري وانا كده ، مش بحب اختلط بالناس كتير 
_ لييي؟ 
= لما جربت حظي وقولت اتعامل ، اول بنت حبيتها سابتني ، صحابي موقفوش جمبي زي ما كنت بعمل معاهم ، ف قولت كده احسن 
_..
= اي يعم! قلبت نكد ليي كده ، انا مبحبش الدراما غير  الحوار 
_ ممكن نبقي صحاب؟
= مالك يالا! انت اتأثرت ولا اييي؟
_ يمكن المعسكر جمعنا عشان نبقي صحاب ، لا انا كنت اعرفك ولا تعرفني 
= اكيد صحاب يعم ، اتخمد بقي عشان قلبت عليا المواجع
_ متزعلش يا احمد 
= مخلاص يحبيبي في اي! مش زعلان والله ، اتقلب بقي
ضحك واداني ضهره ونام ، كل دا جواه ومن برا ميبنش عليه كده خالص! يبان عليه قد اي حاجه يتحط فيها لكن فعلا الصورة عمرها مكانت كاملة!
نمت وصحيت علي خبط فب كتفي 
_ يادي النيلة علي صحوبيتك الهم 
= التدريب هيبدأ ، فوق وحصلني 
قومت غسلت وشي وطلعت وقفت جمبه ، كان يوم مجمع بين كل التدريبات ، نط حبل وزجف وضرب نار ، كان اكتر يوم تعبنا فيه ، بعد ما خلصت روحت المطبخ ، مكنتش قادرة وكنت حاسه اني هقع من طولي ، كان لازم اجي بدل عبدالله واعمل فيها سبع رجالة في بعض يعني! ، 
= انا مش هقشر البصل 
_ ايي؟ مش فاهم!
= هطبخ انا ، شكلك تعبان اوييي ، اقعد قشر البصل بس 
_ احمد انت بتعرف تطبخ؟
= انا بنافش الشربيني يبني ، أنا بس مبحبش ابين قدراتي عشان متحسدش
_ اممم ، انت متأكد ؟
= مهو انت لو كملت وانت عامل كده روحك هتطلع مننا ، وانا مش فاضي اعيط علي حد
_ ايدا انت هتعيط؟
= سيبك من ام المشاعر دييي ، اقعد قطع البصل 
_ هو انت بتعمل اييي؟
= مش طابخين كشري؟ بدور علي اليوتيوب طريقه عمل الكشري في خمس دقايق بدون روت
_ احيه! لبسنا بالشفا بقي 
كان بيحاول يساعدني علي قد ما يقدر ، كنت بقوله يعمل اي ويعمله ، بتهيقلي عمري ما قابلت حد طيب كده!
= دوق كده ، ها لسه عايش؟
_ حلو شغال 
= طب الحمد لله ، هروح انادي علي الرجالة زمانهم جعانين ، وانت اتغدي وروح ريح شويه في الاوضة 
خرج نادي عليهم ، اتغدينا وروحت الاوضه ، قعدت علي السرير وانا بغمض عيني من كتر التعب ، فوني رن ورديت 
_ ايوة يعبدالله ، فيه حاجه ؟
° لما كلمتك امبارح كان فيه راجل جمبك ، مين دا؟
_ وانت مالك؟
° مالي؟ اييي الهبل دا ، انا هبقي خطيبك علي فكرة
_ الصبر من عندك يا رب ، زميلي في الشركة ومعايا في السفرية ، ها حاجة تانيه ؟
° لما ابقي ارن عليكي ابقي ردي
_ يبودي انا واحدة بشتغل ، مش بابي بيصرف عليا ولا باخد مصروف من مامي ، هقفل دلوقتي عشان تعبانة مع السلامة 
قفلت ولقيت احمد داخل 
_ مش عارف اقولك اييي والله ، تسلم علي الي عملته النهارده 
= لو عرضوا عليا اقدم في مسابقه احسن شيف والله ميلزمني 
_ يعم اتنيل اقعد بقي 
= تعرف انا نفسي في اييي؟
_ اييي؟
= صنيه مكرونة بشاميل ، البشاميل فيها يكون كتير ، وعلي الوش حبه جبن و..
_ احمد نام ، دا انت الكشري مقوي قلبك بجد 
= انا ماشي ب مبدأ اقرب طريق لقلب الراجل معدته
_ كان الله في عون الي هتتجوزك ، ثواني انت بتعمل اي؟
= هو انا كل يوم هقولك الدنيا حر؟ عاوزين نعيش بالله عليك خنقتني
_ جرب كده تنام بالتيشيرت ، هيبقي اجمد علي فكرة
= والعضلات ديييي متبانش؟ الباي والتراي والكلام الكبير دا ، انا دافع دم قلبي في الجيم دا
_ طب نام ، تصبح على خير
= وانت من اهله 
قومت من النوم وانا مرعوبه ، حاسه إن قلبي هيطلع من مكانه ، حلم وحش ، وحش اوييي مش عارفه اخد نفسي! ، جتلي نوبة ضيق التنفس وبدأت اخد نفسي بصوت عالي 
= مالك يالا؟ انت هتموت ولا اييي؟
_..
=عبدالله انت سامعني؟ اهدي حاول تهدي ، نظم نفسك 
قام من سريره وقعد جمبي ، كان قريب مني اوييي ف زقيته ب رجلي وقع عي الارض 
= انت ملبوس يالا؟ ، انادي علي الدكتور الي هنا؟
مسك ايدي ف بصتله = اهديي ، بس بس مفيش حاجه ، حصل اييي؟
_ كابوس 
حط ايده حوالين رقبتي = طب خلاص اهدي 
_ انت كده بتوترني اكتر! خلاص انا بقيت كويسة ، قصدي كويس 
= طب الحمد لله ، الف سلامه عليك 
_ الله يسلمك يصاحبي ، ابعد عني بقي بدل ما ازعلك 
بعد وهو بيضحك = تصدق يالا اني غلطان ، انا واحد غيري علي الخضه دي كان اداك عيارين ودا اقل واجب بس مقبولة منك 
_..
= افضل معاك لحد متنام ولا اتخمد انا؟
_ لا نام انت 
= طب هفضل معاك لحد مننام بقي ، الكوابيس دي بتجيلك دايما ولا اييي
_ لاء دا كل فين وفين 
= دلوقتي احسن يعني ؟
_ ايوة الحمد لله ، تصبح على خير
= هو سلامتك وكل حاجه بس لو سمعت صوتك تاني هدشملك عشان انت قطعتلي الخلف ، نام 
العشر ايام خلصوا! بكرة اخر يوم ، حصل فيهم حاجات كتير اوييي ، واتعلم حاجات اكتر ، بعد يومين هاجي تاني اسبوع ، هيبقي اخر اسبوع ، والي عاوز يكمل بيكمل والي مش عاوز يبقي كده مدة التدريب بتاعته انتهت ، اه انا تعبت اوييي في العشر ايام دول ، بس بتهيقلي خلوني اعرف اواجه اي مشكلة مهما كانت صعوبتها لو اتحطيت فيها بعد كده .
صحيت كالعادة علي خبط في كتفي
_ تصدق بالله؟ انا هترحم من الرجة دييي!
= فوق يلا ، بقيت احسن من امبارح؟
فركت عيني وبصتله _ اه الحمد لله احسن كتير 
= طب الحمد لله ، ابقي حصلني بس متطولش عشان التدريب هيبدأ 
خرجت وقفت جمبه = جاهز للعجن؟
_ والله وشي ما قادر ، اضرب حد تاني 
كل واحد فينا وقف قصاد حد مختلف ، احنا الاتنين في دقيقتين كان الي قدامنا علي الارض ، ضربنا كف ب كف واحنا بنضحك ، طلعنا فوق نطينا الحبل ، معتش بخاف! ، خلصنا كل التمارين وروحت العنبر عشان اطبخ
_ احمد انت مش هتصدق!
= اييي طابخين ايييي؟
_ مكرونة
= يحبيبتي فاكرها ، ام صلصه دي؟ اه عارفها
_ دا احنا في حرمان اقسم بالله ، هناديلك لما اخلص 
= استني هساعدك 
وقف ساعدني ، انا مليش صحاب ولاد خالص ، ولا بعرف حتي اتعامل معاهم ، لكن هو كان غير اي حد .
خلصنا غدا وكله راح يحضر شنطته 
= كانوا عشر ايام ، يلا ربنا ميعيدهم 
_ يومين وراجع 
= كلها اسبوع هانت ، عشان استلم التكليف بقي واشوف الدنيا 
_ مش حاسس انك ظابط 
= ولا أنا والله ، بس نعمل اي بقي هتصرف 
_ حاول تاكل كل الاكل الي بتحبه اليومين دول 
= انا هروح اكل بس ، بقولك اييي 
شيلت شنطتي علي كتفي وبصتله _ اييي؟
= هتوحشني 
_ مبحبش لحظات الوداع ، هما يومين ونشوف بعض تاني لحد ما نزهق
= ايوة حتي بعد ما نخلص المعسكر دا نتقابل بردو 
_ إن شاء الله يصاحبي ، خلي بالك من نفسك
= وانت كمان ، اشوف وشك علي خير
فتحت باب الاوضه وابتسمتله ومشيت ، هو ينفع افضل هنا؟ يعني منمشيش احنا الأتنين خالص؟ 
روحت ل صحبتي عشان اغير عندها وألبس لبسي العادي ، خبطت علي الباب فتحتلي
° أيوة ؟ اي خدمة؟ 
ضحكت _ معرفتنيش؟ انا مريم يعبيطة ، وسعي وسعي 
دخلت وهي متنحة ، دخلت الاوضه غيرت ولبست وطلعت تاني قعدت معاها 
_ هتفضلي متنحة كتير؟
° انتي عملتي اي؟ انتي قولتيلي راحة اعمل حاجه مهمه وقولتيلي كمان لو حد سألني من اهلك اقوله اننا في سفريه ، لكن اي قلب حالك كده؟ وكنتي فين؟ 
_ تعالي معايا البيت وهفهمك علي كل حاجة 
روحت البيت انا وهي وخبطت علي الباب ، ماما فتحتلي وحضنتها ، كان البيت وحشني اوي كأني غبت سنين مش مجرد ايام! 
_ ماما هو انتوا لييي معلقين زينة في البيت ؟ رمضان قرب ولا اي!
• عبدالله قالنا انك راجعة النهارده ، ف ابوكي وعمك اتفقوا تبقي خطوبتكم بالمرة 
_ ايييي؟ خطوبة مين!!

متنساش ان الرواية موجودة كاملة في قناة التلجرام والواتساب

↚
*عبدالله قالنا انك راجعة النهارده ، ف ابوكي وعمك اتفقوا تبقي خطوبتكم بالمرة 
_ ايييي! خطوبة مين؟
منة صحبتي باستني ° مبروك يحبيبتي 
_ مبروك اييي بطلي عبط ، انا مش عاوزة اتخطبله يماما! 
*الكلام دا بقي يتقال لأبوكي لما يجي ، حاسبي اروح اشوف الاكل 
ماما دخلت المطبخ ودخلت انا ومنة الاوضه 
_ فيه كارثة بتحصل برا ، انا مستحيل اتجوز عبدالله 
° لييي؟ دا حتي غني وعنده عربيه وفلوس يعني اي بنت تتمناه
_ اي بنت غيري ، انا مبحبوش 
° مش احتمال الحب يجي في الخطوبة؟
_ مستحيل ، عبدالله عمره ما كان شبهي 
° طب كنتي فين بقي الفضول هيموتني ؟
_ كنت ، احممم بصي هو انا كنت..
° مريم انتي عاملة مصيبه مش كده؟
_ مش اوييي ، كنت في معسكر الرجالة الي عاملينه هنا
° اييييي!!
حطيت ايدي علي بوقها _ تعرفي تهدي؟ هتفضحينا اهدييي
° انتي عملتي كده ازاي؟
_ مش عارفه ، لقتني عاوزة اعمل كده ، لما عبدالله جه هنا لبابا عشان يقنع عمي يلغي تطوعه من المعسكر ، قعدت معاه وعرفت مكانه وهيبقي كام يوم ، كان معاه اسمه انه اتقبل ، خدت منه الاوراق وقولتله اني هلغي التطوع انا ، عشان ليا واحدة صحبتي ابوها بيشتغل في الحكومة ، عمي صرف نظر عن الموضوع بس عبدالله كان عاوز يتأكد اني لغيت التطوع ، قولتلهم هنا اني راحة سفرية تبع الشغل ، وروحت علي اساس اني هو 
° انتي اكيد فيه حاجه في دماغك! وعملتي اي هناك ؟
_ عشر ايام فرهدة وطلعان عين ، بس والله احلي عشر ايام في حياتي كلها ، وبجد كانت تجربة جامدة
° محدش شك فيكي؟ 
مسكت مخدتي وحضنتها _ لاء ، كان معايا راجل في الاوضه 
° ينهار اهلك مش فايت ، وبعدين؟
_ متخافيش ، انا المفروض راجل زيي زيه ، بس تعرفي؟ مختلف اوييي عن اي راجل ممكن اشوفه 
° حلو؟
_ اوييي ، كاريزما ماشيه علي الارض يبنتي والله ، طيب وحنين ودمه خفيف ، هو الي كان مهون عليا الفترة الي قعدتها هناك ، بنعمل تدريبات وساعدني كتير اويي وبقينا صحاب
° مريم! انتي بتحبيه؟
سكت شويه وانا شيفاها بصالي ب استغراب ، انا ذات نفسي مستغرباني اني بتكلم عن حد كده! مش عارفه مش يمكن فعلا بحبه! عشان طول مهو موجود عمر قلبي مخاف! 
_ مش عارفه مالي والله، بس صدفة شقلبت حالي كله!
° انتي كده معتيش هتشوفيه؟
_ لسه فيه اسبوع تدريب بعد بكرة 
° انتي كده بتهزري! مستحيل اهلك يرضوا يخليكي تسافري تاني 
_ هلاقي تصريفة ، المهم دلوقتي حوار خطوبتي دا! 
° هتعملي أييي؟
_ لما بابا يجي هقوله مش موافقة 
° تفتكري هيقولك ماشي ؟
_ مش عارفة ، ربنا يستر 
بابا جه روحت سلمت عليه وحضنته 
*البيت كان هادي من غيرك يعفريتة 
_ بس اكيد مكنش ليه ايي طعم! انكر كده؟
ضحك *لاء مش هنكر عشان انتي دايما الي عامله حس للمكان 
_حبيبي يحجيجة والله ، بابا انا مش عاوزة اتخطب لعبدالله
ملامح وشه اتغيرت *دا الي هو ازاي يعني؟ بعد الاتفاق؟ بعد ما جهزنا كل حاجه ؟
_ مكنش فيه اتفاق معايا ، مجتوش قولتولي رأيك ايي؟ ، التجهيزات دي انا معرفش عنها حاجه
*بس انتي وابن عمك محجوزين لبعض من وانتوا صغيرين
_ اسمعني يبابا ، مش انت دايما بتقولي انك ملكش غيري؟ ان سعادتي اهم حاجه عنك؟ ، وانك مستني يوم فرحي وتشوفي فرحانة مع جوزي ، انا اه عروسه بس مش فرحانة يبابا! انا مبحبوش 
*الحب بيجي بالعشرة والتعود ، انتي بتقولي كده عشان لسه متعرفهوش كويس
_ عرفاه يبابا ، عمري مهحس ب الامان معاه 
*بلاش كلام افلام! ، قومي اجهزي زمانهم جايين ، بكرة تعرفي اني عاوز مصلحتك 
قومت دخلت اوضتي وانا بعيط ، مسبقش بابا كلمني بجمود كده! 
° بطلي عياط ارحمي عينك شوية 
_ تبقي اكبر غلطه في حياتي لو اتجوزته! 
° طب اهدي وكل حاجه ليها حل ، بصي طفشيه
_ يعني اييي؟
° يعني خليه هو الي يقول مش عاوزك ، ف تيجي منه هو ، وانتي ما شاء الله سهل اوي تعرفي تعملي كده 
مسحت عياطي _ يبنت اللعيبة! ، هعمل ايي حاجه بجد عشان انقذ نفسي من الورطة دييي
غمزت ° وتتجوزي سي روميو بتاعك 
_علي فكرة لازم البس!
طلعت برا وهي بتضحك ، لبست فستان سيمبل وحطيت ميكب خفيف ، بعد شويه جم ، بابا جه خدني من الاوضه وطلعت قعدت جمبه ، لبسني خاتم سوليتير ، دا المال لا يصنع السعادة بجد يا اخي! بس هاخد الخاتم دا ابيعه واهرب .
خلصت الخطوبة ومشيوا ، كان قلبي مقبوض ان معرفش اطفشه وابقي لبست! ، نمت بعدها من كتر التفكير ، صحيت علي صوت ماما وهي بتصحيني
*صباح الخير 
قومت وانا بفرك عيني علي امل إن كل دا يطلع حلم وانا لسه في المعسكر ، واحمد بيرجني عشان اصحي! ضحكت لما افتكرت وقومت غسلت وشي وصليت 
*يلا ساعديني في المطبخ ، عبدالله معزوم علي الغدا 
_ انا مش بعرف اطبخ يماما 
*دا من امتي دا؟ دا انتي احسن طباخة في المنطقة ، دا انتي اكلك احلي من أكلي يبت!
_ مبعرفش من دلوقتي 
دخلت اوضتي فضلت قاعدة فيها ، حد يرجعني المعسكر تاني ومش هشتكي ان روحي بتطلع من التدريبات دا اهون عليا من الي بيحصل دا بجد 
لبست وطلعت كان هو جه ، اتغدينا وطلعت قعدت في البلكونة 
° سرحانه في ايي؟
_ ولا حاجه 
° السفرية كانت حلوة؟
_ اه حلوة اوييي 
° طب كويس ، شكلك بتحبي شغلك اوييي
_ اه الشغل؟ حاجه متعرفش حاجة عنها طبعا ، لو اشتغلت هتعرف قد اييي الشغل حلو 
° اشتغل؟ شيت 
_ ايدا في اي ، مالك يحبيبي؟
° اشتغل اييي واتعب نفسي لييي!
_ صحيح ، مهو عمي شقيان في الشغل وانت لاقي فلوس علي الجاهز ف تتعب نفسك ليي فعلا 
° طب يلا عشان هنخرج 
_ مش عاوزة ، جسمي كله واجعني هدخل انام
° يطنط ، طنط 
_ ششش خلاص! ماشي هنخرج وطي صوتك بقي!
نزلنا وركبنا عربيته ، عربية اخر موديل لابس لبس شيك ، نضارة غاليه ، ساعة ب الشئ الفلاني ، كل حاجه كانت مترتبة ، الا قلبي .
وصلنا مطعم كان شكله غالي اوييي! ، دخلنا طلبنا عصير 
° ابقى فكري في حاجه قوليلي وانا اجبهالك كادو بمناسبة الخطوبة 
_ كادو؟ ماشي ربنا يسهل 
خلصنا وطلعنا برا المطعم
° تحبي نلف بالعربيه ؟
_ نتمشي شويه ، ولا مش واخد علي المشي؟
مشيت ف مشي جمبي ° مريم انا لي حاسك مش مبسوطة؟
_ سجدة شكر لله يحبيب اخوك انك خدت بالك 
° طب ولييي؟
_ عشان مش انت الي كنت مستنياه يعبدالله 
° والهانم كانت مستنيه واحد تاني ولا اي مش فاهم؟
_ ايي حد بس يكون بيشتغل ، احس انه بيتعب عشاني ، لما نجيب حاجه  في بيتنا احس انه مشوارنا قرب ، وإن تعب كل الايام يهون طالما هو موجود ، وإن بيتنا دا شاهد علي كل حاجه صعبة مرينا بيها ، لكن شقه تجنن متشطبة ومفروشه بفلوس ابوك؟ عمري مستنيت كده 
° واييي الي فيها مدام معانا فلوس 
_ الي فيها انها مش فلوسك ، الي فيها إن عمي الي هيصرف علينا ، إن لو عمي ممعهوش فلوس بعد كده لأي سبب البيت هيتخرب ، عرفت فيها اييي؟
جم اتنين ووقفوا قدامنا 
*علي فين يجميل؟
_ وانت مالك انت؟
عبدالله مسك ايدي ° يلا بينا بلاش مشاكل
_ مشاكل؟ انا بتعاكس قدامك يحبيبي ، النظر تمام؟
° مش كنتي عوزانا نمشي؟ ادينا مشينا يلا بينا 
ربعت ايدي _ دا اخرك يعني؟ 
*سيبها وخد نصيبها 
_ اتفضل! رد 
واحد منهم مسك ايدييي ، بصتله لقيته متوتر ، غمضت عيني وانا متعصبة ، ضربتهم الاتنين ومشيت 
° واو! انتي جامدة ، عملتيها ازاي دييي
_ اهو يبقي فينا حد بيعرف يعمل كده 
° انا كنت هضربهم علي فكرة بس محبتش اعمل كده قدامك عشان متخافيش
_ انت لو حد ضايقني مش هتعرف تعمل حاجة ، انا لو اتجوزتك هفضل طول عمري خايفة! 
ركبنا العربيه ووصلنا وطلعت فوق بسرعة ، عدي اليوم ونمت ، صحيت الصبح وانا بفكر اقولهم اييي عشان اغيب اسبوع من هنا! ، اتصلت ب منة 
_ الف سلامه عليكي يحبيبتي
° ايدا هو انا تعبانة؟
_ هتبقي تعبانة وهقعد عندك اسبوع 
° اه يعني هتلبسيني معاكي؟
_ الصاحب ليه اييي عند صاحبه؟
° ملوش حاجة
_ حبيبتي هو دا العشم ، لو حد اتصل بيكي من هنا ف انا قاعدة عنك بقي ها؟
° ديي اخر مرة يمريم فاهمه؟
_ حاضر والله ، هو اسبوع صد رد ومعتش تدريب اصلا
اتفقت معاها ، وبعد اقناع كبير في ماما وبابا وافقوا اني اروح اقعد معاها ، جهزت شنطتي وافتكرته! 
(صنيه مكرونة بشاميل ، البشاميل فيها يكون كتير ، وعلي الوش حبه جبن)
ابتسمت وقومت اعملها ، ايوة دلوقتي بقيت بعرف اطبخ ، اييي حكمة ربنا! 
عملتها وانا في كل خطوة كنت بفتكره مش مصدقة خلاص اني هشوفه كمان كام ساعة ، عملتها وخلصتها وحطيتها في حافظة ، سلمت علي بابا وماما ومشيت ، روحت ظبطت نفسي عند منه ، ركبت عربيه ووصلتني للمعسكر ، دخلت الاوضه لقيته ف ابتسمت ، كان حاطط راسه في الارض وايديه الاتنين علي راسه 
_ في اييي يعم مالك؟
= انا خطبت بنت عمي 
_ نعمممم؟

متنساش ان الرواية موجودة كاملة في قناة التلجرام والواتساب

↚
_ في اييي يعم مالك؟
= انا خطبت بنت عمي 
_ نعمممم؟
= لما روحت ابويا فاتحني في الحوار ، وشدينا قصاد بعض ، وسيبت البيت ليلة ورجعت تاني ، وامي من ناحية بقي تقول دي تنفع ام لعيالك ، ديي زوجة صالحة ، الي نعرفه احسن من الي منعرفوش ، كان ضغط من كل حتة ، وهما عشان تعبانين مكنتش عاوز ازعلهم ف وافقت ، مبقش عارف اعمل اييي ، ولا عارف ارضيني ولا ارضيهم 
_ مش يمكن تحبها؟
= احنا مع بعض من صغرنا ، لو هحبها كان حصل من زمان ، لكن مينفعش واحدة طول عمري شايفها اختي تبقي مراتي! هتصرف واتكلم معاها بس لما نخلص الاسبوع دا 
_وانا كمان اتخطبت ، قصدي خطبت
= لا متقولش ، بنت عمك؟
_ اه 
= الثبات علي المبدأ ، هم يضحك وهم يبكي ، تعالي اقعد وحشني والله
_ امسك 
= ايدا ؟
_ كنت قولت انك عاوز مكرونة بشاميل ، دوق وقولي رأيك
= بتهزر؟ والله ابن حلال انا مكلتش اليومين ، عملت زعلان وكده 
_ طب كل بالهنا والشفا 
داقه وبصلي = انت الي عامله؟
_ مريم ، مريم الي عملاه 
= تعرف إن اكلها حلو اوييي؟ كان ممكن نبقي نسايب دلوقتي بس بختي الاسود 
_ عجبتك؟
= اوييي ، تسلم ايديها ربنا يخليكم لبعض
_ حبيبي تسلم 
= متحرمش منك يصاحبي ، عارف اني مصدعك بمشاكلي بس مليش غيرك انت عارف الي فيها
_ متقولش كده هو الصاحب ليه اي عند صاحبه؟
= صنيه مكرونة بشاميل من دي تاني؟
_ خد الباب في ايدك يحبيب اخوك واطلع برا 
ضحك وكمل أكل ، كان باين عليه مبسوط ، دا اقرب طريق لقلب الراجل معدته فعلا! ، طلعنا برا عشان نبدا تمرين 
= انا هفهمك 
_ بس بسرعة عشان هيغمي عليا والله 
= المفروض كل واحد فينا هيمسك الحديدة الي فوق دييي ويوصل لأخر المعسكر بيها
_ واحنا طايرين في السما؟ ، لي فرقة ناجي عطالله؟
= طب اطلع عشان نشوف حس اهلك الفكاهي دا اخرته اييي 
طلعت ووقفت جمبه ، لأول مرة اخاف من حاجه كده ، يمكن عشان بكره الاماكن العاليه؟ 
= انت خايف بجد بتترعش!
_ بعون الله اقدر علي اي حاجه ، معاك برفان اهم حاجه؟
= برفان؟ اشمعنا ؟
_ هتحتاجه وانت بتفوقني 
= هما اتنين جمب بعض ، نجرب حظنا عشنا خير وبركة ، معشناش؟ دييي مبقتش عيشه اصلا وتبقي جيت من عند ربنا 
_ علي خيرة الله ، الشهاده اشهد ان لا اله الا الله وأن محمداً رسول الله ، يلا نط 
= وحيات امك؟ مش قولنا هنعملها سوا؟
_ هي كيكة؟
= خلاص بشوقك ، اعملها لوحدك
_ يلا يا احمد امسك الحديدة جمبي اخلص
كل واحد مسك حديدة ، بصتله وغمضلي عينه ب راحة
= انت قد اي حاجه ، غمض عنيك وفكر في حاجة تانيه خالص 
زقونا ، وغمضت عنيا جامد ، وثواني كنت عند العمود التاني ، ثواني! بس كانت صعبة اوييي كنت متطمنة انه جمبي عشان كده خوفي راح 
= شوفت؟ يلا تاني 
_ بس يحبيبي ، ننزل ونضرب شويه نار ، كلمة كمان وهديك عيار في نص دماغك امددك 
= عبدالله انت نسيت حاجه مهمة جدا 
_ حاجة اييي؟
= انا ظابط 
_ لاء بس احلي حاجه فيك عمرك مستغليت منصبك ودوست علي عامة الشعب 
= انا يبني؟ ابدا عمري 
روحنا طلقنا نار ، كان تمرين وفي نفس الوقت بنهزر ونضحك وبيساعدني اكتر اتمكن من السلاح ، خلصنا تدريبات وروحت اعمل الغدا 
= انا الي هعمله النهارده
_ اشمعنا؟
= عشان الجدعنة الي عملتها معايا وجبتلي مكرونة بشاميل ، اه بقولك هات رقمك وعنوانك 
_ طب رقمي واشطا عارفينها ، لكن عنواني لي ينجم؟
= هعزم نفسي عندكم مرة ، وتخلي اختك هي الي تعمل الاكل 
_ بكلمك بجد انا اريل؟ لاقط انا القناة الاولي قدامك؟
= يعم اختك اختي في اييي متخلص 
ضحكت واديته الرقم _ بالنسبه للعنوان ف هبقي اوصفهولك لما تقرر تيجي 
= طب وسع شويه
_ اي التهور دا 
= عاملين شوربة لسان عصفور؟ أيوة فين الغدا ؟
_ هو دا ، رضا 
= رضا دي تبقي خالتك ، فين القائد؟ فين المسؤول؟ فين كرامتنا ؟
*في حاجه يا احمد ؟
= فين الملح يا ريس عشان نطبخ الشوربة؟
بدأنا نطبخ سوا ، خلصنا ونادينا علي الرجالة واتغدينا كلنا ، روحنا بعد الاكل نعمل تدريب الزحف 
_ لو بزحف علي عيالي الخمسه مش هتعب كده 
= بص ادعي عليهم في سرك 
*بتقول حاجه يا احمد؟
= ربنا يخليكم لينا يفندم ، احنا من غيرك كلاب ولا نسوي 
_ لا بس احلي حاجه فيك انك عمرك ما جبت ورا 
= انا يبني؟ ابدا عمري
روحنا الاوضه وكل واحد قعد علي سريره 
= القطنية عندي متدشمله 
_ نخلص الاسبوع دا نطلع علب علاج طبيعي علي طول
فونه رن ورد = أيوة يسارة ، عاملة ايي ؟ 
_.. 
كنت ببصله وهو بيكلمها ، لاء بس انا مش غيرانه عادي براحته ، هقوم اخبط دماغه بمولة السرير؟
= اه الحمد لله كويس ، ماشي ، خلي بالك من نفسك
قفل وبصلي = الي مزعلني حاجه واحدة بس 
_ حاجه اييي؟
= سارة طيبة اوي وجميلة والف راجل يتمناها واحسن مني كمان
_ اه وبعدين يعني ؟
= مش عارف اعمل اييي ، تايه اوييي 
_ شوف كده يمكن تكملوا
= يبني بقولك مينفعش ، عاوز حل ، علي طول بقول اني انا الي هسلمها ل عريسها ، بس كده بقي تسليم اهالي 
_ والله وانا مطايق الي معايا دا ، قصدي دييي 
= لاء بس انا مش متجوز غصب ، انا أخطب غصب اتس اوكاي ، لكن الجواز خط احمر 
_ مستني دعوة فرحك يغالي 
= يا دي الخيبة والله ، هو الواحد حرام يحب ولا اييي بالظبط؟
_ متقلبش عليا المواجع واتقلب بقي 
= هخرج اشم هوا عشان مخنوق ، نام انت 
خرج وفوني رن ، كانت منة ف رديت 
_ ايوة في اييي؟
° مريم انا برا المعسكر الي قولتيله عليه 
_ يخربيت دماغك! لي وبتعملي اي واي الي جابك؟
° عبدالله جاي البيت يمريم ، اتصل بيا قولتله انك عندي وقالي انك مقولتلوش ف جاي ياخدك 
_ نعم؟ ازاي؟ طب انتي قولتيله اييي؟
° قولتيله اننا برا 
_ وبعدين ؟
° قالي مريم قايلة ل باباها ومامتها انك تعبانة ، تعبانه ازاي وخارجين؟ 
_ وهو جاي علي حظي ويفكر ؟ مهو طول عمره متخلف ، طب وبعدين ؟ 
° قولتله بنشم هوا ، قالي هيجي عند البيت ويستني في العربيه ولما نيجي وهياخدك ويمشي 
_ وانا هتصرف ازاي دلوقتي!
° هاتي شنطة هدومك واخرجي من المعسكر دا ب اي طريقه ، عبدالله لو مشافكيش النهارده هتبقي مصيبة واهلك لو عرفوا مش هيحصل كويس 
_ ماشي ماشي ، خليكي برا جيالك اهو 
قفلت الفون وخرجت برا اشوف احمد ملقتوش ، لميت هدومي وحطيت الباروكة والشنب في الشنطة عشان اروح علي طول ، طلعت وانا بجري ف خبطت فيه ووقعت
= قوم يعبدالله ، قوم يا اعمي 
_..
= انتي مين!! 
_ انا لازم امشي
= لازم تمشي اييي! واي الي لبسك هدوم عبدالله!
_ انا ، أنا مريم 
= مريم؟ اخت عبدالله؟
_ أنا وعبدالله واحد
= نعم يختي؟ 

متنساش ان الرواية موجودة كاملة في قناة التلجرام والواتساب

↚
_ أنا وعبدالله واحد
= نعم يختي؟ 
_ احمد انا هفهمك كل حاجه بس لازم امشي دلوقتي 
=..
_ متعرفش اييي مخرج للمعسكر دا؟
= لازم تنط من السور ، تعالي هشبكلك وتنط 
كان لسه بيكلمني كأني لسه راجل ، لسه مش مستوعب الي بيحصل ، انا ازاي عملت كده! 
روحنا ناحيه هاديه وبص يمين وشمال عشان يضمن إن محدش شايفنا 
= هتحطي رجلك علي ايدي وانا هرفعك 
_ احمد انا اسفة ، انا..
= لو سمحتي مش عاوز اسمع ايي حاجه خالص ، ويلا بقي عشان محدش يشوفنا 
شبك ايده ف طلعت ونطيت ، بصيت للسور الي بيني وبينه وحطيت ايدييي عليه وعيطت ، انا مش عارفه اعمل اييي 
* مريم 
_ ايوة ، يلا بينا 
* انتي نطيتي ازاي؟
_ هبقي احكيلك بعدين ، يلا بينا مفيش وقت 
ركبنا عربيه ونزلنا قبل بيت منة بشوية ، اتمشينا لحد بيتها ، كنت ساكته طول الطريق  ، بفكر فيه وفي منظره لما عرف ، وفي شكل الحزن الي غرقه ، عاوزة اصلح كل دا بس ازاي؟ 
وصلنا ولقيت عبدالله قاعد في العربيه
° ما لسه بدري
_ اي الي بتعمله دا؟ ومين سمحلك تيجي هنا؟ انا قايلة ل بابا مش لازم خالص تعرف ، الحركات دي مبحبهاش 
° انا خطيبك وهبقي جوزك يعني المفروض متروحيش اي مكان غير لما اقولك ماشي عليه 
_ لما تبقي جوزي ، ب اعتبار لو حصل يعني 
° يعنيي اييي؟
_ يعني تروح دلوقتي ، انا هفضل مع منة 
° والي بيتمشي بيتمشي بشنطة هدومه؟ ، عبيط انا هصدق ؟
_ اقولك علي حاجه ؟ مش فارق معايا تصدق
° كنتي فين يمريم؟
_ كنت في داهيه ، سيبني في حالي بقي 
جيت اطلع البيت مسك ايدي جامد 
° انا قولتلك هتروحي معايا ، اركبي العربيه
_ اه سيب ايدي ، انت اتجننت ؟
شدني ودخلني العربيه وقفل الباب ، ركب وساق يسرعة 
_ نزلني ، نزلنيييي بقولك
° اهدي بقي ، انا بجد مش عارف انتي بتعملي كده لي!
_ عشان مبحبكش 
وقف العربيه وبصلي ° انتي قولتي اييي؟
_ انا موافقتش عليك ، كل دا حصل غصب عني 
° هو انا يعني الي اختارتك؟ ، مهو اهلنا الي شايفين اننا مناسبين لبعض
_ سيبك من اهلنا دلوقتي يعبدالله ، المهم احنا ، احنا شايفين اي؟ احنا عمرنا ما كنا شبه بعض ، احنا الي لازم نقرر احنا عاوزين ايي ، عشان احنا الي هنعيش مع بعض مش هما
° هما مقررين كل حاجه ، كتب الكتاب هيتحدد النهارده
عيطت _ كتب كتاب؟ ، انت هترضي تعيش مع واحدة مش بتحبك؟ مش عوزاك؟ هنعرف ؟ ، طب لما اخلف ويشوفوا اننا بنتخانق علي اقل حاجه ويتعقدوا؟ بالنسبالك عادي؟ ، عشان خاطري يعبدالله قولهم لاء ، لو انت قولتلهم ، مستحيل يخلوا الجوازة تتم 
° انا مش هقول لاء عشان حاجة واحدة بس
_ حاجة اييي؟
° انك دايما شايفه نفسك احسن مني ، من واحنا صغيرين وكل الناس بتعتمد عليكي انتي ، عمرك مشوفتيني غير قليل ، ب الفلوس والعربيه واللبس بردو عمرك ما بصتيلي نظره احترام ليا ، لأول مرة اشوف نفسي انا الاحسن لما القرار يبقي في ايدي ، ف سامحيني مش هعرف اقول لاء
ساق وانا فضلت اعيط ، وصلنا البيت ونزلنا ، كان طالع ف وقفته _ عمري مهسامحك ، مهما عملت ليا بعد كده عمري مهحبك ، وعمري ما هحس معاك ب الامان ، وعيشتي كلها هتبقي جحيم بسببك ، عمري مهسامحك يعبدالله 
طلعت قبله وخبطت ماما فتحتلي وجريت علي الاوضه وقفلت علي نفسي ، رميت الشنطة جمبي وقعدت علي السرير ، الباب خبط فتحت لقيتها منة 
*اهدي اهدي خلاص 
_ هيحددوا كتب الكتاب النهارده
*قوليلهم مش عاوزة 
_ قولت كتير ، قولتله هو شخصيا ، بس مفيش فايدة 
*طب وهتعملي اييي؟
_ مش عارفة 
فوني رن كان رقم غريب ، رديت 
_ ايوة ، مين؟
= انا احمد ، روحتي؟ 
_ ايوة 
= انتي بتعيطي؟
_ لاء انا كويسه 
= ماشي ، هقول للقائد هنا اي حاجه تبرير ل انك مشيتي
_ هو ممكن تجيلي بكرة؟
= اجيلك بكرة ؟ فين؟
_ البيت ، محتاجة اتكلم معاك ، هبعتلك العنوان ، حاول تيجي 
قفلنا ، كنت محتاجه ابرره ، اشوفه! ، بعتله العنوان واتس ، منة باتت معايا عشان تهديني ، نمت من كتر التعب 
صحيت الصبح علي خبط في كتفي ، صحيت بسرعة علي امل يكون كل دا حلم وانا لسه مع معاه في المعسكر 
* قومي يختي عشان نفكر في مصيبتك دييي
_ انتي قريبت احمد يمنة؟ نفس الرجة سبحان الله
* كتب كتابك الخميس الجاي
_ بلاش هزار علي الصبح 
* والله مامتك الي قيلالي مش شويه
_ النهارده اييي؟
*السبت
غمضت عيني ب قلة صبر ، بتهيقلي خلاص بقي واقع! مينفعش خالص اهرب منه ، خالص .
قومت فطرت مع منة ، وعملت الغدا ، خلصنا غدا ولقيت الفون بيرن ، كان احمد اتنفضت من مكاني ورديت 
= انا تحت البيت 
_ تمم اطلع 
قفلت وروحت جريت علي الدولاب ، لبست دريس وظبطت شعري ، في لحظة كنت ناسيه كل زعلي ، الي فكراه اني هشوفه تاني .
الباب خبط وماما فتحتله ودخل الصالون ، طلعت وقعدت معاه 
_ اهلا ، نورت 
=..
*اهلا يبني ، تشرب اييي؟
_ احمد ، ماما دا ، دا زميلي في الشغل
*اهلا وسهلا 
_ شاي ولا قهوة؟
= ولا اي حاجه متتبيعش نفسك يفندم
_ طب قهوة بقي يماما
*لا تعب ولا حاجه يبني ، منور 
ماما مشيت ورجعت بصتله 
_ انا عارفه انك زعلان مني 
= انا معرفكيش ، انا اعرف صاحبي الي كان معايا في المعسكر ، وإلي كنت فاكر اني خلاص بقي ليا صاحب بجد!
_ انا اسفه والله و..
= عملتي كده لييي؟ مخوفتيش حد يعرف ؟ انتي عارفه لو حد كان عرف كان اي الي ممكن يحصلك؟
_ كنت عاوزة اثبت اني حاجه ، اعرف اعمل حاجه غير التنضيف والكنس والطبيخ ، حتي في شغلي مهمشه ، كل الاهتمام للرجالة ، كنت عاوزة اثبت اني ممكن ابقي..
= راجل؟ 
_ اعرف اعمل الي بتعملوه 
= وكده ارتاحتي؟ مش مبرر عشان تعملي كده  
_ مكنش قصدي ازعلك ، مينفعش ارد كل الي عملته معايا ب حاجة توجعك بس والله غصب عني 
فونه رن ف رد 
_ ايوة يحبيبتي؟ اه واخد ساعتين استئذان من المعسكر ، وانتي كمان خلي بالك من نفسك ، مع السلامة 
= انت قولتلهم اي في المعسكر؟
_ انك عندك ظرف طارئ مش هتعرفي تكملي الاسبوع 
= انا متشكرة يا احمد 
_ ماشي ، انا همشي بقي 
= استني ، انا مش عوزاك زعلان مني 
قام من مكانه _ مزعلش من مريم ولا من عبدالله؟ 
بصيت في الارض ب زعل
° اهلا ، مين الاخ؟
_ عبدالله! ، انت جيت امتي؟
° لسه حالا ، متعرفناش؟
_ احمد زميلي في الشغل 
° اهلا وسهلا ، اتفضل اقعد 
بصلي = متأخر علي شغلي ، فرصه سعيدة يعبدالله 
مشي ورجعت بصيت لعبدالله 
_ كان المفروض متدخلش ، افرض كنا بنتكلم في الشغل ومش عاوزين حد يزعجنا؟
° زماله الرجالة دييي مبحبهاش
_ طب متحبهاش انا مالي انا؟
° لاء مهو معتش فيه شغل خالص 
_ دا الي هو ازاي؟
° محبش إن مراتي تشتغل الصراحة 
_ هبقي لا انا ولا انت بنشتغل ؟
ضحك ° قال قوليلي يمريم ، لو حد عرف انك كنتي في معسكر رجالة ، هيحصلك اي ساعتها ؟
_ ايييي!! 

متنساش ان الرواية موجودة كاملة في قناة التلجرام والواتساب

↚
° قال قوليلي يمريم ، لو حد عرف انك كنتي في معسكر رجالة ، هيحصلك اي ساعتها ؟
_ ايييي!! 
° مشكلتك انك شيفاني دايما غبي ، اهو انا الي عرفت كل حاجه في الاخر ، روحتي مكاني المعسكر مش كده؟ وبقيتي راجل؟
_ عقبالك 
° انتي زوديها اوييي ، بس انا هعرف أربيكي كويس بس لما نتجوز ويتقفل علينا باب واحد 
جاي يمشي وقفته _ عرفت منين اني كنت في المعسكر ؟ 
ضحك وقعد علي الكرسي ، حط رجل علي رجل وطلع سجارة من جيبه ، ولعها وبصلي
° لما قولت لمنة صحبتك اني جايلها ، انا كنت تحت البيت اصلا ، كنت متأكد ان فيه حاجه مش مظبوطة ، ف لما هي نزلت عشان تجيلك روحت وراها بالعربيه من غير متاخد بالها ، ولما وصلت شوفتك وانتي بتنطي من السور وشوفتك وانتي ماشيه معاها ، رجعت من طريق مختصر ف وصلت قبلكم ، ها اي رايك ؟ 
_ انت بتعمل كده لي يعبدالله ، انا عمري ما أذيتك!
° صوتك واطي دلوقتي! ، حاسه انك اتكشفتي ، عاوزة دايما تثبتي إنك كل حاجه واحسن من اييي حد 
_ انت الي مش شايفني كويس ، انا مش وحشه زي منتا فاكر ، انت بتعاقبني علي صورة انت راسمها في دماغك عني ، صورة بشعة دييي مش أنا!
° وتقليلك مني كل شويه؟ 
_ كنت بطفشك ، افتكرت لما اعمل كده هتقولهم انك مش عاوزني ، او يمكن كنت بفوقك!
° بتفوقيني من اييي؟
_ من الي انت فيه ، باباك يعبدالله متولدش في بوقه معلقه دهب ، الراجل دا تعب في حياته كتير وطلع عينه عشان يأمنلك مستقبلك ، يمكن دلعك بزيادة بس كان غرضه متحسش ب الي هو حس بيه ، او تتبهدل زيه ، عمي بقي اكبر تاجر عربيات وانت مستغل دا ، كل شهر عاوز عربيه جديدة ، الفيزا لازم يبقي فيها مبلغ كبير ، وازاي متلبسش برندات؟ ازاي تشتغل؟ ، انت لو فضلت كده صعب اويي تتعلم الدنيا صح ، مفيش راجل لسه بياخد مصروف ، ابوك ريقه نشف عشان يقنعك تيجي تمسك شغله عشان تعب وعاوز يرتاح ، بس انت اناني مبتفكرش غير في نفسك ، ابوك اكتر انسان بيحبك وانت اكتر حد بيجي عليه 
° انا همشي 
_ انا مش عاوزة اتجوزك يعبدالله ، عمرك مهتلاقي في عنيا نظره احترام ليك ، وديي حاجه صعبة اوييي مش عوزاك تحسها ، ومش عاوزة ابص لجوزي البصة دي 
مشي وسابني ، دخلت اوضتي قعدت علي الارض وعيطت ، كل حاجه باظت! 
• عملتي اي مع احمد؟
_ مشي ، مسامحنيش 
• طب وعبدالله ؟
_ عرف اني كنت في المعسكر 
• عرف منين؟ يا دي النيلة ، ربنا ينتقم من الي كان السبب 
_ مشي وراكي بالعربيه لما كنتي جيالي هناك وعرف
• ايدا؟ ربنا ينتقم مني 
_ يستي عادي هي كده كده خربانة 
• متزعليش يمريم
_ انا طول عمري بحلم باليوم دا ، يوم فرحي واني ابقي مبسوطة ، اروح معاه علي البيت ونبدأ حياتنا الجديدة ، علي الحلوة والمرة نبقي سوا ، اليوم قرب بس انا مش مبسوطة! ، كنت دايما اقول هيبقي عامل ازاي؟ يتري هيبقي فيه الحاجات الي انا عوزاها؟ انا لقيته بس انا هتجوز راجل تاني 
• راجل مين؟ احمد ؟
_ ايوة ، انا مش عارفه اعمل اي ، فكرت كتير اهرب بس بابا! بابا مينفعش اخليه يحط راسه في الارض بسببي ، او يتكسف ينزل من البيت ، أنا ماشيه راسي مرفوعة بسبب اني بنته ، مينفعش اردله كل الي عمله معايا بالقسوة دييي
حضنتني * طب بطلي عياط ، هنلاقي حل 
_ معتش حلول يمنة ، خلاص مفيش أمل 
منة فضلت قاعدة معايا ل بليل وبعدين روحت ، نمت وانا مصدعة وصحيت من النوم بصيت في المرايا ، معرفتنيش! دي مش انا! انسانة باهته ، من كتر الحزن الي جواها عنيها بتدمع لوحدها ، انا يمكن عملت حاجات غلط ، بس استاهل كده؟ ابدا والله .
* عبدالله برا عاوزك 
_ حاضر يماما خارجة 
لبست وانا مستسلمة للواقع ، معتش في ايدي حاجه اعملها ، معتش هقاوم زي عوايدي ، انا كنت فاكرة نفسي اقوي بنت في الدنيا ، كنت فاكرة!
_ ازيك يعبدالله؟ عامل اييي
° الحمد لله كويس ، انتي عامله اييي؟
_ الحمد لله ، فطرت؟
° الحمد لله ، عاوزك تلبسي عشان ننزل ننقي الفستان 
_ فستان؟ ، ملوش لزوم 
° لازم تجيبي عشان تلبسيه يوم كتب الكتاب ، قومي افطري وإلبسي 
قومت كلت ولبست ونزلنا ركبنا العربيه وروحنا محل
° اي رأيك في دا؟
_ حلو 
° اختاري انتي علي زوقك لو زوقي مش عاجبك
_ لاء حلو ، نمشي؟
° تعالي عاوز اتكلم معاكي 
خرجنا من المحل وركبنا العربيه
° انا اسف 
_ علي اييي ؟ 
° انا فوقت يمريم وانتي السبب ، بعد ما خرجت من عندك امبارح شوفت نفسي واحد ملوش لازمة ، مبيعملش اييي حاجه ، خلتيني اراجع نفسي ، انا همسك الشغل مكان ابويا ، هشتغل وابقي حاجه ، وهشوف نظرة الاحترام منك ومن ايي حد 
ابتسمت _ انا فرحانة اوي عشانك ، وصدقني عمري ما قصدت اجرحك ، بالعكس انا عارفه انك شخص كويس من جواك ، وإنك في الاول والاخر ابن عمي! ف كان لازم اقولك كده عشان عاوزة مصلحتك 
° وانا كمان عاوز مصلحتك ، عشان كده عندي ليكي مفاجاة
_ مفاجاة اييي؟
° مش هنتجوز 
_بتهزر ، اقسم بالله ؟
ضحك ° للدرجاتي انا وحش؟
_ لاء مش قصدي ، بس لازم..
° نكون بنحب بعض ، عارف ، هنروح البيت دلوقتي عشان اكلم عمي اقوله نلغي كتب الكتاب ، عاوزك تعتبريني بعد كده اخوكي ، لو عوزتي اي حاجه متتردديش تكلميني يمريم 
_ شكرا يعبدالله ، انا بجد مش عارفة اقولك ايي
° متقوليش حاجه ، احنا بقينا صحاب مش كده ؟
_ واكتر كمان 
ساق العربيه وانا الدنيا كلها مش سيعاني من الفرحة ، روحنا البيت وقعدنا مع بابا ، كل حاجه اتفضت بالتراضي بينا ، ورجعت لحياتي القديمة ، بس مفيهاش احمد! ، وحشني اوي ، نفسي اشوفه واتكلم معاه زي زمان .
• الملفات دييي لازم تتسلم النهارده يمريم ، ورينا الهمة 
_ حاضر يفندم 
رجعت للشركة ، بحاول ابذل فيها جهد كبير يمكن يبقالي مكان فيها 
° لو سمحتي ، ممكن ادخل للمدير دلوقتي ؟
_ هو عنده اجتماع دلوقتي ، ممكن تستنيه لحد ما يخلص 
° انتي بتشتغلي هنا؟
_ ايوة ، انتي جايه تعملي انترفيو صح؟
° ايوة ، سارة 
_ مريم وإن شاء الله تتقبلي وتبقي معانا 
= سارة ، ها خلصتي؟
بصيت ورايا لقيته ، كان هو! ، هو انا بحلم ولا اي يرجالة؟
° لا يا احمد لسه مدخلتش ، اه اعرفك مريم ، احمد خطيبي 
= اهلا وسهلا 
_ اهلا  
• ها يمريم خلصتي ؟ 
_ ايوة يعبدالله ، ثواني هجيب شنطتي
• احمد مش كده؟ 
= أيوة ، ازيك يعبد الله
• بخير الحمد لله ، فرصه سعيدة 
عبدالله بيفوت عليا ساعات عشان يوصلني ومتبهدلش في المواصلات ، بقي اكتر من اخ ليا .
• بقولك يمريوم
_ ارغي 
• هي الي كانت مع احمد دي اخته؟
_ لا خطيبته 
• يا دي النيلة علي الحظ الهباب 
_ بطل عينك الزايغة دييي بقي
طول الطريق بفتكره ، لأول مرة اشوفه بس مكنش فرحانة ، خلاص شكله اتقبلها انها تنفع مراته .
_ اتقبلتي ؟
° أيوة الحمد لله
_مبروك يسارة 
° حبيبتي يمريم ، شكلنا هنبقي صحاب
_ اكيد طبعا ، تاكلي؟  يومي النهارده طويل ف قولت اجيب الغدا معايا ، اتفضلي 
كلنا سوا ، كانت لطيفه ، طيبه زي ما قال عليها ، فونها رن ف ردت 
= خلصتي؟
° ايوة ، أنت خلصت في القسم؟
= ايوة انا قربت منك اهو هاجي اوصلك 
قفلت وبصتلي ° هو انا ينفع اخد رأيك في حاجه؟
_ اكيد ، قولي 
° هو ينفع اتنين يتجوزوا لمجرد إن اهلهم عاوزين كده؟
_ امبارح ابن عمي الي كان جاي يوصلني ، كنا هنتجوز بس قولنا في الاخر لاء ، المهم تكونوا بتحبوا بعض 
° انا بحبه وهو بيحبني بس ك اخوات فاهمة 
ابتسمت وقلبي ارتاح ، خدت نفس طويل وطلعته ب الراحة
_ انا قولت من الاول بلاها الجوازة دي ، جوازة القرايب بتجيب عيال متخلفة واحنا مش ناقصين!
قامت من قدامي وهي بصاله ° يعني؟
_ هقول ل ابويا وعمي اننا متفقناش 
كانت مبسوطة ، زي فرحتي لما عبدالله قالي اننا مش هنتجوز .
= ممكن يسارة تسبينا لوحدنا شويه؟
° ثواني! انتوا تعرفوا بعض ؟
= اه
_ لاء
= بطلي كدب بقي يخربيت دماغك! ، هبقي اقولك الحوار كله بس هوينا دلوقتي
° ماشي يعم الله يسهله 
قعد قدامي = عاملة ايي؟
_ انا مشغولة ولازم اخلص الورق دا و..
جيت اقوم مسك أيدي وقعدني تاني
= عاوز اتكلم معاكي 
_.. 
= انا مصدقك في الكلام الي قولتيه لما كنت عندك ، يمكن تصرفك كان متهور بس عجبتيني الصراحة
_ انت قليل الادب!
= انتي يحبيبتي مبتفهميش؟ دي حاجة حلوة ، بقولك اي متتكلميش تاني لحد ما اخلص كلام
_ يعني اي متكلميش دي ؟
طلع مسدس من جيبه وحطه قدامي 
= يعني مسمعش صوتك
_ لاء بس احلي حاجه فيك انك عمرك مستغليت منصبك ودوست علي عامة الشعب
= انا يبني؟ ابدا عمري 
ضحكنا احنا الاتنين لما افتكرنا ايام المعسكر 
= مش عارف دلوقتي اقول وحشتيني ولا وحشني ولا اي؟
_ حاكم احنا في مكان شغل!
= طب خلصي عشان نروح البيت 
_ بيت اي؟ انت قليل الادب!
= يمتخلفه بيتكم ازور باباكي 
_ تزور بابا ؟ هو عيان؟
مسك المسدس وحطه علي دماغي 
= هدشمل راسك بيه لو مبطلطيش عبط
_ طب اهدي اهدي 
خلصت شغل ومشي مع سارة عشان يخلصوا موضوعهم ، رن عليا 
= الموضوع متعقد خالص!
_ مرضوش صح؟
= ابويا شوح ب أيده يعني الموضوع منهي 
_ اه ، طيب 
= طيب؟ بالرغم ان انتي بياعة بس جايلك مع ابويا 
_ ايدا هو وافق ؟
= يبنتي مينفعش في عيلتنا الجواز غصب ، خطوبة غصب اوكاي ، لكن الجواز مفيهوش هزار 
_ طب اقفل بدل ما ازعلك 
بعدها بساعة كان عندنا ، مش مصدقه أنه قاعد مع بابا برا! ، الاوضه مكنتش تساع اجنحتي ، ينفع اطلع السطح؟
طلعت قعدت معاه بعد ما ماما ندهتلي عشان نقعد مع بعض 
= هو انتي هتعملي مكسوفة؟ دا انتي عملتي راجل ودخلتي معسكر وضربتي نار وزحفتي وطلع عين الي جابوكي ، جايه تتكسفي دلوقتي؟
_ طب اهدي ينجم شويه 
= ايوة كده ، لكن تيجي حاطة وشك علي الارض ؟ فيك اوييي الصراحة
_ اممم ، وبعدين يعني؟
= فاكرة لما قولتلك في المعسكر اني عاوز مراتي حيطة تسد في اي حاجه ، انتي حيطة يمريم 
_ بقولك ايي متحاولش تبقي رومانسي تاني عشان بتقلب معاك ب عبط
= يستي لاء قايل قدامك اني هعامل مراتي حلو
_ مهو باين مش محتاج تتكلم يحبيب اخوك 
= انا بحبك يمريم 
_ اي؟
= الست ايام بتوع المعسكر مكنش ليهم لازمه من غيرك ، لما خلصت كنت بقعد افكر فيكي وفي ايامنا سوا ، لما قولتلك لازم اتجوز واحدة بحبها عشان اي حاجه غلط هتعملها بمجرد ما نقعد مع بعض وتعملي أكلة حلوة وتضحك في وشي هسامحها
_ الاه دا انا طلعت جامدة بقي 
= بكلمك بجد ، مش هتعمليلي مكرونة بشاميل تاني خالص؟
ضحكنا وقرينا فاتحة البيت اتملي زغاريط ، وسط فرحة اهلنا وعبدالله وسارة الي كانوا فرحانين لينا اوييي ، بس احلي حاجه في احمد أنه مكنش خنيق  
_ يعني اي هو الي يوصلك؟
= يا احمد بقولك عبدالله اخويا ، شغله قريب من الشركة ف بيعدي عليا يوصلني 
_ مخطوبة ل قرطاس لب سوبر ولا ايي؟
= طب منتا بتوصل سارة كنت فتحت بوقي؟
_ طب متفتحي بوقك انتي مبتتكلميش لي؟
= ايدا ايدا ، عاوزني اغير عليك يكوكو؟
_ لو متظبطيش هقلبنا ب العربيه انتي حرة 
مكنش خنيق خالص بجد ما شاء الله عليه .
_ متخلص يعم روميو! هي طالعة من الشركة دلوقتي
° يعني لو روحت قولتلها انا معجب بيكي وعاوز اتقدملك عادي؟
_ يعبدالله والله عادي هو انت بتشتمها؟
= متخلص يعم ، دا انت لو مكنتش هتدخل البيت من بيته كان زماني مرجحتك 
_ اهدي يالا متزعقش ل ابن عمي! 
= يجماعه سارة تقيلة مش هتوافق بسرعة ، انت هتحاول كتير ونفسك هيتقطع و..
° سارة ، انا معجب بيكي وعاوز اجي اكلم باباكي ، موافقة؟
كان مقدملها خاتم خدته وهي بتضحك * طبعا موافقه
_ لا بس سارة تقيلة فعلا!
عبدالله خطب سارة ، الدنيا بدأت تضحك تاني ، مع واحد زي احمد ، وسارة الي لقت الحب مع عبدالله .
= زودي البشاميل 
_ انا مش عارفة انت واقفلي في المطبخ لي!
= حطي شويه جبن حلوين اوعي تستخسري في خطيبك حبيبك حاجه 
_ حاضر يحبيبي ، اطلع برا بقي 
= قبل مطلع بس 
_ اي تاني؟
= شكلك حلو اوييي بمريلة المطبخ ، لاء بس تستاهلي الضجة الي عاملها قلبي عشانك 
_ احمد! انت بتسبل وبتقول كلام حلو؟ دا انت اتطورت اوييي!
= الحب وعاميله ، كنت بشوح ب أيدي كده واقول مستحيل تيجي الي توقعني انا واد تقيل ، بس التقل في عليتنا زي ما شوفتي سارة كده 
ضحكت وانا بحط الجبن علي الوش _ كده كفايه؟
= عقبال ما تعمليها في بيتنا 
_ انا كده هقضي حياتي كلها اعمل مكرونة! مفيش حاجة تانيه نفسك فيها؟
= نفسي نتجوز والله
• بتقول حاجه يا احمد؟ 
_ منور يعمي والله ، هو ينفع نكتب الكتاب قريب؟ 
وكتبنا الكتاب ، كانت اجمل لحظة في حياتي ، وانا شيفاه ببدلة شيك ، شعره المترتب ، ضحكته وهو باصصلي ، فرحته بيا ، دا هو دا الراجل الي اتمنيته والله عرفت اختار .
_ انت بتعمل اي يسطا؟
= مش المفروض احضنك ؟ حضن كتب الكتاب ونتأثر وتعيطي وكده؟
_ طب اقف مكانك ، تحضن مين! بجد انت قليل الادب!
= هو انتي كنت ضاربه حاجه والمأذون هنا ولا اي؟ انا بقيت جوزك 
_ واتيفر 
= ماشي يمريم ، لينا بيت نتكلم فيه 
واتجوزنا ، وبقيت مع الراجل الاول والوحيد في قلبي .
=زودي البشاميل 
_ انا مش عارفة انت واقفلي في المطبخ لي!
= حطي شويه جبن حلوين اوعي تستخسري في جوزك حبيبك حاجه 
_ حاضر يحبيبي ، اطلع برا بقي 
= يبنتي انتي بتعامليني كده لي ؟ حاكم انا ظابط 
_ لاء بس احلي حاجه فيك انك عمرك ما استغليت منصبك ودوست علي عامة الشعب 
= انا يبني؟ ابدا عمري 
_ طب شيل الحلو حطه علي السفرة 
شالني ف اتخضيت وصوتت _ انت بتعمل اي يا احمد؟
= الاه مش قولتي شيل الحلو!!
تمت بحمدلله
تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -